الموضوع: تقريري المصور في شاليه سيشل

السلام عليكم ورحمه الله وبركاته

شلونكم شخباركم

انا حاليا موجود في شاليه سيشل الجليعة ,, حاجزين من 27/8 الى 29

تقريري راح يكون عباره عن صور فقط و معلومات سريعة


(( جولة سريعة ))


































يتــبع .. بعد مماشوف الردود:surf

مواضيع عشوائيه ممكن تكون تعجبك اخترناها لك:

• ان شاء الله جاي الكويت محتاج مساعده الأخوه كويتيين
• أفضل معهد لتنظيف البشرة
• استفسار عن شراء سيارة من الكويت وتحويلها للسعودية
• ××× تراس للشقق الفندقيه بالصور×××
• استفسار عن عرض المسرحيات نهايه ابريل
• ياأهل الكويت السلام عليكم ورحمة الله
• اخوكم فهد من السعوديهوطالب فزعة اهل الكويت
• ابي اشحن سيارتي ؟
• بيت الكويتي
• حجه
• ياهل الكويت حابه استفسر
• جمعت أسامي الأماكن الي ابي اروح لها بس شوفوها وزيدوني أذا فيه زياده
• سوق الصرافين وحاجه غريبه
• سوق السالمية المفتوح سوق السالمية إستفسارات
• صور زيارتي لمجمع البيرق
• مسلسل فر يج
• ياحبايبنا وين شقق ريجنسي الي جنب المارينا
• جاية للكويت في العيد وابي فزعتكم
• «الوطنية» تضيف المزيد من الرحلات تلبية للطلب المرتفع في عيدي «الوطني والتحرير»
• الشقق الفندقية أيهما أفضل

تسلم الايادي على الصور الحلوه

الف شكر

في صورة ماتشتغل ؟؟
ودنا معلومات عن المكان ككل .....من خدمات , مطاعم , مسابح , ألعاب البحر ....الخ
الله يسهل دربكم

تسلم على اللقطات الجميلة و لكن ينقصها بعض المعلومات عن المطاعم و الوسائل الترفيهيه
شكرا على بذل المجهود الحالي

معلومات جميلة
وناطرين المعلومات الاجمل
والاسعار المغرية

ماشاءالله الصور وايد حلوين بس
ناطرين باقي التقرير....بشووووووق

:113:يعطيك العافيه على الصور
بس عندي سوأل اذا ممكن تجاوبني عليه
الحين شهر رمضان في ناس حاجزين في الشاليه ؟

الله يرحم والديك شنو الي حادك تسكن باشالية في رمضان انطر العيد احسن انا لو بلاش يمكن اتردد
الواحد في رمضان وده في بيته مع عيالة و يروح للمسجد للصلات و الزيارات الخ ونت بالسيشل المهم عبر لنا عن وجهت نظرك و عن المنتجع بطق فرة و راجعلك و ليش في هذا الوقت في رمضان

مشكوووور على الصور الحلوه

صور حلوة كبداية وانا بصراحة كنت في هذا المنتج الحلو وجميل صج انه صغير بس مناسب
وبانتظار تكملة التقرير

حلوين الصور


بانتظار الباقي


بس اتوقع المنتجع فاااضي صح :114::114:


تحياتي لك

يسلمو على المرور ..
هذه الصور اللي ماتطلع ..

كلامكم صحيح المنتجع مافيه زحمه وايد .. و يمكن يكون هالشي ايجابي ويمكن يكون سلبي على حسب ميول الشخص

بس أوقات الفطور و السحور المطاعم تنترس .. و الزحمه تكون ورا الفطور .. لي فترة السحور .. اجواء حلوة على البحر

و فيه عايلات و اطفال بس ( مافيه ازعاج ) و كانت رحلة حلوة ..

على العموم هذي عروضهم في رمضان

شاليه عنبر دور أرضي 2 غرفة نوم 70 دينار في الليلة .. (( 6 اشخاص ))
شاليه عنبر دور أول 2 غرفة نوم 60 دينار في الليلة .. (( 6 اشخاص ))
شاليه محار 3 غرف نوم 90 دينار في الليلة .. (( 8 اشخاص ))
شاليه مرجان 3 غرف نوم 100 دينار في الليلة (( 8 اشخاص ))
شاليه جود 4 غرف نوم 125 دينار في الليلة (( 10 اشخاص ))
شاليه امواج او فيروز مطل على البحر 4 غرف نوم 140 دينار في الليلة (( 10 اشخاص ))
غرفة ديلوكس ابتداء من 35 دينار في اليلة .. ( 3 اشخاص )

بما أن احنا 5 أشخاص حجزنا
شاليه عنبر دور أرضي 2 غرفة نوم 70 دينار في الليلة .. (( 6 اشخاص ))

يحتوي الشاليه على غرفتين نوم .. و حمامين (يكرم السامع) و مطبخ .. و صالة و بلكونة

و حجزنا كان من يوم الخميس الى يوم السبت ..
الدخول الساعه 3 العصر .. الخروج المفروض 12 الظهر بس لأنه مافيه وايد ناس .. فقعدنا لي 3 ونص

طبعا الأسعار تشمل .. بوفية فطور و سحور بمطعم أفينو
و على البحر يبيعون صاج و شاورما .. بليل حلوووة .. و المنتجع فيه 3 مطاعم بشكل عام
1- مطعم افينو اللي فيه بوفيه الفطور و السحور .
2- مطعم سيشل على البحر .
3- كافيه جازيبو .
و خدمة توصيل الطعام للشاليه 24 ساعه ..

الترفيه في الشاليه
1- حمام السباحة مفتوح 24 ساعه .. لكن السيكورتي بس لي الساعة 10 بليل .
2- حمام سباحة خاص للنساء .. غير مكشوف .. ماعندي علم عنه .
3- اندرغراوند ( مركز ترفيهي للأطفال و الكبار )
4- شاطئ مع العاب مائية .. بانانا .. دونتس .. جتسكي وغيرها طبعا الألعاب المائية من 9 الصبح الى 6 المغرب
5- نادي للأطفال .
6- نادي صحي حديد و اجهزة مشي .
7- سوبرماركت صغير .
8- إنترنت في الشاليه ( تطلب منهم الكيبل ) ببلاش طبعا .


طبعا فيه مركز سلطان و كوستا كوفي بس خارج الشاليه .. عند شاليهات الخليفة بس مو بعيد وايد .

الأمن بالشاليه متوافر 24 ساعه ..
و التنظيف يومي
وللأمانة خدمتهم حلوة .. يعني اي شي تبيه اييبولك ياه من فوط .. شراشف .. مخاد .. سلة فواكه .. جرايد
بس أرجو أنكم تنتبهون على التلفون لأنه كل مكالمة بـ 150 فلس




انطباعي عن الشاليه حلو حق عطلة الويك إند و هادي في رمضان يعني تاخذ راحتك على الآخر
و طبعاً احنا نكون برا الشاليه من الفطور الى السحور فبالعكس الأجواء حلوة ..

راح ازودكم بباقي الصور و الفيديوات بس اشوف الردود

يسلموااا على التقرير الروووعة

وتسلم الأيادي على الصور الروووعة

مرررررررره حلوو
الله يعطيك العافيه

يعطيك العافيه على الصور

حدك رايق يالاخوو شاليه في رمضان !!!!!

ميرسي


خوش تقرير يا فهد ..

وسبق ان رحت لهذا المنتجع وسويت تقرير فيه

الف شكر وعساك ذخر لبوابتنا ..

تسلم على هالتقرير والصور

ياريت ارقام تليفونات المنتجع

السلام عليكم
الحقيقه اخوي فهد
حبيت فكره رمضان في الشاليه على البحر
لانك تكون لك ذكريات مختلفه عن الروتينيات الي متعودين عليها
في رمضان (مسلسلات, زيارات, اسواق, مطاعم...الخ)
شي مره حلو . اما الصلاه و العباده فهي ممكن تكون في كل مكان و التراويح في كل المساجد الحمد لله
متعك الله بالصحه و اتم عليك شهر رمضان
و نبي باقي الصور الله يعطيك العافيه

منورين جميعا على فكرة فيه مسجد هناك

انشالله اليوم اكمل التقرير واختمه

مشكور أخوي والله يعطيك العافية

على التقرير الرووووعة

وتسلم إيدك على التصوير هم الروووعة

الله يعطيك العافية بس تتوقع حق العيد في حجز وناقص في تقريرك الجميل رقم التليفون للأستفسار والحجز

شكراااا اخوي
بس ما عندك فكره اذا يصير نروح المنتجع بس ما اناجر يعني نروح عقب المغرب ونرجع بالليل يعني زياره نفس طريفة الخيران ولا لازم نكون حاجزين شاليه؟؟

وشكووووووووووووووووووورة

الله يعطيك العافية على التقرير الحلو
عندي بعض الاستفسارات
وين موقعه وكم يبعد عن وسط الكويت العاصمه
كم رقم التلفون او اي طريقة اخرى للحجز
كم تقريبا اسعاره بالعيد

وناسه
فكره حلوه برمضان تروحون

يعطيك الف عافيه ^ . ^




* بعض الردود يقولون شاليه برمضان!
اشعليه يعني ؟ شنو حرام ؟
عادي اكو مسايد يم الشاليهات :\

مشكووووووووور وايد

السلام عليكم ورحمة الله وبركاته

حقيقة شاليه جميل، والكويت ما شاء الله مشهورة بالشاليهات الجذابة، لك مني أجمل تحية، والسلام عليكم ورحمة الله وبركاته.

أخوكم في الإسلام

طبعا استغرب من بعض الردود عن ليش شاليه برمضان؟؟

ليش شنو انطباعكم عن الشاليه ؟؟؟

بالعكس هو مكان لتغير مكانكم الروتيني بالبيت

لا اكثر .....

وهناك في مساجد كثيره .. واللي يصلي ويعبد ربه في كل حزه

مو بس برمضان ؟؟؟ ورب رمضان رب كل الشهور ..

هذا راايي ..

وبانتظار تكملة تقريرك يا فهد ..

يعطيك العافيه اخوى فهد
وين التقرير كمل كمل ونحن متابعين

وااااااى وش هالتحطيم

يعطيك العافية

الله يعطيك العافيه