الموضوع: يا أهل الكويت وش احسن محل يفصل ثياب كويتية؟

السلام عليكم،،

أخوكم طاح في الثياب الكويتية ووده يسأل عن أحسن محل يفصل ثياب كويتية، انا ان شاء الله مسافر الكويت اليوم
وياليت موقعه لو سمحتو وكم أسعار التفصيل بالعادة وكم يوم يحتاج عادة للتفصيل ؟

دمتم بود،،،

مواضيع عشوائيه ممكن تكون تعجبك اخترناها لك:

• اقرب مراكز صيانة سيارات في السالمية
• هل الوقت مناسب نجي الكويت
• الفزعة ياهل الكويت
• استفسار لا تبخلون بالرد علينا
• بنات الكويت لووسمحتوا
• سؤال بسيط لكن مهم جدا
• استفسار
• ملابس الحجاب
• ارقام الفنادق في الكو يت
• محتاج معلومات عن بعض المولات
• استفسار عن منطقة رحال و عدد من المساجد
• فندق ملاصق لمول جدول بسيط
• تقريري البسيط عن رحلتي القصيرة للكويت
• ابي فزعتكم ياهل العز
• هل تتوقف المسرحيات في يناير؟
• أول زيارة لي إلى الكويت
• المــديــنـــة الــتــرفــيـــهـيـه
• شباب عطوني رايكم بمشروع هذا فيديو
• فندق ايبيس السالمية
• ضروري لزوار الكويت بالسيارات؟؟؟

اولا مرحبابك بالكويت بديرتك الثانيه


شوف في احسن مكان تفصيل اثياب عندك بالعاصمه منطقة شرق المقص الذهبي هذا مقابل سوق شرق بس صاير شارع داخلي


وعندك خياطين شرق كلهم او خياطين العاصمه كلهم زينين وعندك خياطين منطقة فحيحيل خياط اوكسجين خياطين فحيحيل مقابل سوق بازار معروف سوق كله خياطين


اسعار الخياطين إذا من عندهم الخامه يطلع عليك اكثر شي 10 دنانير بس تكاسرهم توصله الي 8 دنانير

ولو حاب تشتري خام احسن مكان مجمع البلوكات الي بالعاصمه

احسن الخامات


اتمنى اني قد افدتك

مدة التفصيل بعضهم يخلصها لك بيوم وبعضهم بـ 3 ساعات تاخذ الدشداشة

وياخذون من 5 لين 8 دينار اجرة يد ، لكن خذ شغل عدل وتعامل راقي

وانصحك تاخذ الخام بنفسك من سوق البلوكات بالقرب من المباركية ، فيه محل سرابيل ، والاختيار ، واجواخ ابوالحسن
وكاكولي بعض خاماتهم حلوه والبعض يحسسك انك بتنور من الحرارة

أفضل الخياطين عن تجربة :

خياط المشاهير بالبلوكات 0096522491451

خياط بخش بالفروانية 009654716197

ياليت تعدلون الأرقام بعد فتح الخط الدولي للنظام الجديد لأرقام الكويت

خياط ملك الشياكة بالفروانية خلف مجمع مناور 009654740444

خياط ضياء الصالحية خلف كنكوز بشارع فهد السالم 0096522432025


أما الخام أشتريه من كذا محل وهذه أفضلهم :

اجواخ ابو الحسن

سرابــيل

بيت الامراء

فاروق زماني

عبدالرضا كاكولي

فن الابتكار

يعطيكم العافيةhttp://www.arabtravelersforum.com/user276964/ و http://www.arabtravelersforum.com/user111330/ و http://www.arabtravelersforum.com/user167619/ ..

انا وصلت للكويت وما امداني افتح النت .. لكن ان شاء الله استفيد من هالمعلومات للمرة الجاية..

دمتم بود،،

هل نزلت خامات الملابس الشتويه

المشاركة الأصلية كتبت بواسطة pa-77
http://www.arabtravelersforum.com/tr...0/#post3367924

هل نزلت خامات الملابس الشتويه



تو الناس يامعود ، على نهاية نوفمبر بعض المحلات تنزل خاماتها ومن نص ديسمبر كل المحلات نزلت بضايعها ، والحين ماكو إلا الاستوكات القديمة مالت السنة اللي طافت