الموضوع: معهد كنيدي كريجر مستشفي جون هوبكنز

السلام عليكم ورحمة الله وبركاتة

اخواني عامه
واخواني خاصة / جلوي ، بنت الصقور ، ابو فارس killer

انا ان شاء الله رايح بالتيمور وانا من اخواني الثلاثة استفدت الكثير الكثير لكن من طلع من دارة قل مقدارة
اذا كان فيه احد من اخوانا الاعضاء موجودين هناك يفيدوني اكثر

انا طالب مساعدتكم بخصوص حجز الشقق فيه اماكن حظوها اخواني الثلاثة وفيهم الغالي وفيهم الرخيص لكن كل انسان يطمع بالمناسب له وبالنسبة للفنادق لأول الايام واهم شئ يكونون قريبين من المستشفي

وشنو الوضع بمعهد كيندي كريجر

ولكم الاجر

ونسأل السميع العليم ان يشفي مرضانا ومرضاكم وان يشفي جوري وردت ابو فارس

اخوكم / vip.kw

مواضيع عشوائيه ممكن تكون تعجبك اخترناها لك:

• استفسارات عن تفتيش الاجهزة الالكترونيه في الولايات المتحده
• اميركا افضل في شهر او ؟
• الفيزا السياحية ؟؟؟؟؟
• مساعده لله من جميع الاعضاء عامة ومن خبراء امريكا خاصة
• سؤال عن نموذج
• السفر للسودان هل عائق لأخذ الفيزا
• ماهي اقرب مدينة لنيويورك
• الاماكن السياحية في ولاية تكساس
• بشتري التذكرة وبحجز سكن وابي رايكم مساعده ياهل الخير
• اخي امباكت واخواني العرب المسافرين هل هذة تعتبر موافقة من القنصل ولا لا؟؟
• هل يوجد قطار بين لاس فيقاس وسان ديقو؟؟
• مفيز من العام الماضي وجاني مولود جديد ؟؟
• يا شباب لحقو علي
• استفسار بخصوص المبالغ المسموح بها لعائله
• الولايات المتحدة الامريكية من الأف الى الياء
• وجهة نظري عن زيارتي لهيرشي نوفمبر
• أهم الأسألة داخل مطار نيويورك
• من شيكاغــــو
• كيف افتح بريد في امريكا
• اسالكم النصيحة بخصوص اعاصير تكساس

وين الاخوان الخبيرين بامريكا مافيه ولا رد علي علي

هلا اخوي vip.kw ...

شلون ممكن نخدمك ؟ بخصوص السكن شنو السعر المناسب لك ؟ هل تبي قريب من المستشفى أو بعيد ,, تبي تجمعات عرب ولا لا ؟

و بخصوص كنيدي كريجر شنو تبي تعرف عنه ؟؟ هذا مستشفى الأطفال التابع لهوبكنز و لاصق فيه ...

هلا اختي بنت الصقور

ماقصرتي علي ردج وانا ادري انه عندج خبرة كبيرة عن الديرة ابي سكن يكون قريب من المستشفي ويكون سعره مناسب
وابي فندق حق اول الايام ويكون هم قريب
وياليت تكتبيلي اسمائهم بالانجليزي عشان ابحث عنهم
والله يابنت الصقور عندي استفسارت كثيرة لكن للأسف نسيتهم الحين

اخوج / vip.kw

اختي ابشرج الفيزا اخلصة
والظاهر مافيه احد قدامنا ونبي نجي والديرة بارده ولا اعرف عنوان فندق قريب من المستشفي ولا اعرف رقم الانترناشونال
وابي اعرف اماكن شقق مفروشة وعناوينهم لان شغلي الحين والمعلومات الي جمعتها من النت مو كثيرة ياليت تفيديني اكثر ولاخوان العضاء بعد لا تقصرون معانا لان الوقت ضيق

رقم الانترناشيونال 0014106144108

و الشقق السكنية عند http://www.chasestreetproperties.com/

و الفندق http://www.marriott.com/hotels/trave...-inner-harbor/ الشقق السكنيه محاطه بالفندق و راح تشوف الخليجيين في المنطقه ...

مشكور بنت الصقور

اختي بنت الصقور
هل هذا الموقع صحيح وبعده عن المستشفي
[IMG]http://www.pc4up.com/[/IMG]
وكم سعره واشلون طريقتة الدفع شهرية ولا اكثر

اخوي في اي بي .... السكن قريب من المستشفى .. و الدفع تبي اسبوعي أو شهري أو كل اسبوعين على راحتك يعني ... بس كل ما تطول المده يكون افضل .. الآن سعر الشتاء و الشقق ارخص عكس الصيف .. أهم شي السكن نظيف و امان جدا و كل شي حولك من مطاعم عربيه و سوبرماركت و سينما و محلات تجاريه بسيطه ... و الأهم ما تحس انك بغربه لأنه الشتا كئيب و اذا ماكو عرب او احد يرد عليك الصوت تزيد الكأبه ... السعر يعتمد على كم غرفه تبي .. الغرفه + صاله في حدود 3000 $ في الشهر و الغرفتين 3800$ لغرفتين ... كامله من مجاميعه ...

بنت الصقور اعتقد انه علي حسب ماتابعت الاخوان بالمنتدي انه غالي جدا وبالنسبة لامريكا والله يستر من الاحداث الي صايرة عندهم الحين لا تتطور اكثر وتصير الديرة كأيبة جدا

هلا اخوي في اي بي..سمعت انك تبا معلومات عن بالتيمور فالك طيب انا سجلت مخصوصا لك..شوف اخوي انا راجع من بالتيمور بالعشر الاواخر..يعني فررش ع قولتهم .. تبا اي مساعده فالك طيب امر بس وانا عندي جميع العناوين اللي ممكن انك تحتاجها سواء البقالات العربية (كوكو والقدس والمغربية والبنجابي) او المولات القريبة او حتى اسامي التكاسي العرب اللي ممكن يساعدوونك هناك..
بنصحك نصيحه..اذا كان علاجكم مطول ومريضكم احتمال ينااام فترة بالمستشفى احسن لكم تكونون بالمنطقه اللي علمتك عنها اختنا بنت الصقور لانها اقرب وغلطان انا كنت فيها 4 شهور وفيها امااان منو قالك مب اااامنه؟؟؟ وفيها عرب والجمعية تحتك مباشرة سواء سكنت فالسبينكر باي او البرومينيد او حتى الايدين اللي فيها شقق لواحد فلسطيني اسمه عامر بس ماانصحك لانه لاعب بالعرب لعبة في الاسعار..انصحك على chase street هناك بارني او لورين واسعارهم بتنزل فالشتا..انا كنت ماخذ شقه غرفتين وكبيرة حيل ومطله عالحديقه الداخلية "عن الازعاج"ب3800$ وقالي بنزلها لو اطولون بس نحن خلص علاجنا ورحنا..

عالعموم اخوي تبي اي سؤال اسال انا حاضر وفي الشوفه اجاوبك ع كل شي..

اخوك..شيخ بالتيمور

اخوي شيخ يالشيخ

الف الف حمد لله علي سلامتكم وشفا الله مرضانا ومرضاكم

مشكور علي تسجيلك عشاني ولكن ابي اقولك انك كسبت خوش منتدي واهما بعد كسبوك

واقسام العلاج بالخارج اذا ماتستفيد تفيد وتكسب اجر علي مساعدتك الناس والله يجعلك من اهل الخير

اخوي انا ماختلف معي اختي بنت الصقور علي المكان الي وصتني فيه وانا حالين قاعد اكلم Lorraine Jacobs‏ الي اهي مسواله عن الحجز علي ماتقد واهي الي قاعده تراسلني

اسألتي كثيرة وابي اتعبك معاي فيها اذا تسمحلي :

اولا احب اوضحلك انه السعر الي تقوله مبالغ فيه ومبلغ كبير واستقلال علي ماعتقد

انا كلمتها تقولي الاخت انه الاستديو 90 $ اي 2700$ بالشهر وانا ابي غرفة وصالة كم تعتقد يطلع علي

بالنسبة لعلاج الولد الله واعلم علي المده حتي الان مادري كم المده الي راح نقعدها

- ابي اعرف منك فيه عرب واجد موجودين هناك بالوقت الحالي ؟ لانهم راح يفيدوني كثير
- واذا كان الولد مو متنوم بالمستشفي وين تفضل اني اسكن ؟
- شلون الاسعار هل المدينه غالية انا سمعت انها غالية بالنسبة للولايات الثانية ؟
-

مرحبا اخوي ..

بالنسبة للسكن انصحك نصيحة اخ ابعد عن الداون تاون وبالتيمور كلها

انت اسكن في مدينة تبع 15 دقيقة عن المستشفى ووفر مبلغ وحطه في ايجار سيارة

اما انك تاخد سكن قريب من المستشفى ولا عندك سيارة راح تطفش لان المنطقة تحتاج سيارة .

شوف في عدة خيارات :

منطقة اونقز ميل ميزتها ( اكثر العرب مجتمعين في المنطقة السكن يختلف لو غرفة او غرفتين ومؤثث او غير )
في عمارتين في اونقز ميل تاجر لك شهري ومؤثث وبسعر مقعول .
في عمارة في وايت مارش تبعد 20 دقيقة عن المستشفى تقريبا مؤثثة وتاجر شهري .

في مجمعات كثير في منطقة تاوسن تاجر 6 اشهر بسعر معقول جدا ( من 800 - 1200 ) غير مؤثثة ممكن تستاجر اثاث وممكن تشتري شي يمشي الحال حق فترة مؤقته .

في مناطق حلوة مرة اقل ما تعطيها 5 نجوم عبارة عن شقة ارضية بقراش سيارة وغسالة ونشافة وحديقة جميلة ومجمع كل سكانه راقين بحدود 1400 - 1600 غير مؤثث .

الخيارات وانا اخوك كثير تعتمد على الشخص وكم المدة التقريبية لجلوسه في بالتيمور .

انت حط الاختيار المناسب وراح ندلك على الموجود ونقدم لك نصيحه من خلال خبرة .

اتمنى لك التوفيق
وفي امان الكريم

مرحبا اخوي killer kiss

هذي والله الساعة المباركه الي سمعنا فيها اخبار جوري وعساها باحسن حال دوم يارب

غرقتني بجماليلك
ابي اعرف انت للحين موجود ب بالتيمور ؟

ابي اعرف عن العمارتين في اونقز ميل تاجر شهري ومؤثث . كم سعرها ؟

وفي وايت مارش . كم سعرها ؟

واذا كان فيه سايتات لهم او عنوانهم بالانجليزي

وبالنسبة للفايف ستار اذا انتا مو موجود للأسف ماراح اقدر اوصلهم علي حسب اعتقاد

والله اني مادري شنو اقولك ولا اشلون اعبرلك عن سعاتي لانك كتبتلي بموضوعي يابو فارس

مرحبا اخوي انا موجود في تاوسن

واي خدمة تحت امرك .

بالنسبة لايجار الشقق اللي في اويقنر ميل اللي فيها اكثر العرب تاجر بالشهر وبثلاث اشهر

وممكن تاخد من عندهم اثاث جديد وممكن تاخد من غيرهم .

بالنسبة للشركة اللي تاجر شهري باذن الله راح امر الشقق حقتهم واشوفها


في حاجة كويسة اليومين هذه

السوق الامريكي طايح وايجار الشقق اللي شركاتها في السوق نازل مرة .

مثلا شقق كانت بحوالي 2200 دولار قبل 3 اشهر الان 1400

يعني الاسعار تختلف كل يوم .

لو انت جاي حدد موعد قدومك وباذن الله انت بنفسك تمر على المجمعات في يوم واحد وتقرر الانسب لك

بالتوفيق
وفي امان الله

ابو فارس

اليوم جاني اتصال من الصحة ضيق خلقي والله مادري شنو اسوي

قالولي انه الموعد وصل وهو تاريخ 9 / 2 / 2009 والقرار ينتهي شهر 12 لزم ياتغير المستشفي اذا بتروح قريب رديت حق دكتورتة وقالت مانصحك تروح لمستشفي ثاني ودزتني علي المدير وقالي نفس الحجي ورحت لصحة وسويت كتاب تجديد قرار ويقولن اذا جبت موعد قريب نسوية لك وتروح علي موعدك

وقف شعر راسي ومادري ادق علي الانترناشيونال يمكن يفيدوني بتقريب الموعد لانه الولد حالته مو نفس اول والحمد لله علي كل حال

او اكلم احد بالسفارة او شنو اسوي
اذا تقدر تفيدني شور علي ياخوك

اخوي اذا تعرف احد في السفاره كلمه يقربلك الموعد .. لأنه المستشفى ما يخطي خطوه بدون موافقة السفاره ... أو اذا عندك اسم الدكتور تقدر تدق على العياده و تكلم سكرتيرة الدكتور ... بس الأسرع اذا تعرف احد في السفاره ... و الله ايسر اموركم ان شالله و توصلون بالسلامه ...

السلام عليكم

اسف على التاخير ولكن الاخوان ما تركوا لي مجال اتكلم وفوا وكفوا
ولكن اضافه بسيطه بخصوص الموعد
اتصل علي الانترناشيونال واطلب تلفون احمد دعيبس ودق عليه كذا مره تري ما يرد من اول مره
والح عليه يدبر لك موعد تراه شقردي
ولما توصل هناك اوصيك علي المترجم اسمه ماركوس مصري ممتاز راح يريحك
وسلم علي محسن بركه

مرحبا اخوي ..

ترى الامر سهل جدا ومافي اي مشكلة ..

نفس الامر مر علي لما جيت اول مرة اعطوني موعد بعيد مرة .

زعلت واتنكدت ولكن عرفت السبب هم يجطون الموعد بعيد عشان يحسبون هم الفيزا واستخراجها .

لكن لو انت عندك الفيزا جاهزة اعطيك رقم الفاكس ترسل لي الفيزا وانا اروح لمكتب الانترناشنونال واقدم لك الموعد .

انا سويت نفس الخطوة تماما وقدمت الموعد حوالي شهرين .

اتمنى لك التوفيق

وباذن الله نشوفك قريب

في امان الكريم

اختي بنت الصقور واخوي العزيز جلوي مشكورين علي زيارتكم والله الواحد مايقدر يستغني عن خدماتكم وياليت موضوعي هذا يفيد كل من يبي يروح بالتيمور

اخوي ابو فارس الله يريح بالك الحمد لله الفيزا طالعه وابي رقم الفاكس ادزها عليك

ابو فارس ولد اختي اليوم كلم الانترناشيونال وقالوله يبون يشوفون الموعد وراح ادزلك الفيزا واتمني انك تشوفها من عندك

اذا مافيها كلافة ناطر الرقم

مرحباا خوي ..

سيبك من مكتب الانترناشونال

انت ارسل لي فيزة المريض وانا اروح للمستشفى واجيب لك موعد في الوقت اللي تحب

حدد لي تقريبا الوقت المناسب اللي راح تكون فيه في بالتيمور .

XXXXXXXXXXXX

تمنع الادارة وضع الايميلات والارقام الشخصية ..

وتكرار ذلك يعرض معرفكم الى الايقاف

مع تحيات مراقب المنتدى ومشرف البوابة الامريكية

Impact



واسال الله العلي القدير ان يشفي مريضكم وان يمده بالصحه والعافية
وان لا يضيع لكم تعب وان يسهل امركم انه سميع مجيب
اللهم آمين اللهم آمين

في امان الله

مشكور يابو فارس

اخذت الرقم وباجر راح ادزه عليك الفيزا لكن الوقت مايفرق لو يكون في بداية 11 او 10 / 11 ممتاز ان شاء الله

مرحبا يابو فارس

بشر شنو صار معاك تراني قاعد علي اعصابي

مرحبا اخوي ..

رحت لمكتب الخاص بالمجمع مالقيت الفاكس

قمت رحت المستشفى وطلبت اتقابل مع مسؤول الانتناشونال عشان نغير الموعد

******** الصراحة ماعندي اي معلومة عنك ولامين المريض ولا ايش الدولة !!!

بس قلت له واحد من الاصدقاء ظرفه كذا وكذا ايش المفروض يسوي عشان يجي بدري خصوصا وان الفيزا جاهزة.

قال الامر بسيط فقط يجيب صورة الفيزا ونقدم له الموعد بسهوله

المهم حاول ترسل القاكس من الان الى 7 ساعات من طرح المشاركة الان الساعه عندنا 12 تقريبا والمكتب يقفل الساعه 7 مساء.

لما سالتهم ليه الفاكس ماوصل قالوا يمكن رسله في وقت مقفلين وصرفوني

قلت انا منتظر فاكس مهم .


واذا تبغى تلكم الشخص المسوول عن التغيير في المستشفى هذا رقمه

0014106144108

للعربي اطلب الاخ احمد

والانجليزي اطلب جيسون

وباذن الله اول مايوصلني الفاكس اروح لهم واقدم الموعد .


اشياء مهمه :

لازم تحدد يوم للموعد الجديد .
ترسل صورة الفيزا .
تسوي حجز قبل الموعد بكم يوم .

عشان مايكون لهم عذر

وفالك العافية

في امان الله

ابو فارس اشلونك

انا كلمت واحد علي نفس التلفون وقالي انه راح يخلي احمد يدق علي

انا متأكد يابو فارس الفاكس طالعلي اوكي تم الاستلام

علي العموم بعد اذا المسئولين بالمنتدي

XXXXXXXXXXXX

تمنع الادارة وضع الايميلات والارقام الشخصية ..

وتكرار ذلك يعرض معرفكم الى الايقاف

مع تحيات مراقب المنتدى ومشرف البوابة الامريكية

Impact

ياليت تضيفني وانا راح اروح ادز الفاكس مره ثانية

السلام عليكم ورحمة الله

اخوي ابو فارس

ماقصر وبض الله وجهك

وياليت ماتخلي احمد لان املنا الوحيد اهوا الحين حاول انك تضغط عليه كثر ماتقدر
مابي يطوف علي القرار

والله ييسر امورك ويشفي مرضانا ومرضاكم

مرحبا اخوي ..

اليوم رحت لاحمد وجلست معاه وفهمت منه الموضوع .

المشكلة ان الموعد حقك هو موعد تقييم يتواجد فيه عدد كبير من الدكاترة للتقيم

وصعب جدا جدا جدا تقديم او تغيير موعد مشترك .

طرحت عليه فكرة ان شاء الله تمشي وهي انه ياخذ موعد عند دكتور اطفال او اي دكتور قبل شهر 12

وقلت له اني سويت الفكرة هذه قبل وتم تقديم الموعد .

اقتنع بالفكرة ثم قال انا ما اقدر اخذ موعد من عندي لان المريض جاي على حساب الدولة ولازم يكلم السفارة .

قلت له انتظر خبر منك

وعلى طول خرجت من عنده واتصلت بالسفارة الكويتية وطلبت القسم الصحي وطلبت الدكتورة امل

فهمتها الموضوع واكتشفت انها ماعندها اي فكرة عنه .

المهم اقنعتها بالموعد الجديد والا سيحرم الولد من العلاج في مركز متقدم .

وعدتني انها بمجرد الانتهاء من المكامة تتصل بالاخ احمد المسؤول عن المواعيد وطلب موعد وبامانه من كلامها حسيت انها مهتمه جدا جدا وراح تحاول.

انتظرت الى الساعه 4 واتصلت على احمد اشوف الموضوع وايش صار معاه مع الملحق الصحي .

الحقيقة مالقيته خرج طلبت جيسون اللي معاه وقلت له بالموضوع وابغى رد عاجل.

قال ان احمد غير موجود الان ولكن الدكتورة امل اتصلت وتركت مسج تطلب فيه موعد قبل شهر 12 .

باذن الله موضوعك منتهي

انتظر بكرة كمان اقابل احمد واشوف الموعد متى وقته .

آسف اني فصلت في الموضوع ولكن اعرف انك تبغى تعرف كل شي صار

اسال الله العلي القدير ان يشفي مرضانا ومرضاكم اللهم آمين

وباذن الله بكرة اعطيك خبر حلو

لا تنسانا من دعوة طيبة لجوري وان الله ييسر موضوعي في الرياض

في امان الكريم
ابو فارس

دام كلمت السفاره راح يقدمون لك الموعد الحين ... الله يجزاك خير يا بوجوري .....

الله يجزاك خير يابو فارس ويخليك لجوري ويخليها لك ويشفيها من كل شر ويردها سالمه غانمه

ويسر امر ويخلصك من موضوع الرياض يارب والله يابو فارس مو ضوع الرياض شاغل بالك ادري والله اديعيلك الله ييسر امرك

والله يابو فارس عاجز عن التعبير الي مسويه كثير جدا والله يقدرني اردلك الجميل ان شاء الله

واتمني في يوم من الايام اكون في مكانك واسوي الي سويته معاي ومعي اي شخص يبي يجي بالتيمور

نساء الله العفوا والعافيه لنا ولكم

حيا الله بنت الصقور والله انتي القدوة هنا في هذا القسم وماننسى فضلك علينا قبل مانجي هنا.

الله يجزاكي خير اختي وييسر امرك اللهم آمين اللهم أمين .


==========


مرحبا ابو محمد ..


الله يجزاك خير على الدعوات الطيبة .

اسال الله ان ييسر امرك وان يوفقك وان يكتب لمحمد الشفاء العاجل انه سميع مجيب .

اتمنى لك التوفيق

وفي امان الكريم

مرحبا ابو فارس

اشلونك واشلون جوري

اسف علي التاخير والحمدلله علي كل حال

انا رحت للمكتب الصحي بالكويت ولقيت انه فعلا اذا قربت الموعد راح يروح علي شهر 2 وسلمت امري الي الله وعليه توكله

وانتا مقاقصر وعساء امرك بالرياض يخلص ويتسهل يارب

هذا طلب من اخواني الاعضاء بالدعاء الي بنت اخوي ابو فارس

بسم الله الرحمن الرحيم

أسأل الله الكريم رب العرش العظيم أن يشفيه
أسأل الله الكريم رب العرش العظيم أن يشفيه
أسأل الله الكريم رب العرش العظيم أن يشفيه
أسأل الله الكريم رب العرش العظيم أن يشفيه
أسأل الله الكريم رب العرش العظيم أن يشفيه
أسأل الله الكريم رب العرش العظيم أن يشفيه
أسأل الله الكريم رب العرش العظيم أن يشفيه

اللهم بحق محمد واله اساللك ان تكشف السوء

عنا وعن جميع المؤمنين وان تفرج عن جميع

مرضانا برحمتك يا ارحم الراحمين

اسأل الله العظيم رب العرش العظيم ان يشفيك
أسأل الله العظيم رب العرش العظيم أن يشفيه
يارب يارحيم ياحنين ياسميع الدعاء يارب أنت القادر على كل شيء
برحمتك يارب
برحمتك يارب
بشفائك يارب
انت قادر على كل شئ اشف هذا المريض

اللهم آمين

اللهم اشفي مرضى المسلمين
اللهم اشفي مرضى المسلمين
اللهم اشفي مرضى المسلمين


اللهم يسر امر ابو جوري واشفي بنته واجعل الفرحه في قلبه اللهم امين

اللهم شفي ابن ابو محمد والبسه لباس العافيه وارجعه الى اهله سالم يا الله

انا قريت الموضوع وتعاطفت معاكم واتمنى ان الله لا يريكم ي مكروه

اخوكم بومحمد

مشكور ياحوي يابوم محمد

وجزاك الله عنا كل خير وعافية

بنت الصقور ماتقصر و لاهانو باقي الأعضاء : )

اللهم اشفي مرضى المسلمين
اللهم اشفي مرضى المسلمين
اللهم اشفي مرضى المسلمين

الله يجزاك خير وان شاء الله اتشرف بمعرفتك في ماريلاند

واي خدمة من هنا لاتتردد اعتبرني مثل اخوك .

اتمنى لك التوفيق

وفي امان الكريم

اسئل الله ان يشفيها ويعافيها يارب

مشكور ياخوي والله يسمع منك

اخوي ابو فارس واخواني الموجودين في بالتيمور

انا جايكم بعد عشر ايام بالضبط

اذا محتاجين اي شئ من الكويت لايردكم الي لسانكم اذا ناقصكم شئ تبوني اجيبة معاي

ياليت تبلغوني قبل موعد الرحلة

واسئل الله ان يشفي مرضانا ومرضاكم

اخوكم / ابو محمد

المشاركة الأصلية كتبت بواسطة vip.kw
http://www.arabtravelersforum.com/tr...4/#post2626704

مشكور ياخوي والله يسمع منك

اخوي ابو فارس واخواني الموجودين في بالتيمور

انا جايكم بعد عشر ايام بالضبط

اذا محتاجين اي شئ من الكويت لايردكم الي لسانكم اذا ناقصكم شئ تبوني اجيبة معاي

ياليت تبلغوني قبل موعد الرحلة

واسئل الله ان يشفي مرضانا ومرضاكم

اخوكم / ابو محمد




مساء الخير على جميع

من فتره طويله لو ادخل على المسافرون العرب بس اليوم وأنا فى جون هبكن

مرافق مع بنتي دخلت لاى الموقع وشفت مداخلاتك يا ابومحمد من البدايه الى النهايه

,انا سارى فى المنطقه فتره طويله بس الذى ابيى اقوله الك .

خالك وراء كلام ابو فارس والله نعم الرجال وانشد من والله جربه .

تحياتي الى جميع وخاصه ابو فارس

الذى مايشكر الناس الله ما يشكره

مساء الخير على جميع

من فتره طويله لو ادخل على المسافرون العرب بس اليوم وأنا فى جون هبكن

مرافق مع بنتي دخلت لاى الموقع وشفت مداخلاتك يا ابومحمد من البدايه الى النهايه

,انا سارى فى المنطقه فتره طويله بس الذى ابيى اقوله الك .

خالك وراء كلام ابو فارس والله نعم الرجال وانشد من والله جربه .

تحياتي الى جميع وخاصه ابو فارس

الذى مايشكر الناس الله ما يشكره




مرحبا بخوي الغالي

والنعم فيك والف نعم بابو فارس ورايته بيضاء والله

والله يشفي مرضاكم ويخليكم لهم ويخليهم لكم

اتمني اننا نتقابل ونتشرف بمعرفة الغالين والله

وياليت اذا محتاجين شئ تقولولي بدون اي تردد

اخوكم ابو محمد

أخواني الكرام

يعلم الله أني مريت ع الموضوع
وقريت وقفاتكم وجهودكم المبذوله منكم
وعرفت هنا المعدن الخليجي الاصيل

أخوي الكريم .. بوفارس
أخوي الكريم . بومحمد

أخواني المغتربين للعلاج
مالي الا بالدعاء لكم جميعا



أسأل الله الكريم رب العرش العظيم أن يشفيهم
أسأل الله الكريم رب العرش العظيم أن يشفيهم
أسأل الله الكريم رب العرش العظيم أن يشفيهم
أسأل الله الكريم رب العرش العظيم أن يشفيهم
أسأل الله الكريم رب العرش العظيم أن يشفيهم
أسأل الله الكريم رب العرش العظيم أن يشفيهم
أسأل الله الكريم رب العرش العظيم أن يشفيهم

اللهم بحق محمد واله اساللك ان تكشف السوء

عنا وعن جميع المؤمنين وان تفرج عن جميع

مرضانا برحمتك يا ارحم الراحمين

اسأل الله العظيم رب العرش العظيم ان يشفيكم
أسأل الله العظيم رب العرش العظيم أن يشفيكم
يارب يارحيم ياحنين ياسميع الدعاء يارب أنت القادر على كل شيء
برحمتك يارب
برحمتك يارب
بشفائك يارب
انت قادر على كل شئ اشف هؤلاء المرضاء


اللهم آمين