الموضوع: يالله نعيش بدنيا غير ومع طيران غييير تفضلوا الكل معزوم

السلام عليكم ورحمة الله وبركاته

اخواني وأخواتي الأعزاء ادعوكم لملفي

وانا متأكده انه بيعجبكم :24:

كل سنه انوي انزل موضوع واتكيسل لأنها شبه مكرره

ومعظم الصور لقيتها موجوده

بس هالمره الرحله تستاهل

في البدايه كنا نبحث على اي معلومه عن ولاية رودايلاند ولم نجد معلومات كافيه

اخذنا معلومات من خارج المنتدى ومن خارج النت

لعدم توفرها بشكل الي تعودنا عليه كل سنه في رحلاتنا

اول شي الفيزا كانت اسهل من ماتوقعنا المقابله بس للشغاله وأسألتهم عاديه جداً

عكس السفاره البريطانيه الله لا يوفقهم :112: ختموا على جوازها انها ماتدخل بريطانيا قال ايش

بما انها مو بيبي ستر او طباخه ماله داعي

في بريطانيا ممكن تحصلون على عامله

بس الي تعبنا الحجز زحمه واحنا ماشاء الله عددنا حلو 5 اشخاص والدرجه الأولى بس تكفي ل8 أشخاص

انتظرنا اكثر من شهر

عموماً رحلاتنا مثل ماخبرتكم من دبي الى نيويورك مطار jfk

ومنها الى مطار بوسطن وبما ان الانتضار بيكون في المطار قررنا نكمل بالسياره

الى رودايلاند 3 ساعات بالسياره

والآن تفضلوا معانا بالصور واتمنى لكم المتعه مثل ما استمتعنا في الرحله :101:

وحياكم الله

مواضيع عشوائيه ممكن تكون تعجبك اخترناها لك:

• أرجو المساعدة القصوى
• ايش سالفة الورقة الصفراء؟
• استفسارين بسيطة عن استخراج التأشيرة السياحية من القنصلية بجدة بليز ؟؟
• شهر عسل في فلوريدا
• طلب لذوي الإحتياجات الخاصة
• الي خبراء ميامي
• استفسار ومساعده عن بعض المناطق
• النقل من والى المطار
• تكفون ساعدوني بإختيار الفنادق في نيويورك واورلاندو
• مساعدة يا اخوان حول السفر من امريكا الى السعودية
• اريد اجوبة استخراج رخصة قيادة كالفورنيا
• فنادق وبرنامج لاورلاندو
• اخي امباكت ارجو الساعدده
• استفسار حول اهم الاماكن
• واخيرااااا
• الطيران من نيويورك الى اورلاندومهم
• ملاحظة دقيقة
• التفتيش بين الحقيقة والكلام
• كم تستغرق دراسة الماجستير بامريكا او كندا
• ياريت حد يساعدنى فى اسرع وقت

الرحله كانت الساعه 8 صباحاً في سادس يوم رمضان وكانت اكثر من ممتعه ابد ماحسينا بالتعب او الملل

مع انها 14 ساعه والفضل لله ثم لزوجي العزيز الله يحفظه ثم طيران الامارات

اول شي صورة السياره الي ارسلتها طيران الامارات لنقل الشنط وبما ان نحن ماشاء الله

ارسلوا لنا سيارتين من هالنوع


http://www.up07.com/up7



هنا مطار دبي وزحمة على الديوتي فري



http://www.up07.com/up7



بطاقة دخول الطائره



http://www.up07.com/up7



الحين دور صور الكباين مع انها بتكون مريحه لي بس كنت متخوفه منها بنسبه للصغار كيف بيقفلون عليهم

وكيف بطمئن عليهم وكيف بنام وكيف وكيف

وكنت ابحث في النت بس ما شفت شي يطمني الى ان خضت التجربه وأطمنيت


لذلك حبيت انزل صور الكباين حتى ماتفكرون وتحاتون مثلي


هنا التصوير من كبينتي ومبين الكبينتين الي فيها العيال







كبينة وليدي مفتوحه كنت خايفه عليه ان مايعرف يفتح الباب

بس ماشاء الله على عيال هالايام مخ ماشي مع التكنلوجيا ماشاء الله اللهم بارك




http://www.up07.com/up7


هنا الكبينه مغلغه اثناء النوم وفيها خصوصيه ومريحه خاصه للنساء


مادروا عني طير ان الامارات عن الدعايه الي عاملته لهم :115:



http://www.up07.com/up7

شاشه على اليمين وهي ريموت ويبين فيها التحكم بالباب والأضائه والكرسي


والتلفزيون وطلب المساعده من المضيفه وغيره الي مبين بالصوره واهم شي المسااااااااج راااااائع


http://www.up07.com/up7



والشاشه في الامام وفيها افلام بكذا لغه وافلام الدزني والعاب وغيرها بس انا ماجاب راسي الا هالحلوين


http://www.up07.com/up7



هنا كريمات ومهدئات للنوم وغيرها


http://www.up07.com/up7


ثلاجه صغيرونه للمشروبات


http://www.up07.com/up7


وهنا من قريب تفضلوا


http://www.up07.com/up7


وماننسى السناك موجود ويشيكون كل شوي ويجبون الي خلص


http://www.up07.com/up7


هنا التوزيعات الي وزعوها اول ماركبنا وهي بيجامه وشحاطه او نعال او سليبر كل واحد ولهجته

وعدة النوم وشنطه


واعتذارات لأن ماعندهم بيجامه للأطفال كأن احد لبسها عاد



http://www.up07.com/up7



وهنا ودعنا اماراتي الحبيبه


http://www.up07.com/up7

البقيه تأتي انتظرونا ستجدون ما يسركم :24:

وعليكم السلام ورحمة الله وبركاته ..

يعطيج الف عافية اختي على هالتقرير ..

والاماراتية ماشاءالله ماعليها اي كلام .. :107:

وفي انتظار البقية ..

تقرير ممتاز وصور رائعه

وتسلسل بالصور مميز يوحي بكتابة تقرير :24:

والحمدلله على سلامتكم

:113:

تسجييييييييييييييييييييييييييييييييييييييييييييييل على طول ويا عيني على طيران الامارات , وينك يا طلال البحرين اتشوف !! قال الأردنيه قال !!

في انتظار البقية ..

والحمد لله على السلامة

بالتوفيق ..

** تم نقل الموضوع لبوابة التقارير المصورة لتعم الفائدة **

وانا بعد سجلوني متابع على التقرير :24:






المشاركة الأصلية كتبت بواسطة Shadyzeee
http://www.arabtravelersforum.com/tr...1/#post2395111

تسجييييييييييييييييييييييييييييييييييييييييييييييل على طول ويا عيني على طيران الامارات , وينك يا طلال البحرين اتشوف !! قال الأردنيه قال !!



هههههههههههههههه :109: ضحكتني اخوي Shadyzeee
ياخوي الاماراتية ماعليها كلام :24: ومن احسن الطيران ومشهور بالعالم كله ..
بس الاردنية وايد نزلتوا من مستواهامافيها شي :109:
على العموم اكاني متابع للتقرير وبستفيد من التقرير باذن الله :101:

تقرير من بدايته باين انو حماااااااس ورائع ...

طيران الامارااااااااااات جدا روووووعة ...

بنتظار باقي التقرير ...

الصراحه ردودكم اثلجت صدري وعطتني عزم أكبر

اخوي طلال البحرين حياك الله والاماراتيه قول وفعل ولايهنون البقيه

وانا ولله الحمد جربت وجربت بس مثل هالرحله مافيه

والبقيه في الدرب ان شاء الله

اخي العزيز محمد شرفني حضورك وشهاده والله أعتز فيها

والله يسلمك من كل شر


مرحبا ً بك اخوي Shadyzeee وبما انكم من اول الي سجلوا فأنتوا درجه اولى وأهلاًوسهلاً


اخي العزيز Impact الصراحه روعتني من الصبح فتحت الموضوع والا اشوفه منقول :112:

قلت والله اني انا الي منزله الموضوع ولا لطشته :108: او سرقته من احد وجا على بالي كيف اتفاهم :114:مع المشرفين الحين

بس عندي الادله والصور وااااااااثقه

عموماً خير مافعلت وجزاك الله خير واهلاً وسهلاً بك شرفت الموضوع

ويالله حياكم معانا

والحين دور الأكل
بدايه مقبلات


http://www.up07.com/up7


وهذا ولولدي


http://www.up07.com/up7



http://www.up07.com/up7



http://www.up07.com/up7


البعض منا اكتفا بالمقبلات وبعدها نوووووووووووووووم

واااااااو
من جد واااو على الامراتيه


بانتظار باقي التقرير

تسلمين اختي خليجيه

هلا وغلا فيج اختي امونه

ويتبارك الموضوع بهالطله

منتصف الدرب بدت الغيوم


http://www.up07.com/up7

وزادت الغيوم

http://www.up07.com/up7

وهنا أستقبال نيويورك
http://www.up07.com/up7

وهنا المطار من أعلى

http://www.up07.com/up7

لحظة النزول ومثل ماتلاحضون الجو حلو مغيم

http://www.up07.com/up7

ما شاء الله على نيويورك استقبلتنا بلأمطار تفائل فقط لاغير

http://www.up07.com/up7

انا جايه لأمريكا من قبل مرتين بس قبل الأزمه بس هالمره

أول مانزلنا من الطياره ولا هالعمالقه من شرطة امريكا في وجهنا والله اني مت من الخوف :110:

شكلهم مال كوبس

قلت بس جاك الموت ياتارك الصلاة خذوا الجوازات يشيكون على الفيز قام ولدي الكبير الله يحفظه

وقال لهم في لاين للفيزه A قالوا له نعم ودلونا عليه ورجعوا الجوازات وابتسموا أخيراً وطاح الحطب:24:

دخلنا في الاين ومافي احد الا احنا وكنا مستعدين لأي شي من الأسئله

وطبعاً عطيت العيال درس عن المطار مافي صوت ولا اسئله وخلكم ريلاكس

ولا سألنا ولا سؤال اللهم قال هذولا عيالك قلت له الله اكبر عليك ياضرح ما بقى الا تحسدهم:112:

صور الشغاله بالكاميرا الي عنده وخذ بصماتها واحنا ولا شي

ولاتفتيش لا شنط صغيره ولا كبيره

عكس بنت عمي الله يحفظها جايه قبلي بأسبوع ومع ان زوجها جوازه امريكي الا انهم فتشوها ونثروا

اغراضها وانسرق منها كم ساعه الماس وعقود وكم شغله كلها ماغلى ثمنه وخف حمله :105:

حسبي الله ونعم الوكيل




وهنا الي ما حسبنا حسابه المطر والشنط ومافي مثلنا الهنود حليلهم يتكفلون بكل شي

صج أخذنا مقلب عرب عفشهم اكثر منهم وامطار وربي لك الحمد مشت على أكمل وجه

طبعاً ما قدرت اصور في هالحظه لأن المطر ماعطانا مجال :108:

http://www.up07.com/up7


وهنا لحظة خروجنا من المطار وزاد المطر


http://www.up07.com/up7


وهنا العزيزه GPS عاد احنا سميناها نوريه الي منوره دروبنا

بس احياناً تصير مزعجه وزوجي يفتن عليها زين عاد صجيتينا

واقوله يا خوفي تزعل وطقها سكته


http://www.up07.com/up7

وهنا ولدي يقول تقولون بلد الكفار وهذا المساجد شكثرها يقصد الكنيسه

http://www.up07.com/up7

ومثل ما أنتم شايفين زاد المطر وصارت الصور مو واضحه

http://www.up07.com/up7

ويارب يعجبكم والمزيد قادم للفائده

تقرير من بدايته روعة

الله يعطيج العافية

سجليني متابع

تقرير روعه والله :24:

مشاء الله عليك يا خليجيه اسلوب وفن وطرح رائع .. :113::113:


سجيليني معك اكبر متااااااااااااااااااااااابع

السلام عليكم أختي

الحمدلله على السلامه

وكلنا حماس لمتابعة تقريرك

المشاركة الأصلية كتبت بواسطة طلال البحرين
http://www.arabtravelersforum.com/tr...1/#post2395281

وانا بعد سجلوني متابع على التقرير :24:



هههههههههههههههه :109: ضحكتني اخوي Shadyzeee
ياخوي الاماراتية ماعليها كلام :24: ومن احسن الطيران ومشهور بالعالم كله ..
بس الاردنية وايد نزلتوا من مستواهامافيها شي :109:
على العموم اكاني متابع للتقرير وبستفيد من التقرير باذن الله :101:



هلا بأخوي .

أعرف انه لا يوجد مقارنه بين الطيران الاماراتي والأردنيه خاصه بعد تجربة الإثنتين :112:

الله كريم تطلع على الاماراتيه ودرجه اولى بعد بس لا تنساني من السناك . :11ight:

بصراحة تقرير فعلاً متميز و واضح
وأنا في انتظار المزيد لأني بصراحة قريب أسافر أمريكا ولأول مرة

ولك خالص التحية والتقدير على هذا التسلسل المشوق في التقرير

متابع للنهاية بإذن لله ..

تقرير محترررف وخطيررر

يعطيك ألف عافية ...

ما شاء الله
بداية رائعة

سجليني متابع........ز

اخي العزيز no nick

الله يعافيك ومرورك الأروع

وحياك الله معانا


اخي العزيز wld_alsheeo5

ومرورك الأروع اشكرك اخي العزيز وشهادتك اعتز فيها

وحياك الله معانا


هلا غلا فيج اختي HudaAbdullah

وحياج اختي معانا في هالتقرير الي اتمنى ان يعجبكم

صور السكن من الخارج ماشاء الله كبير صاحبه مصري

والبيت متعوب عليه وكان خايف ان يأجره ومشترط يمنع دخول الكلاب

وممنوع التدخين

اول ماعرف ان خليجين يطلبون سكن عرض البيت وكان البيت مو مؤثث واستعد انه يأثثه بنفس سعر
ومسكين يركض ركض يبي يأجره على مسلمين


http://www.up07.com/up7



http://www.up07.com/up7



هنا ملعب كبير ومن جنب حاجز لحوض السباحه



http://www.up07.com/up7



حوض السباحه الي محد استمتع فيه

شهر 9 وبرد وفي عز الظهر يسبحون ساعه ويطلعون قوالب ثلج

وطبعاً الحين تسكرت لأستقبال البرد

والبرد في هالمنطقه يوصل الى 25 تحت الصفر

اذا هالايام برررد


http://www.up07.com/up7



http://www.up07.com/up7



http://www.up07.com/up7



http://www.up07.com/up7


والله ما كثر الا هالسناجب عندهم وارانب وشي بعد ما اعرف اسمه


http://www.up07.com/up7


وهذا الضيفه جتنا مع ولدها مره وحده وراحت ولا رجعت يارب ترجع

ركزوا في الصوره مبين ولدها ورى الشجر



http://www.up07.com/up7


صورة صندوق البريد
وأحلى شي البريد العيال ينتظرون سيارة البريد ويالله من اول واحد يجيب الاعلانات والمجلات والرسايل


http://www.up07.com/up7



واخيراً جلسة غابه ومثل ماشايفين في ركن آخر الحديقه

وفي الوسط حطب لتدفه


http://www.up07.com/up7

اخي العزيز أمجد السامر حياك الله

هذا من ذوقك والله يعافيك


اخي العزيز il Bambini

حياك الله ومرورك الأروع

الله يعطيج العافيه على الموضوع الممتاز

ممكن طلب


لو تنزلين الصور من المنتدى يكون احسن


و بهذى الطريقة الصور ما بتنحذف من التقرير


بعكس مواقع التحميل .. ممكن ترفع الصور لمدة معينه اقصاها سنه


و عشان ما يضيع تعبكم :24:


هذا موضوع الاخ القدير رجل شرقى يشرح فيه كيفية رفع الصور و تحميلها فى المنتدى



http://www.arabtravelersforum.com/travel124283/

جزاك الله خير اخوي no nick

انا جربت احمل الصور من منتدى العرب المسافرون بعد ما صغرت الصور وطلعت اصغر من الي توقعته

وجربت مره ثانيه بدون تصغير شفت الشغله ما ضبطت وطبيعة الانسان عجول قلت اغير الموقع

لكن نصيحتك على العين والراس وبتوكل على الله

وكل الشكر والتقدير لك

ما شاء الله تبارك الرحمن ...
بصراحة ابداع في سردج للتقرير وفي الترتيب وفي الصور ..
والمطر يا سلام حده عجيـــــب ... انا احب المطر بعد وايــد.. :107:
والاكل على الاماراتية يا سلام ..
وياسلام على الطبيعة والضيف اللي ياكم مع ولدها ..
يعطيج الف عافية اختي على هالتقرير واشوه مابهدلوكم في المطار ..
ومتابع وبقوة بعد .. والى النهاية ان شاءالله ..
والحمدلله على السلامة .. :107:

صور من رود ايلاند








البقاله العربيه بالأحرى الأسلاميه لأني اكتشفت كثير عرب عندهم محلات

بس للأسف يبعون الحلويات فيها مشتقات الخنزير ,مؤكلاتهم محرمه:112:




جامعة رود ايلاند



سلسلة مطاعم بابا غنوج الأمريكيه



نيوبورت مدينه راااااائعه موسمها في الصيف زحمه وغاليه بالمره بس حلوه لكن للأسف

ماقدرنا نصور لكثرة الأمطار لكن اوعدكم في اقرب وقت انزل صور لها

وهي جزيره وجسرها عملاق ذكرني بجسر السعوديه والبحرين بس على اكبر






والبقيه تأتي

يعطيج الف عافية اختي ..
بس ترى الصور الظاهر مو طالعه ..
انا اجوف انه كاتبه صور من رود ايلاند بس ماشوف الا بابا غنوج ..
ولازلنا متابعين معاج التقرير الروعة ..

اختي العزيزه خليجيه استمتعنا جداً في تقريرك الاكثر من راائع بصراحه واصلي متابعين

ملاحضه: الصور الاخيره ماطلعت صور من رود ايلاند

تقبلي تحياتي

مع اني حملت الصور من موقع العرب المسافرون للأسف ما طلعت الصور

لكن فالكم طيب نرجع ونحمل مره ثانيه

وآسفه على الخلل الي صار

وأرجوا من المشرفين حذف المشاركه الي ماطلعت الصور فيها

صور من رود ايلاند


http://www.up07.com/up7


http://www.up07.com/up7

البقاله العربيه بالأحرى الأسلاميه لأني اكتشفت كثير عرب عندهم محلات

بس للأسف يبعون الحلويات فيها مشتقات الخنزير ,مؤكلاتهم محرمه:112:

http://www.up07.com/up7


جامعة رود ايلاند


http://www.up07.com/up7

سلسلة مطاعم بابا غنوج الأمريكيه



نيوبورت مدينه راااااائعه موسمها في الصيف زحمه وغاليه بالمره بس حلوه لكن للأسف

ماقدرنا نصور لكثرة الأمطار لكن اوعدكم في اقرب وقت انزل صور لها

وهي جزيره وجسرها عملاق ذكرني بجسر السعوديه والبحرين بس على اكبر

http://www.up07.com/up7


http://www.up07.com/up7

والبقيه تأتي

مشاء الله تبارك الله

الجو خيالي:surf:surf

بالتوفيق ان شاء الله

كملي متابعين معك:x1::x1::x1:

الموضوع حلو من بدايته ..

اسلوبك اكثر من رائع ...

على فكره يمكن في كثير ما يعرفون ان رودايلاند اصغر ولايه في امريكا .. صغيره مره و كثير ما يعرفونها ..

ماشاء الله ,,,, بداية رائعة اهنيك اختي على اسلوبك الجميل وسردك للتقرير بالترتيب .
سجليني متابع وننتظر البقية .

روووووعه بمعنى الكلمه . موضوع وتقرير رائع من شخص مبدع

نتمن لك المزيد من التقدم ..

ياسلام على التقرير والصور الروعة ..
بصراحة الجو وااايـــد حلو ,, والصور روعة .. :107:
يعطيج الف عافية اختي على هالتقرير الروعـــة وفي انتظار البقية ..

هلا اختي انا عشقي الرياااض
الله يسلمج حبوبه على المرور والرد الاحلى
ويحفظ لج عايلتج
امين يارب

حياك الله اخوي ولد الشيوووخ

اي والله الجو خيالي
يعطيك العافيه ع الرد والمرور

Fms
شكرا اخوي هذا من ذوقك
ومنك يستفيدون اخوي
كان الواجب اكتب في البدايه عن رودايلاند والعاصمه والمدن المشهوره فيها

هلا اخوي صلوح
يعطيك العافيه اخوي وهذا من ذوقك
وتسلم ع الرد والمرور

عاشق نيويورك
ردك ومرورك الاروع جزيت خيرا

طلال البحرين حياك الله اخوي
يعطيك العافيه ع الرد والمرور

وترقبوا يديدي

في رمضان في المساحد افطار جماعي يوم السبت مقابل تشتري بطاقه 50 دولار

وفيها تحس انك في رمضان وتتعرف على المسلمين ومنها تستفيدالمدرسه الاسلاميه

صورة مسجد شارون ويقع في منطقة شارون في ولاية ماس

الشباك على شكل جزء من الكعبه

http://www.up07.com/up7

القارئ ومدير المدرسه مستر جستن مسلم امريكي وهو ماشاء الله نشيط جداً

http://www.up07.com/up7

http://www.up07.com/up7

المدرسه والملعب

http://www.up07.com/up7

في احد الخطب

http://www.up07.com/up7

البحيره بين المدرستين

http://www.up07.com/up7

العيد

صلاة العيد في مركز رودايلاند الاسلامي واقيمت الصلاة في صالة الالعاب للمدرسه

وماشاء الله صلوا على مرحلتين لعدم اكتفاء المكان


http://www.up07.com/up7


بعد صلاة العيد

http://www.up07.com/up7



اجتمع الرجال في جهه والنساء في جهه وبدوا يعيدون على بعض

وكان بنسبه لنا عيد وتعارف مع الجاليات المسلمه:106:

http://www.up07.com/up7


نيجيريه صغيرونه ركضت ورانا حنا راكبين السياره ماشاء الله عليها مارضت تروح يا ابوها

الضاهر استانست على ولدي :24:

http://www.up07.com/up7

رجعنا البيت مع انا دعونا للفطور في المركز الاسلامي وعزمونا جماعه من الطيبين شرواكم من السعوديه

بس أعتذرنا لأنا كنا على عاداتنا وتقاليدنا نستقبل يوم العيد ولازم يكون المجلس مفتوح

وهنا تفاجئت بالشباب الي ماشاء الله حضروا يوم العيد

http://www.up07.com/up7

http://www.up07.com/up7

واهم شي معمول العيد اشتغلنا عليه بالليل ماشاء الله ماضل منه ولاحبه

مع ان حاسبين بنوزع على الجيران لكن عليهم بالعافيه

http://www.up07.com/up7

http://www.up07.com/up7

http://www.up07.com/up7


طبعاً الفطور كله شعبي

مثل البلاليط (شعيريه)

دينقوا( نخي _ بليله)

بيض وطمام (شكشوكه)

خبز محلى (بان كيك)

ومثلكم عارف الشباب العزابيه كيف مشتاقين للوجبات الشعبيه

في واحد من الشباب قال وين المشاوى:114: (المهياوه) وهو موجود بس ماتوقعت يوم العيد حد يطلبه

كل عام وانت بخير ,,,, والله يعيده علينا وعليك بالخير والصحة والعافية ,,, والله يخليلك عيالك يارب .

ماشاء الله العيد بامريكا ,,,, والله حتى انا استانست وحسيت اني عيدت معكم

يا سلام والله على العيد ...
والله ما شاءالله محافظين الاخوة في الخارج عليه ويحتفلون فيه وكل واحد يلبس لباسه الشعبي على حسب الدولة اللي اهو منها .. ما شاءالله عليهم الله يهنيهم ويزيدهم يا رب ..
بصراحة تغطية مافي عليها اي كلام .. :107:
ويعطيكم الف عافية على هالتغطية والتقرير الروعة وخاصة انه تغطين للعيد بعد ما شاءالله

يا سلام عيد رائع بطعم اجنبي , والله في ناس متمسكين بعاداتنا هناك اكثر من بلادنا العربيه , الله يهديهم .

موضوع ولا اجمل والبنت الصغيرونه ما شاء الله عليها تتاكل اكل .

بصراحه ابداع من البدايه

الصور خطيره حقت المطر عشت جو وحسيت بالبرد احب الاجواء هذي

وبصراحه صور البيت روعه ماشاءالله ان شاء الله تتهنو

ضحكت على تعليقك على نوريه هههههههههه

ذكرت زوجي يوم كان يقول اذا تكلمت خلاص طيب فهمنا فعلا كانت مزعجه وكنت اقول لاتزعل بعدين مايشتغل


ننتظر الباقي على احر من الجمر

اخوي العززيز salloh10 حياك الله

نعم كان جو روحاني رائع في العيد

خصوصاً النيجيرين نساء ورجال بلبسهم الغريب

ولا بعد ما خلصوا من الصلاه راحوا يفطرون كلهم

في دانكن دونتس سوالهم غزو تخرعوا الامريكان


اخوي طلال نعم هالروحانيات ماتطلع الافي رمضان وتزيد في العيد

لبس وتعانق ودعوات للأجتماع

واشكرك على المتابعه


هلا بيج امونه عندي لج صور للغيوم بنزلها مخصوص لج

اما نوريه هاي فيلم بروحها

مره رايحين السكس فلاقز

وحجزنا من الويب سايت في بوسطن :24:

وضبطها زوجي وقال المشوار تقريباً ساعتين وكل شي تمام

ومشينا مشوار طويل بس وايد حلو وبعدها زوجي قال هاي ولاية كونكتيكت

مايخصها في دربنا وقف وعمله كم اتصال طلعت هي صح والسكس فلاقز جاي بعيد عن بوسطن والأخت

ماختنا على طريق مختصر

وقلت له والله لو انا منه بحقركم وبخليكم تضيعون:101:

انتضروا صور يوم اجتماع المسلمين في السكس فلاقز

احتفال ثاني يوم العيد للمسلمين في صالة العاب احجزت

من قبل مدرسة النور أكاديمي

http://www.up07.com/up7


[/COLOR[/SIZE]

يوم السبت ثالث او رابع يوم العيد على حسب الدوله الي عيدتوا فيها

كان يوم المسلمين في امريكا واجتمعوا في السكس فلاقز

وموجوده في 7 ولايات

http://www.up07.com/up7



http://www.up07.com/up7


ومثل ماتعرفون يوم السبت ايجازه عندهم وتلاقونهم معضمهم كاشتين

http://www.up07.com/up7

جزء من الاعلام السته

http://www.up07.com/up7


الناقل الرسمي من المواقف الى بوابة السكس فلاقز

http://www.up07.com/up7


طبعاً المسلمين كانوا متواجدين بشكل كبير وتبادل السلام والتهنئه بالعيد تثلج الصدر


http://www.up07.com/up7



http://www.up07.com/up7


http://www.up07.com/up7


http://www.up07.com/up7


هي هاللعبه قطار الموت مرعبه لقينا فلسطيني كبير شوي

زوجته تصبب عليه ماي وكنا متعرفين عليهم يوم العيد

زوجي يقولهم سلامات والفلسطيني مسكين متروع وطايح على الكرسي

ويقول لولاد ضحكوا علي ركبوني في هاللعبه واول مره وأخر مره في حياتي توووووووووووبه


http://www.up07.com/up7


شباب بايع نفسه يطيرونهم بشكل مخيف

http://www.up07.com/up7

ماشاء الله
يعطيج العافية

يعطيج العافية على هالصور والتقرير ..
والامريكان في سالفة الالعاب مافي عندهم قلب ..
يعني شعب كلشي يبي يجرب ماعنده شي اسمه خطر
وبالذات اللعبه الاخيرة المعروضة في صورج اللي يطيرون انا واحد مستحيل اركبها

مرحبا اختي خليجيه

بصراحه تقرير رااااااائع واكثر من رائع انا ارشح انه يكون في المواضيع المميزه

بس انا كان عندي استفسار ولو كان تدخل مني شوي بس في بالي اسئله لك
الي هو انتي مقيمه لان باين من كلامك انك عايشه هناك وفتره طويله وخاصه في العيد مرره اعجبني استقبالك للجاليه
هناك بصراحه اشكررررك عليه
وتقبلي مروري وسجليني من المتابعين لك ..

ننتظر متابعه اخر حماس واستنى صورة الغيوم

ماشاء الله تبارك الله ,,,, متابعين يا اختي خليجية ,,,, وننتظر البقية .

اختي امونة الظاهر هذي صورة الغيوم اللي تقصدها خليجية ,,,, والله صورة من جد حلوة .

اخوي الكريم il Bambini الله يعافيك

وحياك الله وسعيده بمرورك


اخوي طلال صدقك والله

مول مايحافون بايعينها لايخافون من موت ولا عقاب ولاجهنم

وشاكره لك متابعتك

هلا غلا اختي امونه هاي الصور الي وعدتج وماقصر اخوي salloh10


http://www.up07.com/up7


http://www.up07.com/up7


http://www.up07.com/up7


http://www.up07.com/up7


جزاك الله اخوي salloh10 على الأضافه والمتابعه

**seema** جزاك الله خير والله يعافيك

وشاكره لك حضورك

وااااااااااااااااااااااااااااااااااااااااااااااااا اااو تقرير رائئئئئئئئئئئئئئع بداية من الطياره الى العيددددددددددد:101:

بعدين متى طالعه الكباين انا قبل 4 سنوات راكبه طيران الامارات درجه اولى ومافي كبينه والررحله 10 ساعات ( وجه يصيحح ):110: وماشالله صور المطرررررررررر والبردددددددد والضباب تشوووووووووووووووووووق الله يهنيكممممممممممممم يااااااااااااااااااااااااااااااااااااااااااارب وجعل ايامكم عيد :106:

جيمس تاون


مدينه راااااااااااااائعه هااااديه خيااال

http://www.gulfup.com/

http://www.gulfup.com/

http://www.gulfup.com/

http://www.gulfup.com/

http://www.gulfup.com/

http://www.gulfup.com/

http://www.gulfup.com/

http://www.gulfup.com/

http://www.gulfup.com/

http://www.gulfup.com/


على هالشاطئ يمارسون هوايتهم

على قوارب صغيره

http://www.gulfup.com/

الغطاسين اول ماشافونا رحبوا فينا وتموا يسألون انتوا من وين وتعارف

وانا خذتها فرصه للتصوير



http://www.gulfup.com/


الغطاسين مبينه روسهم على البحر

http://www.gulfup.com/


http://www.gulfup.com/

http://www.gulfup.com/

http://www.gulfup.com/

http://www.gulfup.com/

هذا الجسر الي يودي الى نيوبورت

http://www.gulfup.com/

http://www.gulfup.com/

بيوت رووعه على شاطئ البحر

http://www.gulfup.com/


http://www.gulfup.com/



http://www.gulfup.com/


بارك في جيمس تاون


http://www.gulfup.com/


http://www.gulfup.com/


http://www.gulfup.com/


http://www.gulfup.com/

النورس المفجوعات قمنا شوي من الطاوله وهجمت على البيتزا

http://www.gulfup.com/

اثار الجريمه


http://www.gulfup.com/


هالشاطئ الي انفجرت فيه الطائره المصريه

http://www.gulfup.com/

وتقريباً في هذا الجزء

http://www.gulfup.com/


وهنا المقبره الي دفنوهم فيها الله يرحمهم ويغفر لهم

اذا بتركزون الي عليها الاعلام الامريكيه

ويستاهلون منكم الدعاء لهم

http://www.gulfup.com/

هلا وغلا بنوف

حياج الله ونور الملف

هالكباين جديده وتستاهل منج ان تعزمين على الجيه مره ثانيه

وحياج الله في رودايلاند

ما شاءالله طبيعة رووووووووعة .. :107:
يعطيج الف عافية ولازلنا متابعين معاج التقرير اختي ..
بس عن الطائرة والمقابر اللي عليهم اعلام هل هم مسلمين اللي دافنينهم هناك ؟؟
لانه مايجوز نترحم على غير المسلم وندعي انه الله يغفر له..

وااااو من جد واوات

على الصور ابداع بصراحه المشكله مالحقت ولا على يوم زي كذا برحلتنا في الصيف كلها اجواء مشمسه
عكس رحلة العام الماضي


نتابع

أخوي طلال نعم في منهم واايد مسلمين وفيها الملاحين

وفيها بعثه من كبار الضباط المصرين انتهوا من دورتهم في امريكا ورجعوا لبلادهم

ولكن الحمدالله على قضائه:110:


هلا بج اختي امونه :106:

تعرفين على حسب الولايه في الصيف في ولايات حاره مثل اجواء الخليج

وفيها مو بارده ولكن ابرد من الربيع

هالمره غيري:101:

والجديد اجمل بإذن الله