الموضوع: ممكن احلى الاماكن الموجوده في الكويت

السلام عليكم

كيف الحال اخواني واخواتي الاعضاء

استفساري مبين من العنوان ابي افضل الاماكن الموجوده في الكويت مع العلم ان احنا ثلاثه انا وزوجي وولدي
الصغير
وافضل الاسواق الي تبيع اشياء محليه من الملابس النسائيه والجلابيات الناعمه والحلوه في نفس الوقت

مشاء الله اسواقكم ومجمعاتكم مره كثيره فياليت تختصرونها لي وتقولون لي افضلها من ناحية المحلات والسينما والمطاعم ومراكز ترفيه والخ .. الخ
وطلب اخير ابي اشتري لي جلبيات كويتي نعومه وين الاقيها
وبس

طولت عليكم بس احنا لبعض

مواضيع عشوائيه ممكن تكون تعجبك اخترناها لك:

• ريوقنا بمطعم ليلى بالافنيوز
• ممكن اقرب شقة حلوة ورخيصة
• اي واحد بيدخل بيقدر يجاوبني من اهل الكويت
• ريترز شرقـ
• مطعم التسيمو في برج النصار
• تأجير السيارت في الكويت
• بلازا أثيني للشقق الفندقية الراقية
• صور من اكواريوم المركز العلمي
• حبليبي اهل الكويت دشووو بليز
• الجهراء
• الفزززززعه من الكويتيين
• سوق الاقمشة البلوكات
• الصليب الاحمر
• مطاعم الكويت
• اطلاق الموقع الالكتروني لمشروع
• المسار من المطار الى فندق ريتز السالمية
• يا اهل الكويت النشامه
• ابغى شاليهات ع البحر
• فندق ابيس
• ممكن اسعار الشقق بالكويت

انتو راح تجون بالسيارة ولا بطيارة

هلا فيج وتنورى ديرتك الكويت ، احسن المجمعات مثل مجمع المهلب ومجمع ليلى جاليري وشارع سالم المبارك بمنطقة السالمية شارع طويل تلاقي فيه كل اللى تبيه من مجمعات ومطاعم وسينما وملابس واهم مجمع هو الافينيوز على الخليج قريب من شارع سالم مبارك

حياكم الله بديرتكم اختي اسيل

بالنسبة للجلابيات اللي نسميها دراعات مجمع الاوقاف تخصص بهالشي وفيه الرخيص والغالي جدا .. هذا اللي اشوف اغلب اهل الخليج يفترون هناك طبعا راح يعطونج البنات بتخصص اكثر مني بس حبيت اساعد باللي اعرفه

اما طلب الترفيه والسينمات والمطاعم فهذا طلب متشعب لكن اعطيج خيارت مريحه
مجمع المهلب فيه جلابيات وفيه سينما وفيه مطاعم وممتع للتسوق ومو كبير وايد ما يتعب
مجمع الافنيوز شامل كذلك لكن ماركات اجنبية مع الترفيه وماجيك بلانيت راح يستانس الولد الله يحفضه وسينمات ومشي وايد لانه اكبر مجمع بالكويت

في مجمعات بعد لكن اخليها لباقي الاعضاء يساهمون فيها

رحلة جميلة وسعيدة دائما

حياج الله بديرتك الثانيه الكويت


اهم شي مجمع الافنيو وووايد كبير

المرينا موول على شارع الخليج

شارع فهد السالم فيه مجمعات كثيره و محلات اهم شي لازم تروحوله بالسالميه

في حولي مجمع المهلب حلو بعد مع مجمع النقره

المشاركة الأصلية كتبت بواسطة ولد خمس نجوم
http://www.arabtravelersforum.com/tr...1/#post3368841

انتو راح تجون بالسيارة ولا بطيارة




لا انشاء الله بالسياره عن طريق الحفر

المشاركة الأصلية كتبت بواسطة mikano
http://www.arabtravelersforum.com/tr...6/#post3369026

هلا فيج وتنورى ديرتك الكويت ، احسن المجمعات مثل مجمع المهلب ومجمع ليلى جاليري وشارع سالم المبارك بمنطقة السالمية شارع طويل تلاقي فيه كل اللى تبيه من مجمعات ومطاعم وسينما وملابس واهم مجمع هو الافينيوز على الخليج قريب من شارع سالم مبارك




منوره بوجودك اخوي

وشكور على تفاعلك السريع

طيب سؤال لاهنت
درجة الحراره هالشهر كم هل الجو عندكم الان حر ولا معتدل او برد

المشاركة الأصلية كتبت بواسطة man-34
http://www.arabtravelersforum.com/tr...3/#post3369123

حياكم الله بديرتكم اختي اسيل

بالنسبة للجلابيات اللي نسميها دراعات مجمع الاوقاف تخصص بهالشي وفيه الرخيص والغالي جدا .. هذا اللي اشوف اغلب اهل الخليج يفترون هناك طبعا راح يعطونج البنات بتخصص اكثر مني بس حبيت اساعد باللي اعرفه

اما طلب الترفيه والسينمات والمطاعم فهذا طلب متشعب لكن اعطيج خيارت مريحه
مجمع المهلب فيه جلابيات وفيه سينما وفيه مطاعم وممتع للتسوق ومو كبير وايد ما يتعب
مجمع الافنيوز شامل كذلك لكن ماركات اجنبية مع الترفيه وماجيك بلانيت راح يستانس الولد الله يحفضه وسينمات ومشي وايد لانه اكبر مجمع بالكويت

في مجمعات بعد لكن اخليها لباقي الاعضاء يساهمون فيها

رحلة جميلة وسعيدة دائما




الله يحييك مشكور
انا مجمع الافنيوز حاطته في بالي بس ودي اعرف فيه عندكم محلات مو موجوده في السعوديه

المشاركة الأصلية كتبت بواسطة soud321
http://www.arabtravelersforum.com/tr...5/#post3369395

حياج الله بديرتك الثانيه الكويت


اهم شي مجمع الافنيو وووايد كبير

المرينا موول على شارع الخليج

شارع فهد السالم فيه مجمعات كثيره و محلات اهم شي لازم تروحوله بالسالميه

في حولي مجمع المهلب حلو بعد مع مجمع النقره




الله يحييك مشكور
احنا انشاء الله بندور لنا سكن في السالميه بما انه اهم منطقه في الكويت بالنسبه للمجمعات والمطاعم واذا مو غلطانه فيها واجهه بحريه ولا ...غلطانه مدري صححو لي

................

ودي اذا رحت للكويت مايفوتني شي فيها لان يمكن تكون هذه اول زياره واخر زياره لان الاجازات عندنا قليل بسبب عمل زوجي وانا احب الكويت من زمان وانا ودي ازورها وكل مره نحاول نروح لها يجي لزوجي عمل ونكنسل الروحه فهالمره كثير متحمسه عسى الله يتمم علينا وماتتكنسل

اذا بتجون من منفذ السالمي الكويتي عبر منفذ الرقعي السعودي اتوقع ما راح تدلون راح اوصوف لكم بعد 105 راح ينتهي الطريق فيه طريقين الدائري السادس ( يمين ) و الطريق يلي مؤدي الى الجهراء ( قدامكم ) خذو طريق الجهراء بعد 10 كيلو راح يجيكم خط سريع ثاني هو وصلة الجهراء السريعة خذوها بإتجاه مدينة الكويت لأنه الخط ينتهي عندها


ام الدائري السادس يوصلكم بعيد و ينتهي عند منطقة بحرية اسمها المسيلة و زحمة هذا الطريق و بعيد عن مدينة الكويت

راح اعطيج الأماكن السياحية و المجمعات و الملاهي علشان تختارون يلي يعجبكم







محافظة مدينة الكويت ( العاصمة )










ابراج الكويت في مدينة الكويت ( دسمان )

مجمع ديسكفري للأطفال مدينة الكويت ( داخلها )

سوق شرق مدينة الكويت ( شرق )

مجمع الصالحية مدينة الكويت ( الصالحية )

مجمع الراية مدينة الكويت ( برج الراية )

سوق المباركية ( شعبي ) ( داخلها )

حديقة يوم البحارة ( شعبي ) ( قبال مجلس الامه )

الجزيرة الخضراء ( على الكورينيش )

اكوابارك مدينة الكويت ( دسمان ) ( مقابل ابراج الكويت )




محافظة حولي




مجمع المارينا مول السالمية على البحر

مجمع الفنار السالمية شارع سالم مبارك

مجمع المهلب وسط حولي

مجمع البحر سنتر حولي

مجمع 360 في منطقة الزهراء ( الدائري السادس قرب المطار )

منتزه الشعب ( الشعب ) ( مقابل منطقة السالمية و على البحر )

مركز العلمي السالمية ( عن بداية شارع الخليج )








محافظة الفروانية




الافنيوز ( الري ) الدائري الخامس

حديقة الحيوان ( العمرية ) الدائري الخامس

مجمع مغاتير الفروانية عادي ( الفروانية )

مجمع الحمراء مول الفروانية عادي داخلها

مجمع العربيد الفروانية عادي داخلها

كلهم شارع حبيب مناور يلي بالفروانية




محافظة الأحمدي




مجمع الكوت فحيحيل

مجمع المنشر فحيحيل

مجمع اجيال فحيحيل

كويت ماجيك فحيحيل ( ابو حليفة )

مرح لاند الاحمدي ( الصباحية )




محافظتي الجهراء و مبارك الكبير





قرية المسيلة المائية مبارك الكبير ( المسيلة )

مجمع سليل الجهراء \\\ اقرب مول لكم لما توصلون الجهراء

مجمع خيمة مول ( الجهراء ) داخلها

مجمع المنار مول الجهراء داخلخا

قرية 99 للأطفال== سليل الجهراء في مول سليل






هذي اشهر الأماكن السياحية عندنا ام الفنادق ما اعرف عنها اي شي

إذا راح تســكنون في السالميه أنصحكــم في فندق بجــــانب مركز سلطــان , نفس الشـارع
مقـابل ليلي جالاري
موقـــعه وايد حلو
والشارع حيــوي وكله أسواق ومجمعات ومطاعم

المشاركة الأصلية كتبت بواسطة بوهاشم
http://www.arabtravelersforum.com/tr...3/#post3373503

إذا راح تســكنون في السالميه أنصحكــم في فندق بجــــانب مركز سلطــان , نفس الشـارع
مقـابل ليلي جالاري
موقـــعه وايد حلو
والشارع حيــوي وكله أسواق ومجمعات ومطاعم




هلا فيك اخوي
وتبي الجد ماندري وين نسكن السكن عندكم غالي مره انا الي اعرفه ان الشقق الفندقيه ارخص من الفنادق بس في الكويت العكس

وبعدين الاخوان ماقصرو عطوني اماكن تستحق الزياره بس هالاماكن مره كثيره مايمدينا في اربع ايام نلفها كلها
فياليت تختصرون لي افضل الافضل من المناطق الحلوه الي تستحق الزياره سواء المجمعات او المنتزهات
في الاخير ممكن سؤال عن الجو عندكم في هالايام
ولك ولكل الاعضاء الشكر

المشاركة الأصلية كتبت بواسطة اسيل السعوديه
http://www.arabtravelersforum.com/tr...5/#post3375735

هلا فيك اخوي
وتبي الجد ماندري وين نسكن السكن عندكم غالي مره انا الي اعرفه ان الشقق الفندقيه ارخص من الفنادق بس في الكويت العكس

وبعدين الاخوان ماقصرو عطوني اماكن تستحق الزياره بس هالاماكن مره كثيره مايمدينا في اربع ايام نلفها كلها
فياليت تختصرون لي افضل الافضل من المناطق الحلوه الي تستحق الزياره سواء المجمعات او المنتزهات
في الاخير ممكن سؤال عن الجو عندكم في هالايام
ولك ولكل الاعضاء الشكر




اللي أعرفه أن الشقق الفندقيه أنتشــرت وايد في الفتره الأخيــره

وصار بينهم تنافس بالاسعـار

وأكو في الفنــطاس وأبوحليفه والمنطقه العاشره أرخص ولو أنها بعيده عن المدينه والسالميه


الجــو بدا يتحــسن وأكيد على العيـد راح يكون رائع

يعني التمشـي في الواجهــه البحريه لازم ماتطــوفكم

أكو قهاوي شعبيــه يعني مافيها شيشــه وسوالف لكنها بسيــطه عائليه

بس تتمــيز بأنها بالهواء الطلق وفيها وجبات كباب وكبده وعرايس لو تحبون واللحم طازج طبعا

وهي تطل عالبحر مباشره وأشهرها اللي مقابل مجلس الأمه
بس مثل هالقــهاوي بسيــطه جدا وعاديه يعني

غير ذلك لازم تحددين شنو تبين بالضبط وآنا وغيري أكيـييد نساعدج بالنصيــحه

المشاركة الأصلية كتبت بواسطة بوهاشم
http://www.arabtravelersforum.com/tr...7/#post3375797

اللي أعرفه أن الشقق الفندقيه أنتشــرت وايد في الفتره الأخيــره

وصار بينهم تنافس بالاسعـار

وأكو في الفنــطاس وأبوحليفه والمنطقه العاشره أرخص ولو أنها بعيده عن المدينه والسالميه


الجــو بدا يتحــسن وأكيد على العيـد راح يكون رائع

يعني التمشـي في الواجهــه البحريه لازم ماتطــوفكم

أكو قهاوي شعبيــه يعني مافيها شيشــه وسوالف لكنها بسيــطه عائليه

بس تتمــيز بأنها بالهواء الطلق وفيها وجبات كباب وكبده وعرايس لو تحبون واللحم طازج طبعا

وهي تطل عالبحر مباشره وأشهرها اللي مقابل مجلس الأمه
بس مثل هالقــهاوي بسيــطه جدا وعاديه يعني

غير ذلك لازم تحددين شنو تبين بالضبط وآنا وغيري أكيـييد نساعدج بالنصيــحه




تسلم والله ماقصرت