الموضوع: اااخر طلب لاني الخميس بالليل ماشي

اشكركم اخواني على ردودكم على استفساراتي
ويمكن تستغربون ان الاسم عبدالرحمن وبعض المواضيع باسلوب حرمه بس لانه زوجتي اذا احتاجت شي تكتب بمعرفي
بغيت منكم خدمه
*ابغى اروح للحمرا والعربيد بلازا وقريت انهم بالفروانيه
**وبغيت بعد المهلب والنقره الشمالي والجنوبي وقالو انهم بحولي
***ممكن تخدموني وتقولون لي من وين اروح لهم؟؟
مع العلم اانا ساكن بمنطقه السالميه
*وهل اقدر اخلصهم بيوم؟؟؟؟
**بغيت وصف للكويت ماجيك والكوت والمنشر قالو انهم بالفحيحيل؟؟؟

عشان لااكون كثرت عليكم كل واحد يمر يوصف له سوق من اللي طلبت
لاني طالب نص اسواق الكويت
او لو توصفون لي مو لازم بدقه لين اوصل بس ابغى الطرق الرسميه
والف الف شكر لكل اللي خدموني بسفرتي الصغيرررره

مواضيع عشوائيه ممكن تكون تعجبك اخترناها لك:

• لحقوني يا أخواني الكويتيين
• تهنئة للشعب الكويتي
• اماكن رشحتها للزيارة وشرايكم فيها
• الكويت في القديم او البيوت
• استفسار بخصوص الوقود
• مطاعم الكويت
• رحلتي إلى الكويتــــ كل المتعة والإثارة
• ساعدونا في السكن يااخواننا اهل الكويتاول زيارة
• مجمع صاهود المطيري مدينه الثلج خبر
• منح دراسية للكويتين في مجال الضيافة الفندقية
• يلزم تفويض ولا لا
• استفسار
• عاجا جداً كيف أسافر من الدمام للكويت ؟؟ على أي خط
• زواجي بعد أشهر أين أذهب في الكويت؟
• مطحنة هيثرو
• سؤالين عالطاير
• عدة استفسارات ياأهل الكويت الحبيبة
• السلام عليكم ارجو الإفادة
• دولة الكويت الحبيبة
• طلب مساعده

اشكرك اخوي وفي انتظار البقيه

مجمع النقرة الشمالى والجنوبي فى اخر شارع بيروت اذا كنت قادم من السالمية ستأخذ يسار من اشارة شارع تونس وتمشى سيدا هيقابلك دوار تمشي بعده سيدا هتلاقى اشارة ثانية، وبعد الاشارة على يمينك مجمع النقرة الجنوبي وعلى يسارك النقرة الشمالى

اما مجمع الحمرا والعربيد فهم موجودين بشارع حبيب مناور بالفروانية، اسأل وين مطافى الفروانية ومن هناك راح الكل يدلونك لان شارع حبيب مناور اخر شارع المطافى

اتمنى انك عرفت الطريق

هلا اخوي عبدالرحمن
بالنسبه لكويت ماجيك والكوت والمنشر
لوفرضنا البدايه من شارع الخليج شوف طال عمرك تاخذ شارع الخليج وتتجه جنوب يعني البحر علي يسارك
لين يجيك شارع البلاجات بعدين يجيك دوار البدع تقطعه وتكمل سيده وهني تدخل علي شارع التعاون وهم علي البحر نهايه شارع التعاون راح يجيك جسر (كبري) تاخذه يسار وهني راح تكون علي خط الفحيحيل السريع تمشي مسافه تقريبا 25 كيلو راح تشوف لوحه مكتوب عليها منطقه أبوحليفه تاخذ يسار لما تدخل أبوحليفه تسأل أي واحد راح يدلك علي طول ومكانه علي البحر مايبيله دلاله
بالنسبه للكوت والمنشر راح تكون بعد أبوحليفه تقريبا 10 كيلو يعني تكمل علي طريق الفحيحيل السريع لين تجيك لافته مكتوب عليها منطقه الفحيحيل تدخل وتكمل سيده لين يجيك الطريق الساحلي تاخذه يمين راح تشوف الكوت علي يسارك والمنشر علي يمينك وأن شاءالله أتكون الصوره وضحت

تقبل تحياتي