بسم الله الرحمن الرحيم
بكتب لكم في هذا الموظوع عن سفرتي انا والعائله الي الصين وهونج كونج
طبعا السفر عن طريق القطريه من الرياض لي الدوحه ترانزيت تقريبا 12 ساعه
الوصول للدوحه الساعه 12 الظهر الاقلاع الساعه 1 ونص فجرا
وخاطبت القطريه للسكن قالوا لي توكل علي الله وماعندنا لك سكن المهم حجزت بشقق السد سويت عن طريق موقع
bookoing.com
اخذت شقه غرفتين ب 600 ريال قطري
الشقه جيده جدا
وموقعها ممتاز
الوصول الي هونج كونج طبعا كنت منسق مع شركه لنقلنا من هونج كونج الي جوانزو فان ب 360 دولار
http://www.ChinaCarService.com
والله واول ماوصلنا حصلنا السائق ينتظرنا
وانطلقنا الي جوانزو عند الحدود تعبي الكرت الخاص بالانفلونزا وتعبي كرت الدخول هذولي الكرتين حصلناهم مع السائق
طبعا ننزل من الفان والعفش اللي نعانا فيه ناس تشيله لنا ونختم الجواز ونعبر الجهه الثانيه حصلنا نفس السائق ينتظرنا
وبكذا دخلنا للصين
طبعا هذي نفس الطريقه للي بيروح بالباصات الكبيره الفرق ان هذا خاص فينا واتوقع اسرع من الباص الكبير
الوصول لجواتنزو والسكن في بارك فيو شقه غرفتين ب 620 رمبي
بس لي الاسف لما وصلنا حدود الساعه 7 مساء قالوا لنا ان الشقه راحت ونعطيكم غرفتين متصله
او سويت وغرفه بس ماتكون متصله
طبعا السويت فيه مطبخ صغير
فاخذنا غرفتين متصله بسرير اضافي قيمته 100 رمبي
الملاحظات علي فندق بارك فيو
فندق رائع جدا جدا المعامله روعه الغرف ممتازه جدا مقارنه بسعرها ومناسب للي اول مره يجي للصين لان العرب فيه بكثره تحت الفندق بقاله فيها كل ماتريد صرف نقود شرايح هاتف مغسله مكتب سياحي
جلسنا يومين ثم اتجهنا الي شنجهاي الناقل طيران
spring air
طيران اقتصادي رائع سعر التذكره 86 دولار امريكي ذهاب فقط والاياب نفس السعر بس الغريب ان هذا الطيران مافيه احد يحجزمن عنده مادري ليش
اخذته من الانترنت من مكتب سياحي يحمل نفس الاسم
china spring tour
بصراحه مادري ليش وهذا اللي خوفني منه وخلاني اشكك قلت لايكون طيران وهمي
لان كل مادخلت موقع حجوزات تذاكر للصين مااحصل هذا الطيران وسعره كان جدا مناسب
المهم توكلت علي الله وشريت التذاكر بالانترنت من هذا المكتب وحولت لهم علي حسابهم الفلوس
طبعا هذا صار وانا بالرياض قبل السفر بحوالي 3 اسابيع
الذهاب الي شنجهاي من جوانزو
المطار يبعد عن بارك فيو حوالي 25 دقيقه رحنا للمطار وسوينا البوردنق والحمدلله ركبنا الطائره الي شنجهاي لمده ساعتين
انطباعي عن طيران سبرنج ممتاز ومافيه تأخير الحمدلله ويعطونك علبه مويه مجانا
شنجهاي
وصلنا بالسلامه الي شنجهاي واخذنا فان الي فندقنا وهو عباره عن شقق فندقي
new harber apartment
من موقع بوكنج بحوالي 102 دولار لشقع 3 غرف بدون ضريبه مع الضريبه يطلع حوالي 117 دولار
الشقق اثاثها ممتاز جدا وموقعها جيد حوالي 200 متر عن المترو الخط الازرق اسم المحطه
dashijie
طيب كيف تستخدم المترو؟؟؟؟؟ هذا هو السؤال المهم لانك اذا عرفت تستخدم المترو بيسهل التنقل لك وبتفتك من الزحمه ومن غثي التكاسي وخصوصا ان
التاكسي مايركب فيه الا 4 اشخاص بس واحنا كنا عائله 5 اشخاص وطفل عمره 8 سنين وانا الوحيد الرجال فمشكله يركبون تاكسي وخصوصا في شنجهاي كبيره جدا جدا
وهذا سبب لي مشكله اول يوم ماحصلت تاكسي يوافق يركبنا
فقلت لازم اتعلم كيف المترو وبصراحه طلع سهل جدا جدا جدا
وبشرح لكم طريقته وان شاء الله تستفيدون
اول شي لازم تعرف اقرب محطه لك وش اسمها طبعا تلقا الاسم مكتوب علي المحطه اذا نزلت لها الشي الثاني تحدد وين تبغا تروح له
يعني في شنجهاي عندك اهم المحطات السياحيه هو شارع
nanjing rd
وهذا الخط الاخضر هذا الشارع فيه تقريبا اهم الاسواق وهو قسمين وكلهم فيهم الخير والبركه
طيب مثلاا انا في المحطه اللي جنب فندقي وقلت اسمها وهي بالون الازرق وابغا اتجه الي محطه
nanjing rd ES
وش اسوي اروح للمكينه حقت التذاكر زي اللي طريقه شراء البيبسي قلنا محطه النانج رود خضراء اوكي نجي عند المكينه ونحجولها الي انجليزي بعدين
بيطلع لك كل الالوان احمر اخضر ازرق بنفسجي نختار اللون الاخضر بيطلع لنا بعدها كل المحطاتن الخضراء نظغط علي الاسم اللي نبي
بيحولك لصفحه ثانيه فيها سعر التذكره الواحده وغالبا 3 ايوان
تختار كم تذكره تبي مثلا اخترت تذكرتين بيطلع لك الحساب يساوي 6 تدخل الفلوس زي مكينه البيبسي يعني مثلا دخلنا 10 يطلع عندك بالشاشه
الحساب والباقي بعطها تنزل لك كروت تاخذها والبلقي بعد يرجع لك مع الكروت
بعدها تروح تدخل للمحطه وتتبع اللون حقك وتنزل بالسلم للقطار وبصراحه سهل جدا واخذ مسار اللون الازرق الي محطه بيبول سكوير
واحول منها الي المسار الاخضر
طيب فيه مكان لازم تروحون له وهو برج التلفزيون في محطه
LUJAZUI S وهي باالون الاخضر
اول ماتطلع من المحطه يقابلونك حقين مكتب سياحي ومرشدين يمشونك في برج التلفزيون وتعدي الي منطقه البوند بحوالي 158 يوان ساعتين من التمشي
وتستاهل بصراحه
شنجهاي تستاهل الزياره جوها رائع وسياحيه
وانا الان بشنجهاي والسبت ان شاء الله لجوانزو 4 ايام بعدها لهونج ونج وساوافيكم بالجديد
وان شاء الله تستفيدون بالمعلوماتمواضيع عشوائيه ممكن تكون تعجبك اخترناها لك:
- استفسار ضروووري الله يعافيكم
- beijing tiantan puhua hospital an apm hospital اريد فندق قريب من مستشفى تيان تان بوخو
- ما هو سبب توجه السياح الى بالي ؟
- ابيكم تفيدوني
- بطاقة الصراف الآلي الفيز
- فلل بونشاك من غير حشرات
- أصل إلى جاكارتا يوم الخميس ارجو المساعدة بالحجز من جاكارتا الى بالي
- اسعار المنتزهات والحدائق في اندونيسيا مساعدتكم يا خبراء اندونيسيا
- برنامج سياحي لمده ايام
- جاوبوني سؤال سؤال تكفون
- فلل بالي الخاصه التي على الشاطئ
- ضروري ابى رايكم في هالفندق
- كم تكلف رحله لاندونيسيا مدة أيام لشخص واحد
- ساعدوني احجز الان ولا انتظر
- لأول مرة أعيد في أندونيسيا
- مسافر بكره العصر وابي فزعتكم
- استشارة في جدول سياحي لعائلة 4 اشخاص
- شنو افضل مدينتين للساحه
- مساعدة عاجلة السفر الاربعاء بعد يومين اخوكم ابوحاتم
- استفسار بسيط
رد مع اقتباس
المفضلات