(الجزء السادس)
~ ~ هُنَا يَفِيضُ الإِحْسَاس وَ تُشْبَعُ الحَوَاسْ ~ ~
(اليوم السادس) الثلاثاء (20-7) ..
تسمحين أتأملك .. و بعدها أودعك ..
صحينا وأفطرنا في الفندق واجراءات التشك آوت
في هذه الأثناء البعض كان يودع انترلاكن بطريقته الخاصة
عن طريق التأمل والتصوير في فناء الفندق الخارجي،
وأكتشفنا في الأخير أن الفندق يوفر سيكل للنزلاء
ممكن ياخذون فيه لفة في انترلاكن مجاناً
لكن فاتت علينا
ركبنا شنطنا في السيارة ،
ظبطنا القارمن على فندقنا في زيورخ،
دعينا دعاء السفر وانطلقنا باسم الله ..
الطريق كان حوالي ساعه ونصف ، الجو كان خيالي
ودخلنا زيورخ تغيرت ملامح الشوارع والمباني..
زيورخ مدينة صناعية وتكثر فيها المصانع والأسواق والفنادق
على عكس انترلاكن القرية الصغيرة..
وصلنا الفندق الحمدلله ..
اسم الفندق: movenpick-regensdorf
الحجز عن طريق : booking.com
سعر الغرفة :165 CHF للغرفة المزدوجة في الليلة حوالي 580 ريال
مدة الاقامة : 4 ليال
كان عندهم في الموقع عرض غرفة عائلية ل4 أشخاص بنفس السعر
فأخذنا غرفة مزدوجة + غرفة عائلية
ولما وصلنا عندهم
عطونا غرفتين بدل الغرفة العائلية بنفس السعر
يعني صار المجموع 3 غرف بسعر غرفتين ..
الفندق رائع رائع رائع
ولو أقول من اليوم لبكره شوي عليه
نظيف جداً ،
الغرف واسعة ،
يوجد غرفة للبزنس متوفر فيها انترنت 24 ساعه مجاناً
وممكن يوفرون لك انترنت داخل الغرف ولكن بمبلغ معين ،
يوجد جم ومسبح ،
صور للفندق من الانترنت ..
كل هذا بالإضافة الى وجود
مركز للتسوق وسوبرماركت ملاصق للفندق
بنسبة لموقع الفندق بعيد عن وسط المدينة
وأخترنا هذا لسببين
الأول أن المنطقة هنا هادية وبعيدة عن زحمة الداون تاون
والثاني أن الفنادق في وسط البلد غالية جداً..
بعد التشك إن ريحنا بالفندق
وبعد الدوش صرنا جاهزين للطلعة
علشان نكتشف زيورخ
وعلشان عصافير بطننا صوصوت،
ومافيه اسرع واقرب من ..
بعدها قررنا نروح وسط المدينة والأسواق
حطينا في القارمن (Bahnofstrasse)
وفعلاً كانت المدينة مزدحمة جداً
وفيها كل الجنسيات
وكان لازم نحصل موقف للسيارةعلشان ننزل نتمشى على رجولنا ،
الجو حلو نفس جو انترلاكن
وبعد فيه نهر وسط زيورخ
لكن الفرق هناك الجبال أكثر وهنا المباني والأسواق أكثر..
للأسف وقت جيتنا كان متأخر
وأغلب المحلات كانت مقفلة ،
بس المطاعم والمقاهي تفتح للساعه12،
زيورخ مساءً
في انترلاكن لقينا بط وفي زيورخ بجعات
جلسنا في أحد المقاهي على النهر
وشربنا الشاي بالنعناع والآيس كريم ...
وألعاب الخفه ..
وبعدها رجعنا للباركنق
صور المحلات مقفلة..
أخذنا سيارتنا واتجهنا للفندق..
نزلت شوي في ركن البزنس
أتصفح الانترنت و أجهز لرحلتنا غداً
وبعدها نومه حلوة بعد تعب يوم طويل ..
كيف كان صباحنا الأول في زيورخ ؟!
والأماكن الجميلة التي اكتشفناها؟!
لا تروحون بعيد ..
المفضلات