المشاركة الأصلية كتبت بواسطة زارع الطيب
http://www.arabtravelersforum.com/tr...2/#post3386345
بســــم الله الرحمن الرحيم ...
السلام عليكم ورحمة الله وبركاته .
أحبابي أنا قررت أسافر إن شاء الله للكويت بعد كم شهر وحبّيت أستفسر
عن بعض الأشياء المهمة للسفر ،، طبعا الغرض من السفرة إني حبيت
أشوف المعاهد الفنية بالكويت كالمعهد العالي للفنون المسرحية وشروط القبول
فيه وأبي أسأل كم سؤال ...
المهـــــــــم :
أنا أبي أعرف بأي مدينة موجود المعهد العالي للفنون المسرحية ؟؟ وكم أسعار
هلا فيك .. معهد العالي للفنون المسرحيه موجود في منطقة السالمية وبجانب البحر ( قريب من راس الارض)
اسعار الدراسه ؟؟ للاسف ما اعرف ؟؟
الفنادق الموجوده ؟؟ وهل بإمكاني استئجار سيارة مع سائق ( سائق يدل الديرة عدل )
بما ان المعهد بالسالميه فانت مرتاح لان بالسالميه الكثير من الفنادق والشقق
بس اقرب فندق للمعهد وتقدر تروح له مشي .. هو فندق هوليدي ان الجديد
استئجار سياره مع سائق في بس بالفنادق بس راح يكلفك الكثر ويحسبون بالساعه
في مكاتب تاجير السيارات كثيره اسألهم اذا تقدر تأجرها مع سايق وجم يحسبونها باليوم ..
وكم راح تكلفني السيارة والسائق ؟؟؟
اذا من الفندق تأجر يأجرون لك بالساعه يمكن تتراوح الساعه من 8 - 12 دينار ( غالي )
اما من مكاتب التاجير فيمكن عندهم سياق ويكون ارخص
وسؤالي الأهم شلون أحوّل الفلوس من دولتي ( السعودية ) للعملة المحلية بالكويت
عادي اي محل للصرافه راح يحولهم لك واذا حاطهم بالبنك خلهم بالبنك وتعال اي بنك بالكويت واسحب من مكينة السحب الآلي وراح تطلع لك العمله الكويتيه
وأبي التكلفة الإجمالية ولو بالتقريب يعني كم راح تكلفني أربـع أيام بالكويت
حسب لفندق اللي بتسكن فيه نفرض راح تسكن بفندق الهوليدي ان اللي عالبحروقرريب من المعهد العالي ليلتة نفرض ان 40 نضربها في 3 ليالي = 4 ايام = 120دينار
والتاكسي نفرض 30 دينار
ومصروفك للاكل والتمشيات نفول 50
والاجمالي 200 دينار كويتي
فاتمنى إن شاء الله ألقى منكم إجابة شافية ولكم منــي دعوة خالصة من القلب
والله يوفقكم يارب .
أخوكم : زارع الطيب
حياك الله يا الطيب
رد مع اقتباس
المفضلات