الموضوع: مجمع العربيد ماهو رخيص ولاحول الرخص

قبل أمس كنت في زيارة خاصه لدولة الكويت الشقيقه .. وحصل لي تجول قصير بين اماكنها الرائعة مع بعض الاصحاب
ومن باب الاستمتاع رأيت سوق "العربيد " بلازا ... فقلت هذا اللي يقولون بالمنتدى ويحكون عنه ... نزلت ورحت للسوق وسألت
طلع المقصود العربيد اللي امام الجمعية بالفروانية ... رحت هناك .. وقلت خلنا نشوف الرخص اللي يقوله اهل المنتدى وبكل أسف .. اقول بكل أسف

(كالعادة كلام الناس لايمت للحقيقه وان زعموا ذلك )

اكتشفت ان معظم من تكلم عن هذا السوق خالف الحقيقه او ردد ماسمع دون زيارته بنفسه
اؤكد مريت على السوق كله اللي جنب الجمعية ولم يكن هناك اثر "للرخص المزعوم " لقيت طرح النساء بمتوسط من 10 دينار و13 و15 وصولا الى 18 دينار ... يعني من الــ 140ريال سعودي وطالع !!!!!!!
وصولا الى الـ 18 دينار = حوالي 250 ريال ؟؟
ووالله ان هذا ماحصل ... استغفر الله عن الحلف لقيت الارخص بـ 7دينار يعني حوالي 100ريال ولكنه الردي ابوعشرين ريال بالرياض
((الاسعار مكتوبة حتى لايقول احد انهم غشوك ))
وبمقارنه بسيطه بسوق مثل اسواق الرياض نجد اسعار الطرح تبدا من 30ريال الى خمسين و سبعين للجيد بحد اقصى -اتكلم عن المتوسط في الاسواق العامة العادية- فاين الرخص اللذي يشار اليه بالبنان ؟
مثلها الدراعات لقيت من 100ريال وطالع مثلها مثل اي سوق ...
علما ان اسواق الرياض تبدا من 30 و40 وفوق
يعني باختصار سوق العربيد غير صحيح انه رخيص

بل بمقارنته مع الرياض يعد سوق غالي ضحكت كثيرا من المنتدى هنا وغيره من منتديات في ترديدهم لاسطورة سوق العربيد

طلعت انا واصحابي وانا اتعجب من تناقل الاخوة في المنتديات للروايات رغم
عدم صحتها ...
واوكد ان الكويت تحتاج الى وقت اطول من زيارة قصيرة فالبلد حلوة وتستحق الزيارة

نصيحه لاتصدقون كلام الناس
اخوكم الاعرابي 411

مواضيع عشوائيه ممكن تكون تعجبك اخترناها لك:

• الخميس عندك يالكويت
• سؤال عن سائق خاص مع سيارته
• مركز العلمي الكويتي
• أستفسار الله يوفقكم عن السكن عن أجمل العروض هذة الايام؟؟؟؟
• أبي مساعدتكم يا أهل الكويت
• العملية للفنادق تدشن فندق إيبيس شرق في الكويت
• استفسار
• ممكن معلومات عن النخيل
• سوق المواعين مستعجل مستعجل
• استفسارات عن ااكويت و الاماكن الترفيهية
• امس وصلنا من الكويت
• انا جاي للكويت الجمعه وافيدوني تكفون
• استفسار عن شقق بودل الفندقيه
• بسألكم عن شقق التراث بالفنطاس مناسبة لعائلة؟
• فـــزاع السعودية بس فقير ناوي يزور الكويت
• مطعم شطه و دقه بالمباركيه
• أهل الكويت ضروري
• محتاج مكاتب سفريات بالكويت
• ياأهل الكويت بستشيركم
• الفزعة ياهل الكويت

بس قول شرايك بالبضاعة

المشاركة الأصلية كتبت بواسطة ولد خمس نجوم
http://www.arabtravelersforum.com/tr...5/#post3388815

بس قول شرايك بالبضاعة

انا لست ضد السوق
بضاعتهم عادية ومتنوعة زيها زي اي سوق ..
ولكن طال عمرك .. هي ليست رخيصه كما يزعم البعض
يمكن الكويت اسواقها غاليه وهذا الارخص ماادري !!
ولكن قياسا للرياض يعتبر السوق غالي ولا يستحق الاشارة له
بالرخص البين ؟

ودمت بخير

نتكلم عن الرخص بالدراعات يعني مرات تحصل دراعه قيمتها 100 دينار تقدر تسوي مثلهااا واحلا منها عند الخياط يمكن تطلع لك 30 دينار واهني بتلاقي فرق السعر مو بالملافع لان الكويت اغلي بكثير ودبلات عن السعوديه
مع الفرق ان الشغلات مثل العبايات والملافع جودتهاااااااااا افضل بالمملكه من اللي عندنااااا وارخص علي قولتك دبلات المرات

اخى الاعرابى ارحب فى ديرتك الكويت ولكن الاسعار التى عاينتها فى السوق هى الاسعار المعلنة وكان بامكانك

المساومة والنزول بالاسعار الى ما دون النصف وهذه طبيعة مثل هذه الاسواق

حياك الله يا الاعرابي

والله هذا الصحيح ان ارخص سوق للدراعات بالكويت هو مجمع العربيد وتبدأ اسعارهم من 5 دنانير وما فوق

لكن دراعه تحصلها ب 20 ريال !!!!!!!!!1 صراحه ما عندنا بالكويت ؟؟؟

يمكن لان سوقنا غالي ... بالمقارنه مع سوق الرياض ..

وبالاخير حياك الله بديرتك الثانيه الكويت

ولكن ...!

(( نصيحة لا تصدقون كلام الناس ))

عبارة خاطئة فنحن بهذا المنتدى كل ما نقوله صحيح

وبناءا على انك في بوابة الكويت التي انا احد مشرفيها ..

فكلمتي هي صحيحه .. بأن سوق العربيد ارخص الدراعات عنده ..

واذا اردت ارخص ممكن تزور سوق الجمعه .. عندهم الدراعات الرخيصه ولكن لا انصح بشراؤها ابداااااااااااااااا

المشاركة الأصلية كتبت بواسطة djomdd
http://www.arabtravelersforum.com/tr...4/#post3389174

اخى الاعرابى ارحب فى ديرتك الكويت ولكن الاسعار التى عاينتها فى السوق هى الاسعار المعلنة وكان بامكانك

المساومة والنزول بالاسعار الى ما دون النصف وهذه طبيعة مثل هذه الاسواق




معليش ياعم ام 18 دينار كم بينزل فيها 2 او 3 برضه عالية على شيله
وانا ماعندي مشكلة ..ولكن من باب احقاق الحق واظهاره

العربيد الى خلف الجمعية للدراريع وتخصصة لتفصيل الدراريع اما الطرحات انت رحت ممكن مركزالعربيد الى يوجد بة محلات الحلوة وسيدتى والمشعل على ما اعتقد فهو غالى لاكن افضل مكان لتفصيل العبى والطرحات الى فى شارع الىنك الوطنى الكويتى ولاكن يوجد طرحات فى الكويتى من نص دينار الى 30 دينار واكثر حسب نوع الفصوص مثل شوارفسكى او غيرها اما السوق الكويتى فانا اعتبرة ارخص اسواق المنطقة اذا مش ارخص من العالم كلة لتنوعة يوجد بل كويت من 50فلس الى مالة نهاية

انا اقولك الدراريع اللي انت شفتهم خاماتهم وشغلهم خياطة الكويت وبتصاميم كويتية واللي تقول عنهم ب20 ريال اوحتى ب50 ريال هذي تقدر تحصلهم في فاشن مل والستي سنتر صناعة اسيوية والخامات اللي تكون اغلبها مصبوغة بس تلبسها الوحدة الا يطق جسمها حبوب حساسية من الاصباغ ...وانت ما شفت المعارض اللي تسويها بنات الكويت من تصاميمهم فيها وايد دراريع عجيبة وهي شغالة طول السنة لا وتلاقي الرخيص فيها اعني الرخيص بالنسبة لنا من 25 دينار وانت صاعد وهذي الدراريع والملافع ليست للاستعمال اليومي بل للاستقبالات والزوارات والمناسبات وخاصة رمضان تلاقي كل البنات لابسين دراريع .

يعطيك العافيه

اخوي انت تتكلم عن شغله و اللي يتكلمون فيه بالمنتدى عن شغله ثانية

جودة الخام شي اساسي في الاختلاف بالسعر

الدراريع اللي تتكلم عنها لبيت وغيره محد تكلم بالمنتدى وقال روح العربيد لهالدراريع

هم تكلموا عن دراريع الاستقبال اقصد الدراريع الرزة


عالعموم حياك الله في ديرتك الثانية , وبالكويت تلاقي من ال 50 فلس لي المليون دينار

حياك الله

يعطيك العافيه .. ويبقى رأيك هو رأيك ..

والف شكر ..

حياك الله بالكويت اولا

ثانيا احنا اهل الكويت شايفين انه هالاسعار رخيصه

يمكن انتوا شايفينها غاليه كل واحد وحسب رايه للسعر وقدرته على الدفع

بس انته كان ممكن انك تكاسرهم اكيد لانه معروف انه لما تكاسر تقدر اتطيح من 3 لي 5 دنانير

اسواق الكويت بضاعتها تختلف قليلا عن اسواق السعودية ( عاصمتها )



تلقى اشكال و الوان في العربيد و لكن هو فيهبضاعة رخيصة و غالية و فيه اسواق مثل المباركية تلقاها رخيصية تحت 5 دنانير

و سوق الجمعة ( ابو الرخص ) كل شي رخيص اللابتوب المستعمل الجديد يبيعونه 20 دينار و الجديد 100 دينار

المشاركة الأصلية كتبت بواسطة ولد خمس نجوم
http://www.arabtravelersforum.com/tr...5/#post3410435


و سوق الجمعة ( ابو الرخص ) كل شي رخيص اللابتوب المستعمل الجديد يبيعونه 20 دينار و الجديد 100 دينار

اما 20 دينار كثر منها
والمره القادمه ان شاء الله ان زرت الكويت ساتبين ان كلامك طوش كلام
طال عمرك ... ككل الكلام العام ..
ومن ناحية اخرى فان ابو 100 طبيعي مستخدمه بـ 20
ولكن هذا لايعد مثالا للرخص
الرخص ان تجد ابو 200 ب20 او 30 هذي صح
وعموما ان جيت للكويت بزورك وتذبح لي ذبيحه بـ 1000ريال
ابخسرك

اخوي الاسعار اللي ذكرتها مو بس مناسبة!
الا رخيصة بعد!!

ما أدري أخوي أنا مستغربه من كلامك...

شنو يعني طرحه ب10 او15 ترا مو غالي بحكم اني بنت وعارفه الاسعار...

وعلى فكره اسعار الرياض اغلى من الكويت بدبلات العبايه مع طرحتها ب4000 و3000 طبعا هذا الحلو الكشخه....

اذا تبي الرخيص روح لاسواق الجليب وتحصل الاسعار اللي تبيها ,,,

اسعار السعودية ارخص من الكويت الشي طبيعي لأن الدخل القومي اكثر منكم و الكثافة السكانية عندنا اكثر منكم و مصانعنا قليلة و البلد صغيرة و غنية مو غريبة تكون غالية

وجهة نظرك ونحترمها

وحياك الله اخوي في بلدك الثاني الكويت

المشاركة الأصلية كتبت بواسطة ولد خمس نجوم
http://www.arabtravelersforum.com/tr...3/#post3413463

اسعار السعودية ارخص من الكويت الشي طبيعي لأن الدخل القومي اكثر منكم و الكثافة السكانية عندنا اكثر منكم و مصانعنا قليلة و البلد صغيرة و غنية مو غريبة تكون غالية

لا عاد خلنا نكون حقانين من ناحيه الدخل القومي يمكن يكون احسن او متقارب
بس من ناحيه الكثافه السكانيه السعوديه اكثر بوايد دبلات الكويت

المشاركة الأصلية كتبت بواسطة ولد خمس نجوم
http://www.arabtravelersforum.com/tr...3/#post3413463

اسعار السعودية ارخص من الكويت الشي طبيعي لأن الدخل القومي اكثر منكم و الكثافة السكانية عندنا اكثر منكم و مصانعنا قليلة و البلد صغيرة و غنية مو غريبة تكون غالية

عاد بدينا بالمهايط يافرغلي
اخوي في دول العالم الغربي .. اللي حنا نقارن انفسنا
فيها دايم .. من العرف الاجتماعي ان الرجل يتفاخر بانه
اخذ هذه السلعة باقل سعر بعد تفاوض او لاقتناص فرصة عرض
ويعد ذلك شيئا جيدا ..
نحن هنا العكس اذا مااخذنا الغالي مانرتاح ...
الاخت اللي تقول الطرحه مع العباه بــ 3 الاف او 4000 الاف
هذا السعر مبالغ فيه وحظ اليماني صاحب المحل .. يجيب من الاسواق
العادية ويعرض في المولات الكبيرة بزيادة 400 او 500% يعني خمسه اضعاف
وانتم تاخذون على انها شي متميز ... وهي هي هنا وهناك ...
بس الخليجيين مبذرين والزخم الاجتماعي اخذ دوره شوي ...

ثم اني اعتقد ان الشخص اذا اخذ بـ 4 الاف ماياخذه الناس بـ 500ريال او الف ريال يعد ذلك محذورا شرعيا وغباءا اقتصاديا


القاعدة :
ان تحصل على اعلى جودة عند اقل سعر ممكن

والناس فيما يعشقون مذاهب
ولكنني اجزم ان نص حريمنا ان لم أقل 80% منهن عندهن
قصور شديد في الثقافة الشرائية ....
حتى ان بيوتنا -اللي تديرها سيدات - لا تمتلك معرفة كافية
بالميزانية وكيفية الادارة
او انها تنجح تماما الشهر كله فاذا اراحت للسوق لخبطت الميزانية لـ 3 شهور قادمة


دمتم بخير

تعقيب على كلآمك آخوي







"للرخص المزعوم " لقيت طرح النساء بمتوسط من 10 دينار و13 و15 وصولا الى 18 دينار ... يعني من الــ 140ريال سعودي وطالع !!!!!!!

وصولا الى الـ 18 دينار = حوالي 250 ريال ؟؟
ووالله ان هذا ماحصل ... استغفر الله عن الحلف لقيت الارخص بـ 7دينار يعني حوالي 100ريال ولكنه الردي ابوعشرين ريال بالرياض

زين ولله أي محل وللي يعآفيك لقيتها فيه لآن السعر جدا جدا جدا رخييييييص

ولله وربي يشهد فوقي آني قبل كم يوم شريت لي طرحه مثل ماتقول بي 45 وطالعه من المحل مستانسه

وبمقارنه بسيطه بسوق مثل اسواق الرياض نجد اسعار الطرح تبدا من 30ريال الى خمسين و سبعين للجيد بحد اقصى -اتكلم عن المتوسط في الاسواق العامة العادية- فاين الرخص اللذي يشار اليه بالبنان ؟





انا توني بالعطله الصيفيه جايه من الرياض وشاريه عباية مع طرحتها بي 4000 ريال / وين الرخصص فيهااا






مثلها الدراعات لقيت من 100ريال وطالع مثلها مثل اي سوق ...
علما ان اسواق الرياض تبدا من 30 و40 وفوق



معقوله درآآعه بي 7 دنانير أي صوب هذي
دراريع البيت اللحين نشتريها على 50 دينار و60 وتلقى طق عصي عن المشغل

بل بمقارنته مع الرياض يعد سوق غالي ضحكت كثيرا من المنتدى هنا وغيره من منتديات في ترديدهم لاسطورة سوق العربيد





ارجع واقولك عندنا وعندك غير


وفي سوقين العربيد اللي قدام الجمعيه هو العربيد مال الخيايط

ومايروح له الآ الخمه وآنا آختك

وآنا ما بكلآمي ماآ أقصدك آنت

بس آقولك مايروح للعربيد الا الهيلق



وبعدين مقارنه بمستوى معيشتنا كآ كويتين آنا أشوف آن الأسعار جدا رخيييصصصصصه ومدري ليش اصلن مسوي موضووع ومعصب مع الاسعار حيل رخيييصه ههههههههه

وتحيآآتي آخوووي

الاخ ماغلط يوم قال الدخل القومي والكثافه السكانية ياعرب

الكثافه السكانية تقاس على حجم لدولة يا اخ اللي تتكلم عن ان كثافة السعودية فوق كثافة الكويت دبلات

الكثافة تقاس على حجم الدولة وعدد القاطنين فيها


وعلى سالفة الاسعار اذا انت شايف ان الاسعار بالكويت لهالدرجة غالية تقدر تروح وزارة التجارة وتقدم شكوى كسائح وان شاء الله يشوفون الحل


ليش التعب والجهد

بالتوفيق وحياك الله في بلدك الثاني ( خليجنا واحد)

حظي المنسدح ياريت شوي ترتقين باسلوبج

المشاركة الأصلية كتبت بواسطة حظي المنسدح
http://www.arabtravelersforum.com/tr...4/#post3417104

تعقيب على كلآمك آخوي




زين ولله أي محل وللي يعآفيك لقيتها فيه لآن السعر جدا جدا جدا رخييييييص
لقيتهن بالعربيد اللي خلف المول ... عند الفلبينيات والمصريية

ولله وربي يشهد فوقي آني قبل كم يوم شريت لي طرحه مثل ماتقول بي 45 وطالعه من المحل مستانسه
ببساطه ملعوب عليك

انا توني بالعطله الصيفيه جايه من الرياض وشاريه عباية مع طرحتها بي 4000 ريال / وين الرخصص فيهااا
تلقينك شاريته من اسواق العليا ولا الفيصلية
لو طلعتي 3 كيلو حصلتي اطلق عباة وشيلتها ب500
و600 الى 900 كحد اعلى .. بس بعذرك لازم يدفعونك جزء من الاجار

معقوله درآآعه بي 7 دنانير أي صوب هذي
دراريع البيت اللحين نشتريها على 50 دينار و60 وتلقى طق عصي عن المشغل

ارجع واقولك عندنا وعندك غير

وفي سوقين العربيد اللي قدام الجمعيه هو العربيد مال الخيايط

ومايروح له الآ الخمه وآنا آختك

وآنا ما بكلآمي ماآ أقصدك آنت

بس آقولك مايروح للعربيد الا الهيلق

وبعدين مقارنه بمستوى معيشتنا كآ كويتين آنا أشوف آن الأسعار جدا رخيييصصصصصه ومدري ليش اصلن مسوي موضووع ومعصب مع الاسعار حيل رخيييصه ههههههههه

وتحيآآتي آخوووي

اما الخمة والهيلق فمااعلم وش معناها .. باللهجه المحلية
ولكن اتوقع انها سيئة وكلن الفاظه تدل على اخلاقه
وانا لااحجر على الناس خياراتهم

هي فقط كانت فكرة وانطباع ... ولاادري ان
فيه اغلى منه وارخص منه والناس طبقات
بس الحديث عن الناس العادية وانطباعي عن
ماكتب ويكتب هنا فقط

هذه وجهة نظري الشخصية
اما اللي يقول اشتك لوزارة التجارة
فاقول له والله ان صمتك ابرك من كلامك

باختصار

العربيد يقلد المشاغل عندنا بالكويت اللي يسوونه ب60 دينار او 70 يسوونه خياطين العربيد ب 12 او 15

والبدلات اللي على 100 دينار وفوق يسوونها من 30 دينار وفوق والخام من عندهم بعد وفي حريه اختيار نوع الخامه

المشاركة الأصلية كتبت بواسطة ركاز81
http://www.arabtravelersforum.com/tr...3/#post3430153

باختصار

العربيد يقلد المشاغل عندنا بالكويت اللي يسوونه ب60 دينار او 70 يسوونه خياطين العربيد ب 12 او 15

والبدلات اللي على 100 دينار وفوق يسوونها من 30 دينار وفوق والخام من عندهم بعد وفي حريه اختيار نوع الخامه

صح لساانك

لكن شنو تسوي ياخي اذا في عقول بالفطرة مسدودة وتبي تطلع نفسها الصح والناس كلها غلط وهي الخبير الاقتصادي الوحيد في العالم

بالتوفيق لك

طيب لو سمحتوا وين العربيد الزين اي سوق وضحوا اكثر لاني جاي بعد بكرا وناوي اشوف لي كم جلابيه هديه ابي شئ يبيض الوجه

انا دايم اتسوق من السعودية صراحه اسعارهم كل مالها وتزيد بشكل مو طبيعي
الطرحة اللي كنت اخذها 100 ريال الحين صارت 200 ريال ولا تكاسر سعر محدود
توني شاريه عباية وطرحتها 1200 ريال

ودراريع العربيد اخوي قطنيات حلوه مثل قطن العمودي عندكم
اما الخام بالسعوديه للدرايع الجاهزه هي خام هندي ما عليه اقبال عندنا
انا شفت دراعه عندنا بثلاثه تنباع بالسعودية 120 ريال ولا تكاسر
احنا عندنا متعة المكاسر شي مو طبيعي

فكل دولة لها ما يميزها واسعارها مناسبه لشعبها حسب ميزانيته
فصعب المقارنة

المشاركة الأصلية كتبت بواسطة ام ناييف
http://www.arabtravelersforum.com/tr...3/#post3457113

انا دايم اتسوق من السعودية صراحه اسعارهم كل مالها وتزيد بشكل مو طبيعي
الطرحة اللي كنت اخذها 100 ريال الحين صارت 200 ريال ولا تكاسر سعر محدود
توني شاريه عباية وطرحتها 1200 ريال




ام ناييف .. الأسعار بالسعودية إرتفعت بشكل كبير وكل مالها بزوود وهذا من بركات " ابويمن " اللي رغم طمعهم وسوء تعاملهم وخبث طويتهم ، يجدون ثقة وتعامل مع كثير من السعوديين مـع الأسف اللي يقارنونه بالبنغالي .. الديره موليه ورايحه بالقاع .. والضحية أول وآخر هو السعودي الفقير اللي راتبه اقل من 4 آلاف .. الشباب السعودي بعشرات الآلاف عاطل مع سبق الإصرار والترصد ، وإتفاقية التنسيق السعودي اليمني التي وقعت في زمن التهاون والذل والتصعير ضمنت ملايين فرص العمل لليمنيين - ولا عزاء لأهل الديرة - .. ومن عقبها بويمن ترسوا السعودية واكلوا الخضر واليابس ورفعوا الأسعار مع تغاضي تام من وزارة التجارة .. خبرج بويمن انطردوا سنة الـ 90 يومهم يردحون لصديموه ، واكلوها على صماخهم وماتوا جوع وردوا حاقدين وجوعانين .. ومجلس الشورى السعودي اللي مفروض ( مفروض ) يحل مشاكل البلد والمواطنين ويكون عون لهم صار فرعون على الشعب السعودي .. اعضائه ضيقوها على الشعب من كل صوب .. دام ان اعضاء المجلس من غربان الفضيلة والتأسلم وكل سنة يحوشهم تحسين اوضاع بـ 20 مليون ريال يدخل ارصدتهم .. شلون بيحسون بمعاناة المواطنين ؟
يبه حمدوا الله ان رب العزة والجلاله رزق الكويت مجلس الأمة بنواب افاضل صوت شعب بحق وحقيقي ..

يا الاعرابي سوق العربيد الي الناس يتكلمون عنة هو الي خلف جمعية الفروانية مباشراا
وهو الارخص نعم هو الارخص و لاكن ليس المقصود با الارخص ان يكون ارخص باسعر فقط
الارخص يكون ب الجودة و الرخص معا بمعني ممكن تلقى ثوب ب 100 ريال و ثوب نفس الشكل ب 70 ريال
ما ذا تتوقع الفرق بينهممم
1- الجوده للخام يختلف
2- صاحب المحل اذا كان شاري كميةو يبي يصرفها بسرعة ف ينزل من السعر
و هذا ما نسمية با تجارة ليش ناس تفهم باتجارة و ناس ما تفهم اكيد في فرق فاهم علي
ف من وجهة نظري اقووو سوقالعربيد متميز ب خام لا باس فيه مع اشكال متنوعة تفصال و هذا المميز فيه
و شكراا على الموضوووع

يعطيك العافيه

اللصرااحه بقوولكم شئ

الكويت غاالين بالدرااعات الهنديه يعني الدرااعات عندهم مثلا بمجمع الاوقااف بـ200 او 300رياال
وبالسعودية لا تكوون 30 او 50 رياال


اما العربيد فهي تصاميم وخيااطين اسعاارهم جددا حلوة يعني تقريبا بــ260 و 300 رياال تراها على جلابيه لحوة مب خراابيط