الموضوع: مساعدة في رحلتي اﻷولى إلى الكويت

مرحبا يا أهل الخير
أتمنى مساعدة بسيطة في رحلتي اﻷولى إلى الكويت. أنا إن شاء الله بزور الكويت لمدة يومين في منتصف اﻷسبوع القادم. وﻷن المدة قصيرة فلابد تكون الرحلة مركزة. أنا مهتم لزيارة اﻷسواق الشعبية و اﻷسواق الحديثة باﻹضافة إلى اﻷماكن الممتعة مثل ما سمعت و شفت على المنتدى المارينا كريست.

أتمنى من أهل الكويت الحبيبة مشاركتي في بعض اﻹقتراحات للأماكن اللي نقدر نزورها خلال اليومين بالإضافة إلى إقتراح فندق 3-4 نجوم. مقترحاتكم الجميلة بتساعدني على تنظيم برنامج للرحلة.

التقارير ما شاء الله كثيرة على المنتدى و لكن شوي ضيعت و السموحة.

و لكم جزيل الشكر.

مواضيع عشوائيه ممكن تكون تعجبك اخترناها لك:

• مطعم السوليدير اللبناني في الفنطاس
• التخفيضات
• ياهل الكويت ابي فزعتكم
• زياااااره
• ارجو كم ياأهل الكويت؟
• عوزة صور لمنطقة
• ارجو الافادة بالشقق الفندقية والاماكن الترفيهية بكرة السفر
• جــولة فــي الكــويـــت
• حول الكويت في ايام
• فندق مارينا السالميه
• يمديني ؟؟
• فزعتكم ورؤيتكم هل الكويت
• شركات نقل
• نظام ساهر او كاميرات المراقبة بالنسبة لـ اللوحات السعودية
• فندق ومنتجع النخيل ؟
• شقق فندقيه بالكويت
• اسئلة عن برج التحرير
• صور لأفخم فندق في الكويت
• ارينزا تاور
• سؤال عاجل لاهل الكويت ولاصحاب الخبره بالكويت

بسم الله الرحمن الرحيم

اخي العزيز حياك الله بديرتك الثانيه الكويت وانتم اهل الدار وحنا الضيوف عندكم

اما بالنسبه على الطلب فانشاءالله اني افيدك والاعضاء ما يقصرون معاك

الاماكن الشعبيه بالكويت كثيره منها سوق المباركيه بالديره واحسن فتره للذهاب هناك

من الساعه 6 إلى فترة العشاء ومن بعدها تذهب للسينما في احد المجمعات واقرب مجمع له

هو سوق شرق من المجمعات الحديثة والكبيره مثل الافنيوز و هناك مجمع يفتح في تاريخ 31/10

واسمه البيرق في الفنطاس


اسماء المجمعات واماكنها :- الافنيوز في منطقة الشويخ - مارينا مول بالسالمية - وسوق شرق في شرق - ومجمع المهلب في حولي - والكوت والمنشر في الفحيحيل - وشارع سالم المبارك في السالمية في اكثر من مجمع ومنها الفنار وليلى جاليري وزهرة وتالا والبستان


واما الفنادق وبكل صراحه ما اعرف إلا القليل وهي ايبس في شارع سال المبارك - ودريم ان - والسالمية بلاس وغني بلاس - والكورنيش بجانب مجمع المارينا - وفندق المارينا - بودل للاجنحه الفندقية في شارع المطاعم وعلى العموم جميع هذه الفنادق في السالمية وجميعها قريبه من بعض


وانشاءالله ما قصرت معاك وادري موضوعي او ردي مو حلو

شكرا للرد الرائع. خلاص اليوم اﻷول ﻷنه عندي نص يوم بروح سوق المباركية و بعدين شارع سالم المبارك.
و اليوم الثاني عندي يوم كامل بروح فيها على اﻷفنيو أو 360 و المارينا ومنطقة الكورنيش. اليوم الثالث عندي نص يوم و بنروح على سوق شرق.

شكله وايد مجمعات ما بيعطيني إنطباع كامل عن المدينه. أتمنى أماكن ثانية نختلط مع الناس و الساير و الجاي

بما ان عندك يومين انصحك بهالاماكن :

_ المباركية بما انك تبي سوق شعبي

_ الافنيوز اكبر مجمع

_ مارينا مول وبعدين تكملون في مارينا كرسنت

واذا على السكن عندك فندق ايبس والشارع اللي فيه الفندق كله مجمعات ومطاعم وراح تشوف الرايح والياي

وماانصحك ب 360 مول لان ليلحين ماافتحت كل محلاته وانت عندك يومين فا الافضل انك تروح حق غيره

وحياكم الله

لاتروح 360 لان يومك راح يروح عالفاضي

واذا تبي تشوف الرايح والراد

عندك المارينا كريسنت مقاهي ومطاعم

ومجمع الكوت مقاهي مطلة على نافورة