الموضوع: تكفون ياجماعة الخير استفساررررررررر مهم

بسم الله الرحمن الرحيم


محتاجة لفزعتكم

انا طالبة قطرية بسنة 2تاسيسيةادراة واقتصاد بجامعه قطر ومااستفدت كثير من جامعتنا واللغة عندي

ماهي كويسة وحابة ادرس لغة ببريطاينا وادرس بعد اللغة تخصص ادارة واقتصاد او اعمال

وابي اقدم ع بعثة احدى الشركات البترول الامريكية اللي عندنا

وابي مساعدتكم في احسن معهد للغة الانجليزية يكون بالاسابيع افضل بدل سنة او سنتين ويكون ممتاز

والعرب طبعا قليل مع اني افضل بقربهم وابغى معهد معترف فيه ميه بالميه لاني جاددة ابغى اكون في الانقليش برفكت ع قولتهم

والجامعه بعد وكم سنة للتخصص يعني 3 او 4 او اكثر وتكون معروفة حيل

وانا راح اسافر هناك ان شاء الله اذا وافقت الشركة ع البعثة

امان اهم شي خبركم عقب سالفة القطري ولد الماجد وانا بعد متحجبة (ويصير البس نقاب او لثام هناك او لا )

تكفوووووووون ياجماعه الخير انا ابغى ادرس هناك (اذا وافقوا اهلي بعد )لانهم بس يقولون لغة

وتعالي الدوحة كملي الجامعه هينا لاني بسافر لهناك عند خالي وحتى للحين ماني متاكدة من سفرة خالي

هناك وهو عايلته لانهم راحو يكون هناك سنتين ......و.اذا رحت راح تكون سفرتي الاولى خارج الخليج

وخايفة كثير ولان محد من اهلي راح لبريطانيا او درس هناك


لاهنتوووووووووووووووووووووووا وابغى الرد ورايكم بالموضوع

وربي يعيطكم العافية ووويسر اموركم يارب

مواضيع عشوائيه ممكن تكون تعجبك اخترناها لك:

• خبراء امريكا فضلا لا امرا ارجو الدخول لمساعدتي بالجامعه
• إستفسار بخصوص اللغة الإنجليزية في بريطانيا
• سفر من اجل التعليم
• سؤال محيرني جدا جدا جدا ادخلوا وجابوني لو سمحتم؟؟؟
• ايجابيات وسلبيات مانشستر
• إلى الخبراء في بريطانيا دراسة اللغة لمدة ثلاثة شهور
• اخر ما قاله طارق النوفل عن الاعلان النهائي للمرشحين
• برنامج الاتصالات المتقدمة
• محتاره بين معهدين؟؟؟؟؟
• للي بفــــــــــلوريدا
• كحّيناااااااااا فلوس الين قلناااااا بس يا وزارة التعليم العالي
• اختلاف في السيفيس
• مقارنة الدراسة في بريطانيا ام كندا افضل ادخل وعطنا رايك
• استفسار بخصوص موعد الملتقى
• ابغى سكن في معهد ارجوووكم
• إستفسار عن كاليفورنيا
• الجامعات المعترفة لدى ارامكو
• هل تتحمل الملحقية تكاليف دراسة المرافق؟
• ممكن اي احد يفيدني ضروري ؟؟
• ايها افضل لاكمال الماجستير مدينة ادنبرة أو شفيلد؟

وعليكم السلام ورحمة الله وبركاته

هلا وغلا أختي

في البدايه ياليت تهدين والأمور ان شاءالله بسيطه ولاأتحاتين ..

بالنسبه للغه هل هي على حسابج !!

إذا على حسابج حاولي أتزورين مركز قطر للأستشارات الي ورا محطة الوعب لانه عندهم مراكز ومعاهد وجامعات معترف فيها في بريطانيا ..والمركز راح ايرتب لج كل شي وحتى العائله راح أيرتبونها لج ..

أما إذا كانت الدراسه على حساب الشغل فعندج معهد بيل ألي في كامبردج ..معهد قوي وله سمعه ولكن عيبه أنه غاااالي ..

أما مسألة الحجاب فلاأتحاتين ..وأمشي بنقابج عاااادي والدعوه بسيطه :24:



وأي خدمه أحنا تحت أمرج ..

هلا بك

الامور هادية ان شاء الله اذا الله كاتب اني اروح لهناك

بالنسبه للغه هل هي على حسابج !

لا بعثة من شركة

وسكن العايلة لا والف لا سكن خاص يمكن افضل:110:هذا اذا رحت باذن الله


وسوالي المهم: ياخوي عن بيل ألي في كامبردج ... كامبردج جامعه ولا منطقه؟؟؟ :114: واذا هي جامعه زين بعد

اذا فيها التخصص اللي ابيه


لاهنت يالقطري والله يطمن قلبك مثل ماطمنتنا :101:


وربي يكثر من امثالك يارب

اللة يوفقك .. أشجعك حيل على الدراسة ببريطانيا خصوصا" اللغة
بس مداخلة بسيطة: ليش ترفضين سكن العايلة؟ مع انك ممكن تستفيدين أكثر من ناحية تحسين اللغة بالممارسة

هــــــــــــلا بأختي ام كادي 999

في بداية الأمر انا بصراحة ما أعرف كيف أجاوبك :114:

لانه انتِ تقولي بأنك راح تسكني مع خالك :114: طيب كيف أعطيك معهد او جامعة وانا ما أعرف وين ساكن خالك لانه أخائف أرشح لك مكان يكون بعيد عن خالك وبعدين

راح أجاوب على أستفساراتك السطحية وبعد ما تردين علي راح أعطيكِ كل ما تريديه






وابي مساعدتكم في احسن معهد للغة الانجليزية يكون بالاسابيع افضل بدل سنة او سنتين



أختي المعاهد البريطانية تتعامل بالأسابيع ولو يقال سنة أكاديمية يقصدون هنا انها تسعة شهور






وابغى معهد معترف فيه ميه بالميه لاني جاددة ابغى اكون في الانقليش برفكت ع قولتهم



اصلاً لو ما كان المعهد معتمد ما راح يعطونك فيزة دراسة






والجامعه بعد وكم سنة للتخصص يعني 3 او 4 او اكثر وتكون معروفة حيل



أغلب التخصصات دراستها ثلاث سنوات






امان اهم شي خبركم عقب سالفة القطري ولد الماجد وانا بعد متحجبة (ويصير البس نقاب او لثام هناك او لا )



لا تخافين من شي البلد أمان والحافظ الله سبحانه وتعالى مدامك ملتزمة بأمور دينك

على فكرة كامبرديج هي مدينة انجليزية بها أقوى جامعات العالم ويوجد بها لا يقل عن 12 معهد معتمد ولكن انا ما أنصحكِ عليها ومعهد بيل سكول لم يعد كما كان في السابق وهذا الكلام منذ عام 2005

لا تقلقي حتى لو كانت سفرتك الاولى فسوف نعطيكِ كل ما تريديه عن المنطقة اللى راح تدرسين فيها

مع خالص احترامي :101:

ملبورن

انا للحين ماني عارفة وين راح يدرس بالضبط الماستر اوكي هو ماحدد لي الجامعه او المنطقة

وانا اللي ابسويه الحين بارتب اموري واشوف المعاهد والجامعات اللي هناك واللي عندكم فكره عنها او اللي جربوتها طيب

والله يكتب اللي فيه خير



ولاهنت وجزاك ربي خيرااااااااااااا


وبصراحة ماقصروتوا عطوتنا ردكم في اقرب وقت ربي يسر اموررررركم ان شاء الله

واتمنى لمنتداكم التقددددددددددددددددددم والنجاح

المشاركة الأصلية كتبت بواسطة ام كادي 999
http://www.arabtravelersforum.com/tr...6/#post2518716

ملبورن

انا للحين ماني عارفة وين راح يدرس بالضبط الماستر اوكي هو ماحدد لي الجامعه او المنطقة

وانا اللي ابسويه الحين بارتب اموري واشوف المعاهد والجامعات اللي هناك واللي عندكم فكره عنها او اللي جربوتها طيب

والله يكتب اللي فيه خير



ولاهنت وجزاك ربي خيرااااااااااااا


وبصراحة ماقصروتوا عطوتنا ردكم في اقرب وقت ربي يسر اموررررركم ان شاء الله

واتمنى لمنتداكم التقددددددددددددددددددم والنجاح



اختي وضحت الصوره رغم أني مازلت متخوف أرشح لكِ شي يكون بعيد عنه عاد راح تكونين مجبورة على التغيير

المهم ما عندك مشكلة في بداية الأمر انا أشوف انك تدرسي في معهد لمدة اربعة اشهر في مدينة فيها عرب بس المعهد ما يكون فيه عرب ولو كان عدد ما يذكر لأنك بنت وتحتاجين العرب في المدينة اللى راح تدرسين فيها بعد كذا تنتقلين لمعهد الجامعة اللى راح تدرسين فيها علشان تتسهل عملية القبول

لو وافقتي على ما طرحت راح أعطيكِ ما اراه مناسب لكِ

على فكرة هل تخصص الجامعة راح يكون نفس التخصص اللى تدرسين الان والا في تغيير

المهم نحن هنا وبخدمتك

مع خالص احترامي :101:

القطري

مسموح ...لاتأخرت ولا شي..

معهد بيل توه ..ايه سمعت عنه بس ..ماعرف عنه شي

اما مركز قطر لاستشارات ...ان شاء الله بجيهم عقب العيد

اما بخصوص الشمال .........ماادري على ماعتقد ان خالي راح يكمل بالمناطق الجنوبية :114:


لاهنت يالقطري وجزاك ربي خيرااااااا


ملبورن
فكرتك رائعة بس راح اطرحها ع الاهل ..


اكيد نفس التخصص يالطيب


لاهنت والله ماقصرت




لاهنتووووووووووا جميعا والله كلفت عليكم كثيرا:101::101:

بشري !!


وش صار ماكم ؟

هلا بك يالقطري

من قلب كل شي يبيله شغل

اول ماقدمت ع البعثة قالوا لازم تجبين لنا الايلز اوكي وعقبها بنقرر اذا ايه او لأ

واقل شي يبونه 6ونص والامتحان الاقرب باخر واحد الجاي


وذالحين ماكلمت خالي عن البعثة او شي كنا بنخبره لكن عقب العقبة ذي قلت نشوف ونصبر


ادعوا لي اجيبه قسم بالله قهر بذمتي

الله لايهينك ع السوال ياخووووووي

جزاك الله خيراااااااا

[FONT="Comic Sans MS"]أدب وذوق

جزاك الله خير ع الرد ان شاء الله راح اسال عنه ...اما بخصوص السكن فاراح يكون ان شاء الله مع خالي وعايلته .....ولا ماكان فكرت اسافر ........اصلا لان خالي خلاص راح يدرس الماستر هناك هو وعايلته ...هذا اذا الشركة وافقت ع بعثتي ...فبروح هناك باذن الله

لاهنت ع الرد والله لايهينك[/FONT