الموضوع: بـاريس أختلفنـا مين يحب الثانـي أكثـر

.
.
.
.






أخواني وأخواتي الأعزاء في منتدى العرب المسافرون ..,

هذا تقريري المتواضـع لـ رحلتي لـ عاصمة النور بـاريس ..,

واللي بـ صراحــة كان لكم الفضـل فيـه من بعـد الله تعالى ..,

وهذا رد للجميل لـ منتداي المفضل .., :101:

وأخص بـ الذكر هنـا الأعضاء ..,

بعدين أسافـر .., أم سيف 76 .., ضايـق صدري .., حدي مصّـر .., abu fisal ..,

الذي تعلمت منهم في تقاريرهم الخاصة .., أو من خلال ردهم على أجوبـة الأعضاء ..,

وبـاقـة خزامـا ورياحين للأخت ( أديــم ) اللي تحملتني وتحملت اسئلتي عن ترتيب رحلتي ..,

بـ الفعل شكراً لكم جميعـاً .., وعذراً للأعضاء اللي نسيتهم .., :113::113::113:


وخلونـا نبـدأ على بركـة الله .., :8888:

.
.
.
.



(( التقرير راح يكون بـ اللهجه الأماراتيـة :101: واللي تصعب عليه كلمة أو شي ..,

يرفع أيده ويقولي ^^ وفالكم طيب .., ))

بـ صراحه هذي أول مرة أزور فيها باريس وأوروبـا بشكل عـام ..,

وكنت متخوف من التجربـة بيني وبينكم ..,

وسبب الرحلة هو الروتين الممل اللي كانت عايشه في أخر ثلاث شهور ..,

الدوام البيت المقهى .., المقهى البيت الدوام .., :112:

فـ قررت أني أخذ أجازة من الدوام وأسافر أي دولة وأغير جو ..,

مع أن الأجازة يمكن 5 أيام بس .., فقط لا غير .., ^^

المهم أغير جو ..,

وسبحان الله جت الفكرة على باريس ..,

وأتصلت بـ مكتب السفريـات وسئلته عن الأسعار .., ورحت له المساء علشان نتفاهم عن التفاصيل ..,

وكانت التذكرة على طيران الأمـارات .., بـ 3500 درهم ..,

وحجزت في فندق POWERS القريب من الشانز ..,

وكنت مقرر أسافر بتاريـخ 5/5/2009 ..,

بس صار تأخير من القنصلية .., وأنتوا تعرفون التأخير في السفارات الفرنسية عندنا بـ الخليج ..,

يعني حدّث ولا حرج ^^ ..,

وبـ صراحه هـ المشكلة خلتني أفكر أكثر من مرة أني ألغي رحلتي ..,

وبالفعل تم تأجيل الرحلة الى تاريـخ 13/5/2009 ..,

ولا تنسون موضوع أنفلونزا الخنازير .., يعني تحطيم بـ معنى الكلمة ..,

وأنـا راكب رأسي إلا أروح يعني أروح :110:

وتم تبديل تاريخ التذكرة .., والفندق أخذ مني مبلغ ليله ورجع لي الباقي ..,

لأني بـ صراحه كنت حاجز الفندق عن طريق مكتب سياحي , وهذي بـ صراحه غلطتي ..,

لو أخذتها عن طريق موقع بوكينق كان أفضل لي ..,

المهم غيرت الفندق الى فندق شاتو فرونتنيك ( بجنب فندق الـ POWERS بـ الضبط ) ..,

وكانت الليله عندهم بـ 200 يورو .., وتوكلنا على الله ..,

وكل همي بس أني يا أنا يا هذا الروتين في البلاد ^^

ومدة الرحلة ثلاث أيام بـ الضبط ..,

من الأربعـاء تاريخ 13/5 الى السبت 16/5 ..,

وأنا بيني وبينكم من النوع اللي يحب يسافر لـ حاله ..,

وهذي مش أول مرة أسافر لـ حالي ..,

بس تجربة جديدة في أوروربـا ..^^
.
.
.
.


كان موعد الطيارة الساعة 8:20 صباحـاً ..,

وأخذوا مني في المطار العطر لأنهم يمنعون حمل اي أشياء سائلة أكثر من 100 mm .., :110:

وكانت الأجراءات جداً سهله بـ صراحه في مطار دبي .., والوضع يبشّر بـ الخير ^^

رحت أطلع البوردينق وسألت الموظفة تحجز لي على كرسي رقم A49 لأنه أخر كرسي بـ الطيارة ..,

ويكون مقعدين جنب بعض .., وفي أغلب الطيارات يختلف حجم المقعد عن الطيارة الثانية ..,

من حيث الوسع .., وبـ الفعل صدق ظني ^^ كان واسع ومحد جالس جنبي .., :105:

بس لما رجعت كان الكرسي عادي .., وشخص ( غلس ) يشخّر طول الرحلة :112:

.
.
.
.


وصلنا مطار شارل ديقول بـ السلامة .., :bounce8:

ونظرتي الأولى له كان مطار كبير جداً .., بس قديم نوعـاً مـا .., يعني أقل من الـ عادي ..,

بس الأجراءات في قمة السهولة ومن غير تعقيد .., :8888:

أخذت الشنطه وطلعت من البوابة .., ولقيت تاكسي في موقف الأنتظار ..,

وعطيته عنوان الفندق .., وأبتسم ^^ :24:

وتحركنــا على طووووول :115:



(( الصـور عليها توقيـع .., الساهي qip )) .., وهذا أسمي في منتدى ثاني ..,




هذا الموقف اللي كان فيه التاكسي ..,






وفي طريق وصولي للشانز ..,


.
.
.
.



وصلت فندق الشاتو ..,



وكان العداد 39 يورو .., وأخذ زيادة 5 يورو لـ تنزيل الشنط من التاكسي .., :114:


كان الأستقبال أكثر من رائــع .., وأخذوا مني 100 يورو تأمين ^^

وعطوني المفتـاح .., وكانت غرفة رقم 301 ..,

وهذي صور المصعد .., يتسع لأربع أشخاص بس ^^




وهذي صور الغرفة ..,

















مع أن الغرفة ضيقه شوي .., وهذا اللي عرفته أن أغلب الغرف بـ شكل عام صغيرة ..,

التيلفزيون فيه 22 قناة بس ^^ وقناة 1 عربية بس اللي هي الجزيرة ..,

تأكدت من السخان اللي في الحمام .., والسيفتي بوكس .., والبلكونه ..,

وعندي كم صورة من البلكونه صورتها .., بس بعدلها وبحطها أن شاء الله بـ الجزء الثاني ..,

شي موظف بـ الأستقبال هندي أسمه يوسف ..,

أنسان متواضع جداً وخدوووم بـ شكل مش طبيعي ..,

ساعدني بـ أشياء كثيرة .., والله حق ما طلبني ولا فلس .., من أول ما وصلت لين ما رحت عنهم ..,

بس مرة أشوفه الصبح ومرة بـ الليل .., الظاهر دوامه متغير ما هو ثابت على وقت محدد :114:

حتى موظفين الأستقبال نفسيتهم حلوة ودايماً مبتسمين ..,

وكل ما أطلع من الفندق وأرجع ألقى الغرفة مرتبة .., مع أني لما أتركها تكون خرابه بـ صراحه :8888:

وتغيرهم للفرش والتنظيف وأدوات الحمام بـ شكل دايم .., ومستحيل أرجع وما ألقى كل شي مرتب ..,

حبيت الفندق بـ صراحه .., وأعطيه 10/10 ^^

.
.
.
.


المهم رتبت ثيابي .., وأخذت الخريطة وخريطة المترو من الأستقبال ..,

وكان كل همي هو تجربــة شي جديد في حياتي .., وكنت متحمس جداً لـ هذي التجربة ..,

المترو ..!!


.
.
.
.



أنتظروني في الجزء الثانــي ..,


.
.
.
.
.

مواضيع عشوائيه ممكن تكون تعجبك اخترناها لك:

• ساعدوني في فرنسا بفصل الشتاء
• رايكم يهم لانكم اهلا للثقـــــــــــــــة ؟؟؟
• رحلتي الى باريس
• حجز التذاكر والفيز
• تقرير رحلتي الى مدينة العشاق باريس صور تفاصيل أسعاار
• ستراسبورغ الجميله مع أبوعمر
• التاكس فري ما الحل ؟؟؟
• مين يعطيني هذي الاحداثيات تكفون سفري بعد ايام
• تخطيط رحلة ومحتاج مساعدتكم
• لو تكرمتم بالإجابة من فضلكم
• خطة السفر من برشلونة الى باريس مرور بافضل الارياف ؟
• رجعت من رحلتي الباريسيه
• بالسياره من فرنسا لـ إيطاليا و التأمين
• حجزت ايام في آنسي والمشكلة الوالدة منقبة
• منطقة اللاديفانـــس
• استشارة بالمخطط الجديد
• كم يوم يكفي لباريس؟
• اخيرا ساسافر الى بلاد الشام مع كتاكيتى لدى استفسارات
• سؤال جدأ هام
• سؤال بخصوص الشنقن

.
.
.

آنثـى ..,

وأنا لي الشرف أختي أنك تكوني في موضوعي المتواضـع ..,

شااكر متابعتك ..,

.
.
.
.

.
.
.
.


رائــع جدا ..,


والله يا أخوي انا مثلك ..,

الموضوع كان شاغلني شويـه ..,

وتوكلت على الله ..,

من مطار دبي الى مطار شارلز ديقول الأمور ميه ميه ..,

محد كلمني عن المرض أو شفت أحد حاط كمامات أو لقااح للمرض أو شي من هذا ..,

الأمور طيبه وعاديه جداً .., حتى في المترو والأسواق ..,

كل شي عادي ..,

وإن شاء الله تروح وترجع بـ السلامة ..,

.
.
.
.

الحمدلله على السلآمة ,,
رحلة خطافية عجيبة وسجلني من المتابعين ,,
وعساك ع القوة ناطرينك بالجزء الثآني ...
/
\
بحفظ الرحمن

رووووووووووووووووووووووووووووووووووووووعة

بدايه حلوه و تبشر بتقرير مميز ..


يعطيك الف عافيه

أهم شي إنه العماني يدخل فرنسا دون فيزا وكثثير دول غير فرنسا هذا افضل شي بالنسبه ليي نسافر دون فيز وخرابيط


تسلم أخوي والحمدلله ع السلامه ومبين إنه تقرير شييي ورائع

وحنا بالانتظار

الحمدلله على السلامة اخي العزيز .. تقرير رائع .. ما تركت شيء ..

وكلنا لبعض في هالمنتدى الغالي .. نفيد ونستفيد حسب الاستطاعة ..

ما شاء الله عليك مغامر ومقامر .. 3 أيام بس .. أظنك بعدها رجعت لعملك نشيط ومصحصح .. وكويس طلعت من دوامة الروتين القاتل

الله يوفقك في حياتك اخوي qip

تصوير روعة ماشآء الله عليك ,,
وكآن مستاهل تعب الصعود لقمة قوس النصر ,,
جزء مشوق وبأنتظار الثآلث ...
/
\
بحفظ الرحمن

المشاركة الأصلية كتبت بواسطة عظيم الشأن
http://www.arabtravelersforum.com/tr...2/#post2932452

أهم شي إنه العماني يدخل فرنسا دون فيزا وكثثير دول غير فرنسا هذا افضل شي بالنسبه ليي نسافر دون فيز وخرابيط


تسلم أخوي والحمدلله ع السلامه ومبين إنه تقرير شييي ورائع

وحنا بالانتظار




.
.
.
.


هلا أخوي .., والله يسلمك ..,

وأنا سمعت بعد أن دولة قطر عندها نفس النظـام :24:

الظاهر نحن والأخوان في السعودية مكتوب الشقا لنا :109:

مرمطه عند السفارة وتأخير مواعيد وعوااار راس .., بس كله يندرج تحت متعة السفر ^^

شكراً عظيم الشأن ..,

وتحياتي لأهالي السلطنة الكرام ..,

.
.
.
.

المشاركة الأصلية كتبت بواسطة 6am 6am
http://www.arabtravelersforum.com/tr...6/#post2934546

ما شاء الله صور احترافيه و أكثر من راااائعه :24:



ما تشوفه يركض يسبقك للشنط حتى ينزلها كرمال الخمسه يورو





.
.
.
.


6am 6am ..,


هلا وغلا أختي ..,

هيه والله ..,

على طووول نزل من السيارة ونزل الشنطة داخل الفندق ..,

وأنا أقول وش هذي الهمه والنشاط اللي فيه .., :114:

والغريب أنه يكلمني فرنسي بـ لكّنه صينيه :11ight:

وأنا أهز راسي بس ^^ يمدحون هز الراس :8888:

وأنا للحين ماني مصدق أني مصوّر هـ الصور ^^ :109:

الظاهر الجو أثر في أبداعنـا شوي ^^

وكلك ذوووق والله ..,



.
.
.
.

تقرير راااااااااااائع وصور اروع بنتظار البقيه

واااااااااااااو...بصراحهـ تسلم يديييييييييييييينك تصوير ولا أروع والحلو انك داخل فالدواعيس ومصور مناظر جديدهـ...
بسألك وين هذي الدواعيس...؟

وفيه النافوه اللي مصورها ...وين سانت ميشيل؟؟

مشكوررررر

يعطيك العافيه

اشكرك اخي الكريم والله يجزاك الجنه يارب
بصراحة تصوير يثلج الصدر
وتقرير ولا اروع والاجمل هالصور الحلوة
وبكذا بانت عندي سبب 80 يورو الي خذها مني راعي التاكسي الي اجرته من الفندق الى المطار
لان السيارة الي اخذتها فانو كبيرة تكفي 9 اشخاص
انت اخذت تاكسي عادي صغير ب40 تقريبا يعني على عدد افراد اسرتي اخذ 2 تاكسي يعني تيتي تيتي رحتى ولا جيتي
بياخذ 80 بياخذها
ومتابعين معاك ومعا اجمل تصوير

تقرير روعه
بس عسى لقيت أحد يصورك !!
هذي وحده من الأسباب ألي تخلي الواحد ما يفكر يسافر لحاله خخخخ

المشاركة الأصلية كتبت بواسطة سر حبي
http://www.arabtravelersforum.com/tr...1/#post2935961

تقرير راااااااااااائع وصور اروع بنتظار البقيه




.
.
.
.


وبـ تواجدكم وردودكم المميزه يحلى الموضوع أكثر .. ^^

.
.
.
.

المشاركة الأصلية كتبت بواسطة فتاة الخليج
http://www.arabtravelersforum.com/tr...5/#post2939855

مشكوررررر

يعطيك العافيه



.
.
.
.


العفو فتاة الخليج ^^

والله يعافيكِ ..,


.
.
.
.

المشاركة الأصلية كتبت بواسطة أم سيف76
http://www.arabtravelersforum.com/tr...7/#post2939967

اشكرك اخي الكريم والله يجزاك الجنه يارب
بصراحة تصوير يثلج الصدر
وتقرير ولا اروع والاجمل هالصور الحلوة
وبكذا بانت عندي سبب 80 يورو الي خذها مني راعي التاكسي الي اجرته من الفندق الى المطار
لان السيارة الي اخذتها فانو كبيرة تكفي 9 اشخاص
انت اخذت تاكسي عادي صغير ب40 تقريبا يعني على عدد افراد اسرتي اخذ 2 تاكسي يعني تيتي تيتي رحتى ولا جيتي
بياخذ 80 بياخذها
ومتابعين معاك ومعا اجمل تصوير




.
.
.
.


هلا وغلا أختي أم سيف ..,

هذي شهادة أعتز فيها من شخص يهمني جداً رأيه في موضوعي ^^

أو أني يمكن نجحت اني أرد كلمة شكراً لكم بـ طريقتي .., :113:

بـ الضبط .., :24: كذا ولا كذا هو ماخذها ماخذها ^^

تسلمين أختي أم سيف ..,

والصورة اللي أخترتيها مش مبينـه ^^

فضول ^^

.
.
.
.

المشاركة الأصلية كتبت بواسطة المتغليه
http://www.arabtravelersforum.com/tr...8/#post2940388

تقرير روعه
بس عسى لقيت أحد يصورك !!
هذي وحده من الأسباب ألي تخلي الواحد ما يفكر يسافر لحاله خخخخ




.
.
.
.

تصدقين ^^

كنت شايل هم التصوير قبل لا أسافر ^^

بس لقيت الناس هناك عندهم مبدأ ماشيين عليه كلهم ^^

( help me and i help you ) :24:

أما يكونوا اثنين ومش لاقيين أحد يصورهم .., أو قروووب ..,

يعني صوروووني وأصوركم ^^

الموضوع مش معقد مثل ما توقعت ..,


.
.
.
.

تقريرك مرجع تشكر عليه

الله ...تسللللللللللللم ولا يوقف كثر من الصور ,,,حرااااااااام عليك نفسيتي تعبت

تقرير رائع ما شاء الله وحلقة ممتعة
ترانا طماعين وونبي زيادة
ويوم حافل بالاماكن الرائعة

:24: :24: :24: :24: :24: :24: :24: :24: :24:


يااخي انت رااااااااااااااااااااااااائع وتقريرك راااااااااااااااااااائع


متابعين للنهاية ومرررررررررررسيه على الابداع

وعلى الاسلوب:x1::x1::x1::x1:

[font="Comic Sans MS"][size="6"][color="Purple"]ايه ده ايه الخقق ده بصراحه تقرير ممتع وقميل جداً جداً

انا بانتظارك

تقرير حلو وصور أحلى ماشاءلله

وبأنتظااااااااااار التكملة لا تتأخر

تقرير روعه ماشاء الله
والله اتحمست مع التقرير
بنتظار البقيه

المشاركة الأصلية كتبت بواسطة kinghamad
http://www.arabtravelersforum.com/tr...1/#post2942261

تقريرك مرجع تشكر عليه




.
.
.
.


العفـو ..,

وهذا من ذووقك ^^


.
.
.
.

المشاركة الأصلية كتبت بواسطة مـالي خـلق
http://www.arabtravelersforum.com/tr...9/#post2942599

الله ...تسللللللللللللم ولا يوقف كثر من الصور ,,,حرااااااااام عليك نفسيتي تعبت




.
.
.
.


هذا وأنا حاذف أكثر من 60 صورة :114:

نصهم زاوية التصوير فيها زيرو ^^ والنص الثاني مكرره ^^

وأبشر بالجااي ^^

وسلامة نفسيتك ياخوي ^^


.
.
.
.

المشاركة الأصلية كتبت بواسطة أم سيف76
http://www.arabtravelersforum.com/tr...9/#post2943509

تقرير رائع ما شاء الله وحلقة ممتعة
ترانا طماعين وونبي زيادة
ويوم حافل بالاماكن الرائعة




.
.
.
.


هلا أم سيف ..,

وأنتي أدرى أن باريس ما تكفيها 3 أو 4 أيام ..,

بعض الأماكن ما تاخذ منك ساعة بـ الكثير ..,

وبعض الأماكن يمكن تاخذ نص يوم ..,

والأماكن كلها مشتاقة لك ^^

تسلمين أم سيف على تواجدكِ المميز بـ صراحه ..,

.
.
.
.

المشاركة الأصلية كتبت بواسطة البداية فكرة
http://www.arabtravelersforum.com/tr...7/#post2943977

:24: :24: :24: :24: :24: :24: :24: :24: :24:


يااخي انت رااااااااااااااااااااااااائع وتقريرك راااااااااااااااااااائع


متابعين للنهاية ومرررررررررررسيه على الابداع

وعلى الاسلوب:x1::x1::x1::x1:




.
.
.
.


العفـــو ..,

وأنا ما عملت الأ الواجب مني ورد الجميل للمنتدى .., ^^

وخلك متابـع للأجزاء الجايــه .., :24:

شكلها النهايـة قربـت :11ight:


.
.
.
.

المشاركة الأصلية كتبت بواسطة عبدالله 1987
http://www.arabtravelersforum.com/tr...0/#post2945620

تقرير حلو وصور أحلى ماشاءلله

وبأنتظااااااااااار التكملة لا تتأخر




.
.
.
.


تسلم أخوي عبد الله ..,

وكلك ذووق والله أخوي ..,

وفالك طيب ..,


.
.
.
.

المشاركة الأصلية كتبت بواسطة سر حبي
http://www.arabtravelersforum.com/tr...7/#post2948607

تقرير روعه ماشاء الله
والله اتحمست مع التقرير
بنتظار البقيه





.
.
.
.


كلك ذوووق ..,

والبقية بعد شوي ^^

شكراً سر حبي ..,

.
.
.
.

كل مالك وتصير روعه وتقريرك أروع ... بس عندي سؤال انت اشلون عرفت ان الباص الاحمر اللي ركبته راح يمر بالاماكن اللي ذكرتها ؟؟ لأن انا حسب ما عرفت ان الباصات هذي لها اكثر من رحله يعني اللي اقصده ان في باصات تمر على 9 اماكن وفي باصات تمر على 15 مكان وهكذا أنت اشلون عرفت ان هذا مقصدك ؟؟؟ .

وبعدين سؤال ثاني هل تنصح زيارة المونامارت اذا كنا عاايله ومعانا اطفال بصراحه انا من الصور ما استهوتني حسيتها مكان عادي مجرد مكان تزوره ؟؟؟ وسؤال ثالث هل تنصحني بأن اشتري خط جوال من هناك من أجل التوفير للمكالمات وشنو تنصحني فيه واشلون الطريقه ؟؟ أدري أسألتي كثيره بس مشكلتك أنك خبير ومستشار واللي عينك علينا

بصراحه تقريرك خيآآآآآآآآآآآآآآآآآآآآآآآآآآآآآآآآآآآل اهنيك عليه وعلى الصور الاروع
تقرير مشوق للغايه بنتظار المزيد يارب يطول التقرير مايخلص ههههههههههه

( هضبة مونمارتر )

ذكريات .. جميله ... حسيت فيها ومع جلستي مع المتفرجين اني انسان ثاني ؟؟ انفصام شخصية الله لا يبلانا !!

بصراحة جو يرد الروح ( يخق ) تنسى الوقت وتنسى وينك !!

شكرا على هالابداع في .. كلام الصور .. ورسم الكلام

المشاركة الأصلية كتبت بواسطة kinghamad
http://www.arabtravelersforum.com/tr...2/#post2949612

كل مالك وتصير روعه وتقريرك أروع ... بس عندي سؤال انت اشلون عرفت ان الباص الاحمر اللي ركبته راح يمر بالاماكن اللي ذكرتها ؟؟ لأن انا حسب ما عرفت ان الباصات هذي لها اكثر من رحله يعني اللي اقصده ان في باصات تمر على 9 اماكن وفي باصات تمر على 15 مكان وهكذا أنت اشلون عرفت ان هذا مقصدك ؟؟؟ .

وبعدين سؤال ثاني هل تنصح زيارة المونامارت اذا كنا عاايله ومعانا اطفال بصراحه انا من الصور ما استهوتني حسيتها مكان عادي مجرد مكان تزوره ؟؟؟ وسؤال ثالث هل تنصحني بأن اشتري خط جوال من هناك من أجل التوفير للمكالمات وشنو تنصحني فيه واشلون الطريقه ؟؟ أدري أسألتي كثيره بس مشكلتك أنك خبير ومستشار واللي عينك علينا




.
.
.
.


kinghamad ..,

موضوع الباص الأحمر الله يسلمك لقيتـه واقف عند السفارة القطرية في أخر الشانز ..,

عند قوس النصر بـ الضبط .., أول ما تركب الباص يعطيك سايق الباص خريطة للمعالم اللي بتمر عليها ..,

وفي باصات ثانية تروح أماكن ثانية وأعتقد بعد أسعارها مختلفة ..,

الله يسلمك أنا بقولك كيف عرفت ..,

أولاً من مواضيع الأعضاء في المنتدى .., والشي الثاني اول ما ركبت الباص كان السائق مغربي الجنسية ..,

بس طبعاً العربية عنده ضعيفه حبتين .., قلت له بتمر برج إيفل والكونكورد ..؟ هز راسه وقال نعم ..^^

لأن مسار كل باص غير عن الثاني ^^


وبـ النسبة للمنومارتر ..,

هي منطقة بعيدة شوي عن روتين الشانز وأضواء باريس .., ^^

ومثل ما قلت فيها محلات تجارية وأسواق ومطاعم وأسعار رخيصة جداً لـ بعض السلع ..,

وأنا بـ صراحه خذت منها هدايا بسيطة وتذكارات من هناك ..,

ولما تطلع فوق الهضبة تلاقي الكنيسة وحي الرسامين ..,

وبـ صراحه ما أعرف شو أقول لك ^^

كل شي عندي في باريس محتاج لـ تجربه ^^

وبـ النسبة للجوال أنا كنت أستخدم جوالي ( إتصالات) ^^

وما عندي أي فكرة على خطوط الجوال ..,

أي مستشار الله يهديك ^^ يادووووب هم كم يوم ^^

حاضرين لأي سؤال .., طبعاً اللي أعرفه بـ جاوب عليه ..,

واللي ما أعرفه بـ حوله لأم سيف أو أبو فيصل .., ^^:8888:


.
.
.
.

المشاركة الأصلية كتبت بواسطة سر حبي
http://www.arabtravelersforum.com/tr...0/#post2949950

بصراحه تقريرك خيآآآآآآآآآآآآآآآآآآآآآآآآآآآآآآآآآآآل اهنيك عليه وعلى الصور الاروع
تقرير مشوق للغايه بنتظار المزيد يارب يطول التقرير مايخلص ههههههههههه




.
.
.
.


شوووكرررن شووكررررن :101:

أخجلتم تواضعنـا ..,

والله لو أدري كان أفتريت هناك بعد كم يوم ورحت أماكن أكثر وصورت ^^:bounce8:

شكراً لـ حروفكِ اللي زرعت فيني الغرور ..,

بـ الفعل شكراً سر حبي ..,


.
.
.
.

المشاركة الأصلية كتبت بواسطة abu fisal
http://www.arabtravelersforum.com/tr...6/#post2951296

( هضبة مونمارتر )

ذكريات .. جميله ... حسيت فيها ومع جلستي مع المتفرجين اني انسان ثاني ؟؟ انفصام شخصية الله لا يبلانا !!

بصراحة جو يرد الروح ( يخق ) تنسى الوقت وتنسى وينك !!

شكرا على هالابداع في .. كلام الصور .. ورسم الكلام





.
.
.
.



بـ الفعل بو فيصل ..,

والله اني ما شعرت بـ الوقت نهائيـاً ..,

مجرد الجلوس بين المتفرجين تحسسك بـ أحساس ثاني ..,

مش أنفصام شخصية ^^

يمكن تقدر تقول رفريش لـ شخصيتك ..,

يمكن البعض زار هذا المكان قبل .., ولا حس فيه بـ شي ..,

بس أنا لقيت بـ هذا المكان .., كل شي ..!!


.
.
.
.

تقريرك واااااااايد حلوو والله

ومشكوور اخوي ع الصور الرائعه

وبصراحه انا لفيت تقريبا كل دول اوروبا وكل مكان بس باريس غير والله غير احلى دوله زرتها

ما شاء الله عليك عيني عليك باردة الله يهنيك اشرايك تروح معانا بعد شهر وتصور عني
الاماكن من تصويرك تهبل وتفتح النفس انا يوم جيت اصور الثلج وهو ينزل ما طلع شي مالت على سوني
تكفى دبرلك روحة ثانية اي ديرة بس لا تحرمنا من تواجدك وتصويرك الرائع

يعطيك العافيه ربي تقرير روعه
انا حجزت في الشاتو لرحلتي في الصيف حبيت اسئلك كيف فطورهم وهل الفندق قريب من محطة القطار اللي راح اوصلها من ديزني ولا احتاج تاكسي من المحطه الى الفندق
ومتابعيييييييييييييييييين معاك يالغالي

عجبني في تقريرك الثقافة الي تملكها عن كل مكان زرته وتسردها بطريقة بسيطة وسهلة

بصراحه تقريرك قمة قمة قمة في الرووووووووووووعة في انتظار باقي التقرير ولا تبخل بالنصائح

المشاركة الأصلية كتبت بواسطة فراشة سويسرا
http://www.arabtravelersforum.com/tr...9/#post2951929

تقريرك واااااااايد حلوو والله

ومشكوور اخوي ع الصور الرائعه

وبصراحه انا لفيت تقريبا كل دول اوروبا وكل مكان بس باريس غير والله غير احلى دوله زرتها




.
.
.
.


كلج ذووق أختيه ..,

وما علييج زوود والله .., ^^

تظل باريس لها طابع خاص .., وحضور مميز ..,

والا ما كانت هي الوجهه السياحية الأولى في العالم ..^^

.
.
.
.

المشاركة الأصلية كتبت بواسطة النسمه
http://www.arabtravelersforum.com/tr...3/#post2952733

يعطيك العافيه ربي تقرير روعه
انا حجزت في الشاتو لرحلتي في الصيف حبيت اسئلك كيف فطورهم وهل الفندق قريب من محطة القطار اللي راح اوصلها من ديزني ولا احتاج تاكسي من المحطه الى الفندق
ومتابعيييييييييييييييييين معاك يالغالي





.
.
.
.


الله يعافيكِ أختي ..,

بـ النسبة للفطور في الشاتو عندهم المطعم في الطابق الأرضي للفندق ..,

الأكل بسيط ومكون من سلطات فواكه وكرواسون وعصاير طازجه وأجبان وكونفليكس ^^

أشياء بسيطة جداً بس عن جد ممتعه ^^

وأعتقد الفطور من الساعة 7 الصبح الى 1 الظهر ..,

حسب نظام البوفيه أو الطلب .., :24:


أما المحطة اللي تطلعين منها لديزني والعودة هي محطة شارلز ديغول ..,

وهي قريبة من قوس النصر ..,

بـ العكس مش بعيدة كثير عن الفندق .., وما يحتاج لـ تاكسي من المحطة للفندق .., ^^

وأن شاء تستمتعين بـ الرحلة ..,

وبـ التوفيق أختي ..,


.
.
.
.

المشاركة الأصلية كتبت بواسطة الشيخة هلا
http://www.arabtravelersforum.com/tr...8/#post2952778

عجبني في تقريرك الثقافة الي تملكها عن كل مكان زرته وتسردها بطريقة بسيطة وسهلة

بصراحه تقريرك قمة قمة قمة في الرووووووووووووعة في انتظار باقي التقرير ولا تبخل بالنصائح





.
.
.
.


هي معلومات بعضها كنت اعرفها وبعضها قريتها في تقارير الاعضاء ..,

وصدقيني ذووقك المميز هو اللي خلاكِ تقولي هـ الكلام ..,

ويا ليتك تشوفيني الحين وانا ينتشيني الغرور من كلماتك ^^:8888:

شكراً الشيخه ..,


.
.
.
.

بصراحه تقرير رائع سلس ومفيد ومرجع للي بيروح باريس قريب ..
مدري زرت منطقه الاوبرا ؟ انطباعك عنها ؟ وبالنسبه لباريس كل مكان
له متعته .. يعني حي الرسامين كان بالنسبه لي رائع انبسطت فيه كثير
وانبسطت بالجلوس على عتبات هضبة منتمارت .. شعور يهبل وخاصه ان
وقت سفرتي كان الجو خيالي ..

ادهشتني الشوارع المتفرعه والقريبه من الشانز .. وانبسطت بالتسوق
من المحلات الموجوده على امتداد سان ميشيل وسان جيرمان ..

القاليري لافاييت كان روعه وكشك الكريب اللي قريب منه الاروع ..
برج ايفل وساحه التروكاديرو كانت مذهله .. قعدت استرجع صورنا السنه
الماضيه حنيت كثير لباريس وان شاء الله حاجزه هالسنه برضو على باريس ..
الجلسه على كفيهات الشانز تبرد القلب .. اماكن كثير في باريس يحس الواحد
فيها انه وده يرجع طفل او مراهق عشان ينهبل وينطط بدون محد يشره عليه ..
مررررره وناسه هذي الديره ..

ودي اسالك عن مكان Laduree ? وين بالضبط في الشانز قرب ايش ؟
وهل عندهم شي غير الحلويات والبسكوت؟ شكل الماكرون اللي اخذته
مغري جدا ..

كل الشكر لك فعلا خليتني استمتع ..

المشاركة الأصلية كتبت بواسطة أم سيف76
http://www.arabtravelersforum.com/tr...1/#post2952461

ما شاء الله عليك عيني عليك باردة الله يهنيك اشرايك تروح معانا بعد شهر وتصور عني
الاماكن من تصويرك تهبل وتفتح النفس انا يوم جيت اصور الثلج وهو ينزل ما طلع شي مالت على سوني
تكفى دبرلك روحة ثانية اي ديرة بس لا تحرمنا من تواجدك وتصويرك الرائع




.
.
.
.


هلا أم سيف ..,

أولاً العذر والسموحه منك أختي على الرد المتأخر .., ^^

نسيت أرد عليكِ وأنا أعتذر ..,

الله يخلي كاميرا الكانون D 450 :8888:

كانت خير الصديق في السفر ^^

ولا تغرك هـ الصور والله أني مبتدئ في التصوير ..,

وعن جد أمنيتي أصور الثلج وهو ينزل ..,

وإن شاء الله الجايات أكثر ..,

تسلمين أم سيف ..,

.
.
.
.

المشاركة الأصلية كتبت بواسطة ام النواعم
http://www.arabtravelersforum.com/tr...1/#post2954601

بصراحه تقرير رائع سلس ومفيد ومرجع للي بيروح باريس قريب ..
مدري زرت منطقه الاوبرا ؟ انطباعك عنها ؟ وبالنسبه لباريس كل مكان
له متعته .. يعني حي الرسامين كان بالنسبه لي رائع انبسطت فيه كثير
وانبسطت بالجلوس على عتبات هضبة منتمارت .. شعور يهبل وخاصه ان
وقت سفرتي كان الجو خيالي ..

ادهشتني الشوارع المتفرعه والقريبه من الشانز .. وانبسطت بالتسوق
من المحلات الموجوده على امتداد سان ميشيل وسان جيرمان ..

القاليري لافاييت كان روعه وكشك الكريب اللي قريب منه الاروع ..
برج ايفل وساحه التروكاديرو كانت مذهله .. قعدت استرجع صورنا السنه
الماضيه حنيت كثير لباريس وان شاء الله حاجزه هالسنه برضو على باريس ..
الجلسه على كفيهات الشانز تبرد القلب .. اماكن كثير في باريس يحس الواحد
فيها انه وده يرجع طفل او مراهق عشان ينهبل وينطط بدون محد يشره عليه ..
مررررره وناسه هذي الديره ..

ودي اسالك عن مكان Laduree ? وين بالضبط في الشانز قرب ايش ؟
وهل عندهم شي غير الحلويات والبسكوت؟ شكل الماكرون اللي اخذته
مغري جدا ..

كل الشكر لك فعلا خليتني استمتع ..





.
.
.
.



هلا ام النواعــــم ..,


ويعطيكِ العافية والله كلك ذووق .., ^^

بـ صراحه منطقة الأوبرا زرتها خطاافي ^^

يعني مريت عليها عن طريق الباص المكشوف ..,

وبـ النسبة للشوارع القريبة من الشانز والمتفرعة منها كان المشي فيها متعه حقيقية ..,

تصدقين كنت أحاول أني أضيع بين الدواعيس ^^ :11ight:

وكان من ضمن المخطط اني اروح الغاليري لافيت .., بس تأجلت لـ ضيق الوقت عندي ..,

بس أكيد بـ تكون من أولوياتي في السفره الجايه ^^

وموقع الـ Laduree الله يسلمك من بعد مقهى الفوكيت .., يعني الفوكيت يكون خلفك ..,

وبـ أتجاهك للـ هاجن داز .., بيكون على اليمين وما يضيّع ^^ ..,

أول ما دخلت المحل لقيت طابور طويل بـ صراحه ..,

وبغيت أصور قالت لي الموظفة ممنوع التصوير لو سمحت ..:bounce8:

وفي تشكليات من كل شي ( أسوي دعاية ) :8888:

حلويات وهدايا وكيك وأشياء متنوعه بـ صراحه ..,

والماكرون ترى فيه أكثر من نوع ..,

ماكرون شوكليت أو بـ طعم الموز أو الفراولة أو الحليب أو الفانيلا وأنواع كثيرة ..,:24:

وتقدرين تغلفين البوكس أو تاخذينها هدية مثلاً ..,

وحااضرين ام النواعـم ^^


.
.
.
.
.

تقرييييييييييير رائع ولا احلى

هل الميترو افضل ولا الباص المكشوف للأماكن السياااحيه في باريس
ابي رايك ياعسل؟؟

ولك جزيل الشكر والتقدير

بصرااااااحه استمتعت وااااايد وانا اشوف التقرير وذكرتني في شهر العسل كان احلى ايام عمري والله

وصدقك فديت الامارات .. ورحلاتهم المدرسيه رووعه مب عدنا هههههههههههههههه

ومشكور اخوي وماتقصر وان شاء الله انك تزورها مره ثانيه ولاتنسانا من التقارير الحلوه

والحين يالله اتمنا انك تزور تقرير وتتذكر ايامك الحلوه في ها الرابط

http://www.arabtravelersforum.com/travel279990/

واحى شي عندي في باريس في الاكل طبعاا (( الخبز بالنوتيلا )) طعمه غير هناك

وانا صعدت برج ايفل ع العصر

بس انت عندك فكره متا يفتح برج ايفل ومتا يسكر .. ولاا ؟؟

اخوي

الساهي qip

رحله استمتعت فيها جدا

كأني في باريس
ان شاء الله استفيد من رحلتك

حبيت اسالكـ عن الوموزينات في باريس
انت ماجبت طاريها ابدا

انا بسافر باريس في شهر 10 لمدة اسبوع تقريبا بعد روما وفنيسيا
متخوفه شوي من القطارات ماتضيع وكيف اعرف وين اروح وين اجي الخريطه يعني بالفرنسي او الانجليزي ؟؟
وين اماكن التسوق والماركات العالميه المشهوره كمان

المشاركة الأصلية كتبت بواسطة الاسد الهايم
http://www.arabtravelersforum.com/tr...5/#post2956625

هل الميترو افضل ولا الباص المكشوف للأماكن السياااحيه في باريس
ابي رايك ياعسل؟؟

ولك جزيل الشكر والتقدير





.
.
.
.


الميترو يعتبر وسيلة تنقل .., وما أظن يندرج ضمن الأشياء السياحية ..,

الإ أذا كنت مثلي وفيك تجربة وفضول ^^

أعتقد الباص المكشوف أفضل وسيلة للتنقل في ضواحي باريس ..,

لأنه يمر في أكثر من مكان سياحي مهم في باريس ..,

مثل قوس النصر والشانز والكونكورد واللوفر وأوبرا وبرج إيفل وكنيسة نوتردام والحي اللاتيني وأماكن كثيرة

.
.
.
.

يعطيك العافيه اخوي

يعطيك الف عافيه ما قصرت ..


التقرير مع انه قصير بس شامل اماكن كثيره و مهمه ..

بصراحه من اجمل التقارير .. صور و اسلوب

بصراحه ماشاااااااااااااء الله عليك


يعني اول مره اوربا


واول مره باريس


وكل هالابداع ماشاء الله تبارك الله


بصراحه حسيت كانك ساكن بباريس....


معلوماتك ورحلاتك وكل شي اكثر من رائع


بالتوفيق

بصراحه انا اغرمت بالصور والمكان

ماشاء الله لا إله إلا الله على تصويرك وجمال تعبيرك

بس حابة اسألك سؤال ؟
لو قررت مرة ثانية تروح كم حابب تقعد؟ ووين ممكن تزور ؟


وتسلم لنا على التقرير الراقي
انت مبدع

المشاركة الأصلية كتبت بواسطة احلى من الورد
http://www.arabtravelersforum.com/tr...8/#post2956848

يعطيك العافيه اخوي

.
.
.
.


الله يعافيكِ أختي .., :101:



.
.
.
.