بسم الله الرحمن الرحيم
(ترى الموضوع طويل ومفصل)
رحت للكويت كذا تمشية بس وسعة صدر خميس وجمعه،،
كنا ثلاثه شباب وصلنا الكويت الساعه 8 بالليل يوم الربوع وخذنا في السالميه بالاس ، الصراحه
هو فندق ونيس يعني وسط الكويت وقريب من السوق ومن مارينامول وكلشي،، وحلو تحته فيه سوق
ومحلات وبلياردو وسينما وكل شي ،، وحتى تصميمه ومداخله فضيعه وزخرفتها خياليه،، بس الحقيقه
الغرف لك عليها شوي،، يعني مثلا مافيها شبشب حمام وانتم كرامه ولافيها صابون وشامبو وحنا اللي
كلمناهم وقلنا لهم يجيبون،، وميزتها انها حركه الشقه دورين فيها درج يطلع لسريرين فوق للنوم وتحت
صاله وحمام، طلعنا رحنا تعشينا وسهرنا في مطعم قصر النخيل قي السالميه،،
قصر النخيل
لايفوتكم ،، يلعن ابو الخدمه الخيالية،، لبناننين وفيروز تغني واجواء حلوه وفي جلسات برى في الهواء
الطلق وفي جوا مكيفة واكلهم ولا اروع،،، وأغرب شي واكثر شي حببني فيها المطعم اني اول مره مايخلص
الحمص قبل ماتجي المشويات سريعين وودودين ويستقبلونك مع انهم في عز الزحمه،، مهوب مثل مطاعمنا
الخمس نجوم هنا،، اذا جا الخميس والزحمه صار مطعم ابو نجمه وخدمه زباله الله يجيركم،، لالا النخيل كان
شي ثاني،، ويالهوي على الطرشي (المخلل) اللي عنده،، يطير العقل ،، بحياتي ماذقت زيه... المهم
ماطول عليكم تعشينا جوا الحمد لله وشبعنا وسعره معقول جدا وطلعنا برى وعسلنا المعسل اللي يحبه قلبك
واغاني فيروز وصباح شغاله وياسلام سلم ،، قعدنا لين دخنا ورحنا رقدنا،،
قمنا الصباح الساعه يمكن 11 ورحنا
سوق شرق،،
بصراحه سوق عادي يعني لايمكن يقارن بالراشد مثلا
في الخبر او سيتي سنتر دبي،، يعني هو حليو بس جدا عادي وصغير، افطرنا فيه من محل معجنات على
الصاج، وانتبهوا هو مافيه الا هو بالوسط تحت اذا طلبتوا قولوا له لايحط طماط مع المعجنات تراه يتفلسف
من نفسه ويحط ،، انكانكم ماتحبونها،، طلعنا من من سوق شرق ورحنا ندوج ونتمشى وندور فيها الكويت
اللي صراحه حلوه صغيره بس غريبه مع انها تعتبر دوله غنيه الا ان شوارعها سيئه سيئه سيئه ، ياشيخ
كنك في منفوحه في الرياض،،،، يعني حفر وتراب وما ادري مافيه اهتما من البلديه، المهم رجعنا وتغدينا
في مطعم
ميس الغانم،،
بصاحه حلو وزحمه عليه مره الى درجة انهم ياخذون سيارتك عشان يوقفونها بعيد
لك ويعطونك كرت،، بس هااااه اهم شي قبل ماتطلعون بعشر دقايق يروح احدكم ويعطيه الكرت عشانهم
يتأخرون بإرجاع السيارات من الزحححمه,, المهم اذا كلتوا من مشوياته الحلوه،، لاتنسون تطلبون بطيخ
ومع المعسل ولا اروع... الزبده طلعنا ورحنا الفندق ريحنا شوي وبعدين طلعنا ورحنا نتمشى على
الكورنيش ورحنا المغرب
لمار ينا مول
ويعني كان مارينا حليو وكبير اكبر من سوق شرق وميزته ان فيه جهه على البحر في مقاهي وكفي شوبز
وتمشينا فيه بعدين طلعنا منه وتعشينا في
مطعم محل مغل باكستاني
مجنووووون حلو وملاصق تقريبا لمارينا ،، اسئل اي احد يدلك،، بصراحه رووعه واسعاره معقوله جدا
جدا، تعشينا فيه وبعدينا طلعنا لحبيبتي قهوة
[mark=cc0033](ليالي الحلمية)[/mark]
على الكورنيش، وتكينا فيها مابين ضحك
ووناسه، ومعسل وعصير وشاهي .... الخلين دخنا ورحنا رقدنا،،، ومن بكره قمنا الجمعه وصلينا ورحنا
لمطعم فرايديز
وتغدينا عنده،، ومشينا للسعودية .............. وانتهى
اسف على الاطاله بس حبيت افصل عشان اعطي هالمنتدى اللي افادني في الكثير من روحاتي الشي اللي كنت اتمنى كل عضو كان يكتبه عن رحلته .....
وشكرا لكم جميعا
اتمنى يا اخوان اني افدتكم وعطيتكم نبذه عن الكويت ونبذه عن اماكن تعتبر من اروع الاماكن فيهامواضيع عشوائيه ممكن تكون تعجبك اخترناها لك:
- نبذة دولة الكويت الحبيبة صور من بلدى الكويــ ام الخير ـــت
- استفسار
- سوق الجمعة
- شباب و بنات تعالوا قولوا شنو أحسن نادي صحي و أحسن دورات تعليم انجليزي
- فندق الموفنبيك ورمادا
- خدمه ٍ يااهل الكويت
- امس وصلنا من الكويت
- الله يحفظ الكويت من كل شر ويديم افراحها سؤال صغير لاهنتوو
- ممكن سؤال عاجل و سريع عن منطقة العدان
- شقق ميامي المفروشه من يعرفها ؟
- قطار من جوانزو الى شوندا
- تعديل في المسار
- طلب خريطة الكويت
- فيزا شنغن للكويتيين أسئلة سريعة الله يبارك فيكم
- مساعدة في رحلتي اﻷولى إلى الكويت
- يوم البحاره بالصور
- «الفنية» وافقت على برج «بوابة الكويت» طابقا بارتفاع مترا
- الصرافة بالكويت
- دعوة للمائدة الرمضانية في الكويت الحبيبة
- حياكم
رد مع اقتباس
المشاركة الأصلية كتبت بواسطة Jassim
المفضلات