بسم الله الرحمن الرحيم
السلام عليكم ورحمة الله
لنتوكل على الله
* الحلقة الأولى *
الصراحة الرحلة كانت مفاجأة ,, وفي نفس الوقت مفرحة
المهم الرحلة كانت يوم الاثنين 4/12/2008 الصبح الساعة 7 صباحاً
طيعاً تحن كنا 6 اشخاص اربع كبار واثنين اطفال
والرحلة بالباص طبعاً " بالبر "
اعطيكم فكرة سريعة عن الأسعار :
الأكل الي جهزناه للرحلة شبس – عصير – ماء – شغلات خفيفة للأطفال
اشترينا تقريباً بسعر 15 دينار بحريني 150 ريال سعودي
سعر التذكرة الوحدة 35 دينار بحريني 350 ريال سعودي
بحرين سوريا – سوريا بحرين
وللأطفال طلع علينا نصف السعر ..
.......
في البداية طلعنا الصبح الساعة 6:30 الصبح من البيت متوجهين إلى الباص
الباص كان أمام المكتب وهذه صورة للمكتب .. من داخل الباص طبعاً :
الأسمر للسفر والسياحة
طبعاً ركبنا الباص وكان الباص فل " مافيه محل "
طبعاً احنا اخذنا الكرسي الأخير " كرسي طويل للنوم " سرير خخخـ
الباص يمشي متوجه إلى الجسر " جسر الملك فهد "
دخول الجسر
طلعنا على الجسر ..
مشي الباص والكل فرحان ههـ الباص سريع طبعاً واو
المهم وقفنا عند الجوازات المملكة العربية السعودية .. المكان كله سيارات ..
الكل بدو يرووح الشام
المهم واصلنا الطريق والكل نام بعد التفتيش في الجمارك السعودية
طبعاً ما قدرت اصور لأن كنت نايم خخـ
اعلن الشوفير " السائق " عن الأقتراب للأستراحة .. علشان الكل يقوم من النوم
وصلنا للأستراحة الي في السعودية .. والكل بدو ينزل يشتري والي بدو يدخل الحمام
وللغسيل وغيره ..))
وقف الباص ليـ يعبي ديزل طبعاً ..
و بعدها وقف الباص والكل نزل ومثل نا انتو شايفين انو الباص صار فاضي مافي غيري انا نايم خخخـ
الباص حلو صح ههـ
المهم ركبنا الباص من جديد و واصل الطريق إلى الشام ..
مثل ما انتو شايفين انو الطريق كله صحراء
الطريق ينوم
طبعاً بعدها أنا نمت " الباص كله نام "
اعلن الشوفير " السائق " عن الأقتراب للأستراحة
قمت انا ولا شفت غروب الشمس في الصحراء خلونا نشوفه مع بعض احلى
ما اجمل الغروب .. ولاكن على البحر خخـ " مو بـ الصحراء "
وقفنا عند استراحة اسمها " استراحة الشرق الأوسط "
استراحة كبيرة شوي .. وطلب منا الشوفير " السائق " بأن ننزل للحمامات وللصلاة فقط
والي يحب يشتري شي يقدر بس بسرعة .. لأن استراحة العشاء مطولة " راح تتأخر "
انا اشتريت شوية اكلات .. شبس .. حب شمسي وشوية اكل للأهل ..
طبعاً بعدها اخذت ألعب بالتلفون والرسائل كل شوي تي تيت تي تيت
اعلانات واهلاً بيك في السعودية وغيرها..))
طبعاً نزلنا للعشاء وكل شي وبعدها اخذت نومة للصبح ..
ما قعدت إلا ونحن في الأراضي الأردنية
حتى شوفو الصحراء لونها غير .. لون أردني خخخـ ..
واو شجر كمان .. شجر اردني اصيل خخخـ
وشوفو حتى المطاعم كثيرة على الشارع الأردني
هذا مطعم اسمه " مطعم لبنان "
وهذا محل على الشارع اسمه " المهباش " أسم غريب
حتى شوفوا هنا المحلات والسيارات ... ولاكن ما بعرف شو اسم المنطقى
الان وصلنا إلى الحدود .. الشوفير " السائق " طلب منا كل واحد يدفع عشرة ريال
طبعاً على كل جواز .. فـ البعض ما دفع وصار في تأخير تقريباً ساعتين ضلينة واقفين
المهم الشوفير " السائق " حاول يمشي الباص بأسرع وقت والحمد لله مشينا بسلام
وهذه صورة ونحن قاعدين في الباص .. بـ الحدود
إلى هنا تنتهي حلقتنا الأولى .. إلى اللقاء ..
نلتقي في الحلقة القادمة .. في الجمارك السورية والحديث يتواصل ..
انتظرونا
المفضلات