الموضوع: الى ملبورن وبقية الاخوة ارجوا المساعده

السلام عليكم


كل عام وانتم بخير يآأخووان ,, ومن العايدين

ياجماعة والله انا في حيرة من امري

انا شاب عمري 17 سنة ( ثاني ثانوي )

وارغب في دراسة اللغة الانجليزية الصيف المقبل بإذن الله في بريطانيا

واهلي مافي مشكلة يسفروني بشرط ان المادة ماتتجاوز الـ 25 الف كـ حد اقصى


لكن المشكلة الكبري انوا انا باللغه عادي بل اقل من عادي بقليل


وانا والله ضايق صدري خايف اروح واخلي اهلي يدفعون مبلغ كبير بالنسبه لنا ولمدة شهرين او ثلاثه بس ماأرجع بالفائدة المرجوة

مع العلم اني ماقدر حاليا ادخل معهد لغة بالوقت هذ1 لأن جدولي مضغوط وانا في ثاني علمي واختباراتي شبه يومية وموادي صعبه


ايش تنصحوني فيه


؟؟

هل اسافر الصيف المقبل مع ان مستواي باللغه اقل من عادي


او ادخل كورس بالرياض في الصيف واسافر الصيف مابعد المقبل

مع العلم اني متحمس للسفر وابغى اتعلم وعندي الرغبه


لكن خايف اني ماستفيييد خاصة اني ضعيف باللغه



وشكرا لكم يالغالييين

مواضيع عشوائيه ممكن تكون تعجبك اخترناها لك:

• دراسة لغة في بريطانيا
• اخ ملبورن ادخل الله لا يهينك
• خبراء بريطانيا اختكم امل محتاجه مساعده
• لمن رفض بسبب القدرات اختبار استثنائي
• استفسار مهم
• ولاية إلينوي
• ابحث عن جامعة في ولاية رخيصة وغير باردة
• المواضيع المميزة ببوابة الدراسة في الولايات المتحدة الامريكية قريباً
• الإبتعاث وإجراءاته
• مساعدة بشان جامعة الكونكورد الكندية
• اعضاء منتدى العرب المسافرون الخبراء
• اسهل جامعة في امريكا عن الاعلام
• ياخواني اريد تسجيل طلب بعثة ولم أقدر
• الله يدخله الجنه اللي يفيدني
• كل جامعات امريكا بين يديك
• اسعارالسكن في جميع مناطق امريكا تجدونها هنا بالتفصيل
• ممكن تفيدوني الدراسه الماجستير امركيا
• لندن يا ملبرونساعدوني
• لجميع الطلاب المبتعثين خطاب الغرض من الدراسة
• الاخوة خريجي البكالريوس نصيحه موجه لكم من واقع خبره

أخوي عبدالعزيز ..............الله يوفقك ويسهل لك أمرك ......... مرحلة الثانوي كلنا عادينا منها لكنها تحتاج الى إجتهاد وإن شاء الله إنك قدها وقدود...........

من وجهة نظري.....إذا كنت ضعيف باللغة أنصحك إنك تبدأ تأخذ كورسات بالرياض (عندك معهد المجلس الثقافي البريطاني يومين بالأسبوع....مدرسين بريطانين......مناهجهم نفس مناهج معاهد اللغة في بريطانيا)........

ميزة بريطانيا أنك تقدر تمارس اللغة بالشارع... مع العائلة... مع زملاء الدراسة بالمعهد.....وبالتالي تتعلم اللغة.....لكن إذا كان مستواك ضعيف من البداية ماراح تقدر تمارس اللغة ...... وراح تكون الشهرين هذي كله تتعلم مباديء اللغة ...فالأفضل تبدأ من السعودية ............

الفائدة من الدراسة في بريطانيا راح تكون أفضل لو كان مستواك مقبول في اللغة قبل السفر...........

أتمنى أيضا يفيدونك باقي الأعضاء.............

بالتوفيق............تحياتي ...............


تحياتي..................

الأخ عبدالعزيز

كل عام وانت بخير

أنا عندي اخواني بنفس السن ولغتهم تقريبا نفس مستوى لغتك ونصحتهم بما سأنصحك به :

نصيحتي لك بما ان لغتك دون العادي تاخذ كورس هنا وتحاول تطور لغتك من ناحية الاستماع
تابع أفلام مناسبة لعمرك ولو تكون dvd أصلي يكون أفضل لأنها تحتوي خاصية الترجمة بالانجليزي للصم
وهذي تفيدك حيث انك تشاهد الفيلم وتستمع للكلمات بنطق الشارع غالبا وتقرأها بالانجليزي

طور مخزون المفردات لديك احفظ كل يوم 5 مفردات فقط ستجد نفسك تتطور أكثر
يوجد قاموس لدى جرير والعبيكان من اكسفورد مصور مفيد جدا ومسلي جدا (لونه أسود وبحجم المجله وسعره تقريبا 80)

هذا حتى الصيف ما بعد القادم "يعني حتى تتخرج من ثالث ثانوي "
بعد ماتنتهي من تقديمك على الجامعه أو البعثة روح 3 شهور تكون فائدتها أكبر

وأنا حاضر لمساعدتك بما تريد

اخوي

salaam4

يعطيك العافيه يالغلا


لكن المعهد الثقافي البريطاني وين موقعه وكم رسومة ؟

وياليت لو رقمهم عندك و موقعهم تعطينياه لاهنت


اخوي

سلطان


مشكوووووووور ع النصائح واكييد باذن الله اني بستفيد منها

المشاركة الأصلية كتبت بواسطة عبدالعزيز 17
http://www.arabtravelersforum.com/tr...3/#post2537578

اخوي

salaam4

يعطيك العافيه يالغلا


لكن المعهد الثقافي البريطاني وين موقعه وكم رسومة ؟

وياليت لو رقمهم عندك و موقعهم تعطينياه لاهنت


اخوي

سلطان


مشكوووووووور ع النصائح واكييد باذن الله اني بستفيد منها




حياك أخوي عبدالعزيز ...............

موقع المجلس الثقافي البريطاني في الرياض كالتالي........

الرياض مكتب رقم: سي - 14، الطابق الثالث
ميدان الفازاري
الحي الدبلومسي

رسوم أول كورس ب 2100 ريال ........

أرقامهم ومعلومات عن الدورات تحصلها في الرابط التالي..........


http://www.britishcouncil.org/ar/me-...contact-us.htm


تحياتي ....................

مشكوووووووووور والله ماتقصررر

ماراح انسى لك هالجميل ان شاء الله

بالعكس انا رحت يوم كنت ناجح لثالث شهرين وكلفتني من الى مع المصاريف 30000 ريال

ولغتي ضعيفه صح اني مااستفدت كثير لكن على المده والعرب والمدينه الي كنت رايح لها سياحيه (بورنموث) يعتبر كويس
وبعدين هي مو لغه وبس روح جرب شئ جديد اعتمد على نفسك لأن السنه الي عقبها رايح يكون عندك تقديم