الموضوع: رحلة العمر شهر عسل

يا جماعه ودي أحد منكم يفيدني ويسوي لي جدول رحله كامله إلى الولايات المتحده الأمريكية لشهر عسل المده 40 يووووم اتمنى تفيدووني بأحلة الولايات اللي أزورها ويا الأماكن الحلوه اللي فيها والفنادق اذا تقدرون أبي جدول رحلة كامل :101:

وأكون شاكر لحسن تعاونكم معاي صديق المنتدى the-wise-man :24:

مواضيع عشوائيه ممكن تكون تعجبك اخترناها لك:

• متابعة الوضع مع إعصار ساندي
• الامان السياحي في امريكا
• الرجااااء الدخول ضروووري
• مساعدة في رحلة الصيف كاليفونيا
• أستفسار تغيير الفيزا من إلى
• سؤال عن اجهزة الصرف
• فيزا دراسة
• ماسك خط ممكن تتفضل
• هل التأمين الطبى مفيد في الطوارئ في امريكا
• ساعدوني أبي فنادق مطلة على نياجرا أمريكا
• أفضل وأرخص طيران وافضل الفنادق والاماكن السياحة في فلوريدا تامبا
• استلمت الفيزا
• كيف احصل على موعد للمقابلة في السفارة الأمريكية
• وصلنا امس نيويورك الحمد لله
• الشقه مافيها نتايش اسوي
• القيادة في اميريكا
• الرحلات الداخليه من واشنطن الى كاليفورنيا
• عااااااااااااااااااااااااااااااااااااااجل وارد المساعدة يااعضاء مميزين
• احتاج سكن مفروش مؤقت في سياتل
• بخصوص متطلبات الفيز انا مع اخوي مسافر

أول شي لازم تحدد شنو الولايات التي تبي تزورها؟

يعني تبي غرب أمريكا أو شرقها؟ ولا الاثنين مع بعض.. وبعدين ان شاء الله نقدر نعطيك مخطط يفيدك

واذا كنت أول مره تزور أمريكا فأنصح تضم أولاندو الى مخططك وتروح ميامي وتاخذ لك كروز.. ادخل على


http://www.arabtravelersforum.com/travel146112/

اخوي انا ناوي اروح لشهر العسل هناك ان شاءالله في شهر ابريل 2009 بس لمدة 26 يوم ومسوي مخطط بس يعني ماعندي خبره في الفنادق اللي بسكنها .. اختاريتها لموقعها وسعرها يناسبني ..
ياليت لو تذكر لي ميزانيتك واذا كان في بالك ولاية تروح لها ؟؟
بالنسبة لي مخططي هو اورلاندو - ميامي - نيويورك ..
وانت ماشاءالله 40 يوم تقدر تروح بعد لاس فيغاس و كاليفورنيا (لوس انجلوس و سان فرنسيسكو)..
وترى ماعندي خبره في لاس فيغاس وكاليفورنيا .. بس الشباب كلهم يمدحونهم :107: .. وان شاءالله بيفيدونك في هالموضوع .. واي شي انا حاضر

ممكن تختار ما بين:

نيويورك

نياغرا

شيكاغو

اورلاندو

ميامي
لاس فيغاس

لوس انجلوس

سان دييغو

سان فرانسيسكو

هاواي

ممكن تطلع كروز من ولاية كاليفورنيا او نيويورك او فلوريدا

ممكن تزور البهامز او الكاربي او المكسيك

الخيارات كثيره و متنوعه خصوصا إنه مدة الرحله طويله

طبعا الميزانبه تلعب دور كبير

أهم شي تختار اللي يتوافق مع ميولك و رغباتك من المدن السابقه و بعدها يتحدد مسار الرحله

انا انصحك اخوي انك ترجع للتقارير المصوره وتاخذ فكره عن الاماكن اللي تفضلها وبعدها تذكر كم ميزانيتك وعقب مب مقصرين معاك إن شاء الله ومبروك الزواج مقدما

يعطيكم العافيه على الردود الفتره المحدده 40 يوم المبلغ المحدد 7500 دينار كويتي إلى 8000 د.ك شامل التذاكر والسكن وجميع المصايف والمشتريات والمدن اللي ابي اروحلها ما ادري وين بالضبط لاني اول مره اروح أمريكا وانا شفت التقارير اللي لقيته انه احله المدن نفسها اللي ذكرها الأخ 6am 6am فلو تسوون لي رحله كامله بالتكاليف مع الفنادق أكون شاكر لكم وااااايد واااايد
اخوووكم the-wise-man

بقترح عليك اقتراح وان شاء الله احد يساعدك

بالنسبه لفترة 40 يوم ففترة معقوله وحلوه لزيارة امريكا
الطيران الامراتيه انصحك فيها خصوصا انكم عرسان
تبدء رحلتكم من نيويورك 4 أيام
بعدها الاتجاه الى اورلاندو اسبوع وممكن تتجه بعدها الى ميامي لقضاء كم يوم فيها او ممكن تاخذ لك كروز من ميامي
راجع تقرير المشرف امباكت بيفيدك كثير عن الكروز
بعدها ممكن الاتجاه الى شيكاغو تعشقها تجلس فيها 3 ايام

وبعدها الاتجاه الى كاليفورنيا
وتقسمها مابين
لوس انجلوس
سان دييغو
سان فرانسيسكو
ومدينة لاس فيجاس في نيفادا

ممكن اعطيك تقسيمه للقسم الاخير
تكون 8 - 10 ايام لوس انجلوس
3 ايام سان دييغو
3 او 4 سان فرانسيسكو
3 ايام لاس فيجاس

يعني تقسمها 20 يوم في البدايه لشرق امريكا
20 يوم في النهاية لغرب امريكا
اتوقع كذا مناسب

انت لازم تشوف مواضيع الاعضاء وتقريراتهم عشان تحدد وتشوف كم يوم يبغالك في كل مدينه
وتقسيمة الايام اللي عطيتك تقريبا مناسبة


بالتقسيمه هذي تكون مريت على اهم مدن امريكا

اتمنى اكون قدمت فائدة بسيطه

المشاركة الأصلية كتبت بواسطة the-wise-man
http://www.arabtravelersforum.com/tr...4/#post2458994

يعطيكم العافيه على الردود الفتره المحدده 40 يوم المبلغ المحدد 7500 دينار كويتي إلى 8000 د.ك شامل التذاكر والسكن وجميع المصايف والمشتريات والمدن اللي ابي اروحلها ما ادري وين بالضبط لاني اول مره اروح أمريكا وانا شفت التقارير اللي لقيته انه احله المدن نفسها اللي ذكرها الأخ 6am 6am فلو تسوون لي رحله كامله بالتكاليف مع الفنادق أكون شاكر لكم وااااايد واااايد
اخوووكم the-wise-man



الميزانيه كافيه جدا ما شاء الله 8000 دينار تساوي 110 الاف ريال سعودي تقريبا
تكفي 50 يوم مو 40 يوم بس:109:

بخصوص الكروز الخيارات متنوعه و كثيره ممكن تطلع بكروز لكوستاريكا و المكسيك و بنما من كاليفورنيا

ممكن كروز لهاواي بس مدته طويله ما انصحك قيه:108:

ممكن للبهامز و الكاريبي

إذا حاب تطول في الكروز لمدة 7 ايام ممكن تزور جمايكا و هاييتي و المكسيك

ممكن تختصرها ل3 أو 4 ايام و تزور البهامز و ممكن تزور البهاما و تستقر فيها لمدة 3 ايام

جميع الخيارات مطروحه و تعتمد على ذوقك و رغباتك:24:

مخطط الرحله مبدئيا:

نيويورك 4 أيام

نياغرا 3 ايام يفضل تسكن في الجانب الكندي (لازم يكون معاك فيزا كنديه)

أورلاندو 12 يوم

ميامي يومين

البهامز 3 ايام

لاس فيغاس 3 ايام

سان فرانسيسكو 3 أيام

لوس انجلوس 10 ايام
إذا حاب تزيد عدد الايام راح تكون من نصيب لوس انجلوس:24:

تحياتي طم طم

أموونه الصراحه الخطه مبين عليها حلوه من البدايه بتوزيعة المناطق انج غطيتي الشرق والغرب وانا فكرت نفس هالتفكير بس ما ادري بالنسبه للمناطق لاني مو رايح فمادري بالضبط كل منطقه اقعد فيها اشكثر ووين احله الاماكن وأخاف جذي أكون هضمة حق مناطق على حساب مناطق ،وأخاف انه الفتره لو أزيدها أخليها 45 يوم تكون أفضل أما بالنسبه لميامي فأبي اروح الرحله اللي راحلها امباكت بالسفينه ، أما بالنسبه للمبلغ اللي عندي كافي لتغطية جميع تكاليف الرحله والا اشلون ؟؟
أنا راح أقول اقتراحي الحين وشفوا بالنسبه للأيام بكل منطقه اللي قدرت أتوصل له من التقارير بالنسبه للمناطق اللي تقع في شرق أمريكا :
انزين البداية راح تكون في نيويورك 3 أيام -------- فلوريدا (أورلاندو) 10 أيام ------- ميامي 3 أيام + رحله السفينه 7 أيام ------- شيكاغو 3 أيام ------- هذوووولي بالنسبه الى أمريكا الشرق
أما بالنسبه إلى الغرب ما عندي أي فكره ولا قريت تقارير الا عن لاس فيجاس بس انه يبيلها على الأقل 5 أيام
الصراحه كل اللي رد علي ما قصر واكيد استفدت من معلومته أو اقتراحه والحين انا قلت اللي عندي والباجي عليكم لو تشودون حيلكم وياي وتزهبون لي الجدول كامل بالأماكن السياحيه والفاندق المعقوله الأسعار علشان قاعد ازهب من الحين لتقديم الفيزا وانا اللي عرفته انه السفاره الأمريكية تبي خطت الرحله اللي تبي تروحلها بأمريكا وين الأماكن ووين تبي تسكن ولو تفيدوني بالنسبه للمناطق القريبه من بعض أروحلها عن طريق تأجير سيارة والا طيران داخلي وهالأمور
وسامحوووني اذا طولت عليكم ومشكووورين اخوكم the-wise-man

مشاء الله طمطم الصراحه الرحله حلوه بس انا الكروز اللي بسويه بطلع من ميامي بالباخره بمر على 3 جزر نفس الباخره اللي طلع فيها امباكت عرفت اشلون وبالنسبه للجانب الشرقي من أمريكا قررت الحين بروح إلى نيويورك 4 أيام + نياجرا 2 أيام + فلوريدا ( أورلاندوا ) 10 أيام + ميامي (الكروز) 8 أيام بالباخره
بعدين أطلع إلى غرب أمريكا راح أروح إلى لاس فيغاس 5 أيام + سان فرانسيسكو 3 + لوس أنجلوس 8 أيام
إجمالي عدد الأيام 40 يوم هذا الجدول بالنسبه للأماكن والأيام اللي راح أقعد فيها استقريت عليه اشرايكم ؟؟
الحين اللي أبيه منكم الفنادق الزينه والأماكن الحلوه بحث إني أغطي كل شئ حلوه بكل منطقه ؟؟ وأبي أفضل طريقه للتنقل من منطقه إلى منطقه ؟؟
مع تحياتي the-wise-man

لا لا لاس فيجاس كفايه 3 ايام فقط ترى مافيها شي يسوى الاالفنادق وتسوق فقط كثير جدا 5 ايام

تقسيمتك في البدايه حلوه ومناسبه جا للشرق

الغرب ممكن تستفيد من تقسيمتنا للصيف اللي فات

ابتدئنها في سان دييغو 4 ليال
بعدها بالسياره الى لاس فيجاس 3 ليال
ومن بعد بالسياره الى لوس انجلوس 8 ليال
وليلة وقفنا في سان سيمون بالنص بين لوس انجلوس وسان فرانسيسكو
وسان فرانسيسكو 4 ليال
ورجعنا ليلة في نيويورك بالطياره
ممكن تنقلاتك بين المدن تكون بالطائره

كذا صارت 21 ليلة

قررت الحين بروح إلى نيويورك 4 أيام



حلو :24:





+ نياجرا 2 أيام



زيدها يوم





+ فلوريدا ( أورلاندوا ) 10 أيام



زيدها يومين على الاقل:114:





راح أروح إلى لاس فيغاس 5 أيام



كثيره عليها يكفيها من 3 إلى 4 أيام





+ سان فرانسيسكو 3



حلو





لوس أنجلوس 8 أيام




زيدها كم يوم


ممكن الترتيب يكون كالتالي:

نيويورك 4 أيام

نياغرا 3 ايام

أورلاندو 12 يوم

كروز 7 لأيام

ميامي يوم

لا فيغاس 3 أيام

سان فرانسيسكو 3 أيام

لوس انجلوس 12 يوم


المجموع 45 يوم


لو حاب تتطلع من لاس فيغاس إلى لوس انجلوس بالسياره راح يكون الترتيب

لاس فيغاس لوس انجلوس سان فرانسيسكو

الخطوط الإماراتيه تصل إلى سان فرانسيسكو و لوس انجلوس و نيويورك

الحين انتو فدتووووني واااايد وبالنسبه لأمووونه فادتني بالجهه الغربيه وايد التوزيعه مالتها عجبتني والخطه مالت طمطم وايد حلوه بس الحين تقررت الرحله راح تبدي من وين وراح اوصل وين الحين بحط لكم الرحله كامله بكل التعديلات الي فيها اوكي وبالنسبه لزياده الأيام ما اقدر طمطم حته يمكن نياجرا أشيلها انا حدي 45 يوم والحين جدول الرحله :
نيويورك 4 أيام ----- أورلاندو 12 ----- ميامي (الكروز ) مع مبيت ليله 8 أيام ------- سان دييغو 4 أيام ---- لوس أنجلوس 8 أيام ----- لاس فيغاس 4 أيام ----- سان فرانسسكو 4
الوضع الحين 100 % مشكووورين على الخطه الحلوه بس الحين يبيلي الفنادق والأماكن الحلوه اللي أزورها بكل منطقه

المشاركة الأصلية كتبت بواسطة the-wise-man
http://www.arabtravelersforum.com/tr...6/#post2465146

الحين انتو فدتووووني واااايد وبالنسبه لأمووونه فادتني بالجهه الغربيه وايد التوزيعه مالتها عجبتني والخطه مالت طمطم وايد حلوه بس الحين تقررت الرحله راح تبدي من وين وراح اوصل وين الحين بحط لكم الرحله كامله بكل التعديلات الي فيها اوكي وبالنسبه لزياده الأيام ما اقدر طمطم حته يمكن نياجرا أشيلها انا حدي 45 يوم والحين جدول الرحله :
نيويورك 4 أيام ----- أورلاندو 12 ----- ميامي (الكروز ) مع مبيت ليله 8 أيام ------- سان دييغو 4 أيام ---- لوس أنجلوس 8 أيام ----- لاس فيغاس 4 أيام ----- سان فرانسسكو 4
الوضع الحين 100 % مشكووورين على الخطه الحلوه بس الحين يبيلي الفنادق والأماكن الحلوه اللي أزورها بكل منطقه



يا عيني على الخطة الجهنمية :24:
شكلي الحين انا باخذ حطتك وبزيد الايام ..
بس اعتقد ميزانيتي ماتسمح :109:
لكن انا ناوي اغير الكروز واسويه 7 ليالي ..
بس اخوي تخبرني متى ناوي تسافر ؟؟ :114:
عسى مو نفس الوقت اللي انا بروح فيه ونتلاقى على الكروز :109:

بالتوفيق لكم يارب


المخطط تبعك حلو مره بس انا عندي لك اقتراح


بالنسبه لكم لانكم عرسان اورلندو ابدا ما راح تنبسطون لانها مدينة عائلية لو معكم اطفال كثير ممكن فحسافه يروح عليكم الوقت يعني ال 12 يوم راح تقضونها بمدن العاب صعبه ومتعبه وكل شي راح تلاقون مثيله بمكان ثاني فاستغلو الوقت


يعني راح تلاقي كل اللي يخطر على بالك في لوس انجلوس وفيها جامعه بين الالعاب والترفيه والتمشيات


وراح تلاقي السي ورلد في سان دييقو والدزني واليونيفيرسال وسيكس فلاق في لوس انجلوس فهي كفايه لكم


انا اقترح عليك تجلس 4 ايام في نيويورك

يومين في نياقرا ولا تفوتها لانها رحلة العمر بجد امريكا كله بكفه والشلالات بكفه ثانيه

ممكن تروحون لشيكاغو لو عندكم وقت لمدة 4 ايام بس انا ما زرتها فما أفيدك


منها انزلو لميامي اجلسو 4 ايام المدينة جدا رائعه ومنها خذو الكروز


بعد كذا اطلعو لاس فيقاس 4 ايام وسان ديقو 3 ايام

لوس انجلوس 10 ايام

سان فرانسيسكو 4 ايام


وبكذا تكون غطيت احلى الاماكن واجملها في امريكا بعض الايام حتى لو ما تساهل 4 ايام بتكون صعبه عليك يومين او 3 لان التنقل متعب جدا وانت رايح شهر عسل تحتاج الراحه والترويق


والله يوفقكم ويسهلكم اموركم واذا اعتمدتو الاماكن نزيدك بالفنادق والتفاصيل

في نياقرا كان فيه فندق ذكرته ام يوسف في تقريرها انه يطل على الشلالات ويكفي لو تجلس يوم واحد اصلا ما تسوى انك تجلس اكثر بس لا تفوت زيارتها لانها ما تتفوت


نيو يورك انا جربت الماريوت ماركيز في نص التايم سكوير حلو موقعه ممتاز بس غرفه عاديه

وجربت جميرا اكسس هاوس قدام السنترال بارك و 5 دقايق مشي عن وسط التايم سكوير احلى غرفه وهو تابع لفنادق الجميرا بدبي ولندن اللي قبال هارودز كان تعرفه ومافيه فرق بالسعر يسوا الماريوت ب 305 والجميرا اغلى بشوي حسب العرض اللي تحصله من مواقع الحجز


في لاس فيقاس احرص تكون الايام مو ويك اند لان اسعار الفنادق تغلى نار في الويك اند فيه فندق wynn الفندق مره جديد وحلو وفخم وفيه جلسه خارجيه على شلال او نافوره خطير


فندق بيلاجيو مرره حلو ولا تفوت السيرك اللي فيه سي دي سي اوليو خطير السرك واحجز له من بدري

وفيه فنيشن برضو حلوو

اختار لك فندقين وكل ليلتين في فندق علشان تغير


الباقي اجمع افكاري وارجع لك فيها بعدين


وتقارير الاعضاء ما قصرو عن لاس فيقاس ونيو يورك وكل المدن بس يبي لك تقرا التقارير

طلال البحرين انا انشاء الله راح اروووح بالصيف مو الحين واذا تبي نروح مع بعض بالصيف انا ما عندي أي مانع انا مستعد اني اييك البحرين واطلع معاك من البحرين لانه انا ما معاي احد وبيني وبينك متخوف اشوي اني اكون بروحي لانه تعرف الفتره طويله ولك عليه اشوي باللغه يعني العمليه راح تكون على البركه ، أما بالنسبه لك aloleetaa والله فكرتك حلوه بس ما ادري انا متردد وكل اشوي واحد يطلع لك ويعطيني اقتراح وبيني وبينك متخوف اني اسافر بروحي انا ويا زوجي بروحنه كان بخاطري جروب لانه ادري انه راح يضيق خلقنه بروحنه وانا مو توني متزوج صارلي كم شهر بس بالنسبه للسفره راح تكون أول سفره لنه وما ادري الأوضاع اشلون راح تكون اهناك وعندي رفيجي يقولي لا تسكن في سان دييغو يقولي اطلع لها من لوس أنجلوس بالسياره لمه ساعتين اوصل سان دييغو أفتر فيها من الصبح لبليل وارجع لوس انجلوس مره ثانيه يقولي حرام تقعد فيها أربع أيام ما ادري انتو شرايكم دام فدتني بسالفة نياجرا عيل فيدني بهالاقتراح ؟؟

اخوي انا الفترة اللي بروح فيها قول نص ابريل الى الربع الاول من مايو .. :107:
انت اي شهر ناوي تروح ؟؟
تسلم لي والله ..
والله انا متخوف بعد كل من يخوفني من امريكا والاجرام اللي فيها ..
تخبر بعد شهر العسل ماتبي اي خطر لك او لزوجتك يخرب الرحلة كلها ..
لكن مانقول الا الله كريم .. واللي الله كاتبه بيصير ان شاءالله ..

لا شيكاغو لازم تمرها
شيل يوم من الكروز ويوم من نيويورك ويوم من اورلاندو او يومين من اورلاندو لان اورلاندو ولوس انجلوس تحتوي على دزني ويونيفيرسال يعني بتمل من الالعاب والملاهي
3 ليال في شيكاغو والله حلوه وتستاهل الزياره وجوها في اصيف رائع ولطيف
اذا قررت انا اعلمك وين تروح هناك

بدايتك تكون من نيويورك والنهايه من سان فرانسيسكو على الخطوط الامراتيه

السلام عليكم ..
انا ييت الموضوع متأخره شوي .. عشان جذي انا اللحين ضايعه وماقدرت اعرف بشنو بالضبط اقدر افيدك لأنه ماشاءلله الاخوان ماقصرو ..

برد على اخر رد لك "انا ماقريت ردود الاعضاء الباقي" ..
المــهم ..







المشاركة الأصلية كتبت بواسطة the-wise-man
http://www.arabtravelersforum.com/tr...7/#post2465827

طلال البحرين انا انشاء الله راح اروووح بالصيف مو الحين واذا تبي نروح مع بعض بالصيف انا ما عندي أي مانع انا مستعد اني اييك البحرين واطلع معاك من البحرين لانه انا ما معاي احد وبيني وبينك متخوف اشوي اني اكون بروحي لانه تعرف الفتره طويله ولك عليه اشوي باللغه يعني العمليه راح تكون على البركه ، أما بالنسبه لك aloleetaa والله فكرتك حلوه بس ما ادري انا متردد وكل اشوي واحد يطلع لك ويعطيني اقتراح وبيني وبينك متخوف اني اسافر بروحي انا ويا زوجي بروحنه كان بخاطري جروب لانه ادري انه راح يضيق خلقنه بروحنه وانا مو توني متزوج صارلي كم شهر بس بالنسبه للسفره راح تكون أول سفره لنه وما ادري الأوضاع اشلون راح تكون اهناك وعندي رفيجي يقولي لا تسكن في سان دييغو يقولي اطلع لها من لوس أنجلوس بالسياره لمه ساعتين اوصل سان دييغو أفتر فيها من الصبح لبليل وارجع لوس انجلوس مره ثانيه يقولي حرام تقعد فيها أربع أيام ما ادري انتو شرايكم دام فدتني بسالفة نياجرا عيل فيدني بهالاقتراح ؟؟



احسن شي انك قاعد تخطط من اللحين ..
الواحد اذا عنده وقت دائما يكون مخططه مدروس ويشوف الاحسن .. وبيكون للناس فرصه يفيدونك من كل ناحيه بأي منطقه بتشوفها ..

عرفت مسبقا انك بتيي 40 يوم .. ممتاز جداً ..
احسب من هالاربعين يوم اسبوع كروز This is A MUST على قولتهم ..
انصحك انك تبدي بالكروز .. عشان الاغراض تكون اقل .. لانه كل ماطالت المده بتزيد الشناط وبتعبون ..
الكروز ينطلق من كذا ميناء .. انا جربت ميامي مرتين وعلى نفس الخط .. وزرت جمايكا او المكسيك او قراند كايمين او هايتي .. ورحلتي مدتها اسبوع .. وهالاسبوع كان خياااااااالي لين اتذكره اللحين احس اني كنت في حلم ..
في خط حلو يطلع من نيويورك ويوصل لي كندا .. تقدر تراجع موقعهم وتشوف الانسب لك

http://www.rccreservations.com/

تقدر تحجز لكروز عن طريق الموقع او تتصل بفرع الشركه بدبي .. او اي مكتب من مكاتب السياحه ..
لا اللغه مشكله .. ولا امريكا تصل لقروبات .. اذا ماكانت عايلتك مابترتاح لانه كل مدينه في امريكا فيها مليون مكان تزوره او مستحيل تقدرون تتفقون .. وصدقني دام بالصيف باذن الله بتزوج معناته توك خاطب او ماتعودت على زوجتك وان شاءلله اذا تعودتو على بعض بتشوفون انه السفره وايد بتكون احلى وانتو بروحكم ..

حلو انكم خفاف او تقدرون تتنقلون بين الولايات وعندكم وقت ..
نيويورك يفضل تكون المحطه الاولى .. لانها الاقرب لنا .. واقل عدد ساعات طيران .. واسمها نيويورك!
ومن نيويورك .. تقدرون بعد 4 ليالي .. تطيرون كاليفورنيا وبالسياره تتنقلون لوس انجلس وسان فرانسيسكو وتقدرون توصلون لي فيجاس وتسلمون السياره اهناك .. وتطيرون منها لاورلاندو .. يبيلها 10 ايام وبالسياره الى ميامي .. 4 ليالي وانتو طايرين!

يمكن تشوفها صعبه لكني اعرف عائله تسوي هالرحله كل سنه تقريبا! .. لكن تنقلاتهم كلها بطيارات داخليه ..

سان ديقو مثل ما قلت عندك حلين يا انك تزيد ايام لوس انجلوس وتصير تروح لها اول النهار وترجع اخر النهار


يوم كامل احسبه للسي ورلد

وويم لاهويا والهاربر والداون تاون

من لوس انجلوس ساعتين ومن اورانج اونتي ساعه ونص

وانا انصحك تسكن 6 ايام في بيفرلي هيلز و 6 ايام في نيوبورت بيج


وراجعه لك بالفنادق

وبالنسبه لامونه كلامها على فندق نيو يورك مرره قدم الحين وصار مستهلك فيه فنادق احلى بكثير في لاس فيقس افضل 3 فنادق حاليا بيلاجيو ووين ووفينيشن

المشاركة الأصلية كتبت بواسطة aloleetaa
http://www.arabtravelersforum.com/tr...7/#post2466807

سان ديقو مثل ما قلت عندك حلين يا انك تزيد ايام لوس انجلوس وتصير تروح لها اول النهار وترجع اخر النهار


يوم كامل احسبه للسي ورلد

وويم لاهويا والهاربر والداون تاون

من لوس انجلوس ساعتين ومن اورانج اونتي ساعه ونص

وانا انصحك تسكن 6 ايام في بيفرلي هيلز و 6 ايام في نيوبورت بيج


وراجعه لك بالفنادق

وبالنسبه لامونه كلامها على فندق نيو يورك مرره قدم الحين وصار مستهلك فيه فنادق احلى بكثير في لاس فيقس افضل 3 فنادق حاليا بيلاجيو ووين ووفينيشن





مرحبا اختي
صح نيويورك قديم لكن من احلى الفنادق في فيجاس:101:
صح بلاجيو وفينيسيا افخم واجدد:24:
وانا اقترحت يومين في بلاجيو ويومين نيويورك او فينيسيا
واختياري لنيويورك لانه اكثر حياة من بقية الفنادق وفيه حركه اكثر ويحتوي على اشايء اكثر داخل الفندق :24:

الصراحه مشاء الله عليكم كلكم الصراحه استفدت من معلوماتكم وايد بالنسبه للفنادق الله يعطيكم العافيه والحين بقعد واخطط عدل حق الرحله وبضبط الفاندق وكل شئ بعدين اردلكم الرحله كلها وقولولي شرايكم اوكي
بالنسبه حق طلال انا راح اروح شهر 7

حته يمكن نياجرا أشيلها انا حدي 45 يوم



وضعت لك جدول سابق مدته 45 يوم





ممكن الترتيب يكون كالتالي:

نيويورك 4 أيام

نياغرا 3 ايام

أورلاندو 12 يوم

كروز 7 أيام

ميامي يوم

لاس فيغاس 3 أيام

سان فرانسيسكو 3 أيام

لوس انجلوس 12 يوم


المجموع 45 يوم








نيويورك 4 أيام ----- أورلاندو 12 ----- ميامي (الكروز ) مع مبيت ليله 8 أيام ------- سان دييغو 4 أيام ---- لوس أنجلوس 8 أيام ----- لاس فيغاس 4 أيام ----- سان فرانسسكو 4
الوضع الحين 100 % مشكووورين على الخطه الحلوه بس الحين يبيلي الفنادق والأماكن الحلوه اللي أزورها بكل منطقه



الترتيب حلو لكن 4 ايام كثيره على سان دييغو

من رأيي تضيفها للوس انجلوس و تطلع لها يوم

يعطيك الف عافية اخوي ..
والله يوفقك ان شاءالله في سفرتك لشهر العسل يا رب ..
ويالله شد خيلك سولك مخطط كامل واذا تبي راينه فيه حاضرين لك ..
وراونه مخططك بالكامل :101:
ومن رايي انه تحسب التكاليف اذا الحمدلله تقدر عليها توكل على الله ولاتعطل روحك وروح قدم حق الفيزا ..
علشان مايروح تعبك في البحث بلاش في حالة لسمح الله تم رفض الفيزا .. الله لايقول ..
ان شاءالله اللي الله كاتبه وفيه الخير بيصير ..
جوف انا الحين مخطط ومتعب روحي والحين مشكك في الفيزا انه يعطوني اياها مع انه ماكنت متوقع انه يصير لي جذي ..
وبصراحة انا توقعتها سهالات في البحرين لكن الحين تبين لي العكس ..
لكن الحمدلله على كل حال .. دعواتك وياي اخوي انه الله يوفقني مع الفيزا .. :107:

سلام عليكم
اخوي إذا رايح في الصيف فكر في الكروز من فانكوفر إلى الاسكا لمدة خمسة ايام تراها روعة بالصيف

نصيحتي لك
انزل امريكا اسبوعين بس واسبوعين في اوروبا واسبوع في شرق آسيا
يعني تسوي جوله حول العالم ولو عندك وقت انزل استراليا والمالديف والمغرب

السلام عليكم ..
بعد التحيه انا رجعت لكم وودي أتأسف منكم على التعب اللي تعبتوه معاي وانا بعد تعبت وايد لاكن صارت لي ظروف صعبه اضطريت من خلالها أكنسل سفرتي الى أمريكا اللي كانت رحله الأحلام بالنسبه لي ما ادري شنو اقولكم بس صدقوني الظروف فوق كل شئ وانا زعلان وايد ومتضايق الله كريم انشاء الله خيرها بغيرها الله مو كاتبها لي السنه الجايه يمكن وقت ثاني وسامحوووني مره ثانيه واشكر كل من قالي كلمه وتعب معاي وعطاني نصيحه ألف شكر للكل .

مع تحياتي اخوكم The-wise-maN