الموضوع: روشيستر

السلام عليكم

انا حاليا موجود في منطقة روشيستر في ولاية ميني سوتا

طبعا للعلاج

اذا احد يبي استفسار و مساعدة انا حاضر اللي اقدر عليه

مواضيع عشوائيه ممكن تكون تعجبك اخترناها لك:

• أماكن للاطفال بنيويورك بحكم خبرتكم ابي فزعتكم
• الكرت الأحمر و الموقع
• ابغى اطلع الفيزا سياحيه لاول مره وابغى احد يساعدني
• ماهى اسباب رفض تاشيرة السياحة للولايات المتحدة
• محتاج مساعدة اول مرة ادخل سفارة
• استفسار
• إستفسار لأهل نيويورك ؟؟
• أستفسارات عاجلة وجزاكم ربي كل خير
• لاهل الخبرة بخصوص حضور الاطفال للمقابلة
• شركات الطيران الامريكية وسياساتها في حمل وشحن الامتعة في الرحلات الداخلية
• مشكلة بخصوص
• القنصلية ضيعت جوازي
• فيزة طالب ساااااعدوني
• افضل منطقه لسكن في هيوووستن ؟؟
• شهر العسل بامريكا مساااعدة
• ياشباب كيف طريقة التسديد
• ممكن مساعده في رسم خطه لعائله ابي مشورتكم
• استفسار
• استفسار عن السفر الى امريكا
• هل الأم ون مناسبة لدراسة اللغة في

الحمدلله على سلامة الوصول

كيف شفتها؟؟ان شاء الله عجبتك؟

وو ين سكنت اخوي؟

سوري على كثرة الأسئله : )

اعطيكم فكره عن الاجواء هني في روشيستر

طبعا في كل بلد تحصل ناس يساعدونك سواء مقابل شي أو من غير مقابل

والوضع هني في منطقة روشيستر فيها طابع الاكثرية من المسلمين اللي عايشين فيها من السودانيين أو الصوماليين

هذا غير الخليجيين اللي يايين للعلاج مع مرافقينهم

طبعا في كل بلد راح تسأل عن السكن والسيارة والمعيشة والاجواء في المنطقة اللي راح تسكن فيها وعن الناس والخ

هذا مثل ما حصل لي في بادئ الامر لاني اول مره ازور هذه المنطقة

أول ما وصلت منطقة روشيستر كنت شوي متخوف من الامر بس بعد كم يوم صار الوضع طبيعي جدا

الناس هني وايد اجتماعيين وخاصة الخليجيين يحبون يساعدونكم في اي شي يقدرون عليه

اكتشفت بس في المكان اللي انا ساكن فيه ثلاثة دواوين وفي بيت للحريم يجتمعون فيه هذا غير اللي يايب اليهال وتدرون وناسه اليال لووووويه

انا صراحه بغيت دش أو ستلايت علشان اشوف محطات فضائية عربية وخليجية بس المشكلة هني ان اكثر القنوات ما تطلع والمشكلة الثانية ان هني بالكيبل يعني اشتراك شهري من شركة امريكية اسمها شارتر ما فيها قنوات عربية

واذا سألت السودانيين او العرب اللي هني ياخذون منك مبلغ شوي غالي مبالغ فيه ويركبون لك ستلايت مافيه كل القنوات العربية اللي انته تبيها

والحمدلله ان عندي لاب توب واشتراك كيبل اطلع جميع القنوات العربية بلا استثناء من الانترنت مجانا

وكذلك تأجير السيارة كثر ما تروح حق اجنبي تأجر منه سيارة بالشهر يكون افضل لان اكثر مكاتب الامريكان سياراتهم شاملة يعني سبحان الله صار شي بالسيارة لا قدر الله الا تكون شاملة

الاسواق هني وايد زينه وفي بعض الاسواق مثل تي جي ماكس أو اوت ليت يسوون عليها خصم 50% كل سبوع او اسبوعين يعني تشتري وانته مرتاح ما تحاتي ماركة غاليه او شي جذي

معاملة المريكان بالمنطقة وايد راقيه احترام ابتسامه معاملة ممتازة حتى لو ما تعرف انجليزي او مكسر كلامك نفسهم طويل ويساعدونك

في مجمع هني اسمه الاباجي هذا من العصر الى العشاء كل الخليجيين فيه , ما شاء الله فيه جميع الماركات مثل امريكا مول بس على اصغر يعني اللي ما يقدر يروح امريكا مول احسن يروح الاباجي

هذه نبذه عن المنطقة اللي انا فيها روشيستر .

اي استفسار انا حاضر .

حبيت اسال عن الجو هناك برد شديد او برد عادي ، وطريقة السكن والاسعار

الحمدلله على السلامه اخوي ولله يشافي مريضكم والله يعينك على برد روشستر :11ld:

الحمدلله على السلامه
ولله يشافي مريضكم
ياحبي لروشستر وبردها ذكريات

لاتنسا تاخذ رحله علي نهر المسسبي

درة القصيم ..

الجو هذه الايام هو بداية الشتاء في هذه الولاية يعني امس كانت درجة الحرارة ثمانية تحت الصفر بس اليوم اشوه اربعه تحت الصفر

وطريقة السكن لا تحاتي ولا تهتم في شقق في نظام بيوت أو نظام عمارة بس خصوصيه يعني لك كراج خاص فيك هذه الاماكن اغلبها خليجيين .

اما في اماكن ثانيه يسمونها نظام مشترك يعني مافي خصوصيه .

الاسعار تتراوح بين 1300$ الى 3000$ يعني اذا الشقة مفروشة أو لا وعدد الغرف والخ ..

في اسعار اخرى غالية شوي في الفنادق المجهزة بنظام للمرضى يعني يكون فيها نفق خاص تمشي فيه الى المستشفى وتكون هذه الفنادق قريبة من المستشفى .. بس نصيحة خلك بعيد احسن هذه وجهه نظر مني

الامور سهالات والباقي توفيق من الله .

Smarten

ههههههه من صجك ... الحين انا حسيت اني في امريكا الله يعين الل يدرسون بامريكا

يا حلات برد الكويت والبر وشبت الضو

هني احس اذا في شبت ضو .... يتجمد الضو ههههه

whjallhb

الله يسلمك حبيبي

اي والله بعد فتره اذا ردينه الديرة راح اتذكر روشيستر خوش منطقة بصراحه وايد هادية وامان

الحزن اسمي

حبيبي الحين احنا ساكنين في غراند فيلا

خوش مكان وايد راقي .... شي حلو

كافي نزلت السنو والثلج جنك قاعد تشوف فليم صجي

الحمدالله على سلامتكم, كنت عايش بروشيستر قرابه ال6 شهور وكله بالشتى
ديربالك من الشتى هناك ترى باااااااااااااااارد ودرجه الحراره توصل 30- تحت السفر
روشستر منطقه رائعه وبصراحه حلوه, وفيها كم كبير من الجاليه المسلمه وفيها مسجد
للنساء والرجال وتقام فيه كل الصلوات + صلاة الجمعه بكلا اللغتين العربيه والانجليزيه
هالمسجد مقابل الأكود بلازا Oakwood Plaza مو مقابله تماما بس امش جدامه
جم خطوه وتلاقيه, على ما اذكر اسم المسجد مسجد عمر ابن الخطاب , ولو كنت محتار بشي
او عندك شي بتعرفه او اي شي هناك الاخوان ابدا ابدا مايقصرون معاك .. وايضا بال Oakwood Plaza
فيه دوانيه للرجال وكلهم خليجين والقعده معاهم ما تنمل والله, لو عندك احد اختك ولا زوجتك ولا احد من الاهل
يقدرون يروحون لجمعه اهلهم بعد لان الحريم بعد يتجمعون ..

وبالنسبه للمولات انا انصحك بأباتشي مول بصراحه روعه, صج صغير بس مختصر
وكل الماركات العالميه فيه, والمطاعم بعد .. وصحيح كلامك من العصر الى الليل كل الخليجيين
متواجدين فيه ماشاء الله, ويضا بالنسبه للألكترونيا تقدر تلاقيهم بالbest Buy ..

والمطاعم المشهوره متروسه بكل روشستر..

واحنا كنا دايما كل ويك اند او بالايام العاديه نروح للمول الي هو Mall Of America
يبعد عن روشستر قرابه الساعه ونص الى ساعتين.. وهو اكبر مول بالولايات المتحده كلها
انصحك تروحله.. احنا بصراحه صار لنا 6 شهور وماخلصناه من كبره

ولو تبي اي شي انا حاضر.

ياسلااااام مشكووور

المشاركة الأصلية كتبت بواسطة Lsfoor
http://www.arabtravelersforum.com/tr...4/#post2467148

السلام عليكم

انا حاليا موجود في منطقة روشيستر في ولاية ميني سوتا

طبعا للعلاج

اذا احد يبي استفسار و مساعدة انا حاضر اللي اقدر عليه

وين القى موية زمزم ؟؟؟؟؟؟؟؟؟؟؟؟

USA Lover

عدل كلامك المنطقة وايد حلوة واهلها ناس طيبين وبالنسبة للبرد الله يعيننا صج برررررررررد

اما بالنسبة للمسجد اسمه ابو بكر الصديق تصحيح للمعلومه

شوف بالنسبة للاباجي مول صح مثل ما قلت كله ماركات عالميه

والمطاعم من كثرها في روشستر تحتار وين تاكل بس مثل ما قلت في الويك اند كل مره تشوف مطعم غير

وعلى الدواوين ما شاءالله جنك قاعد بالكويت ماتدري الا واحد قايلك حياك الدوانيه

وعندهم شغله وايد حلوة اذا صار شي بالجو مثل الطقس او زجمة شوارع او عاصفة ايا كان يقطعون التلفزيون او الراديو فترة قصير الى حين الانتهاء من الخبر العاجل .

بالنسبة لامريكا مول انا عندي تروح له في غير الويك اند لان مافي زحمه وتحصل كل الشغلات اللي تبيها ومافي لويه , ولو تروح للمول الصبح يكون افضل علشان تقدر تقعد اكثر وقت ممكن لان المشكلة يوم الاحد يسكر الساعه 7 مساءا الا المطاعم والسينما مفتوحين .

السلام عليكم اخواني واخواتي ....

معلوماتكم وايد حلوه ومشكورين على حل معلومات الطيبه والله يشافي مرضاكم ومرضي المسلمين .

اتشرف في معرفتكم نا مسافر في تاريخ 10 / 12 / 2008 الى منطقة روشيستر في ولاية ميني سوتا للعلاج الوالده وأتمني على وصفكم الطيب اكون سعيد والله يوفقكم واذا احد يبي شئ من الكويت انا حاضر

ان شاءالله توصل بالسلامه ولا تنسى تجيب وياك زعفران ولقاح حق الشاي وخاصة البخور كثر منه

مرات تشتهي ريحة البخور ما تشمـــــــــــــــــــــــه هههههه

وماتشوفون شر

الله يوفقكم

السلام عليكم بسال عن الجو في شهر 6
عادة شالجو برد حر جو حلو افيدوني افادكم الله
لاني ان شاء الله يايه شهر 6 _ 2009
شكرا

يا اهل مينيسوتا شلون الجو عندكم في شهر 6
اتمنى تفيدوني وشكرا لكم

شلون بيكون الجو هناك شهر 6 ياجماعه برد او حر
شكرا

السلام عليكم ..

اذا احد يقدر يفيدني باوقات الصلاة في روشستر اكون شاكرتله ..

وابي اسال هل يووجد بقاله عربيه هنا او لا ..


جزاكم الله خير

السلام عليكم

نعم اخوي احلا جو في امريكا عموما في الصيف يعني هذه الشهور 6,7,8

وبالنسبة اختي بنت البنوت لا تحاتين اذا عندج انترنت في برنامج اسمه برنامج الاذان ممكن تنزلينه أو تشوفين السوبر ماركت الباكستاني أو السوداني عندهم أوراق تعرفين من خلالها على أوقات الصلاة .

بالنسبة للبقالة وهي السوبر ماركت الباكستاني هو عنده كل شي جنج قاعدة بالديرة صج انه شوي غالي بس احسن الموجود .

وشكرا

انا شهر 5 2008 كنت في روشستر عجيبه والله وسكنت في الماريوت جنب المايو على طول تنزل في المستشفى


واستأجرت سياره من عند واحد سوداني ولفيت روشستر ورحت مول اوف امريكا بس ما طولت هنا 9 ايام علاج ورديت


حلوه هالمدينه وهاديه .. روح المطعم الهندي اخوي وايد حلو اكله بعيد من المايو صوب وكالة التيوتا والسينما والمحل


الرياضي العود نسيت اسمه مقابل معرض سيارات ...المهم الله يشفي مريضك ومرضى المسلمين ان شاءالله

بالنسبه للجو امن شهر 3 حلو جميل الي شهر 9 ويعجبكم

بالنسبه لمواقيت الصلاة يوجد بقاله يوجد في المسجد والبقاله الباكستانيه يوجد اوراق ل3 اشهر كل 3 اشهر تنزل بمواقيت الصلاة في مدينه روشستر وبالنسبه للبقاله العريبه يوجد اكثر المستلزمات هنا الي يحتاجه الخليجي

وفي بقاله ومطعم الديار المقدسه فلسطيني وجميل في مدينه مانيبلس تبعد ساعه وربع بالسياره ويوجد به اغلب الاغراض الي يحتاجه البيت

والله يوفق الجميع والله يشفي جميع المرضي

خلاص تحدد موعد السفر

ان شاء الله في 13 ثلاثه