الموضوع: ام امريكان في امريكا الجمال والطيبه

السلام عليكم ورحمة الله وبركاته،

اخواني وأخواتي اعضاء ومشرفين هذا المنتدى الرائع ..

أولا اود أن أشكر كل من ساعدني وساندني وجاوبني على استفساراتي أثناء تخطيط رحلتي .. فجزاكم الله خير ..

ثانياً احببت ان انقل لكم تقريري المتواضع لزيارتي الأخيرة لمعشوقتي "أمريكا" الجمال والطيبة وكانت الزيارة للولايات التاليه:

كلورادو - 10 أيام

كاليفورنيا - 15 يوم

نيفادا (لاس فيغاس) – 5 أيام

-----------------

كانت رحلات الطيران كما يلي:

الذهاب:
طيران الخليج (بحرين – لندن)
يونايتد إيرلاينز (لندن – دنفر – سان دييقو) "الحجز بالنت من موقع اكسبيديا"

العوده:
تيد إيرلاينز – تبع اليونايتد (لاس فيغاس – لندن) "الحجز بالنت من موقع اكسبيديا"
طيران الخليج (لندن – بحرين)

مجموع سعر الطيران = 2000 دينار (2 بالغين 3 أطفال) "علما بأن عندنا تخفيض على طيران الخليج"

--------------------------

سيارات الأجار كما يلي:

شركة Adventure – سيارة فان ( مطار دنفر) 10 أيام "الحجز بالنت من موقع الشركه نفسها"

شركة Thirifty – سيارة فان (اخذناها من مطار سان دييقو ورجعناها إلى مطار لاس فيغاس) 20 يوم "الحجز بالنت من موقع الشركه نفسها"

مجموع سعر السيارات 550 دينار

-------------------------

وكانت الفنادق كما يلي:

فندق رمـــادا بشتى فروعه في (دنفر + سان دييقو + اناهايم) "الحجز بالنت من موقع الفندق نفسه"
فندق نيويورك في (لاس فيغاس) "الحجز بالنت من موقع الفندق نفسه"

مجموع سعر الفنادق لمدة 30 يوم 900 دينار

-----------------------
*ملاحظه: الأسعار الموضحه أعلاه بالتقريب دينار دينارين زايد قاصر
-----------------------

والآن نبدأ التقرير ..

بسم الله الرحمن الرحيم



الوصول لمطار لندن تقريباً الساعة السابعة صباحاً



ملاحظاتي على مطار لندن:
- الناس ما عندها اخلاق سواء موظفين ولا زوار
- المطار كئيب
- المطاعم والديوتي فري غاااااالي نااااار (اخذنا سندويش تونه وكب كيك وكوفي صار بـ 12 دينار)

كان احلى شي في المطار هاردز وبس



تقريبا جلسنا في مطارهم 6 ساعات لأن موعد طيارتنا لدنفر كان الساعة 1 ظهراً

ثم الوصول لمطار معشوقتي (دنفر) الساعة 5 المغرب





ثم الذهاب للشاتل ليوصلنا لمكتب تأجير السيارات Adventure

أخذنا سيارتنا



بعد يومين صارت السيارة تطلع صوت قوي فرجعناها واخذنا



ثم على طول إلى الفندق ونووووووووم



صحينا الصبح وافتح الدريشه واشوف هالمنظر إللي يفتح النفس



وبعدها لبسنا وفطرنا ونزلنا على طوووووووول إلى



احبه هالمحل كل ما تتمناه موجود



اكيد راح تقولون وشفيهم من الصبح رايحيين وول مارت

رحنا وول مارت لكي نشتري الأشياء التالية:

1- برقية هوكي توكي (عشان نكون على اتصال انا وزوجي بدل ما نستخدم المبايل "اوفر")
2- نفيقيتر GPS (شريناه بدل تأجيره من شركة تأجير السيارات عشان نستخدمه كل مره نزور فيها امريكا "اوفر")
3- كاميرا كبيره كانون (لتصوير المناظر اوضح واحلى – وفرنا 150 دينار عن سعرها في البحرين)

وبعدها قلنا اليوم خلنا نريح شوي ونتمشى وندور بالسيارة

ومرينا على فريج الله على هالفريج يفتح النفس وفيه ألعاب للأطفال ونزلنا نلعب العيال

إليكم الصور



وانا واقفه اصور إلا زوجي يقولي ارفعي راسك شوفي الشجره ورفعته وإلا اشوف



ونزلت راسي وإلا اشوف





ياي تفاح في الأرض ولا حد له



وبعدها تمشينا شوي بالسياره قلنا نرجع الفندق نريح وإلا نشوف هالبارك الجميل بجانب فندقنا بالضبط فنزلنا نتمشى فيه

إليكم الصور













وهذا النهر في وسط البارك



نكتفي بهذا القدر ونلتقي إن شاء الله في الجزء التالي بإذن الله ..

في انتظار ملاحظاتكم وتعليقاتكم واستفساراتكم ..

وحياكم الله ..

مواضيع عشوائيه ممكن تكون تعجبك اخترناها لك:

• زاير جديد ويبي يستفيد
• موظف الجوازات قام بتخريم الفيزا والسفر بعد أيام
• مشكلة بخصوص
• عاجل الى الاخ امباكت
• مساعده في اختيار فندق شيكاغو
• استفسار عن استأجار السياره من المطار
• ارجوا الافادة موضوع فى غاية الاهمية للجميع
• معلومات عامة وتعريفية عن الولايات المتحدة الامريكية
• الحمدلله الذي بنعمته تتم الصالحات بعد يوم القصة انتهت
• كم يكفي من وقت لانهاء اجراءات المطار؟
• فيش الكهرباء
• ابي فندق قريب من مطار دالاس
• طلب المشورة لاهنتوا من الاخ امباكت ومن والجميع
• التامين والسوال هل هو كافي نتوكل على الله
• سؤال عن تأجير الشقق في لوس انجلوس
• سؤال هاام
• إلى الأخوان
• استفسار عن الجنسية الآمريكية
• خبراء امريكا تخطيط سفرتي
• يأصحاب الحاجات ياصاحب الورقة الزرقاءتعالو لكم عندي حل

اتشرف بأن اكون اول الردود ...

والف الحمد لله على السلامة ..

تقرير رائع وفي انتظار البقية ..

تقبلي مروري المتواضع


Impact

ما شاء الله

أهم شي أني حجزت مقعد قدام


متابعين معك

وااااااو لحقت عالصفحه الاولى !! ونااااااااسه^_^

الحمدلله على السلامه ام الامريكان وقريت عينج :101:

ماقلتي لنا بأي تاريخ بدت الرحله ومتى انتهت ؟

على طاري وول مارت والرخص , هو او اولت لت بيفتحونه عندنا شي اكيد بس مادري في أي وقت :114:

تابعي اختي وعتبريني بأول الصف لي النهايه

شوقتينا لباقي التقرير
سجليني من المتابعين لك الى النهايه
يعطيك العافيه

المشاركة الأصلية كتبت بواسطة Impact
http://www.arabtravelersforum.com/tr...1/#post2469801

اتشرف بأن اكون اول الردود ...

والف الحمد لله على السلامة ..

تقرير رائع وفي انتظار البقية ..

تقبلي مروري المتواضع


Impact



[b][size="4"][color="DarkRed"]دايما الأول يامشرفنا .. توقعتك تكون اول رد .. إلى الأمام إن شاء الله

احم احم .. بنافس تقريرك :109:

المشاركة الأصلية كتبت بواسطة Vip-sa
http://www.arabtravelersforum.com/tr...1/#post2469871

الحمدلله على السلامة تقرير وصور رائعة
تحياتي



اهلينVip-sa

الله يسلمكم

الروعه بوجودكم

وخلكم متابعينا

[color="DimGray"][size="6"][font="Comic Sans MS"]حمدالله على سلااااااامتكـ

في انتظار البقيه

المشاركة الأصلية كتبت بواسطة Raya
http://www.arabtravelersforum.com/tr...8/#post2469928

ما شاء الله

أهم شي أني حجزت مقعد قدام


متابعين معك



اهلين وسهلينRaya وحياج الله شرفتي الموضوع .. تره ننتظر جديدك

المشاركة الأصلية كتبت بواسطة .Reema.
http://www.arabtravelersforum.com/tr...4/#post2470414

وااااااو لحقت عالصفحه الاولى !! ونااااااااسه^_^



حياج الله اختي Reema شرفتي الموضوع في الصفحة الأولى ..:101:

المشاركة الأصلية كتبت بواسطة Smarten
http://www.arabtravelersforum.com/tr...5/#post2470535

الحمدلله على السلامه ام الامريكان وقريت عينج :101:

ماقلتي لنا بأي تاريخ بدت الرحله ومتى انتهت ؟

على طاري وول مارت والرخص , هو او اولت لت بيفتحونه عندنا شي اكيد بس مادري في أي وقت :114:

تابعي اختي وعتبريني بأول الصف لي النهايه



هلا والله Smarten.. وي نبيج .. :101:

اووووووه نسييييت اذكر التاريخ كانت الرحله من تاريخ 2 اكتوبر لغاية 31 اكتوبر 2008

سوري

ماصدق ووول مارت بيفتحونه في الدوحه .. الله وناسه عيل بنطق وبنرد :24: الله يبشرج بالخير

وحياج الله

المشاركة الأصلية كتبت بواسطة رذاذ الشلال
http://www.arabtravelersforum.com/tr...3/#post2470623

الحمدلله على السلامة متابعين معك



هلا وغلا حيالله الأمريكان ..

اشكرج اختي رذاذ عالمتابعه ..

المشاركة الأصلية كتبت بواسطة US princess
http://www.arabtravelersforum.com/tr...9/#post2470699

شوقتينا لباقي التقرير
سجليني من المتابعين لك الى النهايه
يعطيك العافيه



هلا وغلا .. حياكم الله

والله يعافيكم

المشاركة الأصلية كتبت بواسطة نوف2008
http://www.arabtravelersforum.com/tr...1/#post2471001

[color="DimGray"][size="6"][font="Comic Sans MS"]حمدالله على سلااااااامتكـ

في انتظار البقيه





الله يسلمج اختي نوف وحياج الله

حمدلله على السلامه وننتظر المزيد

المشاركة الأصلية كتبت بواسطة عبوود997
http://www.arabtravelersforum.com/tr...2/#post2471052

حمدلله على السلامه وننتظر المزيد



الله يسلمك اخوي وحياك الله

ماشاء الله اختي داخله بتقرير من اوله مرتب وبطل على قولة بنتي

الظاهر بيصير فيه منافسه مع .... الله يعطيكم العافيه جميعا

واكيد الكل بيفيد هالمنتدى الرائع

واصلي اختي ونحن متابعين والله يعينك على الصغار اللي بيعطلونك

احيانا الله يحفظهم ويخليهم

دمتم بخير

صديقتي العزيزه ام امريكان
الحمدللــــــــــ على السلامه ــــــــــــــــــــــه
نورت البحرين
تقرير من بدايته حلوووووو و مشوق
متابعه بلا شك

ام الامريكان الله يهديج معاج اخوج بومحمد :109:

مرحبا بام امريكان

كنت أنتظر تقريرك ,صور رائعه وتسلسل جميل

متابعه معاك وطبعاً أنا في أنتظار كاليفورنيا ونيفادا

أكثر من أي منطقه أخرى..

بس وش قصة كولورادو يعني لازم كل مره تمرون عليها ؟؟

عندكم ولاء شديد لها ..الله يعطيك العافيه

والله يهنيكم دوم يارب

الله يكثر التقارير الزينة متابعينج حبيبتي

الحمد لله عالسلامة أختي
تقرير جميل و يا ليت تذكري لنا الأسعار عن كل شي فيه دفع فلوس ....

في انتظار المزيد و تحياتي

لوووووووووووووول خساره مالي مكان في الصفحه الاولى بس الحمد الله لحقت على مقعد في النص
بدايه موفقه ام امريكان

المشاركة الأصلية كتبت بواسطة ام وسومه
http://www.arabtravelersforum.com/tr...3/#post2471113

ماشاء الله اختي داخله بتقرير من اوله مرتب وبطل على قولة بنتي

الظاهر بيصير فيه منافسه مع .... الله يعطيكم العافيه جميعا

واكيد الكل بيفيد هالمنتدى الرائع

واصلي اختي ونحن متابعين والله يعينك على الصغار اللي بيعطلونك

احيانا الله يحفظهم ويخليهم

دمتم بخير



أي منافسه اختي ام وسومه .. احنا وين و ..... وين ما في مقارنه ..:108:

مشكوره حبوبه على المتابعه .. ومثل ما قلتي إن شاء الله العيال يعطوني مجال اكمله بسرعه .. :101:

المشاركة الأصلية كتبت بواسطة OZYEEE
http://www.arabtravelersforum.com/tr...3/#post2471123

صديقتي العزيزه ام امريكان
الحمدللــــــــــ على السلامه ــــــــــــــــــــــه
نورت البحرين
تقرير من بدايته حلوووووو و مشوق
متابعه بلا شك



هلا والله بصديقتي الغالية ..

الله يسلمج عيوني

منوره بوجودج

لا يفوتج الجزء الياي .. المناظر روعه في كلورادو ..

ام امريكان
بداية روعة

سجليني متابع....

المشاركة الأصلية كتبت بواسطة Smarten
http://www.arabtravelersforum.com/tr...8/#post2471168

ام الامريكان الله يهديج معاج اخوج بومحمد :109:



اوه سوري لأن العادة إللي يردون بنات .. المسامحه اخوي .. وحيالله هالدوحه الغالية ..







المشاركة الأصلية كتبت بواسطة HudaAbdullah
http://www.arabtravelersforum.com/tr...9/#post2471299

مرحبا بام امريكان

كنت أنتظر تقريرك ,صور رائعه وتسلسل جميل

متابعه معاك وطبعاً أنا في أنتظار كاليفورنيا ونيفادا

أكثر من أي منطقه أخرى..

بس وش قصة كولورادو يعني لازم كل مره تمرون عليها ؟؟

عندكم ولاء شديد لها ..الله يعطيك العافيه

والله يهنيكم دوم يارب



هلا وغلا اختي هدى .. مشكوره على الإطراء .. :106:

إن شاء الله اكون عند حسن ظنكم ..

اما بالنسبة عن كلورادو .. الله يسلمج ويطول بعمرج كلورادو العشق والحب اموت فيها .. زوجي كان عايش فيها وطبعا لازم نروح كل سنه يعيد ذكرياته وأيامه .. :109:

وخليج متابعتنا .. وبتشوفين كلورادو الجمال ..







المشاركة الأصلية كتبت بواسطة غلا امها
http://www.arabtravelersforum.com/tr...7/#post2471317

الله يكثر التقارير الزينة متابعينج حبيبتي



اهلين وسهلين بغلا .. وحياج الله عيوني :101:







المشاركة الأصلية كتبت بواسطة compuman82
http://www.arabtravelersforum.com/tr...0/#post2471370

الحمد لله عالسلامة أختي
تقرير جميل و يا ليت تذكري لنا الأسعار عن كل شي فيه دفع فلوس ....

في انتظار المزيد و تحياتي

اهلا وسهلا .. وحياكم الله

أنا ذكرت أكبر المصاريف والبقيه مصاريف عاديه راح اذكرها إن شاء الله .. ولا يهمكم







المشاركة الأصلية كتبت بواسطة أمونه
http://www.arabtravelersforum.com/tr...5/#post2471465

لوووووووووووووول خساره مالي مكان في الصفحه الاولى بس الحمد الله لحقت على مقعد في النص
بدايه موفقه ام امريكان



الله يسلمج اختي امونه .. وحياج الله في البدايه او في النهاية عزيزه وغاليه

السلام عليكم ورحمة الله وبركاته ،،

إخواني وأخواتي ..

سامحوني بجزء كلورادو بمللكم بالمناظر الطبيعية لأن كلورادو مشهورة بطبيعتها الخلابة الرومانسية ..

فهنيئاًً للي يتابع تقريري ويحب المناظر الطبيعيه وإللي مايحب ينتظر إلى أن نسافر للولاية التالية ..

بسم الله .. نبدأ

Glenwood spring

هي مدينة جميلة جدا وفيها بركة كبيرة جداً ينبع فيها مياة معدنية طبيعية .. احنا رايحين عشان نسبح فيها .. بس ما الله كتب .. بعدين اقولكم ليش.

البارحة ما نمت جلست على النت اسوي حجز فندق في Glenwood springs
لمدة ليلة واحدة .. وفعلا تم الحجز ..

وفي الصباح الباكر فطرنا وتوكلنا على الله ومشينا .. استغرقت الرحله 4 ساعات ولكن طافت بسرعة .. بسبب المناظر الخلابة أثناء الطريق .. إليكم الصور

ضبطنا الجي بي اس على الفندق وهو تكفل بالباقي .. ماقصر



صور أثناء الطريق ..







ثم صادفنا هالنهر وقلنا ننزل نصور ..







ثم الدخول في النفق في وسط الجبل



والخروج منه



بعدين شفنا هالبحيرة







لاحظوا كيف الغيوم تعانق الجبال .. والله وصرت اقول شعر على آخر أيامي مو مني من إللي شفته ..





وهنا بدأت ألوان الشجر يتغير يصفّر ويحمّر ..











ثم الدخول لـ Glenwood Srings





لاحظوا كيف البيوت في وسط هالأشجار الجميلة ..



وشوي شوي بينت الأجبال وفوقها هالثلج .. طبعا احنا كنا حاسبين حسابنا وودينا غيار ثقييييييل (متخرعين)





ثم وصلنا للبركة ..



طبعا محد تسبح لأن الجو كان باااااااااااااارد وسنو خفيف ..

وظلم الوقت ورحنا الفندق .. وصادف إن اليوم يوم ميلاد عيالي (التوأم) 5 اكتوبر فأصر ابوهم إلا يحتفل وراح اخذ كيكه من السيف واي .. واحتفلنا بروحنا .. لاحظوا اليهال بالبجامات .. لأن بعدها نمنا على طول بعد يوم حافل ..



واستودعكم الله .. ونلقاكم باجر ثاني يوم في Glenwood ..

متابعين معك اختي ..

وواصلي الابداع ..

تقبلي مروري المتواضع

روووووووووووووووووووعه اختي والحمد الله على سلامتك

سجليني من المتابعين...

ماشاء الله أختي ام امريكان التقرير من بدايته روعه
ويفتح النفس ( عشقي الطبيعة )
الله يحفظلك عيالك
سجليني من المتابعين

سجليني معاك متابعة متأخرة للأسف
جددتي المواجع اختي
شوقتينا لكولورادو ان شاء الله المرة القادمة مانفوتها
انا عشقي المناطق الخلابة
بس كيف كان الجو هناك بالصيف
تابعي ابداعك

الحمدلله على السلامة أختي ...
متابعة التقرير ..أختج: ليال

المشاركة الأصلية كتبت بواسطة Impact
http://www.arabtravelersforum.com/tr...3/#post2472463

متابعين معك اختي ..

وواصلي الابداع ..

تقبلي مروري المتواضع



حيالله مشرفنا .. اسعدني مرورك .. :101:







المشاركة الأصلية كتبت بواسطة M!DHER
http://www.arabtravelersforum.com/tr...9/#post2472589

روووووووووووووووووووعه اختي والحمد الله على سلامتك

سجليني من المتابعين...



حياك الله .. الله يسلمك .. تابع معانا التقرير وبتشوف الأروع إن شاء الله ..







المشاركة الأصلية كتبت بواسطة Pokahuntis
http://www.arabtravelersforum.com/tr...6/#post2472956

سجليني معاك متابعة متأخرة للأسف
جددتي المواجع اختي
شوقتينا لكولورادو ان شاء الله المرة القادمة مانفوتها
انا عشقي المناطق الخلابة
بس كيف كان الجو هناك بالصيف
تابعي ابداعك



باااال وأخيرا حصلت على احد يحس فيني .. وشايف إللي شفته .. :101:
هالسنة رحت في اكتوبر كان بداية الشتا اما العام كان في الصيف كان الجو ربيعي حلو ..







المشاركة الأصلية كتبت بواسطة بهااء
http://www.arabtravelersforum.com/tr...3/#post2473003

الحمدلله على السلامة أختي ...
متابعة التقرير ..أختج: ليال



هلا والله اختي ليال .. الله يسلمج .. اشكر لج مرورج ..

احلى شي شكل البيوت بين الشجر مررره يجنن !!


شكرا
نحتري الجزء اللي بعده

ياسلام على المناظر وعلى الخضره والجبال والغيوم والجو الحلو

صراحه مالومج على كلورادو , هذي يبيلها شهر كل سنه ترتاحين من رطوبتنا :109:

تابعي التقرير الرائع :101:

المشاركة الأصلية كتبت بواسطة thecloser
http://www.arabtravelersforum.com/tr...2/#post2472842

ماشاء الله أختي ام امريكان التقرير من بدايته روعه
ويفتح النفس ( عشقي الطبيعة )
الله يحفظلك عيالك
سجليني من المتابعين




هلا ومرحبا .. الأروع مروركم الكريم ..

وشكرا على الدعوه .. جزاك الله خير ..








المشاركة الأصلية كتبت بواسطة .Reema.
http://www.arabtravelersforum.com/tr...9/#post2473289

احلى شي شكل البيوت بين الشجر مررره يجنن !!


شكرا
نحتري الجزء اللي بعده




إي والله كان خاطري اسكن في واحد منهم .. إن شاء الله في المستقبل القريب ..








المشاركة الأصلية كتبت بواسطة Smarten
http://www.arabtravelersforum.com/tr...6/#post2473716

ياسلام على المناظر وعلى الخضره والجبال والغيوم والجو الحلو

صراحه مالومج على كلورادو , هذي يبيلها شهر كل سنه ترتاحين من رطوبتنا :109:

تابعي التقرير الرائع :101:




الحمدلله عندي احد يحس فيني .. والله إنها ولايه رومانسية .. والكل لازم يجرب يزورها وراح يدمن عليها ..

اول شي الحمدلله على السلامة اختي ..
سبحان الله على الطبيعة الخلابه ..
بصراحة طبيعة جميله جدا .. وتقرييير روعة .. وصور ولا اروع ..
كفيتي ووفيتي اختي ..
وعذريني ييت متأخر بس كنت منشغل شوي مع سالفة الفيزا ..
وسجليني متابع لتقريرج الرائع والجميل .. :107:
بس في سؤال بكم سعر ال gps ؟؟
ويعطيـــج الف عافيـــــة

الحمد الله عالسلامة أختي .... بصراحه قلبتي المواجع..اشتقنا لأمريكا والله

سجليني من المتابعين لتقريرك أختي

المشاركة الأصلية كتبت بواسطة طلال البحرين
http://www.arabtravelersforum.com/tr...6/#post2474166

اول شي الحمدلله على السلامة اختي ..
سبحان الله على الطبيعة الخلابه ..
بصراحة طبيعة جميله جدا .. وتقرييير روعة .. وصور ولا اروع ..
كفيتي ووفيتي اختي ..
وعذريني ييت متأخر بس كنت منشغل شوي مع سالفة الفيزا ..
وسجليني متابع لتقريرج الرائع والجميل .. :107:
بس في سؤال بكم سعر ال GPS ؟؟
ويعطيـــج الف عافيـــــة



هلا اخوي طلال تره آنه متابعتك من بعيد لبعيد .. الله يعينك على استخراج الفيزا انا بالعكس كانو معاي كلش سهلين وما أخروني يومين وجهزت .. بس في ناس معانه كانو عايله ولقبهم كان مشبوه فيه ورفضوا طلبهم .. وفي ناس سألوهم هل سافرتو إيران او سوريا او الصين .. واحد قال انا سافرت إيران وبعد رفضوا طلبه ..

الله يسهل امورك يارب وتستمتع في ربوع معشوقتي مع المدام .. ومبروك مقدماً ..

اما بالنسبه عن GPS انصح تشتريه من وول مارت سعره 60دينار مع خرايط امركا وكندا ..
سمناه في البحرين في راديو شاك بروحه 75دينار والخرايط 75 دينار .. شوف الفرق ..
وبينفعك احسن من إنك إتأجر وتدفع فلوس حق شي ما تملكه وإذا شريته بيطلع عليك اقل من التأجير ..

طولت عليك .. سوري ..

إذا احتجت أي شي او أي استفسار انا حاضره ..

وبالتوفيق

مشاء الله تقرير حلو : )

المشاركة الأصلية كتبت بواسطة ام امريكان
http://www.arabtravelersforum.com/tr...8/#post2474198

هلا اخوي طلال تره آنه متابعتك من بعيد لبعيد .. الله يعينك على استخراج الفيزا انا بالعكس كانو معاي كلش سهلين وما أخروني يومين وجهزت .. بس في ناس معانه كانو عايله ولقبهم كان مشبوه فيه ورفضوا طلبهم .. وفي ناس سألوهم هل سافرتو إيران او سوريا او الصين .. واحد قال انا سافرت إيران وبعد رفضوا طلبه ..

الله يسهل امورك يارب وتستمتع في ربوع معشوقتي مع المدام .. ومبروك مقدماً ..

اما بالنسبه عن GPS انصح تشتريه من وول مارت سعره 60دينار مع خرايط امركا وكندا ..
سمناه في البحرين في راديو شاك بروحه 75دينار والخرايط 75 دينار .. شوف الفرق ..
وبينفعك احسن من إنك إتأجر وتدفع فلوس حق شي ما تملكه وإذا شريته بيطلع عليك اقل من التأجير ..

طولت عليك .. سوري ..

إذا احتجت أي شي او أي استفسار انا حاضره ..

وبالتوفيق



هلا اختي ..
تسلمين على المتابعة وماقصرتي :24: ..
وانا اعتمادي على الله .. صليت استخاره وقدمت ..
يعني في كلا الحالتين ان شاءالله خيره من رب العالمين .. :101:
وانا ماسافرت هالاماكن اللي ذكرتيها كلش !
وان شاءالله يعطونه الفيزا باسرع وقت كريه الاحساس بالانتظار وماتدري شسالفه ..
لانه ابي اكمل حجوزاتي قبل لاتغلى الاسعار ..

ماشــاءالله .. والله زين :24: انا ناوي اشتري اصلا مستحيل افكر أاجر ..
كنت ناوي اشتريه من النت ارخص ومع خرايط امريكا .. بس للحين انتظر اول شي الفيزا :114: ..
اكييييد احسن من انه تأجر كايبيله كلام .. وبينفعني في كل سفراتي ..

لا عادي لاطولتي ولا شي .. واحنه متابعين معاج تقريرج ولاتطولين علينه ..

ماقصرتي يالشيخه .. :24:

تقرييييييير رائع وبالفعل طبيعة كولورادو غييييييييييير

إن شالله بنزل مقتطفات من رحلتي القصييييييرة لكولورادو بس خليني أتعلم طفشت وأنا أفتح النت وأحمل الصور وبعدين خلاااااااص يوقف عقلي وماأعرف أكمل

اووووووه معليش نسيت أقولك الحمدلله على السلامه

مناظر رووووووووووووووعه اتينن
حلوووووه كولارادوا ... خاطري اروح لها
وكل سنة واهما طيبين اعيالج الله يخليهم لج ان شاءالله

المشاركة الأصلية كتبت بواسطة هتاف الروح
http://www.arabtravelersforum.com/tr...8/#post2474168

الحمد الله عالسلامة أختي .... بصراحه قلبتي المواجع..اشتقنا لأمريكا والله

سجليني من المتابعين لتقريرك أختي




هلا والله هتاف .. الله يسلمج .. انا اول ما وصلت البحرين اشتقلت لها :110:

وحياج الله اختي








المشاركة الأصلية كتبت بواسطة Mashail.A.k
http://www.arabtravelersforum.com/tr...8/#post2474238

مشاء الله تقرير حلو : )




حلية دنياكم .. مشكورين على المرور








المشاركة الأصلية كتبت بواسطة **seema**
http://www.arabtravelersforum.com/tr...5/#post2474605

تقرييييييير رائع وبالفعل طبيعة كولورادو غييييييييييير

إنشالله بنزل مقتطفات من رحلتي القصييييييرة لكولورادو بس خليني أتعلم طفشت وأنا أفتح النت وأحمل الصور وبعدين خلاااااااص يوقف عقلي وماأعرف أكمل

اووووووه معليش نسيت أقولك الحمدلله على السلامه




هلا اختي سيما .. الله رحتي كلورادو .. :24:

في انتظار مقتطفاتج وأي مساعده حاضره في كيفية ننزيلها ..

والله يسلمج اختي








المشاركة الأصلية كتبت بواسطة OZYEEE
http://www.arabtravelersforum.com/tr...3/#post2474663

مناظر رووووووووووووووعه اتينن
حلوووووه كولارادوا ... خاطري اروح لها
وكل سنة واهما طيبين اعيالج الله يخليهم لج ان شاءالله




هلا والله بالغالية ..
إي والله تهبل مو بس إتينن ..
يالله اشرايج السنه اليايه مع بعض:106:

وانتي طيبه عيوني .. ماقصرتي

نكمل معاكم إخواني واخواتي

ثاني يوم في Glenwood Springs

اليوم صحينا وفتحنا الباب وشفنا هالمنظر ما شفناه البارحة لأن كان ظلمة



وركبنا السيارة استعداداً للذهاب لمدن جديدة قريبة



اول شي ذهبنا Aspen

رحنا عالداون تاون .. رائعة ..





بعدها تمشينا شوي وصورنا شوي ..





ثم توجعنا إلى Vail



هذي المدينة جميلة جدا وراقيه جدا ومعظم سكانها نجوم وأمراء وشيوخ خليجيين ..

ثم توجهنا .. لأحلى منطقة في كلورادو .. Maroon Bills

فيها احلى مناظر شفتها في حياتي ..

الواحد لما يشوف هالمناظر ما يقول إلا سبحان الله هذي الدنيا فما بالك بالجنة ..

الدخول للمنطقة برسوم بسيطة اعتقد 5 او 6 دولار ..


أترككم مع الصور ..

الطريق إلى Maroon Bills



















لا حظوا الخيول .. مستمتعة بالجو والمناظر الخلابة ..











ثم الوصول لنهاية المنطقة وللبحيرة الرائعة الجمال ..









وبعد ما متعنا انظارنا بهالمناظر .. رجعنا فندقنا إللي في دنفر لإن تركنا شناطنا عندهم عشان نرجع نسكن عندهم ..

وشوفوا شلون الجو تغير وبدا السنو في النزول






















طبعاً انا أشوف هالثلوج وبموت ابي انزل ألمسه بس السيارة ما كان فيها بترول ونبي نلحق على اقرب محطة



وبعد ما خلصنا من المحطة .. صارت الثلوج فوق ولا يمكن لمسها ..







وبعدها ظلم الوقت ووصلنا للفندق بسلام ولله الحمد .. بس لليوم ألوم زوجي إني ما لمست الثلج ..



تقريباً هذي كل مافي جعبتي عن ولاية كلورادو .. لأن باقي الأيام قضيناها مع العوايل إللي كان زوجي ساكن معهم أيام الدراسة ..

نلتقي في الجزء التالي إن شاء الله ..

أستودعكم الله ..

هلا والله أختي ام امريكان

والحمد لله على السلامة

:113::x1::113::x1::113::x1:

تقرير رائع وصور روعة

:24::24:

ما شاء الله عليك من زين التقرير كنت بخليه بعد تقرير امباكت لكن ماقدرت انتظر

انتي وامباكيت لعبتو باعصابنا هجمات مرتده من كل واحد منكم

ماندري نتابع من

للعلم كم تمنيت أشوف صور واضحة للصغار الله يخليهم لكم ويخليكم لهم

متابعين معاك للآخر

بانتظار التكمله

:11ight:

المشاركة الأصلية كتبت بواسطة mohammad-usa
http://www.arabtravelersforum.com/tr...1/#post2474711

هلا والله أختي ام امريكان

والحمد لله على السلامة

:113::x1::113::x1::113::x1:

تقرير رائع وصور روعة

:24::24:

ما شاء الله عليك من زين التقرير كنت بخليه بعد تقرير امباكت لكن ماقدرت انتظر

انتي وامباكيت لعبتو باعصابنا هجمات مرتده من كل واحد منكم

ماندري نتابع من

للعلم كم تمنيت أشوف صور واضحة للصغار الله يخليهم لكم ويخليكم لهم

متابعين معاك للآخر

بانتظار التكمله

:11ight:

هلا اخوي محمد .. والله وسعت صدري بهالرد .. الله يسعدك ..

تقرير مشرفنا ماشاء الله تبارك الله .. غير له طعم غير .. احنا ولا شي بالنسبة له ..

والعيال إن شاء الله تشوفهم في الأجزاء القادمة ..

وطبعا ما أنساك ولا أنسى مساعدتك لنا .. الله يوفقك ويسعدك دنيا وآخره

الله يعطيك العافيه ويخليلك الصغار وابوهم

تقرير جميل وصورخياليه وحظكم الجو الرائع ولاتفوتين لمس الثلج

واللعب فيه ذكرتيني قبل4 سنوات طلعت رحله انا وبناتي 6 ساعات

عشان نشوف ونلمس الثلج في ملبورن باستراليا والله ما خيبنا

نزل الثلج علينا اول ما وصلنا وكان شعور جميل

اسفه طولت استمتعوا باوقاتكم وواصلي تقريرك الجميل

متابعين بشوق دمتم بخير

أختي العزيزة أم امريكان




سلمـــــــت يـداك تقريـر جميــــل جــدا


وفي انتظار المزيد

اي والله تقرير حلو وزين نزلتيه اليوم كنت متحمسه ان شاء الله تكملين بكره
تبين صراحة متابعه تقريركم افضل من متابعه Tv : )

ماشاء الله تبارك الرحمن ..

تقرير جميل ومرتب ...

المناظر جداً جميلة لاكن بصراحة ماشبعنا ودنا بصور اكثر لهلمناطق

ابداعك اختي يخلي الواحد يطمع اكثر

تقبلي مروري المتواضع












المشاركة الأصلية كتبت بواسطة ام امريكان
http://www.arabtravelersforum.com/tr...3/#post2474753

هلا اخوي محمد .. والله وسعت صدري بهالرد .. الله يسعدك ..

تقرير مشرفنا ماشاء الله تبارك الله .. غير له طعم غير .. احنا ولا شي بالنسبة له ..

والعيال إن شاء الله تشوفهم في الأجزاء القادمة ..

وطبعا ما أنساك ولا أنسى مساعدتك لنا .. الله يوفقك ويسعدك دنيا وآخره





بالعكس والله ..

تقريرك بطل جداً فيه صور رائعة ومناظر جميلة ..

ويكفي انه من عضوتنا ام امريكا ..

ولا تقولي هذا الكلام .. كلنا زي بعض ..

في انتظار باقي الابداع ..

الحمد الله على سلامتكم

ماشاء الله تقرير وااايد حلو

متابعين ويااااج

المشاركة الأصلية كتبت بواسطة ام وسومه
http://www.arabtravelersforum.com/tr...6/#post2474826

الله يعطيك العافيه ويخليلك الصغار وابوهم

تقرير جميل وصورخياليه وحظكم الجو الرائع ولاتفوتين لمس الثلج

واللعب فيه ذكرتيني قبل4 سنوات طلعت رحله انا وبناتي 6 ساعات

عشان نشوف ونلمس الثلج في ملبورن باستراليا والله ما خيبنا

نزل الثلج علينا اول ما وصلنا وكان شعور جميل

اسفه طولت استمتعوا باوقاتكم وواصلي تقريرك الجميل

متابعين بشوق دمتم بخير



هلا والله ام وسومه .. الله يعافيج
إيه والله فاتني لمسه للأسف ..
والله نفكر هالمره تكون الرحله إستراليا ,, إنتي اشرايج أي احلى امريكا ولا استراليا ؟؟

بالعكس أحب ردودكم وسوالفكم واحب اسولف معاكم ..

وحياج الله حبوبه








المشاركة الأصلية كتبت بواسطة روح المسافر2008
http://www.arabtravelersforum.com/tr...1/#post2475001

أختي العزيزة أم امريكان


سلمـــــــت يـداك تقريـر جميــــل جــدا


وفي انتظار المزيد




هلا اخوي ,, الله يسلمك وحياك الله ..








المشاركة الأصلية كتبت بواسطة Mashail.A.k
http://www.arabtravelersforum.com/tr...6/#post2475196

اي والله تقرير حلو وزين نزلتيه اليوم كنت متحمسه ان شاء الله تكملين بكره
تبين صراحة متابعه تقريركم افضل من متابعه Tv : )




الله يسلمج اختي شعلوله .. حماسج زادني حماس .. :101:








المشاركة الأصلية كتبت بواسطة Impact
http://www.arabtravelersforum.com/tr...3/#post2475213

ماشاء الله تبارك الرحمن ..

تقرير جميل ومرتب ...

المناظر جداً جميلة لاكن بصراحة ماشبعنا ودنا بصور اكثر لهلمناطق

ابداعك اختي يخلي الواحد يطمع اكثر

تقبلي مروري المتواضع


الله يسلمك .. بعض مما عندكم :106:

والله عندي صور وايد بس ماحبيت امللكم واملل الأعضاء ..

والله تشجيعكم يزيدني حمااااس للمتابعه .. الله يعطيك العافيه لا تقاطعنا :101:


بالعكس والله ..

تقريرك بطل جداً فيه صور رائعة ومناظر جميلة ..

ويكفي انه من عضوتنا ام امريكا ..

ولا تقولي هذا الكلام .. كلنا زي بعض ..

في انتظار باقي الابداع ..



شكرا اخوي مره ثانية على إلاطراء والتشجيع ..








المشاركة الأصلية كتبت بواسطة خليجيه
http://www.arabtravelersforum.com/tr...1/#post2475501

الحمد الله على سلامتكم

ماشاء الله تقرير وااايد حلو

متابعين ويااااج




حياج الله اختي خليجيه .. والله يسلمج ..

تقرير مميز بتميز صاحبتة الف شكر لك وفي انتظار المزيد.......

بصراحـــة صور تييينن وااااااايد حلوييييييين ..
وطبيييييييييييعة جددددددداااا خلاااابــــــــــــــه .. سبحان الله ..
لازلت متابع تقريرج الشيق .. :107:

سبحان الله العظيم

مناظر خيال وألوان متناسقه .. تسلمين أختي

على الصور الرائعه وكثري منها ترانا نحب الطبيعه

وكل سنه والحلوين بخير وعقبال 100 سنه

متااااااااااابعه :101:

سبحان الله مناظر خيال
الله لا يحرمنا الجنه ونعيمها يارب

تسلم يدك وننتظر المزيييييييييييييييييييد