الموضوع: ممكن تفيدوني

اولا سلام عليكم شباب وبنات

اتمنى تكونون بصحه وعافيه

انا طبعا من شوي مسجله بالموقع وعندي استفسارات كثيره
انا أبي أعيش بي أميركا وخاصة منطقة سياتل
فا انا ما عندي احد هناك ولا اعرف احد وحابه اشوف اراء كل من راح هناك وهل هي منطقه آمنه ولا خطر العيش فيها وخاصه اني بنت :106:

الشي الثاني هل سهل الحصول على فرصة عمل هناك بالنسبه للبنت السعوديه

ابي اعرف كل شي عن الوضع هناك قبل لا اخطي على شي واتفاجئ ان الوضع هناك مو مثل ما انا خططت طبعا انا ابي احط الامور السيئه اللي ممكن تصادفني واهمها السكن طبعا وكل شي

فا اتمنى انكم تفيدوني لاني بجد الفكرا جديه براسي واتمنى انها تكون في اقرب فرصه

اتمنى ما تهملون موضوعي وشكرا

مواضيع عشوائيه ممكن تكون تعجبك اخترناها لك:

• اريد اشحن من سان فرانسيسكوا كييييييف
• ابرد منطقة او ولاية ؟؟؟
• شقة في بروكلين
• افضل اسعارتذاكر الالعابمشاركة الاعضاء
• فلوريدا اورلاندو
• فيزا للعائلة كاملة للدراسه يليت من اهل الخبره وانباكت
• آمآآآآآآآآآآنه سآعدوني كلكم بليييز
• للمبتعثين بأمريكا وأهل الخبره
• طرق بسيطة لأقناع المقابل بأنك لن تهاجر
• الي محتار بين بريطانيا وامريكا اقلللللللط
• اليوم كانت مقابلتي في السفارة وقصتي مع الخادمه
• احد سمع عن الزلزال اللي يقولون ممكن يصير بكاليفورنيا ؟؟؟
• استفسار عن مطار اوهير شيكاغو؟
• شاركونا فرحتنا بالتبريكات لخبراء البوابة الامريكية الجدد
• أنواع المواصلات من مطار جي اف كي إلى نيوجيرسي برينستون
• عاجل عاجل عاجل
• وصول واشنطن اليوم الاغراض الاميقريشن
• قصة موعدي مع السفارة أرجو الدخول للخبراء
• هذا اول مشاركه لي في هذا المنتدى ارجوا المساعدة
• ارجوا مساعدتي في اختيار ولاية مناسبة للدراسةعاجل جدا

وير ار انتوا انا اتظر ردودكم

والله بودي اساعدج اختي ... بس ماعندي اي فكره ..
ان شاءالله الشباب مابقصرون معاج ..
بس ياليت تعطينهم فكره اكثر ..
يعني هل انتي ناوية تروحين هناك لوحدج ؟؟
ونصيحة مني اكييد قبل لاتروحين لازم اول شي تلقين وظيفة وبعدين تنتقلين هناك ..

اممممم طيب شلون ابدء .. اول شيء. عندك جنسية امريكية؟ او resident visa "green card"
لو عندك طبعاً كلش راح يسهل وتكون الخطة هي ايجاد الوظيفة .. انصحك بهذا الموقع:
http://www.craigslist.com

نروح للحاله الثانيه... الي هي ما عندك جواز ولا ريزيدنت فيزا... في هذي الحالة لازم يكون عندك عرض بوظيفة هناك .. او شركة من هنا راح ترسلك .. وبعدها نخش في اجراءات الفيزا والى اخره...


طبعاً انا كل كلامي فوق كان فيه حس تفائلي عظيم :109:

في حالة كنتي امريكية او من جنسية اخرى.. الاوضاع الاقتصادية في انحدار .. نسبة البطالة في امريكا زادت بشكل مفجع واعرف ناس شخصياً خسرو وظائفهم ....

بس كـــــــــل شيء ممكن بإذن الله

واخر شيء ودي اعرفه :114: ليش سياتل ؟ رحتي لها من قبل ؟ عشتي فيها ؟ ولا هذا من بركات مسلسل Grey's Anatomy و Fraiser ? :109:
اذا كان جوابك لا... انصحك بزيارتها قبل ما تحكمين على الديرة.... لاني رحت لها في الصيف وكنت مخطط اسبوع وماقدرت اقعد اكثر من يومين من الهم والكآبه الي في هالبلد .صٌدمت صراحة ... بس ارجع واقول رأيي الشخصي ويمكن غيري تعجبه...

احيي شجاعتك وطموحك .. والله يكتب لك الي فيه الخير

اولا يعطيك الف عافيه يا طلال ويسلمو على مرورك موضوعي

ثانيا اكس هيثم اتمنى اكون قلته صح :$
انا جنسيتي سعوديه ولا عندي جرين كارد
وبالنسبه للعرض للوظيفه
انا ادري انه صعب بس ذهابي هناك اني اكمل تعليم
ومنها ادور وظيفه هناك
والشي الثاني اختياري سياتل لاني سمعت انها منطقه تعليميه وصغيره وهاديه لا بالعكس لا بركات جريز اناتوميولا فريند لبى قليبك
والشي الاخر انا ابي اروح وحدي اكمل تعليم وما يمنع انوا اشتغل اتمنى لان الواحد ما راح يتعلم وهو جالس ببيته
ويسلمو على ردك

كانو الرياض
دخولي لها تكملة دراسه وكذلك اشتغل مو مشكله كم احصل في سبيل تعليمي وبصراحه انا عن نفسي ما أئيد التعليم في المعاهد
لانوا انا ما استفدت شي
اللغه مو دراسه اكثر من انها ممارسه

ويسلمو يعطيك الف عافيه

الشي الثالث

انا ما قد رحت اميركا انا اخوي بكندا لكن ما حبيت اني اكون متاجده فيها حبيت اني اكون في اميركا ولا ادري شنو الخطوات اللي ممكن تساعدني على بداية اجرائاتي فا قلت استفيد منكم

وفي ناس نصحوني بالغربه وناس لا انا صحيح بنت لكن اتحمل مسؤليه واحب اشتغل
ومو صعب علي اني اغترب لاني الحمدلله وبفضل الله اني قدها وبكون كذلك بإذن الله

هلا اختي .. اجل الحين يبي لك فيزة طالب.. تسمح لك بالعمل في حدود حرم الجامعة مو خارجها..
والخطوات الاولى يا انك تقدمين على بعثه او انك تعطلعين على حسابك وبعدها جلب قبول معهد او جامعة.........

موفقه يارب

هيثم ما قصر ..

اخوي صاحب الموضوع في نطقة مهمه العمل للطلاب الاجانب محصور فقط داخل حرم الجامعه .. و الوظائف فيه تكون محدوده جدا.

والمشكله الثانية امريكا تمر في حاله اقتصادية صعبه جدا .. مستوى البطاله ارتفع .. شركات و بنوك كبيره تفصل موظفينها .. شركات و بنوك من اسبوع والثاني تعلن افلاسها .. اخر شي الاسبوع الي فات جينيرل موتر احتمال تعلن افلاسها .. ولكن الحكومه احتمال تساعدهم.

يعطيكم الف عافيه على ردودكم بس في سؤال
انا قبل لا ادخل جامعتهم لا بد اني اتعلم اللغه انا صحيح لغتي توصل 85 % لكن برضوا لازم اكثفها عشان تكون عندي الطلاقه في المحادثه

وبالفتره هذي انا راح اكون دراسه لغه وليس في الكليه وطبعا ما راح اكون مكتفيه اني ادرس بالمعهد بس لازم من التعامل مع الناس ومافي طريقه الا بالعمل فا اشلون اكون بمعهد واشتغل بالحرم الجامعي اذن راح يكون فرصة العمل لي جدا ضئيله صح ؟؟

يعطيكم العافيه مره ثانيه

ومشكوره على معلومتك المهمه يا fms

بس في سؤال اليوم كنت اكلم وحده معاي عن المنطقه اللي ابي اروح لها اللي هي سياتل فا كانت تقولي ان الامان فيها مو شي يعني خطيره ها المنطقه اكثر من امنها
فا انتوا شنو تعليقكم على كلامها لي وثانكس الوووت مره ثانيه

شوفي مثل هالمواقع:

http://www.statestats.com/cit01pop.htm
http://www.infoplease.com/ipa/A0921299.html

بس بالعادة المدن الكبار مثل نيويورك سيتي شيقاقو سان فرانسيسكو "بالعادة" او نسبياً تكون خطيرة ما ابي اخوفك اعرف ناس ساكنين في هالمدن وامورهم اوكي

هيثم لا تخوف الرجال .. الا نيويورك .. وهذا وانت تحبها تكتب عنها كذا ...

بالنسبة للامان حتى الموقع الي كتبه هيثم .. اتوقع انهم ياخذون في عين الاعتبار عناصر كثيره ما وضحوها في اللقائمة.. يمكن مدينه تكون من المدن الخطيره ولكن في احياء معينه السواح و الطلاب ما يسكنون فيها.

هههههههههههه لا خلاص نيويورك اامن مدينة في العالم :109:

يعطيكم العافيه ويسلموووووو على الموقع اللي عطيتني

هيثم لا تخوف الرجال :@ انا مش رجال (( أنا مرآه بمليون رجال ))