السلام عليكم ورحمة الله وبركاته

مع اني احب التصوير ولكنني للأسف وجدت صعوبه في اختيار الضبط او الكميرا المناسبه لي .

اولا اريد ان ابدأ الموضوع بهذه القصه البسيطه .
ذهبت الى شرم الشيخ انا والعائلة الكريمة وذهبت الى رحله بالغواصه المهم وجدت مصور اثناء انتظاري هناك وقالي تبي صوره فقلتله صور الاطفال المهم صورهم وقالي اذا رجعت من الرحله تجد الصوره جاهزه المهم رجعنا من الرحله ووجدته امامي بالصوره فتحت الصوره وناظرتها وصراحه انبهرت من النقاء الغير طبيعي في الصوره لدرجة اني كنت امشي ووقفت من صفاء ونقاء الصوره وطبعا حبيت الخم المصور وقلتله اي برنامج تستخدم على الكمبيوتر فرد علي قالي انا ما استخدم برامج ابدا فقط اوصل الكميرا بالكمبيوتر واطبع الصوره طبعا الكميرا اللي معاه احترافيه وزومها طويل شوي .

بعدها سافرت من شرم الى المانيا وقلت ابي اشتري كميرا طبعا دخلت محل كميرات ولقيت شايب يبيع فيه وشكله صاحب المحل طبعا قعدت ادور في المحل وسألني قال اي مساعده قلتله ابحث عن كميرا فرد علي قال ايش تبي تصور بالضبط عاد الالمان ودقتهم الزياده ( هنا انا بلشت شوي في الاجابه ) فرد هو وقال يعني اذا تبي تصور اجتماعات واشياء من هالقبيل خذ هذي الكميرا العدسه عريضه وتلتقط اكثر اللي في الغرفه حتى وان كنت قريب منهم .

وهذي كميرا ثانية ممتازه للميكرون اذا حاب تصور اشياء تقريب عالي جداً ( طبعاً الحيره زادت اكثر ) المهم قلت ابيها للسفر فوراني كميرات الديجيتال العاديه وقالي اغلبها متقارب .

بعد هذه القصص اللي عليتكم فيها .

السؤال الاول هل فعلا الكميرات الاحترافيه صورها نقيه جدا جدا لدرجة عاليه من الوضوح او هناك برامج تنقي الصور وصراحه اللي بعدني عن هالكميرات اسباب رئيسيه ابرزها الحجم والسعر والصعوبه في التعامل .

السؤال الثاني : ماهي افضل كميرا تصور على وضع الاوتو من بين الكميرات الحديثه وفيها زووم جيد وتصوره فيديو hd ونقاء صورها ممتاز

الكميرات اللي امتلكتها : NIKON 5700 طبعا قديمه وممتازه في صور المايكرو ولكن ضبطها صعب وتفتقد الى الميزات التي تساعد على التقاط الصور مثل عدم الاهتزاز وخلافه .

كميرا فوجي للاسف ناسي الموديل بس مواصفاتها تصور اوتو يعني احطها على كتاب تحول ميكرون احطها برا البيت outdoor وهكذا سعرها على ما اذكر 1100 ريال والزووم 10 والبيكسل 12 او 14 ماني فاكر بالضبط طبعاً هالكميرا رماها ولدي الله يحفظه في المسبح في رحلة شرم والمشكله قدام عيني .

اسف على الاطاله

مواضيع عشوائيه ممكن تكون تعجبك اخترناها لك: