السلام عليكم ورحمه الله وبركاته
اما بعد ....
المهم يا شباب توني شاري لي كمرا وطافراً بها ومافي شي الا طقيت له صوره المهم الموميري فولت ومسحت اللي فيها
لان كل الصور تافهه عاد قعدت افكر وش اصور وش .... لين جتني فكره جهنميه
قلت خلني اصور (Down Town) بوسطن واحطها بمنتدى العرب المسافرون |268|
المهم جهزت الكمرا وشحنت البطاريه وفضيت الموميري ونمت .
ويوم اصبحت وانا افطر والقط الكميرا واتوكل على الله واروح للــ(Subway) القطار حقهم واروح لمحطه الداون تاون
ويوم طلعت والقى على حجاجي الايسر
(State House) (مقر الحكومه) وصكيته كم صوره .
وانا اديور وادخل لل(Boston Common) (متنزه بوسطن) والقى لي زحمه عالم وضيق وانا اداحمهم وادخل ولقيت
العالم تزلج وفالينها بالبرد خخخخخخخخخخ صكيتهم هالصوره .
وانا اكمل طريقي الا ولقيت شي خطف من قدامي يوم التفت والقى الشاب اللطيف هذا
وانا اتصيد له واصكه هذي الصوره وما اقول الا (ياحلالاه من يجربعهن واحد ورا الثاني) شكلي بجيهم نص الاسبوع المغرب تكون فاضيه واللحط والديهن .
وانا اكمل طريقي واطلع من المنتزه وادخل في(Boston public Garden) (حديقه بوسطن العامه)
واشوف الجسر عليه بزارين معهم خبز ودونت وحركات وانا اروح لهم والقى البحيره تحت الجسر والعالم توكل البط
لونها عندنا كان كلن معه شوزنه ورمي اللي بالسماء ما سلم وشلون اللي بالارض |266|
والتفت وراي وشوفوا وش حاطين لهم
سكن لهم خخخخخخخخخخخ واعطيه كم صوره وانا اتوكل .
وانا بطريقي لقيت منظر حلو اعجبني واتمنى يعجبكم
وهو يجمع الحديقه مع ناطحات السحاب .
واكمل طريقي والقى لي تمثال والعالم يصورون معه وصور واوح له والقى واشنطن براسه
(الملك عبد العزيز حقهم ) وعلى فكره تراهم مسمين عليه العاصمه ومسمين ولايه باسمه (مهوب حنا عشان شارع باسمه
مسوين مشاكل) خخخخ
وبذالك اطلع من الحديقه متوجهاً الى شارع (Boylston St)
يتبــــــــــــــــــــــــــــعمواضيع عشوائيه ممكن تكون تعجبك اخترناها لك:
- الى متى هذا الذل من السفارة الامريكيه
- استفسار بخصوص حمل ادوات كهربائية
- أرغب بمعلومات عن مدينة
- من وين أحجز للسفر إلى أتلانتا في امريكا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
- قصة خروج عائلة سعودية من نيويورك يوم أغسطس ستة أجزاء مثيرة
- جواز ابني باقيله سنوات
- الموعد؟؟؟؟
- افضل الطرق لزيارة الاماكن السياحية بنيويورك اول يناير الرجاء الرد بسرعه
- يا قوووم يا هوووووه رحلتي القادمة سبتمبر
- تقريروزارة الخارجية ليس لديها من المعايير ما يمنع دخول الحوامل للولايات المتحدة
- استفسار عاجل جدا
- استفسارات عن أمريكا ونييورك
- هل احتاج سياره في سان فرانسيسكو للتنقل
- المبلغ المطلوب للحصول لعى فيزا؟
- كرسي الأطفال فالسيارة لحدعمركم
- تفاصيل المقابلة صباح الأحد
- كيف الجو في روشستر مينيسوتا في شهر 6 و 7
- لمن لديه معرفة بالجنسية الأمريكية
- احداث مقابلتي و استفسار بسيط
- استفسار عن
المفضلات