الموضوع: والنعم بشعب الفزعات والله ماقصروا

مساء الخيرات لشعب الكويت الرائع .............
سوينا زيارة للكويت في ايام العيد وبصراحة عجبتنا كثير احس انها بلد توسع الصدر واللي يوسع الصدر فيها اكثر هو
(شعبها وناسها)ماشاالله عليهم والنعم فيهم والله ماقصروا اصحاب فزعات من جد خدومين بشكل كبير الله يجزاهم خير ويكثرمن امثالهم (تصدقون طول فترة اقامتنا اذا سألنا عن مكان ولا واحدصادف انه يعطينا الوصف ويتركنا كلهم يلزمون علينا نروح وراهم لين يوصلوننا على المكان اللي نبغاه )رجال فزعات ونخوة
الف شكر لبلدكم الرائع ولشعبكم الأروع ..........

مواضيع عشوائيه ممكن تكون تعجبك اخترناها لك:

• ضروري الله يحفظكم
• الطريق من الكويت الى دبي ؟
• تكفون يا أهل الكويت أسعفوني بمطاعمكم
• من لديه صور عن شقق بودل بالكويت او معلومات لايبخل
• الان الخطوط الكويتية تقدم خدمة الوزن المبكر للأمتعة
• صور فندق المارينا
• غداء باقي قطية سفرتنا ؟؟
• مكتب شحن جوي
• ياأهل الكويت السلام عليكم ورحمة الله
• فزعتكم ياخبراء وخبيرات الكويت
• عندي بعض الاستفسارات وانتظر مشاركتكم
• اقرب فندق للافينوز
• مشروع القرية التراثية
• سافر من السعودية على الخطوط الكويتية والوجهة الى جاكرتا
• ساعات بمطار الكويت؟؟
• سيارة ايجار من المطار
• تجربتي ببراون توميتو
• نماذج السفن الشراعية المصغرة
• ساعدوني يا اهل الكويت
• امارتي ايام في الكويت يبغي شوركم ؟

هلا بيك اخوي

والله هاذي عاداتهم الطيبه ونعم فيهم يستاهلون اخوانا الكويتيين انا مرة تعطلت بين حفر الباطن

والخفجي بالليل وماقصرو حتى في وسط ديرتنا يساعدونا الله يجزيهم خير

اخوكم star11

معظمهم كذا حلوين وخدومين والله وكفو عليهم .

ممساء النوور و السروور...
الحمدلله على سلامتكم و تمنياتنا بأن تكونوا قضيتم وقت ممتع,,,
في بلدك الثاني الكويت, و ان شاء الله تنعااد

و بارك الله فيكم اخواننا

الله يجزاك خير علي هالكلام
ويامرحبا في بلدكم الثاني واهم شي انكم استانستو
وهذا اقل اقل شي نقدر نقدمه
لك ولضيووف الكويت من الاعضاء
وان شالله تكرر الزياره

الله يجزء المحسنين كل خير

حياكم الله في بلدكم الثاني

مو غريبة على هالشعب الأجودي .. شعب الأصالة الخليجية .. شعب جابر الأحمد الله يغفر له ويرحمه

ماهي غريبة الطيب من منبع الطيب******* لاتستغربون من الغيم الأمطار

أهل الكويت أهل طيبة وحمية وفزعة وماعليكم زود ياأهلنا فالخليج , سبحان الله من يومين كنت راجع للكويت عن طريق البر من قطر وفي الإحساء وقفت عند إشارة مرور أسأل عن الطريق لان الطريق الذي كنت فية وبمشورة النفيجيشين للأسف فية إصلاحات ولما طلبت المساعدة من شخص بجانبي أصر على عزيمتنا ونتغدا معاة كان مصر يقول البيت قريب واذا تبون نتغداء فالمزرعة أبرك الساعات فللأمانة كانت عزيمتة حارة وبإصرار واعتذرت منة بكل أدب .
فأهل الخليج بدون إستثناء ديدنهم الفزعة والكرم ولنا أسوة فالأمس الغريب عند إحتلال الكويت الخليج كلها وأغلب العرب أصبحت أوطاننا

( يا بعد عمرى وقلبى ياكويت )

حياكم الله بديرتكم الثانيه

يامرحبا فيكم

الحمدلله على سلامتكم ..

والحمدلله ما قصروا الاخوان وياكم .. ونورتوا الكويت واهلها

يستاهلون اهل المملكه والخليج هذول أهلنا أحد يقصر في أهله

ياأخي ماننسي موقع المملكه والخليج أثناء الغزو العراقي ماحيينا عندما خرجنا من الكويت من أحد المراكز البريه والله لاازال أتذكر الشباب السعودي المدني الملتزم وهم واقفين في البر وفي شهر 8 وفي عز الحر وهم يوزعون حليب الاطفال والمواد الغذائيه وحتي الحفاظات أعزكم الله للعوائل الكويتيه الخارجه من الكويت وهم بعد مادخلنا المملكه حاول بعض السعوديين أن نسكن عندهم فعلا كانوا خير معين لنا وقت الشده والكلمات فعلا تعجز عن الوصف وماانقول ألا بيض الله وجيهمكم والله يحسبه بميزان حسناتكم ومهما سوينا ماراح أنرد حتي جزئ بسيط من الي سويتوه أدري طولت عليكم بس هذا الكلام لازم أنبينه للشباب لان الغزو صارله 20 سنه تقريبا والله لايوريرنا ولايوريكم أي مكروه

تقبلوا تحياتي
أخوكم المهاجر

الحمد لله على السلامة و ان شاء الله انكم استانستوا في بلدكم ولله الحمد و المنه في الكويت نساعد الجميع دون استثناء فما بالكم في اهلنا و عزوتنا اهل خليجنا و الله انكم يا خليجنا ساكنين داخل القلوب و يقصر الزمان او يطول نظل ما راح اقول خليج واحد لا حنا بلد واحد و ارض وحدة .

جزاكم الله خير على الكلام الطيب

والنعم بالخليج كله

والله سافرت للكويت مرتين مالقيت منهم الا كل احترام وطيب وتقدير ومحبه ونعم بالكويت واهلها

ماهو مثل بعض الدول العربيه يحبك ويرحب فيك عشان فلوسك

المشاركة الأصلية كتبت بواسطة saudi falcon
http://www.arabtravelersforum.com/tr...4/#post3513544

والله سافرت للكويت مرتين مالقيت منهم الا كل احترام وطيب وتقدير ومحبه ونعم بالكويت واهلها

ماهو مثل بعض الدول العربيه يحبك ويرحب فيك عشان فلوسك

إكرام الضيف حق وواجب

شكرا لجميع من شاركني شعوري وجزاكم الله خير