الموضوع: °•♥ الكـــــويت اللي هـــــويت ♥•°

السلام عليكم ورحمة الله وبركاته

وأخيــــراً تحقق الحلم وزرت دولة الكويت الحبيبه :0f4cw:

من كنت صغيره وانا اعشق المسلسلات الكويتيه وهذا السبب اللى خلاني أتمنى زيارة الكويت :109:

لكن للأسف اهلي ما يشجعون السفر لدول الخليج :01xw5:

التقرير راح انزله كامل دفعه وحده لأن الواحد ما يضمن ظروفه

مواضيع عشوائيه ممكن تكون تعجبك اخترناها لك:

• ماهي الدول اللي ما تحتاج فيزا للسفر لها ؟
• صور شامله فندق ومنتجع جميرا المسيله الكويت
• محتار؟
• عندي كم سؤال اتمنى تجاوبوني ؟
• مشروع العاصمه العالمي الجديد بتكلفة مليون دينار كويتي
• تجربتي ببراون توميتو
• من فضلكم دلوني على اقرب سكن لهذا المكان
• اهل الكويت اكرموني بالجواب
• قريبامول الكويت
• الكويت عشق لا ينتهي
• الرياض
• استفسار عاااااااجل بخصوص الجو
• معانى اسماء مناطق الكويت
• مطعم ناندوز بالافنيوزصور
• اسعار ايجار الفلل
• مشروعين مميزين
• مخيمات
• استفسار عن أطباء
• سأكون في الكويت في العيد فهل من مجيب
• ممكن ايها الاحبه تتكرمون باسعافي

[b][font="times new roman"][color="Gray"][size="3"][center]



°•. التخطيـــــــط .•°

بصراحة الرحله كانت بدون أي تخطيط مجرد فكره راودتني لما حسبت اجازة اليوم الوطني لمملكة البحرين

واللى صادفت 5 ايام مع الويك اند

وطرحت الفكره لقريبتي اللى عندها صديقه كويتيه من زمان

وكم مره تعزمها على الكويت ولا تروح

[b][font="times new roman"][color="Gray"][size="3"][center]



°•. يوم السفر .•°

مثل ما قلت لكم رحت صرفت وبالغصب لقيت 100 دينار كويتي :109:



جهزنا جوازاتنا وتذاكرنا



هذي التذكره



موعد الاقلاع الساعه 6 وثلث المغرب فـ رحنا المطار الساعه 4 ونص

كان زززحمه بس الاجراءات سهله وسريعه

خلصنا الاجراءات ورحنا المصلى نصلي المغرب واخذنا لفه سريعه على سوق الحره

واتجهنا لكراسي الانتظار عند البوابه لين حان موعد الصعود

بصراحة كنت خايفه ان الرحله تتأخر حسب ما قريت هنا بالمنتدى عن الخطوط الكويتيه

لكن الحمد لله اقلعت على الموعد بالضبط

وكانت معنا بالطياره امل عباس بطلة مسلسل شر النفوس :109:

طبعاً ما قدرت اصور شي بالطياره لان الموبايل مطفي

ووصلنا مطار الكويت الدولي الساعه 7:10 وانا كلي شوووووووق اشوف الكويت

لكن اكره ما بالموضوع ان انتقلنا بالباص من الطياره لين صالة الوصول

كان معانا شايب دخل على آخر الوقت مع بنته والباص مليان واغلبنا واقفين

ولا احد من اللى قاعدين تبرع له يجلس مكانه !

بصراحه كسر خاطري وظليت طول الوقت عيني عليه ماهو قادر يتزن بالوقفه

ودخلنا المطار صالة اجراءات الوصول واستلام العفش وانصدمت من المنظر صراحه قلت هذا مطار !

بس اتضح لي العكس لما وصلنا صالة الاستقبال

الاجراءات كانت بطيييييئه مع اننا اول ناس واصلين وواقفين بأول الطابور

لا والكمبيوتر عطلان والبنت مو عارفه له وكل شوي يمر عليها احد يطقطق ويمشي مو عارف له

واللى قاعده يمها على الجهاز الثاني تدور على اللى بيده جواز كويتي من صفنا وتمشيه !!!!!

وبعد طووول انتظار فتحوا لنا صف ثاني ومشينا ..

استلمنا الشنط وكانت باستقبالنا الصديقه العزيزه اللى من شفتها انشرح قلبي

تهلل وترحب حي الله من يانا تو ما نورت الكويت

يا حليلها والله طووول الوقت ترحب بنا من وصلنا المطار لين ودعتنا

زين البحرين تتمنى لنا إقامه سعيده



زين الكويت ترحب فيني



البيت اشوا كان قريب من المطار تقريباً 10 دقايق او ربع ساعه

وانا اللى كنت حاطه ببالي ان المطار بآخر الدنيا :109:

وصلنا البيت على الساعه 8 وربع وكان العشا جاهز مما لذ وطاب وطبعاً استحيت اصور

بعدها رحنا سوق المباركيه نشرب شاي عند قند سهيل

سوق المباركيه هو سوق تراثي قديم يقع في وسط الديره ومتفرع لعدة اسواق
سوق الحريم ، سوق السلاح ، سوق اللحم ، سوق الذهب ، سوق الخضار والفواكه وغيرها
فهذا السوق يزخر بأنواع وفيرة من اللحوم والاسماك والمواد الغذائية والاستهلاكية والحلويات الشعبية
والتمور والعسل ومحلات العطارة والملبوسات الرجالية والنسائية والاكسسوارات
والسلع التراثية والتحف والخزفيات والتذكارات وكلها بأسعار مناسبة
كما يوجد داخل السوق العديد من المقاهي الشعبية والاستراحات
والمطاعم صممت على طراز القديم وتقدم مأكولات ومشروبات شعبية.

الاجواء حلوه بالقعدات الخارجيه تشوف رجال وحريم وكبار وصغار كلن بحاله

وبعدها خذنا لفه سريعه على السوق بس للأسف ما قدرت اصور لان الجارج خلص وطفى موبايلي

خليته يشحن بالسياره حق باقي المشاوير ..



بعدها قالت قريبتي قايلين لها عن مجمع المعلم ان عنده مواعين حلوه ورحنا نشوفه

المجمع بمنطقة حولي وهو مجمع صغير وعادي المواعين عنده تهبل اشكال والوان

وباقي المحلات عاديه ملابس بيت وجلابيات وبجامات واكسسوارات ..

هذي صور الطريق من سوق المباركيه لين حولي ..















هذا المجمع



من داخل ما قدرت اصور غير هالصوره





بعد كل هالمشاوير قررنا نتعشى شي خفيف واخترنا النخي والباجله ههههههههه

وفرصة قالت لنا الحرمه بوريكم شلون يطبخون النخي

ومرينا الجمعيه نشتري .. هذا النخي يحطونه بعلب بلاستك سعر العلبه 200 فلس

اما احنا عندنا يحطونه بكيس نايلون والـ 100 فلس تسوي قد هالعلبتين :01xw5:



هذي الباجله



وهذا يسمونه آش وهو مصطلح إيراني يعني خضار مشكلة

انا وقريبتي قعدنا مده نصنف على الاسم :109:

وبعدين يوم شفناه عرفنا ان عندنا يسمونه شلّه بس ما ينباع يسوونه بالبيت

وصراحة انا اول مره اشوفه كنت اسمع عنه بس واخذنا 1 نجربه



شوفوا شلون يطبخونه يوم شفناهم تعجبنا خخخخخخخخ

الاساس من طابوق وداخله يصير الجدر على قد الفتحه بالضبط وما يبين غير الغطى

ياخذ له 8 ساعات بالطبخ ولو تلاحظون فيه جدرين بالزاويه هذا يطبخه من الليل حق الصبح لانه ياخذ وايد وقت

اما احنا عندنا يطبخونه عادي على جدر بدون هالاساس ..



وهذا النخي



وهذا عشانا مثل فطورنا

°•. اليوم الثاني الجمعه 18 ديسمبر 2009 .•°

هاليوم ضاع علينا لان معزومين على عرس ولا نبي نتعب برى البيت :109:

قلنا بنخليها راحه ونذوق اكل البيت

عاد انا عندي صديقه كويتيه من كم سنه متعرفه عليها بالنت واتفقنا نتقابل بالكويت

قلت لها تتغدا عندنا يوم الجمعه لان ما بنطلع قالت لا بمر الصبح ..

قمت الساعه 9 تجهزت واستعديت وانتظرتها على الفطور ..

وهذا الكيك يابته معاها من برد توك



وهذا غدانا جبسة دجاج على فقع يا ويلي اموت بالفقع :0f4cw:

والاكل لذيذ لذيذ صج ما شاء الله فنان الطباخ

شوربة خضار وسلطه ومحشي ملفوف





وهذا الدقوس الكويتي اللى نسمع عنه وأخيراً شفناه وذقناه :109: ومعاه مخللات



هذي شوربتي :0d5kv:



وهذي السمبوسه شغل بيت عجييييييبه " على بطاط وخضار "



وهذا العيش :0f4cw:

لين اليوم وانا اتشهى فيه وخاطري اذوقه مره ثانيه :01xw5:

[b][font="times new roman"][color="Gray"][size="3"][center]



°•. اليوم الثالث الجمعه 19 ديسمبر 2009 .•°

اليوم قلنا بنروح مجمع الكوت بالفحيحيل على الغدا

مجمع الكوت هو احد اكبر المشاريع في منطقة الفحيحيل حيث يقع مجمع الكوت الى داخل البحر بتصميم متميز مأخوذ من فن العمارة الاسلامية العريق، ويشمل الرصيف الشمالي محلات للبيع بالتجزئة في مزيج عصري مبتكر مع اربع دور عرض للسينما مجهزة باحدث التقنيات الصوتية والمرئية، في حين يحوي الرصيف الجنوبي مجموعة من الاسواق للسمك والخضار والفاكهة واللحوم بالاضافة الى سوق مركزي.

خذنا الجماعه ومشينا على الساعه 1 وشوي

وهذي صور الطريق من محافظة العاصمه إلى محافظة الاحمدي

°•. اليوم الرابع والاخير 20 ديسمبر 2009 .•°

قمت من النوم وانا ودي أأجل السفر لان ما شبعت ولا مداني اشوف الاماكن اللى ابيها

لكن ان شاء الله بعوضها ..

جهزنا اغراضنا للمره الالف كل شوي يطلع لنا شي ناسيينه ونرجع نرتب

لين نثرنا الاغراض وجبنا شنطه زياده نحط فيها المشتريات

تغدينا بالبيت وعلى طول تحركنا للمطار الساعه 2 وربع .. الرحلة 4 ونص

صور من الطريق





























علم تركيا .. الظاهر الرئيس التركي كان بضيافة الكويت









وصلنا مطار الكويت الدولي









اللى عجبني ان صالة مسافرين الخطوط الكويتيه لحالها





الصاله كان فيها خفايف ورحنا جهة رجال الاعمال والاجراءات كانت سريعه





المطار يوسع الصدر واللى عجبني فيه ان المطاعم والمقاهي والمحلات مفتوحه للكل مو بس للمسافرين مثل مطارنا

تمشينا بالسوق الحره ولابد من المشتريات

واخذت لي هالذكرى



بعدها رحنا صالة الانتظار ..



الكويت بعيون أطفالها





وهذي طيارتنا



الرحلة تأخرت وبأول ثلث ساعه الكل حشرهم بالسؤال متى الاقلاع

دخلونا الطياره يسكتونا والرحله على بعضها تأخرت ساعه كامله

بس الحقيقه ما قصروا لما قالوا بتتأخر وزعوا عصاير وماي قبل ندخل الطياره ..

وهذا البووردنق



ووصلنا مطار البحرين الدولي الساعه 6:10 وكان المطار ما ينبغى من الزحمه الكل راجع قبل الدوام

وبكذا ينتهي تقريري اللى أتمنى كان خفيف عليكم واستفدتوا منه ..

الموضوع اخذ مني جهد كبير ووقت طويل ففضلاً لا أمراً اللى يتابعه يشرفني برده

ماشاء الله تقرير سريع وجميل وروعه حياكم الله في بلدكم الثاني شرفتونا

شكرا وقواكم الله

يعطيج العافيه علي التقرير الحلوووووووووو وياريت وانتي بطريجج ماره القعدات اللي في الموفنبيك وايد حلوه والمطاعم اللي فيها المره اليايه انشالله تعوضينهاااااااااااااااا

ماشاء الله تقريرج حلو والى خلاه احلى انه كامل عاد تصدقين اختى ولا مره رحت الكوت الا بتقارير كم . ونورتى الكويت

الحمدلله على السلامة

تقرير رائع ومميز

والتصوير حلو

يعطيج العافية

تقرير خطيررررر من صج
و يستاهل يا كوكو شانيل
ولا يكتب بماء الذهب بعد ليش لا
و كان حجزتو على طيران الجزيرة اوفر و ارخص و صرف العملة شيئ طبيعي تحصل واجد
و بانسبة للتلفون انا تلفونيe71 3.2 بكسل نوكيا ما يجوزون من سوالفهم نزلوا لجديد5 بكسل
يالله حصل خير با مومري كارد موفقه خير و حمدالله على السلامة

يعطيج العافية على هالجهود الطيب وحياج الله بديرتج الكويت والحمدلله انكم استانستوا فيها

يععطيج العافيه اختي على صور جميله

لوسمحتي مجمع المعلم اي شارع

شكرا

هلا وغلا بأهل البحرين
التقرير قمة الروعة والصور عجيبه
بس طافتج اماكن وايد حلوه غير المولات
مشكووووووووورة

ماشاء الله تبارك الرحمن

سلمت اناملك التي خطت وصورت هذا التقرير الأكثر من رائع ......


بس بصراحه ريووقكم يونس ينفع حق الرجيم ......


اما الغداااا اهئ اهئ حرام عليج الفقع وما ادراك ما الفقع يسوي فيني بلاوي اذا شفته صراحه غداء مو مال رجيم عليـــــــــــــــــكم بالعافيه وشكل الطبخه سنعه تسلم ايد اللي سواها ......

وان شاء الله ترجعين تزورين ديرتج الثانيه الكويت مره ثانيه وتزورين الأماكن اللي بخاطرج فيها مع ان كل يوم يطلع مكان احلى من الثاني يعني مراح تلحقين

حياج الله حبيبتي .......

كلمة روووووووعهـ قليله وربي بحق هالتقرير ياكوكو


ماشاءالله عليج ابدعتي يالغاليه ..


الحمدلله على سلامتكم وان شاءالله تتكرر زيارج لها حبيبتي ..

ماشاء الله من اروع التقاير بالمنتدى الاخوات من البحرين متميزين دائما بالتقارير

وكنت اتمنى انكم دخلتو مجمع المنشر اللي مقابل الكوت اهو اكبر وافضل من مجمع الكويت حيث باقه من المطاعم والمقاهي المميزة اضافة الي فندق روتانا المنشر

واهم شي اتمنى ان استمتعتو بالزيارة وقضيتو اوقات جميله وماعرفنا رايج في الافنيوز هل اعجبكم والمارينا مول والمارينا كرسنت

واحب ان اعيد واكر شكري على هذا القرير المميز واللي اتمنى ان يثبت بدون تفكير

حي الله بأهل المليون نخله

كوكو صرااااحة تقريرج وااااايد حلووو
وعساج عالقوه

المشاركة الأصلية كتبت بواسطة ibrahim20
http://www.arabtravelersforum.com/tr...9/#post3541129

يععطيج العافيه اختي على صور جميله

لوسمحتي مجمع المعلم اي شارع

شكرا




اسفه كوكو رديت عنج

المعلم في منطقة حولي شارع تونس

الأخت ..كوكو شانيل..
نورتي الكويت
والحمدلله إن التقرير خلص لي عودة للمتابعه وإكمال بقية التقرير
تقبل خالص تقديري وإحترامي

كالعادة متمتزة انتي وتقريرج


يعطييج العاااااافية

تو مانورت الكويت ياهلا ومرحبا

تقرير ولا اروع

ما شاءالله


اتكلم واقول عن شنووووووووو


عن روعة التقرير

والا عن ترتيبه

او عن نقلك للمواقف والاماكن

ام التصوير

او شنووووووو


بجد 10\10

ويستاهل نجمة بعد

صج ولهانة على الكويت ديرتي صار لي شهرين بره الكويت

موضووعج والاكل بالذات صج صج ولهت على كل شئ بالكويت

وبالنسبه للنخي تصحيح معلومه سعره 300 فلس وليس 200 فلس

والخبز الايراني شهيتيني ابيييييييييييييي

وما شاءالله عليجكل شئ ذاكره بالتقرير ..

سعر التذكره جداااااااااا رخيص وعليج مليون عافيه ..

وموفقه يارب

ثبته لعيوونج ولعيون السياح للكويت

افااا كل هالتعب ومافيه الا كم رد

ترى يمكن اروح الكويت بـ هلا فبراير بس شكلكم ما راح تشجعوني انزل تقرير ثاني

افااااااااااااااااااااا


كل هالردووووووووود ومو شايفتهم ؟؟؟؟




غريبه ؟؟؟



وردي لج بالاخير ؟؟؟


يمكن السيرفر عندج داوون

والله انتوا فيكم الخير والبركه ..

بس وين اللى اشوفهم بالموضوع !! يدخلون يقرون ويطلعون !!

انا حطيت التقرير كامل دفعه وحده وظليت ايام وايام اشتغل عليه عشان ارتاح مره وحده واريح القراء

بس الظاهر هالطريقه ما تنفع لازم انزله بالقطاره عشان اشوف ردود

لا تعتقدين ان ردودكم مو عاجبتني ..

بس قهر لما تشتغلين على شي وتشوفين الزوار والاعضاء على طول بالموضوع

يقرون وما يكلفون نفسهم يكتبون كلمتين !

كوكو
حياالله اهل البحرين
نورتي الكويت..

مع اني شبعانه بس صور الاكل يشهي !!
اشتهيت مجبوس و اشتهيت نخي لووول

ان شاء الله تزورينا باقرب فرصه و تروحين الاماكن اللي ما زرتيها

حياج الله مره ثانيه

مشاء الله تبارك الرحمن

تنظيم وتصوير رائع للغاية ,, لا تقاطعين وكثري الزيارات

المشاركة الأصلية كتبت بواسطة مبارك ((بوفهد))
http://www.arabtravelersforum.com/tr...6/#post3540446

ماشاء الله تقرير سريع وجميل وروعه حياكم الله في بلدكم الثاني شرفتونا

شكرا وقواكم الله



بو فهد

الله يحييك ,, والعفوو ..

تسلم على مرورك ..

المشاركة الأصلية كتبت بواسطة shjen
http://www.arabtravelersforum.com/tr...7/#post3540687

يعطيج العافيه علي التقرير الحلوووووووووو وياريت وانتي بطريجج ماره القعدات اللي في الموفنبيك وايد حلوه والمطاعم اللي فيها المره اليايه انشالله تعوضينهاااااااااااااااا

shjen

الله يعافيــــك ،، وحضورك الاحلى ..

قعدات موفنبـــك مافكرت فيها .. إن شاء الله الايام جايه ..

تسلم على حضورك

المشاركة الأصلية كتبت بواسطة βνĹĂĢŔĨ-q8
http://www.arabtravelersforum.com/tr...6/#post3540706

ماشاء الله تقريرج حلو والى خلاه احلى انه كامل عاد تصدقين اختى ولا مره رحت الكوت الا بتقارير كم . ونورتى الكويت

βνĹĂĢŔĨ-q8

الكوت أحلى مافيه قعداته الخارجية ..

والا محلاته عاديه ..

والكويت منوره بأهلهاا

نورتي ..

المشاركة الأصلية كتبت بواسطة The Watcher
http://www.arabtravelersforum.com/tr...4/#post3541014

الحمدلله على السلامة

تقرير رائع ومميز

والتصوير حلو

يعطيج العافية

The Watcher

الله يسلمك ويعافيك ..

والاروع تواجدك،،

تسلم على مشاركتك ..

المشاركة الأصلية كتبت بواسطة كويتية^رحالة
http://www.arabtravelersforum.com/tr...5/#post3541105

يعطيج العافية على هالجهود الطيب وحياج الله بديرتج الكويت والحمدلله انكم استانستوا فيها

كويتيه رحاله

الله يعافيج اختي ..

والحمد لله كانت زيارتنا حلووه وغيرت نظرتي للكويت

منوره،،

المشاركة الأصلية كتبت بواسطة ibrahim20
http://www.arabtravelersforum.com/tr...9/#post3541129

يععطيج العافيه اختي على صور جميله

لوسمحتي مجمع المعلم اي شارع

شكرا

إبراهيـم

الله يعافيــك اخوي ..

ومجمع المعلم مثل ما قالوا بشارع تونس بحولي

والعفوو ..

المشاركة الأصلية كتبت بواسطة mngo67
http://www.arabtravelersforum.com/tr...7/#post3541177

هلا وغلا بأهل البحرين
التقرير قمة الروعة والصور عجيبه
بس طافتج اماكن وايد حلوه غير المولات
مشكووووووووورة

مانجوو

يا هلا فيج اختي ..

مرورج الاروع والله يسلمج

بس شنو الاماكن اللى طافتني غير المولات ؟؟

لاني أفكر مره ثانيه اروح اماكن غير المولات خاصه الجو بيكون حلو

نورتي

كالعادة كوكو شانيل ....رمز الابداع

ما شاء الله

نورتي الكويت اختي

خوش تقرير

ماشاء الله عليك يا كوكو شانيـل كل تقاريرك احلا من الثانيـة وانا كنت متاابع معاك لتقرير ابوظبـي ...

وصرآآآحة ابدعتي اول تقرير اتعب من الصور من كثـرة وماشاء الله الجوال ادى الواجب ..

وايش كمان ياربي اية غريبـة ما عندكم ايكـيا بالبحرين مع انه المفروض يفتح من زماان هناك وانـا صرآآحة تعجبني اغراضهم حلوة وفنفس الوقـت مبتكرة بـس لاتشيلين هم اذا جيتي عمرة انشاء الله مري جدة عندنا ثاني اكبر معرض ايكيـا بالشرق الاوسط رااح تستانسين فية ...

وهـذا فعلا حلم امي من زمان وانشاء الله يتحقق تبي تزور الكويت عشان مسلسلاتها اللي صراااحة ابدعوا فيها ومشهورين بأنهم عندهم احلا المسلسلات في الخليج وانا احيي هالشي فيهم ...

تحياتي لكـ ,,,

ماشاء االله رحلتك ررره ممتعه
انا طالعه الكويت ان شاء الله بعد اسبوعين
بسألك اذا عندك خبر .. شفتي بطريقك متحف شهداء القرين ؟ ودي ازوره يسمحون لي ادخل
ياليت اذا فيه احد عنده خبر يفيدني

يا هلا باهل البحرين ..
و
الحمد الله على سلامتج ..
و
نورتي الكويت ..
و
يعطيج الف عافيه خيتوو ..
و
يسلموو ..

المشاركة الأصلية كتبت بواسطة until the end
http://www.arabtravelersforum.com/tr...6/#post3559516

ماشاء االله رحلتك ررره ممتعه
انا طالعه الكويت ان شاء الله بعد اسبوعين
بسألك اذا عندك خبر .. شفتي بطريقك متحف شهداء القرين ؟ ودي ازوره يسمحون لي ادخل
ياليت اذا فيه احد عنده خبر يفيدني

إي نعم الدخول مسموح ... وراح تشوفون اماكن دم شهداء الكويت على حائط الغرف

يعطيج العافية عالتقرير

يعطيج العافية على التقرير المرتب والسريع
ونورتوا الكويت
وحياكم عندنا بهلا فبراير وتقرير كبير

ما شاء الله وااايد حلو بس حسافة ما صورت لنا المباركية احبها وااااايد ...

حياكم الله بالكويت
واستمتعت بقراءة هالتقرير الممتع

آخر صور ماتطلع ~


نورتي ولكم بآك .,

وفديت الروضه وأهلها والله .. لو قايله جآن مريتج
حيآج باي وقت ترا الكويت يادوب جم ساعه بالسياره إلا انتي عندنا

شكرًا على التقرير

ماشاء الله ...شيء ممتاز تقرير ممتع جدا ابدعتم به

تقرير رائع
و ممتاز
بارك الله فيك
http://www.arabtravelersforum.com/album.php?albumid=468
Marina Mall Car exhibition -Kuwait 2010 كونكورز دي اليجانس
لمشاهده 70 صوره(تصويري الخاص)
http://www.arabtravelersforum.com/album.php?albumid=481
تكمله المعرض +صور من الكويت

http://www.arabtravelersforum.com/album.php?albumid=480
hala feruary هلا فبراير 2010
سوق شرق الكويت / هلا فبراير 2010 / صور بدايه المهرجان
(تصويري الخاص)

الحمد لله على سلامتج و نورتي الكويت

تقرير رائع الله يعطيك العافية وشكرا جزيلا على هذا المجهود الكبير

كالعااااده دايم مواضيعك مميزه ورووووووووعه :0f4cw:
كانك تدرين عني لي كم شهر وانا ناشبه لاهلي ابي اروح الكووووووووويت وخصوصاً هالايام عشان مهرجانات فبراير مرره متحمسه اروح :7iuxc:
بس رافضين قالوا خليها بالاجازه اللي بنص السنه :7iuxc:

بس بوريهم تقريرك مرره يحمس ماشاء الله
بس سؤال خاااارج عن الموضوع

انا ان شاء الله الاسبوع الجاي راح اجيكم البحرين
ابي صالون ممتاااز لقص الشعر وهيك شغلات :02yju:

ويعطيك العااااافيه ..

تقرريررر روووعه ^^
بس حسافه ليش مارحتوا مدينه الترفيهيه و حديقه الشعب و حتى مركز العلمي ^^ هذول كله اماكن ترفيهيه ^^
ان شالله المره اليايه

المشاركة الأصلية كتبت بواسطة cheese cake
http://www.arabtravelersforum.com/tr...4/#post3541224

ماشاء الله تبارك الرحمن

سلمت اناملك التي خطت وصورت هذا التقرير الأكثر من رائع ......


بس بصراحه ريووقكم يونس ينفع حق الرجيم ......


اما الغداااا اهئ اهئ حرام عليج الفقع وما ادراك ما الفقع يسوي فيني بلاوي اذا شفته صراحه غداء مو مال رجيم عليـــــــــــــــــكم بالعافيه وشكل الطبخه سنعه تسلم ايد اللي سواها ......

وان شاء الله ترجعين تزورين ديرتج الثانيه الكويت مره ثانيه وتزورين الأماكن اللي بخاطرج فيها مع ان كل يوم يطلع مكان احلى من الثاني يعني مراح تلحقين

حياج الله حبيبتي .......



هلا وغلا ..

والله كل ما اتذكر ايام الكويت قلبي يعوووورني ودي ارووح

وبالنسبة للفقع امس حاطه على قناة الوطن والا يحطون تقرير عن الفقع الكويتي واسعاره

واااي اشتهيته وتذكرت غدانا بالكويت لووووول

والله يحييج ..

تسلمين على المشاركه الحلووه

المشاركة الأصلية كتبت بواسطة مزون البحرين
http://www.arabtravelersforum.com/tr...4/#post3541254

كلمة روووووووعهـ قليله وربي بحق هالتقرير ياكوكو


ماشاءالله عليج ابدعتي يالغاليه ..


الحمدلله على سلامتكم وان شاءالله تتكرر زيارج لها حبيبتي ..




هلا وغلا ببنت ديرتي

الله يسلمج حبيبتي ..

وان شاء الله زيارتي بتكرر وايد اذا الله احيانا

نوورتي ..

المشاركة الأصلية كتبت بواسطة ترافلز مان
http://www.arabtravelersforum.com/tr...2/#post3541412

ماشاء الله من اروع التقاير بالمنتدى الاخوات من البحرين متميزين دائما بالتقارير

وكنت اتمنى انكم دخلتو مجمع المنشر اللي مقابل الكوت اهو اكبر وافضل من مجمع الكويت حيث باقه من المطاعم والمقاهي المميزة اضافة الي فندق روتانا المنشر

واهم شي اتمنى ان استمتعتو بالزيارة وقضيتو اوقات جميله وماعرفنا رايج في الافنيوز هل اعجبكم والمارينا مول والمارينا كرسنت

واحب ان اعيد واكر شكري على هذا القرير المميز واللي اتمنى ان يثبت بدون تفكير



يا هلا اخوي ..

مجمع المنشر ما كنت مهتمه له .. كان خاطري بقعدات الكوت اللى على البحر

مع ان فيه فرصه نروح له بعد الكوت بس ما فكرت فيها وقتها ..

والزياره حلوووه الحمدلله

وبالنسبة للافنيوز حلو بس احسه ما يفرق عن مجمع سيتي سنتر عندنا بالبحرين

نفس الطريقه وحتى التصميم داخل فيه تشابه

والله يسلمـــك ،، وألف شكر على مرورك

المشاركة الأصلية كتبت بواسطة q8ya metnaqla
http://www.arabtravelersforum.com/tr...7/#post3541607

حي الله بأهل المليون نخله

كوكو صرااااحة تقريرج وااااايد حلووو
وعساج عالقوه




الاحلى مروووورج ..

والله يحييج ..

تسلمين على المشاركه

معليش عديت باقي الردود عشان أرد على استفسارها







المشاركة الأصلية كتبت بواسطة احـسـاس دلـخـه
http://www.arabtravelersforum.com/tr...8/#post3592878

كالعااااده دايم مواضيعك مميزه ورووووووووعه :0f4cw:
كانك تدرين عني لي كم شهر وانا ناشبه لاهلي ابي اروح الكووووووووويت وخصوصاً هالايام عشان مهرجانات فبراير مرره متحمسه اروح :7iuxc:
بس رافضين قالوا خليها بالاجازه اللي بنص السنه :7iuxc:

بس بوريهم تقريرك مرره يحمس ماشاء الله
بس سؤال خاااارج عن الموضوع

انا ان شاء الله الاسبوع الجاي راح اجيكم البحرين
ابي صالون ممتاااز لقص الشعر وهيك شغلات :02yju:

ويعطيك العااااافيه ..





هلا والله

نفسي كنت ابي اروح حق مهرجان هلا فبراير وكان فيه امل كبير بس الظاهر تكنسل

وحياج الله بالبحرين ..

بالنسبة للصالون عندك صالون فندق الرجنسي ممتاز بهالسوالف

والله يعافيك ..

وحياكم مره ثانيه

المشاركة الأصلية كتبت بواسطة bufahad
http://www.arabtravelersforum.com/tr...4/#post3542014

الأخت ..كوكو شانيل..
نورتي الكويت
والحمدلله إن التقرير خلص لي عودة للمتابعه وإكمال بقية التقرير
تقبل خالص تقديري وإحترامي

النور نوركم يا بو فهـــد ..

وانتظر عوودتك للتقرير

تسلم على الحضور ..

المشاركة الأصلية كتبت بواسطة بنت الدوحه ~
http://www.arabtravelersforum.com/tr...9/#post3542349

كالعادة متمتزة انتي وتقريرج


يعطييج العاااااافية





الله يعافيـــج ..

مشكوره على المشاركة ...