الموضوع: بشوف رايكم

السلام عليكم ورحمة الله وبركاته....

اخباركم ويش مسوين انشا الله تمام احب ابارك لكم بالكم بالشهر الكريم ....((ادري متأخر بس تني مسجل ))

واحب ابارك لكم بالعيد مقدما ...


ودي اول مشاركه بالنسبه لي انا في هالمنتدى اللي شدني...

وبالصراحه انا من زمان محتار وين اروح شهر العسل فابغا اشوف انتو ويش تقولو لي وتشوووروو عليه فيه

انا زواجي انشا الله بعد 6 شهور ومحتار وين اروح شهر العسل

لاني اانا شخص ايطاليا ساحرتني والمالديف ساحرتني

الاثنين منهم خيال في خيال الصراحه


فأنا محتار ما ادري وين اقضي شهر العسل فممكن تقولوو لي

وانا الى الحين ما ادري كم بيكلفني السفر الى المالديف او اطاليا ما ادري ابغا شورتكم وتعطوني تقريب كم راح تكلفني الرحله الى المالديف
14 يوم

مواضيع عشوائيه ممكن تكون تعجبك اخترناها لك:

• ماهي عملة الملديف وكم تكلف المصاريف لمدة ايام و بعض الاسئلة
• منتجع باروس المالديف نصائح بالداخل
• مساعدة عاجلة لو سمحتوا سيشل
• إستفسار عن المالديف
• برنامج لجزر المالديف لمده ايام او اسبوع ؟؟
• الجنة الارضية
• محتاج مساعدة
• ايام بالكثير في موريشوس
• جزر المالديف الخياليه تقريري المتواضع
• منتجع خطيييييير في موريشيوس
• عاااجل أفيدوني بخصوص حجز فنادق المالديف وسياسة تسجيل الاطفال
• جزيره مرجريتا
• رحلتي إلى جزر المالديف بالصور
• مجموعة صوري من موريشيوس ج
• بوعزيز سؤال بخصوص موريشس
• استفسار عن الميزانيه في المالديف
• ودي اروح موريشوس بس فيه مشكله
• استفسار عاااااااجل عن جزر المالديف
• موسوعة الجزر للعرب المسافرون
• جزر جديدة

بالبداية

حياك الله بين اخوانك واخواتك في هل منتدى الطيب

وثانيا

ألف ألف ألف
ألف ألف ألف
ألف ألف ألف
ألف ألف ألف ألف ألف ألف ألف
ألف ألف ألف ألف ألف
ألف ألف ألف
ألف

مبـــــــــــــــروك علـــــــــــــــــــــى الــــــــــــــــــزواج

وبارك الله لك وبارك عليك وجمع بينكم على خير

وثالثا

بخصوص رحلة شهر العسل

انصحك بالمالديف أحسن من ايطاليا (من وجهة نظري)

لان الاولى تمتاز بالطبيعه والمناظر الساحرة والخصوصية

وسوفه تاخذ راحتك مع شريكة حياتك الجديدة

بس يعيب المالديف انـــ مدة 14 يوم كثيره جدا عليها

فلو جعلت المدة 5 ايام في المالديف والباقي في دولة مجاورة (ماليزيا او تايلاند او سريلانكا او .... إلخ) يكون افضل

وايطاليا بصراحه لا اعرف عنها شيء (سوووووووووورررري)

واذا حبيت تتعرف على المالديف هذا رابط تقريري عن رحلتي انا المدام في شهر العسل

http://www.arabtravelersforum.com/se...archid=2063230

واي توضيح او استفسار

نحن حاضرون

تسلم لي خيك والله يبارك فيك اشا الله بس اني ابغا اقضي شهر العسل في المالديف

لاني سمعت عنها انها تنفع لشهر العسل

وانا بعد سمعت انها رومانسيه للغايه وفيها الراحه والهدوء فانت تشور علي 5ايام للمالديف بس ؟؟؟

المشاركة الأصلية كتبت بواسطة italyano
http://www.arabtravelersforum.com/tr...1/#post3311981

وانا بعد سمعت انها رومانسيه للغايه وفيها الراحه والهدوء فانت تشور علي 5ايام للمالديف بس ؟؟؟




والله ياخوي 5 ايام حلوه

بس لازم تحط إبـــالك ان المالديف إذا عروستك(زوجك) محجبه او منقبه اشلون راح تسبح بالبحر

فانا انصح إنك تاخذ شاليه يحتوي على حمام سباحه خاص فيك

ولازم تسال الفندق هل الحمام سباحه مغلق (اي لايستطيع احد ان يراك)

ونفس ماقلتلك

اي استفسار او توضيح

نحن حاضرون

هلا بك معااانااا

تبي رايي روح ايطاليا و انت مغمض عيونك ,,, شوف انا تزوجت من سنه و كان شهر العسل في اروربا بس اول وجهه كانت فنيسيا وكان شي من نسج الخيال و على ما تقول بعد ست شهور يكون الجو براد و ايطاليا ما تصلح الا بالجو البارد بوجهة نظري لانها حاره بالصيف وايد و ما ممكن تستانس فيها و بطبيعتها قمة الرومانسيه المكان اللي لا ولن انساه ما حييت رحت ميلانو بس ما رحت روما يقولون حلوه بس ما عجبني مكان كثر ما عجبتني فنيسيا ,, والحين بالصيف رحنا المالديف حلوه و خياليه و ممكن تشوف تقريرها لها بس مو مثل اوروبا و فنيسيا بالذات مدينة العشاااااااق

اخوي كويت والله انا زوجتي محجبه ولا تعرف تسبح ههههههه

وانشاء الله نشوف كف يصير

واخوي redطيب ممكن تعطيني كم تكلفتك الى رحلتك الى ايطاليا

اخوي ليه ماتجرب موريشيوس؟
شكلك توهقت ، شوف انت اول شي انتبه لدرجة الحرارة واعتقد وقتك بيكون برد شتاء واعتقد اوروبا بارده وثلج وما يمديك تتمتع بالخضره والتمشيه لذلك لازم تروح جهة المالديف او موريشيوس اقترح عليك موريشيوس لان فيها جمال المالديف من بحر واسترخاء وبنفس الوقت فيها اماكن تتمشى فيها كثير ولمدة عشر ايام بالراحه

الصراحه موريشوس دي سمعت فيها وشفت صورها بس وين مكانها بالضبط ما ادري غير كدا انا متوهق بقوه في ان انا ابغا اروح اوروبا وابغا اروح الى سحر المالديف

وماادري ويش اسوي

طيب ممكن واحد من اللي راح الى المالديف او موريشوس يقولي كم التكلفه

من ناحية الباكيج كامل ومن ناحية المصاريف النثريه زي ما يقوولووون

يعني مو كل واحد يقولي يختلف انتو قولوو علشان انا اعرف كم بتكون الميزانيه فاهمين علي

يعي ابغا المصاريف من والى .........مو تقولو يختلف من واحد الى واحد لا انا ابغا اعرف علشان انا احدد

اوكي اتفقنا

قولوو لي يا عن المالديف او مريشوس او جزيرة بالي

انا مارحت لا للمالديف ولا موريشيوس ولكن لما قرأت تقارير الشباب عرفت تقريبا شوية معلومات
مثلا يعني تذكرة السفر لشخصين من جده الى موريشيوس عن طريق دبي رايح جاي لاتقل عن 12 الف ريال
النثريات حسب كلام الاخوان حوالي 200$ = 750 ريال في اليوم
الفنادق يختلف من فندق الى فندق ولكن لابد حجز الفندق يكون هاف بورد وهو الافضل يعني فطور مع عشاء لان وقت الغدا تكون خارج الفندق تتمشى بدل ما تجبر حالك على تواجدك بالفندق وقت الغدا وتقريبا المتوسط الف ريال لليلة واحده هذا الاوك ولو حاب رخيص فيه ولو حاب اغلى برضو فيه
الباكيجات احسب حسابك من 20 الف ريال لمدة 8 أيام تشمل الفندق والتذاكر فقط لاغير من مكتب عطلات الامارات وما يمنع تمر مكتبهم وتسأل وتستفسر
هذا ماتوصلت له لعل وعسى ينفعك وارجع اقول اقرأ التقارير وخصوصا تقرير اخونا ابوعزيز وبيفيدك كثير ان شاء الله

تسلم لي اله يعطيك العافيه وما قصرت

وانشاء الله نخدمك في الافراح

المصاريف اولا و اخير على نوعية الفندق و درجة تذاكر الطيران هي اللي تاخذ نصيب الاسد في الميزانيه حددها و بعدي شوف كم تكلفك ,, و اذا المالديف لا تاخذ الا هاف بورد يعني اقامه تشمل الافطار والعشاء لانك لو راح تدفع هناك بيكلفك كثير ,, والمالديف ما فيها سوق ولا شي ملتزم بالفندق و نشاطاته و كل اللي راح تصرفه على النشاطات وعشان جذي ما تقدر تقعد فيها اكثر من 5 ايام لانك في جزيرة وحده وراح تمل و ممكن تشوف تقرير زيارتي للمالديف هذي الصيف في منتجع الفورسيزن اللي احلى ما فيهم الاكل الروعه و خصوصا السي فود و الهاف بورد شامل العشاءفي امطعم من مطاعم الجزيره وتطلب اللي تبي و تحكم