الموضوع: اماكن جميلة في الكويت وش رايكم فيها؟

السلام عليكم هذي اول زيارة لي للكويت انا وعائلتي
وحجزت في بلازا اثيني لكن سؤال هل الفندق فخم ونظيف والا الصور بالانترنت تخدع و هل في الفندق خدمة الانترنت؟؟؟؟؟؟؟؟
بصراحه بحثت في المنتدى عن الكويت وعن اجمل الاماكن بصراحة الاماكن كثيرة ما شاء الله وصعب امرها كلها خصوصا زيارتي 5 ايام تقريبا
لكن كتبت اجمل الاماكن صح ان اغلبها مطاعم ولا يمكن اروح لها كلها لكن ابمر على اللي اقدر عليه منها وش رايكم هل فيه مقترحات زياده عن هذي الاماكن

أماكن مقترحه

م الاسم نوعه موقعه
1 مارينا سوق السالمية
2 المركز العلمي ترفيه السالمية
3 ميس الغانم مطعم شارع الخليج العربي
4 المباركية سوق شعبي في العاصمة
5 الافنيوز سوق طريق الدائري الخامس
6 المدينة الترفيهية ترفيه الدوحة
7 منتزه الشعب ترفيه شارع الخليج العربي
8 فريج صويلح مطعم شعبي قريب من المارينا
9 الكوت سوق منطقة فحيحيل
10 مغل محل مطعم هندي قريب من المارينا
11 برج الحمام مطعم شارع الخليج العربي
12 لونوتر مطعم شارع الخليج العربي
13 نينو مطعم شارع الخليج العربي
14 فيلا فيروز مطعم الشعب موقعه غير واضح بالنسبة لي لو تحددون لي اقرب شي عنده عشان اشوف مكانه بقوقل ايرث
15 النوخذة مطعم بحري بجانب حديقة الشعب
16 السالمية سوق شعبي السالمية
17 المهلب سوق حولي
18 ابراج الكويت ترفيه شارع الخليج العربي
19 سوق شرق سوق شرق
20 حديقة الحيوان ترفيه العمرية

مواضيع عشوائيه ممكن تكون تعجبك اخترناها لك:

• ســـــــــــــــــــؤال
• ايهما أفضل الميرديان او الميرديان تاور ؟؟؟
• كم سؤال يبون اجابه
• احتفالات العيد الوطني وعيد التحرير بعدسة
• إستاذ الشيخ جابر الأحمد الرياضي تحفة معمارية قمة في الروعة
• رايح للكويت اول مرة وابي منكم المساعدة
• ممكن أحد يفيدني ياأهل الكويت
• زيارة الكويت للمرة الثانية إستفسار
• افيدوني يا أخوتي مشرفين وأعضاء الكويت الغالية
• استراحة دار شيخة بالكويت رووووعة
• فندق سفير الفنطاس الجديد بعدسة عسل لأول مرة والموقف الغريب
• يا اهل الكويت الكرام ابي فندق فيه مسبح ما يتعدى ريال باليوم
• مبروك الاشراف الى مشرفنا لبوابة الكويت
• الكويت في العيد؟
• رحلات بحرية بين عالم المارينا وجزيرة فيلكا راحة وفخامة
• أفيدوني بارك الله فيكم ؟؟
• اول سفرة لي لجوانزو محتاجكم ياغالين
• بغيت مساعدتكم لا هنتوا
• دليل الكويت الشامل يرجى التثبيت
• مطار الكويت

فيلا فيروز منطقة الشعب قطعة 8 _ قريب من نادى فلكس للسيدات


بالنسبة للاماكن جميعهم ممتازين ولكن يوجد لدينا متاحف :



المتاحف و الأماكن التاريخية

1. متحف الكويت الوطني هاتف : 2451195 /2456534 العنوان : شارع الخليج العربي
2. دار الآثار الإسلامية هاتف : 2400992 ضمن متحف الكويت الوطني
3. متحف التراث الشعبي هاتف 2429158 ضمن متحف الكويت الوطني
4. بيت السدو هاتف : 2432395 ضمن متحف الكويت الوطني
5. متحف طارق رجب هاتف : 5317358 / 5339063 العنوان : الجابرية ، قطعه 12، شارع 5
اوقات الزيارة (مجانية ) السبت والخميس من 9 صباحا – 12 ضهرا /4 عصرا- 7 مساء ،ايام الجمع 9 ص – 12 ض
6. متحف محمد الشيباني هاتف 5320901 العنوان: الجابرية ، قطعه 5 ، شارع 3
7. متحف بيت القرين (منزل الشهيد بدر العيدان ) هاتف : 5430343 العنوان: القرين ، قطعه 4،شارع 3 ،منزل 59
8. بيت الكويت للأعمال الوطنية هاتف : 4846336 العنوان : الشويخ ، قطعه 7 ، شارع 7 بجانب المسرح العام ، فيلا32
9. متحف شركة النفط هاتف : 3982393 العنوان : الأحمدي
10. بيت البدر هاتف 2429158 العنوان : مدينة الكويت ، بجانب المتحف الوطني ( من أقدم البيوت الكويتية هو وبيت لوذان وبيت السدو )
11. القصر الأحمر العنوان : الجهراء ( حصن للكويتيين بنى بين عامي 1914 - 1915 م بناء على امر الشيخ مبارك الصباح )

اولا حياكم الله بديرتكم الكويت


ثانيا الاماكن تقريبا كلها ممتازة بس ممكن اساعدك بشغلة اللي هي تقدر تقسم وقتك وتروح مكانين او ممكن اكثر في يوم واحد يعني تضبط لك جدول وخصوصا ان بعضها مطاعم ممكن اعطيك مثال:

ممكن الصبح تروحون المارينا تتسوقون بالمول واذا تحبون تشوفون السينما وبعدها تعبرون الجسر لمنطقة مرينا كرسنت واختيار احدى المطاعم الموجودة هناك للغداء أو الذهاب الى برج الحمام مطعمي المفضل واحرص على اختيار طاولة مطلة على البحر وبعد الغدا ممكن ترجعون الفندق للصلاة وتريحون شوي وبعد صلاة العصر الذهاب الى المركز العلمي وفي المساء اذا تحبون الذهاب الى ابراج الكويت...على فكرة في اماكن ماتاخذ وقت طويل وفي منها اماكن يبيلها تخصيص يوم أو نهار كامل...ممكن أقترح عليك اقتراحات اخرى اذا تحب....

للمعلومية مطعم لينوتغ يوجد منه فرع بالمارينا والافنيوز ولكن قعدته اللي عالبحر احلى بس رأيي الشخصي ما أحب أروح له وانا يوعانه يعني أحب سلطاتهم وقهوتهم و...السويت والامور هذي ولكن كوجبات رئيسية لا أنصح به خصوصا اذا عندك أطفال راح تحتارون باختيار الاطباق المناسبة لهم الا اذا كنت مجربه ولديك فكرة عنه طبعا الامر راجع اليك..للعلم هو مطعم فرنسي بالاساس ونينو ايطالي طبعا

اذا عندك اطفال يوجد لهم بكل مول قسم لهم لازم تدلعهم بالمارينا فوق بالفود كورت والافنيوز عندك بروي+ماجك بلانيت

اذا ما دليت فيللا فيروز لا يضيق خلقك في له فرع تابع له اسمه مطعم (ميجانا) في مجمع الكوت

أتمنى لكم قضاء أمتع الاوقات وحياكم الله

تحياتي

1_بيت الكويت للأعمال الوطنية هاتف : 4846336 العنوان : الشويخ ، قطعه 7 ، شارع 7 بجانب المسرح العام ، فيلا32


2_متحف بيت القرين (منزل الشهيد بدر العيدان ) هاتف : 5430343 العنوان: القرين ، قطعه 4،شارع 3 ،منزل 59


3_بيت السدو هاتف : 2432395 ضمن متحف الكويت الوطني




اما بخصوص الاطفال يوجد مجمعات فيها اللعاب للاطفال:

مجمع الافنيوز

مجمع ستى سنتر

مجمع المهلب

مجمع الكوت

بصراحه رحت للكويت ومانبسط معامله الي قابلتهم جد ا سيئه انا ما اعم الشعب كله

المشاركة الأصلية كتبت بواسطة سلملم الرزين
http://www.arabtravelersforum.com/tr...5/#post3567781

م الاسم نوعه موقعه
1 مارينا سوق السالمية === حلو الجلسات الخارجية للمطاعم على البحر
2 المركز العلمي ترفيه السالمية = ( حلو )
3 ميس الغانم مطعم شارع الخليج العربي === ( سيء لاتذهب له ))
4 المباركية سوق شعبي في العاصمة == ( حلو )
5 الافنيوز سوق طريق الدائري الخامس ( ممتاز كتسوق أحسن من المارينا)
6 المدينة الترفيهية ترفيه الدوحة ( لاتروحه )
7 منتزه الشعب ترفيه شارع الخليج العربي ( لاتروحه )
8 فريج صويلح مطعم شعبي قريب من المارينا ( ممتاز )
9 الكوت سوق منطقة فحيحيل ( ممتاز كجلسة على النافورة الراقصة بأحد المقاهي )
10 مغل محل مطعم هندي قريب من المارينا ( لاأعلم )
11 برج الحمام مطعم شارع الخليج العربي ( لم اجرب )
12 لونوتر مطعم شارع الخليج العربي ( لم اجربه )
13 نينو مطعم شارع الخليج العربي ( لم اجربه )
14 فيلا فيروز مطعم الشعب ( رووووعة لايفوووووتك ) بالشعب البحري
15 النوخذة مطعم بحري بجانب حديقة الشعب ( لا أعلم )
17 المهلب سوق حولي ( لايستحق الزيارة )
18 ابراج الكويت ترفيه شارع الخليج العربي ( حلو كزيارة للبرج فقط وليس الأكل )
19 سوق شرق سوق شرق ( لايستحق الزيارة )

20 حديقة الحيوان ترفيه العمرية ( لاتستحق الزيارة )



والله الموفق 0000000000000000000000000000000000

المشاركة الأصلية كتبت بواسطة ميار الحربي
http://www.arabtravelersforum.com/tr...0/#post3569980

بصراحه رحت للكويت ومانبسط معامله الي قابلتهم جد ا سيئه انا ما اعم الشعب كله



؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

على فكرة يجب أن تضع في بالك اختلاف الاذواق والاراء والراي بالاول والاخير راجع اليك:

بالنسبة للأخ النمسا انا اختلف معاه في بعض الامور يعني مطعم ميس الغانم غني عن التعريف وأكبر دليل الزحمة اللي عليه اذا تأخرت شوي ما تحصل لك طاولة ولازم تنطر ودائما في المطاعم أهم شي الفيو اختار طاولة مطلة على الشارع وخصوصا اذا كان وقت غداء يكون افضل.

أما بالنسبة حق المدينة الترفيهية وحديقة الشعب وحديقة الحيوان لو ماعندك أطفال ممكن اقولك لا تروح بس فكر بالاطفال مساكين راح يملون من أجواء المولات والمطاعم ويبون حدايق ومنتزهات والعاب يستانسون فيها ولو الدنيا صيف والجو حار قلت لك توديهم الاكوا بارك وقرية المسيلة المائية بس الجو ما يساعد وبنفس الوقت حلو حق التمشي في الهواء الطلق يعني الاماكن هذي جدا مناسبة لهم.

شكرا لمرور الجميع
يقولون لولا اختلاف الاذواق لبارت السلع
الاماكن اللي انا كتبتها هي اروع الاماكن في الكويت لاني بحثت في الانترنت كثيرا ووجدت ان الجميع يجمعون على هذه الاماكن وانا كتبتها عشان لا اكون ناسي شي
وبالنسبة للمدينه الترفيهية ومنتزه الشعب والمركز العلمي قال لي واحد من اصدقائي
انه كل ماجاء للكويت يروح لهم لانهم روووووووووووووووووووووووعه
اما اهل الكويت فانا اعتبرهم اهلي بصراحه ما قابلت كويتي الا يتعامل معي معامله راقيه جدا سواءً في السعودية او خارجها
المسؤول عن الفندق لما كلمته عشان احجز تعامل معي وكاني اخوه حتى اني قلت له انا اول مره اجي الكويت فاخاف يطلع الفندق مو مثل الصور اللي انا شفتها وخصوصا اني ابجي انا وعائلتي فرد علي وقال :صدقني اذا ما اعجبك الفندق بيتي مفتوح والله يحييك انت وعائلتك
ويعلم الله اني احب الكويت واهلها
تحياتي للجميع
سلملم

يعطيك العافيه اخوي على كلامك الجميل وهذا ان دل فهو يدل على طيبك وذوقك الراقي وتأكد ان احنا أهل واخوان وأكثر ومعظم اذا مو كل الكويتيين لهم أقارب بالسعودية وانا منهم وثق بالله ان الشعور متبادل والله يديم المحبه والعلاقات الطيبة بينا على الخير يارب ويحفظ الامة الاسلامية والعربية و (خليجنا واحد وشعبنا واحد)


اما بخصوص الاماكن فمعاك حق في جميع الاماكن والمطاعم اللي ذكرتهم...


وحياكم الله

شكرا لك على الاماكن شكلها رايقه..
انا سجلتها عندي كلها..

الاسم نوعه موقعه1
مارينا سوق السالمية فيه سينما والعاب ومحلات ومطاعم ويمه مركز سلطان[/color]

20 حديقة الحيوان ترفيه العمرية [color="red"]