الموضوع: مطاعم فيها كباين في الكويت

السلام عليكم
هذا أول مشاركة لي بالمنتدى الرائع و الأكثر من مميز

موضوعي اهو بخصوص المطاعم اللي عندها كباين للعائلات
لتأخذ العائلة خصوصيتها

فمثلا عندكم

1- مطعم شهريار بشرق بجانب الدوار و بمقابل مخفر شرق

2- مطعم قيصر اللي بحولي بجانب مستشفى دار الشفا الجديد

3- مطعم وايلد فاير بشرق بجانب مواقف البلوكات

4- مطعم الخباز بحولي بجانب مطعم البطريق


و ياريت اللي يعرف مطاعم ثانية فيها كباين عائلية
للإفادة للأعضاء المسافرين و المواطنين
و يرجى تثبيته من الإدارة لأهميته لشريحة كبيرة من الناس

مواضيع عشوائيه ممكن تكون تعجبك اخترناها لك:

• سؤال عن الأكوا بارك ؟؟؟
• ممكن يابيت الكويتي ولا يهون الاخوان
• الشاطيء الأجمل الكويت
• ابراج الكويت اوائل الابراج في الوطن العربي
• استشارة بعد حيرة تجديد خفيف لشهر العسل
• بوظة الكنفاني اللذيذة
• فيلا مودا
• ابي لحم نعام
• استفسار عن صالونات الكويت بليييييز ردو
• آإلى نبض قلبي آإهل الكويت آإحتآإج مساعدهـ
• برنامج لمدة أربعة أيام
• مطعم كباب الحجة ؟؟
• بنات الكويت الذووووووووووووق
• شقق وفنادق عزاب وعوائل بالكويت
• عاجل جدا جدا أرجوا من أهل الكويت وخبرائه مساعدتي راح أكون في الكويت يوم الأثنين القاد
• مع التحيه والاحترام لاهل الكويت الكرام
• الى حبايبي أهل الكويت استفسار عاجل
• مطعم عائلي
• رالف لورين
• عبود و مطعم كايزن الياباني

حياك الله في المنتدى واضيف معاك جم واحد اللي ذاكرتهم
1- مطعم وسابي
2- فريج صويلح
3- مغل محل ( الفراونية )
4- الخليج الملكي الصيني ( حولي )

مطعم قيصر بالفروانية

مطعم قيصر بالسالمية

مطعم الفايز بالسالمية

مطهم شهريار بالشرق

مطعم دعوات بنيدر القار

مطعم حسنى بحولى

مطعم مهراجا

مطعم قصر النخيل

مطعم فندق موفنبك بمنطقة الحرة

مشكورين على المشاركة الطيبة
و بودنا لو نعرف أماكن أكثر للفائدة

المشاركة الأصلية كتبت بواسطة q8ya metnaqla
http://www.arabtravelersforum.com/tr...4/#post3583004

حياك الله في المنتدى واضيف معاك جم واحد اللي ذاكرتهم
1- مطعم وسابي
2- فريج صويلح
3- مغل محل ( الفراونية )
4- الخليج الملكي الصيني ( حولي )



////////////////



وحااااااب استفسر منك يا (( q8ya metnaqla )) ما عليك أمر

عن المطاعم إللي كتبتهم

وين صايرين بالضبط

يعني تفصيل موجز !

(( اسم الشارع وإذا أكو معلم حوله أو أي شي ))

ماعدا مطعم فريج صويلح لأني أدله !

ولكم كل الشكر والتقدير

المشاركة الأصلية كتبت بواسطة بيت الكويتى
http://www.arabtravelersforum.com/tr...6/#post3583206

مطعم قيصر بالفروانية

مطعم قيصر بالسالمية

مطعم الفايز بالسالمية

مطهم شهريار بالشرق

مطعم دعوات بنيدر القار

مطعم حسنى بحولى

مطعم مهراجا

مطعم قصر النخيل

مطعم فندق موفنبك بمنطقة الحرة




مرحباااا (( بيت الكويتى ))

ويعطيك العااااااااااافية على هالمطاعم

ياليت تعطينا وصف لهم إذا ما فيه كلاااافه

ولك كل الحب والتقدير

اي واللهـ تكفوووون شدو حيلكم نبي اسماء مطاعم فيها كباين وخصوصيه

ووين موقعها ورقمها لاهنتوووااا ننتظركم بفارغ الصبرررررر

[QUOTE=بقصم كويتي;3584402]////////////////



وحااااااب استفسر منك يا (( q8ya metnaqla )) ما عليك أمر

عن المطاعم إللي كتبتهم

وين صايرين بالضبط

يعني تفصيل موجز !

(( اسم الشارع وإذا أكو معلم حوله أو أي شي ))

ماعدا مطعم فريج صويلح لأني أدله !

ولكم كل الشكر والتقدير

بالنسبة لمطعم واسابي (ياباني)
موجود في البدع طريج شارع التعاون عند فندق موفمبيك والفرع الثاني في بوحليفه الخط الساحلي مقابل ابراج غاليه وعاليه والثالث مقابل قصر السيف من بعد ما اتعدي سوق شرق ودوار المسيد الكبير راح تشوفه على ايدك اليسار.
مطعم مغل محل (الفراونيه)
انا غلطت في الاسم القصد كان مطعم قيصر الفراونيه ويكون من وارا الجمعيه هذا ما ادله عدل الفرع الثاني في الديره من ورا فندق الشيراتون.
أما الخليج الملكي الصيني (حولي)
تاخذ شارع بن خلدون بتجاه دوار صادق وتكمل سيييده جنك بتطلع من حولي اهو يصير على يمينك .
مطعم حسني (حولي)
اللي ذاكره اخوي بيت الكويتي اذا كنت داش حولي من الخط السريع طريج الملك فهد تدخل حولي على يمينك ويسارك مجمع النقره الجنوبي والشمالي اتكمل سييياده لما اييك دوار وتكمل الدوار السيده راح يكون حسني على ايدك اليسار فوق لاند مارك اعتقد تاخذ يوترن يصير على يمينك.
مغل محل هندي(حولي)
نفس طريج حسني بس اتكمل يعد سيده اشوي وفي يوترن ثاني تاخذه راح يكون المطعم على يمينك.
هذا اللي قدرت اوصفهم لك وان شاء الله يكونون واضحيين
واي استفسار حاضرين

شكرا لكل من ساهم في المشاركة و التعليق
q8ya metnaqla
بيت الكويتى
بقصم كويتي
مون بولد
و نطمح للأكثر يا عيال ديرتي

ارقام المطاعم
قيصر 22411711
واسابي 22494000
الخليج الصيني 22622770
حسني 22651007 /22651006
مغل محل 22626782

في بعد مطعم الستينات آنا مارحتله بس أعرف ناس راحوله
يقولون فيه كباين حلوة
مطعم الستينات مقابلمجمع بيروت بحولي على شارع بيروت

q8ya metnaqla

يعطيك ألف مليون عاااااااااافية على سرعة استجابتك

وكثر الله من أمثالك ،،،

اييييي صج توني تذكرت مطعم !

مطعم فريج عقاب

له فرعين

الأول : في منطقة الفحيحيل داخل مجمع أجيال الدور الثاني ،، هذا المجمع قريب جدا من سوق المنشر والكوت ..

الثاني : في منطقة الضجيج على تقاطع طريق الدائري السادس وطريق المطار ،،

وهالمنطقة عبارة عن سوق للأثاث المطعم بيكون فاتح من صوب الدائري ..

بالنسبة لي تغديت في فرع الضجيج !

ومقارنة بينه وبين فريج صويلح

صويلح أفضل ؛ لأنه يقدم مقبلاته بطريه أشهى وألذ يم يم


كل الشكر لك (( abadi85 ))

كل الشكر لك يا (( بقصم كويتي ))

على إتحافنا بتجربتك الخاصة مع مطعم فريج عقاب
بس بغيت أسإلك شلون أكله حلو
يعني ينافس فريج صويلح و إلآ لأ

مطعم " البلد " لبناني صار له يمكن ثلاث أشهر فاتح ..
قعداته حلوة وفيه كباين ..
صاير بالدور المليون بعمارة أعتقد ديوان الخدمة سابقاً اللي صاير يم مجمع دسمان ..
الكباين والقعدة وايد شرحه وصاير المطعم دوار يعني يفر فيك وإنت قاعد وعلى إرتفاع جداً عالي تشوف الكويت من فوق ..
وأكله حلو ..

وه بس على الكويت !
يا جماعة ما يصير !
كل ما أخذت إجازة جيت للكويت
بس والله بلد يستاهل كل خير !
موفقين إن شاء الله

مشكور أخوي (( بقصم كويتي ))
على المعلومات الطيبة

بخصوص الطلب مو مشكلة الناس ساعات من المرة الأولى يحكمون على المطعم
فمو مشكلة المهم إنه يكون المطعم يقدر الواحد يرتاح فيه

مطعم فريج عقاب في منطقة الضجيج
ولكن صديقي جاه و يقووول اكلة اقل من عادي و ما ينصح فية ابداا

موضوع حلو منكم نستفيد