المشاركة الأصلية كتبت بواسطة مبارك ((بوفهد))
http://www.arabtravelersforum.com/tr...1/#post3656611
قولو ماشاء الله ياجماعه
تقرير جميل ومميز قواك الله ومتابعين
مول 360 دشيته مره وحده ووايد عجبني وكليت في مطعم مييت كومباني وايد حلو وقعدته حلوه
اهلين وسهلين اخوي مبارك ((بوفهد)) مشكور على المرور وان شاء الله نجرب مطعم مييت كومباني بصراحة اسمه وايد اعجبني.
المشاركة الأصلية كتبت بواسطة كويتي 505
http://www.arabtravelersforum.com/tr...9/#post3657259
تقرير رااااائع جدا
و ان شاء الله بعد تزور الكويت
مره ثالثه و رابعا .............مليووووووووووووون ^_^
مرحبا وسهلا اخوي كويتي 505 وان شاء الله ازور الكويت للمرة المليون ليش لا الكويت بلد جميل بكل ماتحمله الكلمة من معنى.
المشاركة الأصلية كتبت بواسطة fab u lus
http://www.arabtravelersforum.com/tr...1/#post3661171
وايد نطرنا لي متى ننطر بعد .........الصراحة تقريرك يونس وحلو علشان جذيه بس نشوف اسمك ندش هذا اذا مو كل شوي نطل على البوابة يمكن حطيت شي والحين بعد تقول نطروا الصور ........يبا اخذ راحتك قد ما تبي بس بالاخير حط الصور وراح تلاقينا مكانا ناطرينك
أسعد الله ايامج اختي fab u lus بصراحة مهما كتبت ماراح اوفيج حقج بالكلام الحلو
يكفيني انج متابعتني بس شوفي الحصل بعد مانزلت برنامجي ليوم 30-11-2009 اذن
لصلاة العشاء قلت ارجع بعد الصلاة انزل الصور المهم رجعت نزلت حوالي اكثر من
عشر صور شوي ولا الاماراتي يشوف اللابتوب مثل المخدة وضاع كل شي بس ارجع من
العمل راح انزل الصور وتقبلي تحياتي الا على فكرة ما جربتي فلافل ناديا ولا انتي مب
من عشاق الفلافل .
المشاركة الأصلية كتبت بواسطة fab u lus
http://www.arabtravelersforum.com/tr...8/#post3663938
ما عليه الواحد لما ينعس ما يرده الا المخدة ....يبا كبر المخدة ولما تصحى حط اللي تبي تحطه احنا نتمنى التقرير ما يخلص علشان نشوفك بالبوابة .... انا من عشاق الفلافل بس ودي اروح الصبح اتريق فيه وللحين ما صارت فرصة لاني الصبح مكبرة المخدة(( تقال للي ينام لحد ما يشبع))
مرحبا ملايين اخيتي الغالية والله كلامج البلسم اثر فيني
والله اني حاس انكم هلي وناسي شو راح اسوي بعد مايخلص التقرير كنت اتمنى لو قعدت اطول وقت ممكن في الكويت علشان يكون تقريري طويل واكون متواصل معكم
لأطول وقت ممكن فلكي التحية والتقدير واسعد الله ايامج.
30/11/2009
ملصق اعجبني في مجمع الاوقاف
طبعا مجمع الاوقاف خاص بمحلات الدراعات ويجب ان يكون في اولوية النساء الذاهبات الى الكويت
ولمن اراد الذهاب الى مجمع الاوقاف احداثيات الموقع
N :29 22 8 E:47 59 15
احداثيات البلوكات التي بها محلات الاقمشة الرجالية
N :29 22 26 E:47 58 44
اليكم باقة من الصور من داخل محل اجواخ ابو الحسن والذي اثنى عليه الاخوة في المنتدي فكان وجهتي
بعض المحلات التي ذكرت في المنتدي الابتكار وكاكولي
الاقمشة التي اشتريتها
المشاركة الأصلية كتبت بواسطة fab u lus
http://www.arabtravelersforum.com/tr...0/#post3670920
ملبوس العافية اخوي الاماراتي.........يعطيك العافية ذكرتني بالبلوكات يبيلها روحة حق خامات الصيف
الله يعافيج اختي الغالية واكيد البلوكات تستاهل العنوة حتى الحريم توجد لهم محلات تبيع اقمشة نسائية.
المشاركة الأصلية كتبت بواسطة مبارك ((بوفهد))
http://www.arabtravelersforum.com/tr...3/#post3673743
عليك بالعافية وسبقناك مرينا البلوكات
متابع معاك للآخر
مرحبا اخوي مبارك الله يعافيك واشكر متابعتك لي يالغالي.
المشاركة الأصلية كتبت بواسطة fab u lus
http://www.arabtravelersforum.com/tr...6/#post3688316
الحمد لله فتحت الصور وفلافل نادية اخيرا طلبتها واااو عجيبة .........بس مرة ثانية جرب فلافل بالجرجير من نوارة الاصلي بعد وايد لذيذة وارخص بالسعر طبعا تلاقي نوارة بالسالمية بشارع مركز سلطان عند مركز مريم وعليك بالعافية مقدما
مرحبا اختي fab u lus الحمدلله ان فلافل ناديا
اعجبتج وراح اجرب فلافل نوارة الاصلي عندما ازور
الكويت الحبيبة رغم اني ماحب الجرجير بس راح اجرب يمكن يكون شي جديد بالنسبة لي واكون مدمن فلافل
بالجرجير .
المشاركة الأصلية كتبت بواسطة عبدالعزيز
http://www.arabtravelersforum.com/tr...1/#post3688521
اخي العزيز .... الاماراتي
استمتعنا معك في الرحلة الشتوية للديار الكويتية
دمت بكل ود
مرحبا بك اخوي عبد العزيز لاشك ان تقريري ازداد شرفا بمروركم الكريم متمنيا لك التوفيق والسعادة.
المشاركة الأصلية كتبت بواسطة أحلى كيميائية
http://www.arabtravelersforum.com/tr...2/#post3689842
ماشاء الله
شهيتني وااايد على اكل ميس الغانم ..
يعطيك العافيه .. وما قصرت على التصوير الرائع والتقرير الراقي استمر .
مرحبا بأختي أحلى كيميائية ماقصرتي يالغالية والله يعافيج واعذريني على قلة صور ميس الغانم بسبب الزحمة لذلك لم اجد فرصة مناسبة لالتقاط الصور ماعدا الصور التي التقطها بالموبايل.
تابعت التقرير صفحه صفحه
ماشاء الله عليك اخوي , اعطيتنا فكره حلوه جداً عن الأماكن
والله ان صدري ضاق وانا اشوف تغطيه ايام الحرب الله لا يعيدها من ايام
والله يجعل هالديره عامره دووم
تصدق عاد انا وصديقي لنا شهر واحنا نقول نروح ما نروح
والسبب ان المسافه بين الرياض و الكويت تقريباً 600 كيلو وانت ماشاء الله تبارك الله
قطعت 1200 كيلو تقريباً لكن ان شاء الله بعطيه التقرير
عشان يتحمس ويعرف ان الـ 600 كيلو شويه مو كثير
ربي يبارك فيك ويعطيك العافيه يالاماراتي العزيز على هالتقرير الحلو
شكراً لك
المشاركة الأصلية كتبت بواسطة ;3692845
السلام عليكم اماراتي اهلا فيك بديرتك الثانية الكويت هذا الشارع في منطقة حولي اعتقد شارع بيروت
اماراتي عندي سؤال يوم شفت الكويت ماقلت شالديرة الي كلها مطاعم واكل هههههههههههههه
مرحبا بأخي navy_man وشكرا على المرور ماشاء الله الكويت بالفعل متروسة مطاعم بس على مستوى.
المشاركة الأصلية كتبت بواسطة ahmadanwar
http://www.arabtravelersforum.com/tr...9/#post3693949
ماشاءالله تبارك الله
يخزي العين
الله يجزاك خير
تسلم يالغالي على المرور وبارك الله فيك .
المشاركة الأصلية كتبت بواسطة GAR7
http://www.arabtravelersforum.com/tr...0/#post3694610
تابعت التقرير صفحه صفحه
ماشاء الله عليك اخوي , اعطيتنا فكره حلوه جداً عن الأماكن
والله ان صدري ضاق وانا اشوف تغطيه ايام الحرب الله لا يعيدها من ايام
والله يجعل هالديره عامره دووم
تصدق عاد انا وصديقي لنا شهر واحنا نقول نروح ما نروح
والسبب ان المسافه بين الرياض و الكويت تقريباً 600 كيلو وانت ماشاء الله تبارك الله
قطعت 1200 كيلو تقريباً لكن ان شاء الله بعطيه التقرير
عشان يتحمس ويعرف ان الـ 600 كيلو شويه مو كثير
ربي يبارك فيك ويعطيك العافيه يالاماراتي العزيز على هالتقرير الحلو
شكراً لك
اهلا وسهلا بك اخوي GAR7 وشكرا على متابعتك لي يالغالي وبصراحة تقريري
الخاص بشهداء القرين اثار ذكريات اليمة ولكن فرصة لتذكر الشهداء الذين سقوا ارض
الكويت الحبيبة بدمائهم وعلشان يعرفون الجميع ان اهل الخليج العربي مايرضون بالظلم
وبالإحتلال رغم اننا شعوب مرفهة بس وقت الشدائد تظهر عزائمنا وتضحياتنا وبالنسبة
للسفر بالسيارة فهي متعة مابعدها متعة فتوكل على الله انت وصاحبك واقولك من الان
طريق السلامة .
المشاركة الأصلية كتبت بواسطة fab u lus
http://www.arabtravelersforum.com/tr...4/#post3699274
يعطيك العافية ومشكور على الروائح الطيبة اللي عطرت فيها المنتدى ............والشارع ما عرفته .......واللي يقول ان الكويت فيها مطاعم وايد كل ديرة الحين فيها مطاعم وايد خل يربحون اهل المطاعم
اهلا وسهلا بأختي فابيلوس كل مرة ودي اسألج عن معنى اسمج واتردد وبصراحة افرح عندما اشوف ردج على الموضوع .
هلا يا اخوي الاماراتي والله اسمي اختارته لي بنتي الصغيرة ((عمرها 12 الحين)) كانت بطلة بفيلم اعجبها ....ومعناه من الروعة او رائع ....طبعا مو انا امها لازم تسميني اسم على مسمى ....وكان اختيارها لان اهي اللي خلتني اسجل بالمنتدى لاني ادخل واطمش قبل بدون ما اشارك فقالت لي ليش ما تشاركين انا اعلمك الصراحة يه اليوم اللي عيالنا يعلمونا هههههههه وبس .....والحين لازم اكتب تحت اي مشاركة جديدة اختك فابيولس لان بعض الاعضاء يحسبوني راجل وانا ست مو سبع ههههههههه
ابشركم اليوم السبت تغديت في الفرع الجديد لفرايديز بمنطقة المهبولة وهو فاتح مع مجموعة من المطاعم وهي ان ميس الغانم ((واخيرا راح يفتح فرع ثاني له وهي البشارة مالتي وعقبال فريج صويلح)) .....المطعم الثاني جاردن اعتقد مطعم ايراني فاخر ......ومطعم فيت بورغر((شاكة بالاسم)) فاخر اعتقد بمستوى جوني كورنيوز.....ومطعم فيش ماركت ....واخر واحد فرايديز بس الصراحة مكان جميل وراقي وقريب من البحر ....بس اللي يعيب المكان انه اذا فتحت جميع المطاعم ما راح تحصلون مواقف للسيارة لان اليوم تقريبا بس ثلاث مطاعم فاتحة وزحمة في المواقف...
المشاركة الأصلية كتبت بواسطة الفاضلي
http://www.arabtravelersforum.com/tr...2/#post3717122
الحمد لله على السلامه نورتونا
تقرير مميز
والله يعطيك العافيه
مرحبا اخوي الفاضلي الله يسلمك ونورت التقرير.
1-4/12/2009مرحبا بكم اهلي في بوابة سافر الكويت واجدد معكم اللقاء الذي لايمل كيف يمل وهو اللقاء الذي نتواصل به مع اخوانا لنا في الدين نستفيد ونفيد وهذا الجزء الاخير من رحلتي الشتوية البرية الى الديار الكويتية وهو اصعب الاجزاء التي طرحت وذلك بسبب مغادرة دولة الكويت الغالية علينا نحن الاماراتيين فبعد مغادرة دولة الكويت كان جدول رحلتنا الى مملكة البحرين ومدينة الخبر السعودية ودولة قطر ولكن تم الغاء رحلتنا الى مملكة البحرين بسبب ضيق الوقت والان اترككم مع الصور
دخلنا مدينة الخفجي للتزود بالبترول
الان نحن في محطة البترول
تبدو اطراف مدينة الخفجي من محطة البترول
وقفنا لشراء التكايات ولكن لم نرى الحجم المطلوب
شكل آخر للتكايات
تجبرك هذه المنتجات البدوية للوقوف
خيمة احد الاخوة السوريين الذي يبيع هذه البضائع الجميلة
محطة سلوى على يساري وانا خارج من دولة قطر الى الإمـــــــــــارات
بعد الخروج من محطة سلوى بعد شراء بعض المرطبات
تشوية واضح من العابثين للوحات الارشادية
كانت الامطار رفيقتنا طوال الطريق قلت خلني اخط اسم الإمـــــــــــارات الحبيبة
التكايات كما تبدو من اعلى السيارة وبعد ان كشفت الامطار والهواء الغطاء الازرق
آخر صورة في تقريري المتواضع
المفضلات