الموضوع: ارجوا المساعده ضروري

[center][size="7"]السلام عليكم

اخباركم

مواضيع عشوائيه ممكن تكون تعجبك اخترناها لك:

• الي يعرف حق اجراءات فيزا السياحيه للكويت يساعدني بليز
• اخوانى ارجو الافاده
• استفسار عن موعد عيد الاضحى بالكويت
• رحلة للكويت في يومين
• زيارة تجارية
• أين أجد ملابس شركتي بوما وأديداس الرياضية بالكويت الحبيبة
• اليك افضل الطرق الى الكويت من الرياض
• ما الاسواق الجيده لشراء الملابس في كويت الخير
• أول زيارة لي لدولة الكويت الشقيقة وأبي خدمتكم جزاكم الله خير
• هالله هالله بالفزعة يأهل الكويت
• بغيت كوفى شوف لمشاهده الدورى الانجليزي
• فرحة الكويت والكويتيون
• تعالو نتمشى بسوق المباركية وسلاح ؛
• البنيات بس يدخلون ؛
• دليل الفنادق والشقق والمنتجعات في الكويت
• بغيت مساعدتكم لا هنتوا
• مساعدة أهل الخبرة جوانزو هونج كونج مكاو
• جولة مسائية مصورة على الأقدام في أسواق الكويت القديمة
• تقرير مصور فندق ميسوني الكويت
• البلدية وافقت على مشروع تطوير الجزيرة الخضراء

مكان مجمع 360 ؟؟؟

حياكم الله في بلدكم ،،

بالنسبة للمسرحيات والله ماعندي خبر ،، لكن بالنسبة لتذاكر المسرحيات فهي مختلفة حسب مكان الجلوس في ب 5 دنانير و ب 7 و في ب 10 دنانير .. وبالنسبة لأماكن عرض المسرحيات فعندنا اكثر من مسرح في بحولي وفي بأرض المعارض .. على حسب مكان عرضها .. ان شاء الله الاخوان يفيدونك


بالنسبة للمجمعات الكبيرة بالكويت ( حسب الحجم ) :
1- الافنيوز ( مكانة على الدائري الخامس ويبعد عن السالمية تقريبا 25 دقيقة ويعد من اكبر مجمعات الشرق الاوسط وليس الكويت فقط وفية قسم ترفيهي للاطفال ومطاعم لها اول ومالها تالي )
2- سليل الجهراء ( مكانة بالجهرا ويبعد تقريبا 45 دقيقة عن السالمية )
3- مجمع 360 درجة ( مكانة على الدائري السادس ويبعد تقريبا 25 دقيقة عن السالمية وهو حديث جدا ماصارلة سنة منذ افتتاحة )

وفي عندك مولات ثانية مثل :
- سوق شرق في منطقة شرق وعلى البحر وايضا على شارع الخليج العربي وفية مرسفن تقدر تحجز لك قارب للاهل والعيال وتروحون في رحلة بحرية ممتعه ..
- المارينا مول على شارع الخليج العربي وفي منطقة السالمية وفيه قهاوي ومطاعم مميزة على البحر ..
- مجمع المهلب في منطقة حولي يبعد تقريبا 15 دقيقة من السالمية والمجمع على شكل سفينة تايتنك ..!


بالنسبة للأماكن الترفيهيه للأطفال فهي كالتالي :
- المدينة الترفيهيه ( في منطقة الدوحة وتبعد تقريبا 50 دقيقة عن السالمية وهي اكبر مدينة العاب للكبار والصغار في الشرق الاوسط و من الاكبر على مستوى اسيا وفيها وفهيا ايضا مطاعم عديدة )
- ديسكفري ( مدينة حديثة للاطفال وعلى شكل مجمع وفيها مطاعم بداخلها )
- حديقة الشعب ( مكانها بالسالمية على شارع الخليج العربي وكبيرة لكن مو اكبر من المدينة الترفيهيه وفيها العاب للكبار والصغار )


الفرق بين الترفيهيه وحديقة الشعب : ان الترفيهيه اكبر منها والترفيهيه لها رسوم 3 دنانير ونص او اقل للشخص بس هالرسوم تخول الشخص للعب اغلب الالعاب مجانا .. اما حديقة الشعب فدخلتها بنص دينار او بدينار للشخص ولازم بكل لعبة تدفع رسوم اللعبة ..



سامحنا على القصور ،، وحياكم الله

هذا برنامج حلو اذا تبية ( حسب رايي الشخصي وقد راعيت فيه تقارب الاماكن وقرب المواقع المذكورة من مكان اقامتك بالسالمية ) :

اليوم الاول : سوق شرق ( نهارا ) - الغداء في مطعم ميس الغانم - الذهاب لمدينة الالعاب ديسكفري والعشاء فيها ( داخلها مطاعم )

اليوم الثاني : المارينا مول ( نهارا ) التسوق والغداء في المجمع ( او في مطعم فريج صويلح ( مطعم شعبي شغل عدل للمجابيس وهالامور وقريب جدا من المارينا ) ) - المركز العلمي - العشاء في ابراج الكويت

اليوم الثالث : صباحاً في سوق المباركية والغداء في المطاعم الشعبية هناك أو الذهاب لمجمع المهلب ومشاهده فلم سينمائي والغداء في مطعم قيصر ويقع بجانب المهلب وداخل حولي بارك - مساءا المدينة الترفيهيه والعشاء فيها ( ترى المدينة كبيرة جدا )

اليوم الرابع : تأجير قارب مع سائق من امام سوق شرق والذهاب في رحلة بحرية والغداء في مطعم بورت بجانب سوق شرق - في المساء التسوق في مجمع الافنيوز والعشاء فية


مادري كم تبي تقعد يوم اخوي .. اذا تبي ازيد لك ايام على الجدول ولا كافي ؟

اخوي قلبي اخضر مشكور وماقصرت

انا باقعد من السبت - الخميس

عندي سوال يقولون ان التذاكر حقت السينما في الجمعيه ارخص من دور العرض هل الكلام صحيح؟؟ وهل هو للكويتين فقط ؟؟؟؟

والسالميه هي حي من احياء الكويت او مدينه ؟؟؟

وسوق المباركيه وين مكانه ؟؟ وهل فيه تقليد الماركات ؟؟ وبالنسبه للاسعار رخيص او غالي؟؟


ومشكور مره اخرى

[QUOTE=almdmar;3602337]اخوي قلبي اخضر مشكور وماقصرت

انا باقعد من السبت - الخميس

اسفه بس برد عن اخوي قلبي اخضر وان شاء الله اهو يضيف لك بعد اماكن اكثر

عندي سوال يقولون ان التذاكر حقت السينما في الجمعيه ارخص من دور العرض هل الكلام صحيح؟؟ وهل هو للكويتين فقط ؟؟؟؟

السينما تذاكرهم بس تنباع في السينما ويوم الاثنين تكون التذاكر kd 1,500 وباجي الايام 3 kd ، اللي في الجمعيه تذاكر المدينه الترفيهيه واتوقع طفل المستقبل والاكوا بارك .


والسالميه هي حي من احياء الكويت او مدينه ؟؟؟

منطقه من مناطق الكويت


وسوق المباركيه وين مكانه ؟؟ وهل فيه تقليد الماركات ؟؟ وبالنسبه للاسعار رخيص او غالي؟؟

سوق المباركيه في مدينه الكويت يعني داخل الكويت وفيه تقليد والاسعار رخيصه والفراونيه فيها واايد تقليد والسالميه بعد.



ومشكور مره اخرى

وحياكم الله في الكويت

سوال الاكوا بارك وين مكانه ؟؟

المشاركة الأصلية كتبت بواسطة almdmar
http://www.arabtravelersforum.com/tr...7/#post3602586

سوال الاكوا بارك وين مكانه ؟؟



يم الابراج على الخليج العربي ، بس الحين مسكرينها

ماتقدر تشتريهم من الجمعية لان للمساهمين فقط ..

ومشكورة منطقة بدعتي بالردود .