الموضوع: استفسارات بخصوص قضاء شهر عسل في امريكا

السلام عليكم ورحمه الله وبركاته

كيف حالكم يا اجماعه الخير عساكم بخير وصحه .. الصراحه انا من زمان اتابع مواضيع المنتدي واشوف مدي تجاوب الأعضاء مع المواضيع وهذا ماشدني اني اسجل فيه .. وخصوصا اني مقبل على سفر واريد من الاخوان مساعدتي ..

انا مخطط ان شاء الله اني اقضي شهر العسل في امريكا في الصيف ولكن هناك بعض الاستفسارات ابي اسأل عنها قبل ما احط البرنامج الي انا مسويه وتعلقون عليه .. خصوصآ ان المنتدي ماشاء الله فيه ناس شكلهم عندهم مكاتب سياحيه ههههههههه :109: ..

الأستفسار الاول .. انا لغتي الانجلش امشي حالي فيها بس مو مره يعني .. يعني امشي حالي وزوجتي لغتها ممتازه هل هذا بيسبب لي مشكله هناك بالتعامل خصوصا مثلا بالمطارات ..

الأستفسار الثاني .. انا انسان ملتزم ومربي لحيتي هل اللحيه راح تسبب لي مشاكل سواء هناك في المعامله او هنا وقت استخراج الفيزا ..


اتمني من الاخوان الاجابه على استفساراتي ..عشان بعدها اطرح لكم البرنامج الي انا مسويه للرحله ونشوف تعليقاتكم ..

وتحياتي ..

اخوكم ابن الرفاع

مواضيع عشوائيه ممكن تكون تعجبك اخترناها لك:

• ابي مدينة
• بوسطن كم يوم يكفيها واسعار الفنادق؟
• صدور التاشيرة بيوم واحد ولكن
• ماحدث لي يوم المقابله
• الطيران الداخلي
• الفيزا ؟
• بخصوص ميامي ومواقف السيارات
• قدمت على الفيزا ، اعتقد سوف يرفضون طلبي
• تكفوووون عاجل وضروري
• مساعدة لو تكرمتو بخصوص طيران اليونايتد
• معلومات عن ولاية نيوجيرزي ياشباب
• اجمل اسواق لوس انجلس مرفق رابط كل مجمع لمعرفه المحلات والمطاعم والسينما والموقع
• انا لست من احدى الدول هذه إقامة أو جنسية
• ممكن معلومات عن مدينة في ولاية
• اورلاندو بنوفمبر
• تنزيلات و تخفيضات امريكا و خصوصاً شيكاغو
• الحقونيييييييي حدددت الموعد ومش عارف اعمل ايه
• استفسـار عن افضـل الولايات في الطبيعة
• منتجعات بـ سان دييقو
• فندق الدولفين في دزني لاند

مدام انت تمشي الحال في اللغة وزوجتك ممتازة فيها بيمشي الحال ان شاء الله ..

بالنسبة لللحية ما لها دخل في المقابلة .. اهم شي ان شكلك يكون مرتب فقط !!

بالتوفيق .. وزواج سعيد ان شاء الله

مشكور اخوي ماقصرت على ردك .. وان شاء الله نتوفق في استخراج الفيزا بدون مشاكل .. وموضوعي الجاي بكتب فيه البرنامج الي انا مسويه للرحله ونشوف تعليقات الأعضاء عليه .. تحياتي

هلا والله اخوي ابن الرفاع ..

انا مثلك مخطط اني اروح لامريكا .. وراح تجوف موضوعي في توقيعي عن استخراج الفيزا ..

نصيحة مني علشان مايأخرونك او انه تقدم متأخر وتندم ..
قدم للفيزا قبل السفر بفترة علشان لو أخروك ماثل ما اخروني انا يعطيك فرصه انه تغير ..
بس ترى في معظم الاحيان مايتأخرون وانا اعرف ناس كثير حصلوها في اقل من اسبوع من السفارة الامريكية في البحرين ..

ونصيحة ثانية اذا كان عندك جوازك القديم .. اخذه معاك .. وان شاءالله الله يسهل امورك يا رب ..
واي استفسار انا حاضر ترى انا مسوي لي مخطط من فترة طويلة وقعدت ابحث وايد والحمدلله مسوي لي مخطط حلو لو خاطرك افيدك حاضرين ..

الله يوفقك يارب ..

تحياتي
طلال البحرين

هلا والله اخوي طلال .. يالله حيا ..

انا الصراحه قريت موضوعك بالكامل بخصوص استخراج الفيزا وخفت قلت الله يعين لاني بعد كم يوم ببتدي بملئ الاستماره واحضر نفسي للمقابله .. بس ياخي كنت خايف من موضوع اللحيه انهم يشوفوني ملتحي ويعطلون استخراج الفيزا او مايعطوني اياها .. المهم انا كان ودي ارسل لك رساله خاصه استفسر فيها عن امور السفره بس المنتده ماعنده خاصيه الرسائل الخاصه .. اذا عندك ايميل ولا تهون ابي اضيفك عشان اجهز حالي للسفاره واكون رايح ونا عارف كل شي .. وبعد استخراج الفيزا بكتب موضوع البرنامج الي انا مخطط عليه في السفر ونستفيد منك ومن الأعضاء

تحياتي
اخوك ولد الرفاع

هلا والله اخوي ابن الرفاع .. الله حيهم ..

ياخوي لاتخاف قو قلبك وصل لك ركعتين استخارة ..
اذا كان فيها خير ان شاءالله بتجي غصبا عن اللي يرضى واللي مايرضى ..
واذا الله ماراد فخير من رب العالمين .. نصيحتي لك انك تقدم على الفيزا .. وتتوكل على الله ..
وعليك بالانتظار .. وان شاءالله يمكن حظك احسن مني تطلع لك اسرع ..
اهم شي تقدم قبل بفتره .. انا مقدم قبل ب 6 شهور من سفري الى امريكا ..
المشكلة من قوانين المنتدى مايصير اعرض معلوماتي الشخصية .. راح اجوف مشرفنا Impact شنو يقدر يسوي لنا حل علشان نتواصل بالايميل ... واي شي انا حاضر وان شاءالله بفيدك من خلال بحثي العميق لولايتي فلوريدا ونيويورك .. يعطيك الف عافية ..

تحياتي
طلال البحرين

تسلم اخوي طلال وان شاء الله يساعدنا المشرف في الحصول على ايميلك عشان اضيفك واستفيد منك ..

اخوي ابن الرفاع
اعتقد مشرفنا ماقصر ارسل لك ايميلي ..
ان بس ماعليك كلافة تفتح ايميلك وتطرش لي منه ايميل علشان اتأكد انه انت يكون افضل ..
وتقبل تحياتي ..