الموضوع: ابي مكان بالرياض فية ناس يتكلمون الانجليزي

السلام عليكم


يا شباب من يعرف مكان بالرياض فية ناس يتجمعون ويتكلمون فيه انجليزي عشان
اتكلم معهم الانجلش وامارس اللغة ياريت احد يساعدني بهذا الموضوع واكون شاكر له

مواضيع عشوائيه ممكن تكون تعجبك اخترناها لك:

• سلسلة دروس في اللغة الأندونسية
• تعليم اللغات بكل سهوله فقط مرر الماوس
• لتتأكد من الاسبيلينق ولتصحح اي كلمة تفضل طريقة لاتحتاج الا برامج او تعـب
• لماذا سمى المسجد بالانجليزية ؟
• أقوال عربية فرنسية
• اين اجد كلمات او قصص او محادثات بالانجليزي لسماعها بالسياره
• من يعرف الــ
• الحقو رايع ماأعرف شي
• اختبار التوفل
• اريد مساعدة با نجليزي
• مبروك
• عسكري تكفى تدخل
• عندي استفسار عن الدايركت انجلش
• برنامج عربي ناطق لتعليم الفرنسية للمبتدئين والمسافرين
• أفضل طريقة لزيادة مهاراتك في اللغة الإنجليزيةبهذه الخدمة المميزة
• هدية ستظل معك الى آخر عمرك
• الدليل المصور الموجز لفهم الإسلام صفة الوضوء والصلاة مصورة فرنسى
• تجربتي في معهد
• طلاب المستوى الرابع دفتر التحضير
• استفسار عن دراسة اللغة الانجليزية في كينيا

وين العالم

\


اهلا فيك اخي القبطان

والله اتمنى لو كنت املك اجابة لسؤالك

لكن باذن الله الاخوة لن يقصروا معك



ياهلا فيك

في أشخاص يجلسون معك بالساعة في كفي أو بيتك أوغيره ,,

وسعر الساعة يبدأ بـــ 100 ريال للساعة

ودي أعرف أكثر بس للأسف محولي غيرها ,,,


وبالتوفيق لك ,,,,


بس أنصحك لاتفكر مجرد تفكر إنك تطلع من الديرة عشان تتكلم مع أجانب لأن لو رحت لأي ديرة بريطانيا إمريكا نيوزلندا استراليا ,,, أو غيرهم ,,, صدقني لو رفعت حصاة أو شت قوطي في الأرض طلع لك سعـــــــــــودي وقالك ديي

بس أنصحك لاتفكر مجرد تفكر إنك تطلع من الديرة عشان تتكلم مع أجانب لأن لو رحت لأي ديرة بريطانيا إمريكا نيوزلندا استراليا ,,, أو غيرهم ,,, صدقني لو رفعت حصاة أو شت قوطي في الأرض طلع لك سعـــــــــــودي وقالك ديي



^^

هههههههههههههههههههه فعلاً كلامك صحيح .. لكن مهوب معناه ان الواحد ما يطلع .. تقدر تطلع وتطنننش ام السعوديين وما تكلّمهم .. او تشرط انهم ما يتكلّمون معك عربي .. انا حالياً في كندا .. وساكن معي سعودي .. وقبل ما يسكن معي قلت له البيت بيتك وحيّاك .. لكن كلمة وحدة بالعربي ما ابي اسمع .. :d

بالنسبة لإستفسارك اخوي .. والله المشكلة عندنا في السعودية .. ان لقيت مكان فيه احد يتكلم انجليزي .. غالباً بتلقاه من شرق آسيا .. يا فلبيني او هندي او غيرهم .. يعني ما تلقى احد لغته الأم انجليزي ..

فلذلك .. ما يحضرني صراحة مكان تقدر تروح له خصيصاً عشان تتكلم انجليزي ..

اتمنى فيه احد ممكن يفيدك ..

طيب الله يعطيكم العافية لكل اللي ردو


بس بصراحة احسها فكره تجارية ليه ا نسوي كذا مكان ونجيب فيه ناس يتكلمون انجلش
ونحط فيه كفي وكل شيء وترفيه وكل شيء فيه انجلش يعني كنك طالع براا

من يقط ؟؟

اخوي قبطان 1.............صراحة عجبتني فكرتك التجارية هذه ،،،و تكفى حللني وابحني اذا سويتها انا .

وبالتوفيق أخوي

رح لمطعم ستيك هاوس اللي على الدائري الشمالي خذ ام العيال وتعشوا هناك وسولف مع هالعماله لانهم مايتكلمون الا بالانجليزي فقط
خل ام العيال تتعشى وانت امسك لك عامل لمدة ربع ساعه وسولف معه هههههههه

الرياض منتب لاقي مكان غير المطاعم

تحياتي

اشترك بنادي رياضي يكون اغلب المشتركين فيه غير عرب ويتكلمون انجليزي

وخلك على تواصل معهم

وصدقني كثيرين يبي ينبسطون

بالتوفيق لك

قبطان ادخل في موقع ...

chat baby وتلقى الامم هناك تتحدث الإنجليزية ... أنا خرجت منه بالتعرف على مكسيكي يعلمني الأسبانية وأعلمه

العربية.

:d

البطحـــــــــاء ، ،

.
.

تعرف على انجليزي في سكايب وتكلم معــــه ، ،

والله يوفقـــــــــــــــــنا ويوفقك ،،

.
.

امممممم !!

قبطان طلبك غريب شوي:wink:

ولكن إذا لهذي الدرجه تبي تكون مُحاط بالأنقليزي .. (ابسط حل - الله يعافيك شغل الرادو على اقرب محطة اخبار اجنبيه طول منت راكب السياره) بهالطريقه اذنك تكون جداً معتاده على الكلمات الغريبه والمآلوفه عندك..
ومع الوقت متى مااستدعت الحاجه لأن تتكلم او انك تقرا .. الا كل الامور واضحه لك:smile:

..

لكن "عني" انا بصراحه املّ من الاذاعه!
واشوف القراءه امتع.

..

كل التوفيق لمن مرّ هنا .. وقوفاً عند طلبك الغريب .

بس بصراحة احسها فكره تجارية ليه ا نسوي كذا مكان ونجيب فيه ناس يتكلمون انجلش
ونحط فيه كفي وكل شيء وترفيه وكل شيء فيه انجلش يعني كنك طالع براا



^^
والله يا الغالي .. على حلاوة الفكرة .. الا اني اتوقّع ان تنفيذها كمشروع تجاري ما راح ينجح .. لأني ما اعتقد فيه كثيرين راح يكون عندهم نفس هالطلب او هالحاجة .. وغير كذا من وين تبي تجيب ناس يتكلمون إنجليزي كلغة أم؟ :d وان لقيت كم بيكلفك انك تجيبهم .. وهل المردود مجزي ولا لا؟
مهوب معناه اني ضد فكرتك ابد .. لا والله لكن فكرت فيها بمنطقية وواقعية وهذا اللي طلع معي ..

تعال عندنا في العمل 95 % من الموظفين يتحدثون الانجليزية بطلاقه تعال سولف معهم وببلاش بدون ماتدفع اي شي من الصباح للساعة 2.30 ظهرا

اشترك بنادي رياضي يكون اغلب المشتركين فيه غير عرب ويتكلمون انجليزي



من يقولة انا في بودي ماستر الذهبي وكلة سعودييين واشوام


بالنسبة لتعلم اللغة يارجال اطلع برا هل الديرة وبتتعلم كل شئ وامورك بتكون مضبوطة بس انت اطلع من هل المجتمع

المشاركة الأصلية كتبت بواسطة ThE PrOGraMmEr
http://www.arabtravelersforum.com/tr...4/#post2784034


^^
والله يا الغالي .. على حلاوة الفكرة .. الا اني اتوقّع ان تنفيذها كمشروع تجاري ما راح ينجح .. لأني ما اعتقد فيه كثيرين راح يكون عندهم نفس هالطلب او هالحاجة .. وغير كذا من وين تبي تجيب ناس يتكلمون إنجليزي كلغة أم؟ وان لقيت كم بيكلفك انك تجيبهم .. وهل المردود مجزي ولا لا؟
مهوب معناه اني ضد فكرتك ابد .. لا والله لكن فكرت فيها بمنطقية وواقعية وهذا اللي طلع معي ..



فكر بنادي رياضي

وتسوي عروض للمشتركين الذين يجيدون اللغة الانجليزية أو حتى اشتراك ببلاش (يعني فلبيني يعرف انجليزي هندي يعرف انجليزي أو أوروبيين وأمريكان )
ويكون المجال مفتوح للاحتكاك بين الأعضاء واكتساب مهارة اللغة

يعني شخص مثلاً: مهندس فلبيني يبي يشترك بالنادي تعطيه اشتراك سنة بسعر رمزي بس بشرط أنه يتقبل الحوار مع باقي الأعضاء ويكون باللغة الانجليزية .

يعني كأنك ببيئة عمل وتتكلمون انجليزي

وثنكيو