السلام عليكم ورحمه الله وبركاته
اخواني الاعضاء الكرام للذين لديهم نيه للسفر الي روشستر مينيسوتا
روشستر مدينه هاديه وجميله وناسها طيبين والاخوان السودانيين العرب الموجودين فيها طيبين وومحترمين
الحمدالله امور المدينه طيبه وسهله وكل شي بسيط فيها يعني بالعامي محد يحاتي ويفكر اموره سهله بأذن الله .
بالنسبه للسكن اخواني الكرام انا افضل عن طريق النت افضل شي بالنسبه للحجز حتى ممكن تحصل عروض فيها معظم الفنادق والشقق الي في روشستر عندها مواقع للنت وفيها تفاصيل الغرف وانواع الغرف وحتى السعر اذا كانت مدتك طويله ممكن تحجز فيها وتتفاوض معاهم على السعر ولازم تعرف انه المدة الطويلة لها شروط معينه ولازم تسأل عنها ومعظم الفنادق والشقق عندهم ايملات لقسم الحجز هذه غير عن الحجز الي على الموقع يخدم الحجوزات الخاصه.بالنسبه للسيارات ممكن اتأجر عن طريق المكاتب الدوليه المعروفه او عن طريق مكاتب الاخوه العرب بس لازم تسأل عن التأمين ويكون شامل للجميع ولا تنسى اسعار الايجار تختلف بس لازم تستفسر اكثر
وافضل طريقه الي دخول مواقع فنادق روشستر
1:ادخل الجوجل2:اكتب روشستر3:اختر الموقع الرسمي لروشستر 4:اختار خانه الزوار(Vistor
وبعدين السكن(Acomadatiom
بالنسبه للاحتياجات واغراض البيت ف وول مارت افضل سعر بكل شي
هذه المعلومه خاصه للعائلات التي لديها اطفال للعلاج
يسمح للذين لديم اطفال للعلاج في مايو ان يقيمو في ماكدونالد هاوس بسعر رمزي والمكان نظيف عائلي اداره راقيه بس اتمر عليهم وتطلب منهم وبعدين يرسلونك الي المستشفى قسم الخدمات الاجتماعيه لتعبئة ومقابله احد الادارين لتعبئه الطلب وبعدين تتوكل واذا فيه مكان بيتصلون فيك وعلى فكره هذه الشي بتسويه كله في اقل من 45 دقيقه
ونتمنى التوفيق للجميع
اخوكم الخطافمواضيع عشوائيه ممكن تكون تعجبك اخترناها لك:
- ارجو المساعده من رواد امريكا
- سياتل ولا بوسطن
- رايح امريكا وزجتي بتولد هناك
- ما هي افضل البطاقات للمكالمات الى المملكة
- يا آهل الخبرة بغيت شوركم في رحلتي لبلاد العم سام
- احتاج مساعده عن ريفرسايد كلفورنيا
- رمضان في امريكا
- رحلتنا الى لاس فيقاس في ليلة راس السنه
- رحلة علاج للوالدة وأريد معلومات عن كليفلاند
- اخواني ممكن استفسار ضروري جداً ؟
- خبراء لوس انجلس وافضل شقق فندقيه
- تنبيه بخصوص فيديكس وجميع من ينتظر جوازة من السفارة الامريكية
- مساعده ضروريه
- سؤال فني؟ كم مدة الفترة ما بين اصدار الفيزا والسفر الي أمريكا
- لمن يريد السفر الى امريكا يتفضل هنا
- يا بنت الصقور النشميه وباقي النشامى اللي عندهم خبره وحده طالبه عونكم
- سااااعدوني بلييييز
- انقذوني يا أهل الخبرة بـ سياتل
- استفسار لظروف خاصة لاستخراج الفيزا
- أمريكا يوم معي سيارة و ما عندي أي خطة
المفضلات