الموضوع: بزوركم الخميس ابي جدولة رحلة

السلام عليكم ورحمة الله وبركاته

انا زايركم يوم الخميس القادم يعني بعد اسبوع

ومعاي اثنين شباب يعني زيارة شبابية

نبغى أفضل الأماكن الخاصة بالشباب والأسواق

والأماكن التراثية والحضارية والتطويرية

نبي جدول سياحي نبسط فيه بالرحلة يوم واحد فقط

من الساعة العاشرة صباحاً وحتى الساعة العاشرة ليلاً

يعني اللي ابغاه ملف تعريف عن افضل الأماكن التي يمكن زيارتها


وتقبلوا تحياتي

مواضيع عشوائيه ممكن تكون تعجبك اخترناها لك:

• ضروري جدا جدا جدا
• استفسار للأهل الكويت
• الي مطول باله وبيستحمل اسألتي يدخل
• الشويخ
• عندي استفسار لو سمحتم ؟
• الطيران الأقتصادي على الكويت عندك معلومه نورنا فيها
• المطاعم في الكـــويت
• الإرشاد إلى أهم الأماكن،،، الفزعة يأهل الكويت
• ممكن وصف بسيط وسهل لفندق الهوليدي إن بالسالمية
• الخطوط الجويه الكويتيه وجبات جديده و وجهات جديده
• اخواني كيف الوصول الى بر الجليعه بسرعه
• وين اماكن التمشية فالكويت
• عبدالسلام البحر «الخطوط الوطنية» قادرة على مواجهة التداعيات السلبية للأزمة المالية
• تشغيل اولى الرحلات الجويه من مبنى الشيخ سعد العبدالله
• اخواني الكويتيين ارجو المساعده العاجله
• ▐♥▌حبيتـ أياآآميـ بيكـ ▐♥▌
• هل من عروض خلال الأسبوع القادم في أسعار الشقق أو الفنادق
• جولة مصورة لمطاعم شارع الخليج العربي الكورنيش
• الريال السعودي في الكويت جولة بالطائرة في سماء الكويت شقق مفروشة بأسعار معقولة
• أمنيه أتمنى تحقيقها

سؤالك صعب يخوي علي انا مب عليك

حياك الله انت وربعك....وقتك صراحة حده محدود....عندك سوق المباركية"أقدم سوق"كل شي يحتويه وتلقى المقاهي صوب سوق الخضار/سوق شرق "اعتقد يكفيك لوقتك"

حاك انت و الي معاك
لو تشوف في توقيعي ( رحلتي الي الكويت) شغلات واجد حلو تصاح للسياحة
و الفندق و الاماكن السياحية

:


مرحبا مليوون

اخوي اذ زيارتك يوم واحد فقط .

زيارة سوق المباركية في الصباح وتناول وجبة الافطار فيها,

وجبة الغدى انصحك في مطعم ميس الغانم على شارع الخليج ,

ووجبة العشاء في مجمعات تجارية مثل [ المارينا أو الافينيوز ] بما ان يوم الخميس عطله

وبليل تكون زحمة [ وحشرا مع الناس يوم عيد ],


اتمنى لك رحلة سعيدة. واي استفسار او طلب حاضر ولايهمك.

عادتكم الطيب والنخوة والشهامة والكرم
الله محيي اصلكم يالطيبين
اشكركم على تواصلكم وعلى المعلومات
لكن اللي ابيه اعرف عنه سوق المباركية
وش طبيعة نشاطه وهل هو شعبي والا عادي
والمطاعم اللي فيه كيفها كويسة والا يعني
وهل الأسواق تكون فاتحة على مدار الساعة؟

وبالنسبة للأبراج ما هي طريقة دخولها واسعارها وهل تستاهل الزيارة والا لا

ونسيت لا أسئلكم هل العملة السعودية تمشي بالكويت والا لازم تحويل عملة

هلا اخوى بديرتك الثانيه


من الاماكن ايللى تتميز فيه الكويت

المركز العلمى - اسواق المباركيه تراثيه واسعارها مناسبه - مول الافنيوز -اسواق الفحيحيل

منها (الكوت مول - المنشر مول - اسواق بازار بالفحيحيل رخيصه ومتنوعه )

المطاعم ممكن تزورون فريج صويلح شعبى كويتى -ومطاعم حولى ايللى مقابل المهلب مول تشتهر

باجود انواع السندويتشات منها الحلوم من منتخب العصير وشورما من مطعم شورما ((ب600فلس تقريبا ))

تقدم بخبز الصاج ,وانواع الفاير والسندويتشات من مطاعم البطريق وايد لديد انصحك فيه

وبالنسبه للمولات عندنا الكثيررررررر منها احدثها 360 وبالنسبه للريال ما يتعامل فيه بالكويت يتعامل

بالدينار الكويتى واحسن صرف من ديرتك يكون افضل

وموفق

الوقت قصير بس مانعرف شنو حاب يكون جدولك تسوق تمشي مطاعم؟؟
اول شي بعطيك موقع السينما الكويتيه وشوف الافلام ومواعيدها وطبعا ماتقدر تحجز عن طريق الموقع لان لازم يكون عند بطاقه للسينما بس حبيت اساعدك تتفرج علي الافلام ااالمعروضه ومواقع السينما والاوقات اللي تناسبك ومنها تقدر تروح تحجز بنفس اليوم والوقت اللي يناسبكم


http://webserver2.kncc.com/index.php
ثانيا في نقطه مهم بالنسبه لقانون المرور عندنا طبعا السرعه بالكويت طبعا في كامرات تصوير ولازم تنتبه لشي هذا وتجاوز ال120 فيها غرامه ماليه مايعادل 600 ريال سعودي
واستخدام اجوال اثناء القياده ممنوع وتجيك المخلافات غير مباشره يعني انتبه

بالنسبه للعمله افضل تصرف كويتي وسواء تصرف بالكويت او السعوديه نفس سعر الصرف
مع العلم اغلب المحلات تتوفر فيها خدمه الكي نت
وبالنسبه لشريحه الجوال تقدر تشتري خطوط اعاده شحن من 3 شركات قيمتها بسيطه يمكن ماتكلف100 ريال للخط مع التعبئه اذا تحتاج من اي مكان مكتب جوالات
المولات والمجمعات بالكويت تقريبا الكل يفتح من الساعه 10 صباحا الي الساعه 10 مساء متواصل
بالنسبه لوقتك انصحك الصباح يكون تسوق عندك المباركيه مكان شعبي واسعاره معقوله ويوجد فيه مطاعم مفتوحه تقدم المشوايات والمشروبات الساخنه والشيشه اذا انتم مدخنين المباركيه يضم جميع انواع البضائع الشعبيه ومحلات عطور كثيره
سوق شرق سوق علي البحر ويضم اسواق عالميه منتشره بكل مكان بالعالم مثل دبنهامز والدوا وزارا وفيه سوبر ماركت كبير اسمه مركز سلطان وفي محلات ملابس رياضيه ومحلات تلفونات واسعاره معقوله

المركز العلمي
هذا موقعه http://www.tsck.org.kw/ar/index.asp
وتقدر تتفرج وهناك تقدر تستفسر اكثر وانصحك تروح له الظهر ومكانه بالسالميه
ابراج الكويت وهذا موقعهم وانصحك تروح قبل مغيب الشمس عشان تشوف الكويت قبل القروب وبعدها احلي وقت

http://www.kuwaittowers.com/

وبعدها حديقه الشعب العابها جدا مثيره وممتعه وانصح فيها بقوه وهذا موقعهم لمعلومات اكثر http://www.shaabpark.com/
وتقريبا كل هالاماكن قريبه من بعض وتقع علي البحر
واتمني لك زياره موفقه

ابو ليان ....تسأل عن سوق المباركية "أنا أقولك شوفه بعينك أحسن ومنها تاخذ فكرة"وبالنسبة للعملة الأفضل تصرف من بلدك أرخص لك....أنصحك بالملات مثل المارينا/سوق شرق/الأفنيوز وقت الضحى أفضل لان زحمة المولات خاصة الخميس والجمعة تكون من بعد الظهر ....بامكانك تأجر مركب من سوق شرق عالساعة3وياخذك من سوق شرق لحد الابراج
"المشكلة انه وقتك محدود"

أشكركم جميعاً وما قصرتوا كلكم وبما انك سعودية اختي فارسة أكيد المواقع اللي نصحتينا فيها راح تكون ممتعة والاخوان اهل الكويت زودنا بما نقصنا من معلومات بارك الله فيكم جميعاً وأشكر كذلك ام البدر وكويت 305 وراحة واستجمام وكل اللي نصحوني واعطوني اهتمام بالموضوع ماني عارف كيف ارد عليكم لكن كل اللي اقوله انا بين اهلي بالكويت انا ما رحت لغربة أكيد ونحبكم ياكويت واكرر شكري

حياك الله اخوي بديرتك الثانيه
انا انصحك تروح الافنيوز كل شي فيه مطاعم وتسوق وسينمات وكافيهات
وطبعا سوق الديره ( المباركيه ) حيل شعبي ورخيص يبيلك طله عليه
والابراج ما انصحك تروح المطعم لانه الله يزيد النعمه مو حلو روح القبه اللي فوق المطعم اخذلك طله على شكل الكويت من فوق وايد حلو المنظر و المارينا مول حلو بعد وطبعا الاكواريوم ( المتحف العلمي ) وايد حلو وسمعتت انه حاطين فيه اشياء يديده بعد
حياك الله وان شاء الله تستانس

بلسم فهد وبيت كويتي

ألف شكر اقسم بالله معلومات وافية ولا يهونون الاخوان اللي راددين فووق ومن جد حسيت اني راح استمتع وراح اجيب لكم صور من زيارتي ولكم تحياتي