الموضوع: ممكن مساعدة بخصوص المالديف

بسم الله الرحمن الرحيم
السلام عليكم ورحمة الله وبركاته..

اعضاء المنتدى الكرام.. اجازتي السنوية تبدأ في 25-4-2010 ولمدة اسبوعين..
وبصراحة بعد التقارير الي شفتها عن المالديف صرت أفكر أروح لها..
لكن ودي تساعدوني شوي .. إذا ممكن..

ميزانيتي من 20-25 الف لشخصين..
وكم يوم يكفي المالديف..؟ 12 يوم كثيرة ولا تمام..
وماهي احلى الجزر هناك..
وش افضل أروح لأكثر من جزيرة ولا جزيرة وحده تكفي..؟
وبالنسبة للحجوزات أفضل من النت أو مكاتب السياحة..؟
" ولو تقدرون تعطوني برنامج سياحي أكون شاكرة لكم ومقدر.."

وجزاكم الله خير على حسن تعاونكم..

مواضيع عشوائيه ممكن تكون تعجبك اخترناها لك:

• فنادق الكوروماثي في المالديف
• اختكم مناير تبيكم في كلمة رآآآس يالغالين
• مساعده عرسي ومسافر المالديف بليز
• الرجاء المساعدة في الأختيار
• ابي شوركم
• اليكم هذا الموقع الرائع عن المالديف
• لعشاق الجزروالروقان
• فندق تماسا في موروشيوس
• موريشس حلوه ولكن؟
• تقرير رحلتي إلى جزر المالديف فندق
• ضروووري لرواد المالديف
• اقتراحاتكم لو سمحتوا
• الجزر العذراء الأمريكية انها سحر الطبيعة
• استفسار عن جزيرة سانت لويس بالسنغال
• فهموني هذه الرموز
• مطلوب هنا
• من لديه خلفيه عن جزر المآلديف آرجو من القلب آن يفيدني
• ميزانيتي الف ريال ؟؟ اين تنصحوني
• وأخيرا، سوف نلقاك يا حسناء
• خطوط المالديف من لديه أية معلومات عنها ؟؟؟

اولا
االله يهنيك وان شاء الله تروح وترد بالسلامه
المالديف حلووه وجوها رائع
بس احس 12 يوم بجزيره وحده كثير الافضل انك تخليها على جزيرتين مع الجزيره الام الل هي العاصمه مالي فيها اماكن حلوه
ميزانتيك حلوه بس اسعار التبضع هناك غاليه حتى لو كانت اشياء حرفيه من صنع ايدينهم
ممممم شنو بعد
الجزيره اللى انا طلعت لها اهي بارووس صغيره وتكفي تلفها بنص ساعه وهي اكثر جزيره يمكن انك تريح فيها اعصابك
لانها بعيده عن الدوشه والسهر والصخب
جزيره صن ايلاند رررائعه مريحه وتكفيك فيها من 5 ايام الا 7 ايام ممتعه بجد
الحجوازات ياليت اقدر افيدك
بس دايما ينصحون بالحجز عن طريق النت اوفرواريح
رحله سعيده بأذن الله
دعواتك لنا

مخاوية القايلة..
جزاك الله خير.. مشكورة وماقصرتي..

صباح الخير
أول شي عدد الأيام كثير .. كفاية أسبوع أو 8 أيام فقط
الفنادق أنا جربتها هي ... فندق كورومبا.. يبعد عن المطار ربع ساعه باليخت ،، وهو خمس نجوم ووااااااااايد حلو
فندق فل مون ..... أربع نجوم وقريب من المطار كذلك وهو .. أربع نجوم وحلووووووووو
فندق هلتون .. خمس نجوم ... وبعد حلووووووو

الله يوفقك وتستانس في رحلتك

قطر تايلند..
جزاك الله خير وماقصرت..

نصيحة من أخ لأخته أو لأخيه ( عذرا لا أعرف جنسك )

المالديف منتجع رومانسي سياحي هادئ لو زاد الهدوء عن حده انقلب الى ضجر وتملل

اربع ايام الى خمسة بالكثيــــر تكفي جدا ولو كان الأمر بيدي خليتها اربع ايام والسبب هو أن النشاطات الموجوده تصلح لأجانب أكثر من العرب

غوص شراعات بحرية صيد تحت الماء .. كلها تصلح للأجانب لأنهم يأتون لهذا الغرض وأما نحن فنذهب بغرض الهدوء والاستجمام

فندق واحد لمدة اربع أيام في المالديف زائد رحلتين واحده صيد سمك والأخرى زيارة جزر مع طلب عشاء رومانسي على شاطئ منفرد خاص ... تكفي لكي تتذكرها أيامك اللاحقه


ومن ثم تذهب الى دولة أخرى مثل ماليزيا مثلا للاستمتاع بالتسوق والنشاطات السياحية المدنية والضجة والمتعة في المشي ومدن الألعاب ومدن الطبيعه


يعني 4 أيام المالديف وأسبوع ماليزيا أعتقد أنها رحلة ستتكلم عنها كثيرا حتى لو بعد سنوات

التكلفة في ماليزيا تقريبا لشخصين 500 ريال يوميا شاملة أكل وشرب ومقاهي ورحلات وتكاسي
الفنادق بحدود من 200 ريال الى 300 ريال باليوم
المالديف تدفع مبلغ شامل كل شيئ ولا تغلب حالك .. يعني تدخل مواقع الحجز في الانترنت وتحجز باكج شامل التوصيل من والى المطار مع وجبتين أو ثلاث وجبات لو حبيت مع رحلتين .. وهناك لن تدفع أي مبلغ لأنك دفعتهم سابقا

بحدود من 10000 الى 15000 الف ريال ويمكن تحصل أقل ولكني أعطيك سعر غرفة شاليه على بوسط البحر
لو قللت الفخفخه وتريد اسعار أقل فراح تكون بين 7000 الى 10000 ريال

شامل كل شي

التذاكر أنت أعرف بها لأنك راح تاخذها من مكاتب السفريات ولكن الداخلية بين ماليزيا والمالديف تقريبا بشهر ابريل اعتقد ما تتعدى 2500 ريال

اذا كان المبلغ لايكفي فاختصر وروح لماليزيا واحجز على جزيرة من جزرها وراح توفر الكثير نظرا لرخص ماليزيا بالنسبة للمالديف ولا تنسى أن الجزر في شرق آسيا تتشابه لحد كبير في الانشطة والجمال والسكن .

السلام عليكم
أخوي أهم شيء إنك تحب البحر ،
لأنه المالديف كل النشاطات في البحر ،

وثانيا ً كل شي غالي حتى الأكل .. فـ لا تنصدم وخلك بحبوح

وثالثا ً المالديف يكفي لها أسبـــــــــــوع
أما 12 يوم فهذي طويلة ، إلا إذا كنت بجد حريف بحر و غوص وهالشكل
خاصة ً إن فلوسك قد لا تسعفك كثيرا ً لمدة 12 يوم

أما الحجز ، فالنصيحة إنك تاخذ باكج كامل من الإماراتيه للطيران
باكيج فيه فندق وعشاء مجاني او فطور .. أنت عاد روح وشوف اللي يناسبك

والله يوفقك عزيزي .
( عندك إمكانية تروح سنغافورا أسبوع و 4 أيام المالديف ، وبتكون رحلة حلوه )

والأهم من كل هذا الكلام .. إنك تراجع تقارير الأخوان
صدقني راجع التقارير وأقراها وأحفظها .. وبتلقى كل شي صار بسيط وسهل

تروح وترجع بالسلامه يالغالي وان شاء الله تتهنون ..
عزيزي 12 يوم بالنسبه للمالديف جداً كثيره !! 8 ايام حدها وعلى جزيرتين !!
عموما يالغالي ما ودي احطمك ولكن انا سكنت في الشيراتون فول مون وواخترت الغرفه على البحر البانقلوا وعلى الطيران القطري من البحرين لقطر للمالديف وقعدت هناك 4 ايام فقط الي نمتهم كلفتني حدود الــ 25000 ريال !!
الديره جداً غاليه ولكنها تستاهل ولكن حط في بالك انك بتصرف لو بتقعد ثمان ايام بتصرف اكثر من 30000 وبالراحه !! وبالنسبه للحجوزات ياليت تحجز عن طريق النت افضل لك من المكاتب السياحيه وفي النهايه انت واللي احب لك ..
سكنهم مررررره غالي وانا لقيت الغرفه البانقلو بــ 500 دولار كان عليها عرض وكنت حاجزها قبل السفره بشهر ونص وما اقدر ارجعها لو هونت عن الروحه .. اغروني الله يقطع بليسهم ..
وايضا زرت الفور سيزون مررررره تحفه وكبيره بس مره غالي وبزياده ..وعلى فكره التنقل من جزيره لجزيره مره صعب ولا تتوقع انك تقدر تطلع لاكثر من جزيره لان لو انت والمدام بتطلعون لجزيره ثانيه بغرض الزياره بتدفعون حدود ال 500 دولار روحه ورجعه !! ولكن تقدر تطلع بزياره مع القروب من ضمن الباكج
وفي رحلات الصيد ولو تطلعون لوحدكم بتكون احلا وايضا الجي تي سكي وما انصحك تشوف عرض الدلافين لان مره بايخ وبيطر منك ساعتين على الفاضي !!
عموما لو احتجت اي معلومه زياده لا تتردد ارسل لي على الخاص وممكن اتواصل معاك وافيدك باي شي

اخوي نجم الكويت

انا زواجي شهر 4 القادم ودخلت مزاجي جزيرة بالي ود اقضي شهر العسل باسبوع واحد في بالي كم المبلغ المطلوب مع تذاكر السفر وهل فيها اسواق حلوه وافضل طريقه للحجز ويقولون مكاتب الكويت ارخص وبرامجهم احلى هل هذا صحيح

المشاركة الأصلية كتبت بواسطة ابوفهد27
http://www.arabtravelersforum.com/tr...2/#post3582972

اخوي نجم الكويت

انا زواجي شهر 4 القادم ودخلت مزاجي جزيرة بالي ود اقضي شهر العسل باسبوع واحد في بالي كم المبلغ المطلوب مع تذاكر السفر وهل فيها اسواق حلوه وافضل طريقه للحجز ويقولون مكاتب الكويت ارخص وبرامجهم احلى هل هذا صحيح



مبروك الزواج
بالنسبة للتكاليف بدون التذاكر ( لان اسعار التذاكر تختلف من خطوط لاخرى ) تقريبا 700 دينار شاملة كل شيء ل سبع ايام مع سكن فخمة جداا ولا في الاحلام ...

بالنسبة للتسوق انصحك تنزل في بانكوك وتجعلها للتسوق ثم تطير منها الى بالي ..
مكاتب الكويت لايعرفون شيئا عن بالي ولن يخدموك فيها افضل شيء وارخص الحجز على النت