الموضوع: تأشيرة خادمتي للسعودية

مساكم الله بالخير

ودي اسالكم عن كل شي يخص تاشيره خدامتي لاني باروح السعودية واحتمال اقعد هناك سنه ونص

متى اقدم على التاشيره قبل السفر بكم ؟ وكم تاخذ وقت تطول يعني او لا ؟ واذا رحت هناك لازم اجددها والا وشلون ؟
وكل كم شهر لازم اجددها ؟

اول مره اسافر بها وابيكم تقولون لي الاجراءات كلها يزاكم الله خير

مواضيع عشوائيه ممكن تكون تعجبك اخترناها لك:

• جدول سيــاحي لديـــرتــي الغــــاليــــه الكـــــويـــت محـــدث
• شقق عوائل بالكويت
• مطلوب شرح الطريف من مرينا مول الى الأفنيوز
• انوي ازور الكويت وابي افضل سكن
• اي مطعم ترشحون؟
• أيهما أفضل ، هوليداي إن السالمية ، أو ماريوت كورتيارد ؟؟
• صور جميلة من الكويت بمناسبة قرب العيد الوطني
• اتحاد الفنادق الكويتي يعلن تقديم خصم على أسعار الغرف
• استفسار عن استئجار سيارة فنادق
• ريحونى الله يخلييييييييييييكم
• أخوي ممكن شويه
• الطقس في الكويت
• افتتاح مجمع كيفان التجاري بتكلفة مليون دينار
• الفزعه يا اهل الكويت ابي رقم الستي سنتر بالسالمية
• من الخبر للكويت بس جاوبوني على سؤالين ممكن ؟؟
• ربيان الكويت ممتاز ورخيص
• بدأت كويت المستقبل
• استفسار عن شقق سويت هوم وفندق
• التخفيضات في أسواق الكويت
• فندق هلتون بالكويت

اختى العزيزة تروحين السفارة السعودية وخلصون كل الاجراءات الى تبينها

مشكور اخوي
اولا انا ريال مو مره

ثانيا انا ودي اعرف كل شي من هنيه قبل اروح للسفاره

يعطيك العافيه

اخى العزيز صورة الجواز الخدامة وصورة بطاقة المدنية بس فى شغلة اخى الكريم الفيزا مدتها ثثلاث شهور

قبل ان تنتهى بشهر تروح اقرب جوازات بالمنطقة الى انتة فيها تجدد الفيزا انا كلمت واحد بالسفارة قالى

يعطيك العافيه اخوي

طيب تجديد الفيزا لازم اجيب وياي جوازها والا شنو ؟

يعني لازم اردها للكويت ونجدد او عادي انا اروح بروحي اجدد لها ؟

اخى الكريم اتجدد لها بالسعودية مو بالكويت عادى اى مكتب جوازات اهناك بسعودية يجددولك

مشكور ماقصرت والله يعطيك العافيه

يعطيكم العافية لن ازيد عن كلام اخي بيت الكويتي وخلال تواجدك بالسعوديه يمكن انك تستعين بأي (مكتب خدمات عامه) لمراجعة الجوازات واصدار الاقامات في المنطقة الي انتم فيها وياخذو عليك قرابة 50 ريال (لمكتب الخدمات)وقبل نهاية الفيزا اي خلال تواجدك بالسعودية وهم يقومون بالمطلوب نيابة عنك من تجديد اقامه للخادمه وخلافه ويقولو لك مايريدون وما يحتاجونه من اوراق خاصة الجوازات او الرسوم .

حياك اللة اخى اى شى تبى انا حاضر

اختي هيبه فيه مكاتب في الكويت مثل مكتب الجزيره خلف مجمه النقره الشمالي وهذا مشهور بتعامله مع السفاره السعوديه خذي جواز الخادمه وصورهشخصيه لها وصوره بطاقه الكفيل وتعطينهم تقريبا 22 دينار لاصدار تاشيره للخادمه لمده 3 اشهر والمعامله تاخذ من يومين الى 3 ايام واذا رحتي السعوديه وقبل ماتنتهي ال 3 اشهر بيوم او يومين روحي لجوازات المنطقه اللي راح تكونين فيها وويسوون لها تمديد 3 اشهر ب 100 ريال

بس فيه شي مهم ان الخادمه اذا جلست برا الكويت اكثر من 6 اشهر فسوف تسقط اقامتها في الكويت
واذا لم ترجع للكويت قبل ال 6 اشهر فحاولي تسوي لها تمديد مره ثانيه حتى لا تغرمين 10000 ريال
المهم اذا لم تحصلي على تمديد مره ثانيه حاولي تدخليها الكويت حتى لو ليوم وسوي نفس الطريقه الاولى

وهذا اللي متاكد منه مليوووون في الميه