الموضوع: وين احصل بحر شفاف وازرق وهادي وشمس ساطعه وفيها نوع من الخصوصه

السلام عليكم ..
ابغي مشورتكم ...
انا ابغي اسافر في هالوقت تقريبا اخر مارس وابي اعرف وين القى مكاان هادي مافيه امواااج لاني حامل وفي خاطري اسبح وفي نفس الوقت مب مشكله اهم شي ما يكون مكان مليان اجانب ..
انا رحت من قبل هاواي ومالقيت شي بهالمواصفات البحر كان روعه بس امواااااااجه كسرتني تاخذنا فوق وتقطنا في القاع ورحنا بيتش ثاني فيه شويه ناس والامواااج كااانت عاااتيه بعد لعبت فينا ولما طلعنا منه نغير لقيت لافته تقول احذر : قروش ودوامات و امواج هههههه
اريد مياه شبيهه بمياه الخليج في ركودها بس تكون جميله وزرقا
ورحت لنكااوي ولا احس اني رحت جزيره لاني رحت في موسم المطر كانت كئيبه

انا دخلت خاطري المالديف خاصه انه الرحله تستغرق وقت افل ..واحس فيه مجال للسباحه وتايلند شكلها فيها انشطه اكثر لكن انا بس ابي استجماام مالي خاطر اتحرك وايد ولو انه ودي اشوف شلالات
اي جزييره انسبهم للسباحه

مواضيع عشوائيه ممكن تكون تعجبك اخترناها لك:

• المساعده شهر عسل في المالديف الله يستر عليكم
• أجمل الجزر
• الي خبراء موريشوس
• ما رأيكم في عرض الامارتيه اتمني المساعده
• ارجو المساعدة في تخطيط رحلتي للمالديف
• رحله للمااديف ولكن
• نصائح ونقاط مهمه جدآ لمن أراد السفر للمالديف
• سياحة البواخر العائمة
• في جزر العشاق..كانت لنا ذكرى..وسيكون لنا أشواق // تقرير مميز //
• استفسار عن تاج ايكسوتيكا المالديف
• فنادق المالديف
• استفسارأبي فندق فيه خصوصيه وقريب من المطار
• استفسار عن هالباكيج
• ممكن مواقيت الصلاة في موريشس
• مساعدة شباب اللي بيعرف عن قبرص
• من ماليزيا الى المالديف
• لخـــــــــبراء جزيرة موريسيوش
• بلييييييييييز ساعدووونيشهر العسل
• بوعزيزارجو الدخول للاهميةطالبا مساعدتك
• المالديف التي رأيت

ليش محد رد علي

وعليكم السلام ورحمة الله وبركاته ,,

قرأت موضوعك من اول اترددت اجاوبك لاني ما زرت المالديف قبل كدا

لكن من خلال ما قرأت من تقارير وتابعت ,, طلبك حيكون متوفر في المالديف ان شاء الله

وأكيد يعتمد على وقت سفركم

بالنسبة للحمل ,, في وحدة من العضوات - شاهيندا - سافرت للمالديف وهيا حامل في الشهور الوسطى من الحمل
وحسب ما ذكرت في موضوعها انها استمعت جدا ,,

هذا اللي اقدر افيدك فيه عزيزتي

واتمنى لك تقومي بالسلامة ويرزقك نونو زي القمر وبصحة وعافية

أموله

تسلمييين حبيبتي ماقصرتي
شكلي بدور الاخت شاهييندا

هلا بك اختي والله يعينك على الحمل ويرزقك ربي ببنوتة قمر ان شاء الله

ارشح لك المالديف بسبب تاريخ السفر

عروض المالديف ممتازة من الإماراتية لكن تبدأ التخفيضات من 12 ابريل (فرق مجزي في السعر)

اهم شيء تحددي مزانيتك قبل ما تروحي لمكتب السفر

وبالنسبة لموضوع الحمل فانا مجربه ومجربه بعد الولادة وكانت جدا جدا رائعة

خاصة اذا سمحت لك الطبيبة وكان شهر حملك مو في اوله ولا في آخره يعني شهر 4 الى 7

اسالي الطبيبة واحجزوا على المالديف

و عطينا اي استفسار عندك

ماعدا الأسعار وحجز الطيران مو تخصصنا

اذا تريدين مياه صافيه ومناسبه للسباحه
المالديف فقط لاغير
وفي بعض المنتجعات فيها خصوصيه تامه
بالتوفيق ان شاء الله

المشاركة الأصلية كتبت بواسطة aboaziz
http://www.arabtravelersforum.com/tr...5/#post3695215

هلا بك اختي والله يعينك على الحمل ويرزقك ربي ببنوتة قمر ان شاء الله

ارشح لك المالديف بسبب تاريخ السفر

عروض المالديف ممتازة من الإماراتية لكن تبدأ التخفيضات من 12 ابريل (فرق مجزي في السعر)

اهم شيء تحددي مزانيتك قبل ما تروحي لمكتب السفر

وبالنسبة لموضوع الحمل فانا مجربه ومجربه بعد الولادة وكانت جدا جدا رائعة

خاصة اذا سمحت لك الطبيبة وكان شهر حملك مو في اوله ولا في آخره يعني شهر 4 الى 7

اسالي الطبيبة واحجزوا على المالديف

و عطينا اي استفسار عندك

ماعدا الأسعار وحجز الطيران مو تخصصنا



شدراج اني ابي بنوته الله يسمع منج
انا حاليا غيرت الخطه لاني للحييين متوحمه وشكلي بستغل العرض احسن لاني بكون دخلت الرابع وماظن فيه مشكله لاني سافرت من قبل وانا حامل
بس وشهي الانشطه اللي ممكن امارسها اكيييد مب راكبه سكوتر بس ينفع اركب المركب اصيد ؟
وهل المطبات الهوائيه قوييه وممكن تاثر ؟
وليش العروض في هالوقت بالذات ؟
اخاف الجو ما يكون حلو

المشاركة الأصلية كتبت بواسطة basbosah1
http://www.arabtravelersforum.com/tr...9/#post3695219

اذا تريدين مياه صافيه ومناسبه للسباحه
المالديف فقط لاغير
وفي بعض المنتجعات فيها خصوصيه تامه
بالتوفيق ان شاء الله

اين اجد الخصوصيه التامه في اي منتجع ؟

عن تجربة وبكل امانة

جزر فرسان هناك شواطئ رووووووووووووعة لوحدك فقط

أرشح لك المالديف

عندك ايضاً فندق شيراتون فل مون
هادئ نوعاً ما وفيه خصوصيه
يبعد ربع ساعه من المطار بالقارب السريع

ارشح المالديف لكني لم اسافر لها اختي لكن من التقارير التي رايتها
و اتمنى لكي سفر جميل والله يوفقك اختي

المشاركة الأصلية كتبت بواسطة فتى موريشوس
http://www.arabtravelersforum.com/tr...4/#post3696744

عن تجربة وبكل امانة

جزر فرسان هناك شواطئ رووووووووووووعة لوحدك فقط



بصراحه تفاجأت من اللي شفته فعلا روووعه ماتصورت انه في الخليج فيه بحر بهالشكل بصراحه عجبني اكثر من اي مكاان ثاني فعلا نظيف وحلو
بس باذن الله ببحث عنها اكثر وانشالله نروح لها في الصيف

المشاركة الأصلية كتبت بواسطة نظمي الجائع
http://www.arabtravelersforum.com/tr...6/#post3696826

أرشح لك المالديف

عندك ايضاً فندق شيراتون فل مون
هادئ نوعاً ما وفيه خصوصيه
يبعد ربع ساعه من المطار بالقارب السريع



شكرا على المداخله بحثت عنه وعجبني

المشاركة الأصلية كتبت بواسطة مي مي السريعه
http://www.arabtravelersforum.com/tr...0/#post3695460

اين اجد الخصوصيه التامه في اي منتجع ؟

اذا تبين نصيحتي اختي الغاليه اجلي السفره الى مابعد الولاده
لعدة اسباب:
1-اذا انتي مو من قطر او الامارات الرحله بيكون فيها ترانزيت وحيكون متعب لك وللجنين
2- دائما بعد ماتتعدى الطائره عمان يكون فيه مطبات هوائيه تستمر من نصف ساعه الى ساعه وقد تكون شديده وخطيره على الحمل
3- لو ذهبتي للمالديف لمنتجع يحتاج لطائره مائيه قد يكون الكابتن غير متمكن ويكون الهبوط عنيف وممكن تروح الطائره لاكثر من منتجع فتتعرضين لمشاكل انتي بغنى عنها
4- الحمل الاول غير عن الثاني والثالث كل مره يضعف جسم المراه اكثر وتكون اكثر عرضه لمشاكل الحمل
5- بتنحرمين من حاجات كثيره مثل الالعاب المائيه
6- لو حدث اي طاريء لاقدر الله لن تجدي طبيب مختص
7- الجنين اللي في احشاءك امانه لديك من الله لو حدث له اي شيء بسبب السفر سوف تلومين نفسك وتحسين بالذنب
8- قبل كل شيء صلي صلاة الاستخاره وربي يكتب لكم اللي فيه الخير ،في العام الماضي كنت حامل وبالشهر الخامس
مسكت معي الا اسافر لماليزيا وكنت خايفه عشان الحمل واستخرت قبل نحجز ويوم رحت للطبيبه مراجعه قالت عندي نزول بالمشيمه ولو كنت سافرت كان اجهضت ،فلغينا السفره لكن ايش اللي صار في تلك الفتره حدث هزه ارضيه في اندونيسيا حسو فيها اللي بماليزيا ولو كنا هناك كان اجهضت من الخوف
والحمد لله مارحت لماليزيا ولكن رحت السنه هذي للمالديف رحله ولااروع ومعي طفلي في اتم صحه وعافيه
وفي الختام الله يوفقكم ويتمم لك على خير ويرزقك بنوته مثل القمر وطمنينا عليك
تحياتي

تحية طيبة المالديف وبس ولو ممكن منتجع w .روعة زززززززز ودمتم،،،،،،،

المشاركة الأصلية كتبت بواسطة basbosah1
http://www.arabtravelersforum.com/tr...4/#post3697034

اذا تبين نصيحتي اختي الغاليه اجلي السفره الى مابعد الولاده
لعدة اسباب:
1-اذا انتي مو من قطر او الامارات الرحله بيكون فيها ترانزيت وحيكون متعب لك وللجنين
2- دائما بعد ماتتعدى الطائره عمان يكون فيه مطبات هوائيه تستمر من نصف ساعه الى ساعه وقد تكون شديده وخطيره على الحمل
3- لو ذهبتي للمالديف لمنتجع يحتاج لطائره مائيه قد يكون الكابتن غير متمكن ويكون الهبوط عنيف وممكن تروح الطائره لاكثر من منتجع فتتعرضين لمشاكل انتي بغنى عنها
4- الحمل الاول غير عن الثاني والثالث كل مره يضعف جسم المراه اكثر وتكون اكثر عرضه لمشاكل الحمل
5- بتنحرمين من حاجات كثيره مثل الالعاب المائيه
6- لو حدث اي طاريء لاقدر الله لن تجدي طبيب مختص
7- الجنين اللي في احشاءك امانه لديك من الله لو حدث له اي شيء بسبب السفر سوف تلومين نفسك وتحسين بالذنب
8- قبل كل شيء صلي صلاة الاستخاره وربي يكتب لكم اللي فيه الخير ،في العام الماضي كنت حامل وبالشهر الخامس
مسكت معي الا اسافر لماليزيا وكنت خايفه عشان الحمل واستخرت قبل نحجز ويوم رحت للطبيبه مراجعه قالت عندي نزول بالمشيمه ولو كنت سافرت كان اجهضت ،فلغينا السفره لكن ايش اللي صار في تلك الفتره حدث هزه ارضيه في اندونيسيا حسو فيها اللي بماليزيا ولو كنا هناك كان اجهضت من الخوف
والحمد لله مارحت لماليزيا ولكن رحت السنه هذي للمالديف رحله ولااروع ومعي طفلي في اتم صحه وعافيه
وفي الختام الله يوفقكم ويتمم لك على خير ويرزقك بنوته مثل القمر وطمنينا عليك
تحياتي

اهلين اختي والله حسيت ضميري يتكلم .. معاك حق بس انا بسافر من قطر لكن افكر اروح عن طريق الامارات لاني ابي انزل دبي يومين ..
المطبات احس مب مشكله كبيره انشالله .. ومب مشكله الالعاب المائيه مستغنيه عنها انا بس ابي استجمم لكن الخوف من الطائره المائيه .. لانه مافيها حمايه من الضغط قريت كذا وحده حامل لا ومسافرين في الاشهر الاولى من الحمل كانوا يطلبون من الطيار يطير بشكل منخفض وكل مخاوفهم تتعلق بالترطيب وشرب الماء بكثره عشان الجفاف ويخافون ضربات الشمس فاهم شي عندهم القبعات والماء..ويحاتون الاكل والتسمم
بس شكلي بتاكد من الدكتوره واهم شي اصلي استخاره .. انا سافرت مرتين وانا حامل السنه اللي طافت السفره الاولى ١٦ ساعه والحمدلله كانت سهله ومريحه وكنت في الرابع والسفره الثانيه كنت في نهايه السابع تعبت واااايد كتت على طول حرانه ورجع لي الوحم وكنت مصليه استخاره قبلها سبحان الله مارتحت وصليت مره ثانيه وقررت اروح لاني مضطره اخرتها تميت طول الوقت في الشقه لكن الحمدلله على كل حااال
هالمره احس نفسي خفيفه وسفرتي بتكون قصيره وقريت انه السن ريزورت فيه طاقم طبي ولازلت مصره على السفره وبحاول القى المكان القريب من مالي عشان اتجنب السفر بالطائره وفي نفس الوقت لازم اتجنب السبييد بوت لانه قريت انه خطر ..انا ركبت فيري بوت وانا حاامل وكاان مريييييييييييح ولا فيه مطبات ولا شي بس هل هو نفسه السييد بوت ؟! المهم مشكوره على المداخله ماقصرتي

المشاركة الأصلية كتبت بواسطة yuosof
http://www.arabtravelersforum.com/tr...0/#post3697310

تحية طيبة المالديف وبس ولو ممكن منتجع w .روعة زززززززز ودمتم،،،،،،،



مشكور على المرور والمداخله