الموضوع: ممكن تدلوني على فندق على البحر على نضام شاليهات؟

ممكن تدلوني على فندق على البحر على نضام شاليهات؟
ويكون قريب من الاسواق وعلى الاسواق الي يبغا الواحد يزورها إذا كان معاه زوجته الله لايهينكم والاماكن الي تنصحوني ازورها الله لايهينكم

مواضيع عشوائيه ممكن تكون تعجبك اخترناها لك:

• لاهل الخبرة بليز ساعدوني
• أرقى محلات العبايات ؟؟
• للمتواجدين في دولة الكويت
• للمهتمين بالمكتبات تفظلوا
• تخفيض بالفنادق لمن يحمل الجنسيه الامريكيه؟
• عاجل اهام جدا جداا
• لا يفوتكم القبوط
• تراني ذوق مره بس ساعات أفوت محلات السكر ياناس ياسكر
• حفلات هلا فبراير
• فندق روتانا المنشر الفحاحيل وتجربة سكن فاشلة بعدسة عسل
• اوتيل موفمبك
• الكويت بالعيد والمسرحيات
• مقهى بنت العجمي سفن
• ساعدوني ياعشاق الكويت
• عندي استفسار
• الكويت لأول مرة
• الخطوط الوطنية الكويتية تلغي رحلاتها للمنامة وعمان ودمشق وجدة
• برج الحمرا المول
• بخصوص التخفيضات
• موقع ورقم

الفنادق الى على البحر


فندق النخيل

فندق الموفنبك

فندق المرينا

ولكن احنا مافى نظام شاليهات الا فندق هليتون المنقف وبعيد عن الاماكن الاحيوية



المجمعات المميزة:

الافنيوز

المرينا

سوق شرق

الفنار

المهلب

360

الاماكن السياحية:

ابراج الكويت

مدينة الترفيهية

حديقة الشعب

المركز العلمى

متحف الكويت للاعمال الوطنية

بيت القرين

متحف طارق

ممكن تحددلي اسعارهم اوارقامهم وكيف احجز عندهم

مثل ماقال اخوي بيت كويتي الفنااادق

افضل المجمعات اذا حق زوجتك المعروفات
الافنيوز
سوق شرق
المارينا مول
360
البيرق
المهلب
الكوت
المنشر
اذااا زوجتك ودها تشتري لنفسها بدلات مجمع النقره الشمالي والجنوبي في حولي حلو حيل وكله على خمس دنانير بس حيييل حلو شغلهموفي اشيااااء غاليه بس ما اتعدا ال40 دينار ومجمع العثمااااااان بحولي بعد حلو شغله
مجمعات منطقة الفروانيه الحمرا مول العربيد بلازا كل الشارع من اوله لي اخره مجمعات
الجهراء فيها سليل بس ما انصحك فيه يلوع الجبد هالمجمع لاتروحله
الافنيوز انصحك فيه حييييييل حلو كل شي فيه مايحتاج اتروح حق هالمجمعات يغنيك هالسوق عن كل اماكن التسوق بالكويت لان كل شي فيه انصحك اتروحله مبجر (بدري يعني)احسن على الساعه2 او 3 العصر

سوق السالميه مو سوق السالميه سيتي سنتر لا السالميه الشارعين الطوااال اللي فيهم معرض سيارات المرسيدس واللي فيهم مجمع العنجري حلو قديم السوق مفتوح نفس نظام منطقة الحمرا لبنان اذا احد يعرف اسم الشارع يقول شباب انا مو متاكده جنه اسمه سالم المبارك

المطاااااااااعم
مطعم تال الهندي في البدع عند منتجع شيك وعند فندق موفنبيك والنخيل حلو
مطعمناز الايراني جمعية الزهراء وجمعية الجابريه وجمعية شرق
مطعم الارض الخضرااء لذيذ اكله حييل حيل حلو بسوق الكويت المباركيه هندي نباتي
القعدات الشعبيه اللي بسوق الكويت المباركيه حيل حيل حيل حلوه فوووووق ماتصور مثل نظااام الحسين في مصر مشوياات وجااي(شاي على الفحم) شيشه شرح المكان يهبل واذا خلصتم روح المطحنه الفاخره شغلها نظيييف يهبل احلى مطحنه بالكويت واشتر من الشمالي درابيل وكيك احسن الشي الشمالي من الوطن اشتر بقصم بالحليب احسن بقصم بقصم الوطن

كل دقيقه اتذكر شي واكتب اذا معاك اعيالك روح مجمع ديسكفري مجمع مخصص بس للاطفال
في مكاااااان راح تستانس فيه انت وزوجتك ورا ابراج الكويت لما تنزل اسال اكوابارك اللي يم ابراج الكويت اسم المكان كرات الالوان حلو تلعب انت وزوجتك وناااسه حيل حلو واذا تبي قعده حلوه المارينا ويفز
المارينا كرسنت روعه قعدتهم بس اذا هالوقت هذا حلوه باليل بعد المغرب مو الظهر في مقهى احبه اسمه كلر مي ماين تشرب قهوه وترسم على الفخار اذا انت تحب الرسم انا لاني احب الرسم عشان جذي احبه دايم اروحه واشتري منه فخار وارسم بس يسلمونك الفخار بعد اسبوع من تاريخ التلوين
وفي مطعم اسمه زمان اول او ايام زمان ما اتذكر ماجربت اكله بس شاي الحليب مع هيل حلو يحطونه بغوري اتونس قعدته مطعم سلايدر ستيشن حلوووو حيل همبرغر لذيذ اقبال قصر السيف بضبط

اختي lan عندج هذيل الفنادق وشاليهات معاهم :
موفنبك البدع شاليهاتهم حلوه وموقعهم ممتاز - منتجع شيك نفس الكلام عن موفنبك - منتجع هيلتون المنقف اشوي بعيد عن الديره - النخيل بعد موقع ممتاز .
وموفقيين ان شاء الله

ماقصرتو الله لاييهينكم

اسعار الفنادق:

سعر النخيل السويت 75 دينار

سعر الموفنبك المزدوجة 80 دينار

سعر المرينا المزدوجة 100 دينار

جميعهم مع الافطار اذا بقيت اى فندق راح اساعدك بارقامهم لى معرفهم بمدراء الفنادق