الموضوع: تم الحجز و المطلوب خطه لسير الرحله

السلام عليكم ؟؟؟ انا حجزت لامريكا لمدة 43 يوم
انا و زوجي و 2 اطفال و معانا عايله ثانيه
راح ننزل نيويورك ... 3 ليالي و مفكرين نروح تالي مع قروب نياقرا فولز ... بس ابي اعرف من وين احجز القروب ؟؟

و بعديين طياره لي اورلاندو بنقعد فيها 21 يوم نخلصها
و بعديين بنروح ميامي 3 ايام
يبقى 10 ايام مو عارفه اعبيهم ؟؟؟

شنو اقتراحاتكم وين اروح ؟؟
و يا ريت لو بالسياره ... احلى مابي طيران داخلي كل شوي يأذونا و تفنيش و تحقيق ...

الرجعه بتكون من ميامي

يعني لو اروح نيويورك ... بعدين نياجرا ... بعديين ويين اروح ال 10 ايام بعديين اروح لاورلاندو
و تالي ميامي و بعديين الديره ان شالله

مواضيع عشوائيه ممكن تكون تعجبك اخترناها لك:

• الفنادق السّكة
• النموذج
• استفسار عن فيزا المرافق
• قبول مشروط ماجستير حاسبضروري
• نداء الى خبراء منهاتن نيويورك
• نريد معلومات عن الحي المالي في نييورك
• اسد بن ربيعه وبنت الصقور مطلوبين
• فندق من ثلج معلومات وصور
• استئجار سياره في الولايات المتحده الامريكيه
• الحجاب في مدينة الألعاب المائية
• استفسار بخصوص الجرين كارد حق زوجتى
• رحلتي الرائعة الى أمريكا يوليو
• محتارة بين الخطوط؟النيوزلاندية او
• الجواز الامريكي والدراسة باامريكا ؟
• يا شباب الجواز الامريكي
• شروط الفيزا للكويتيين
• صور صقيع هيوستن الجمعه ٤ فبراير
• انا عندي فيزا وافراد عائلتي ونريد ان نقدم على طلب فيزا لأخت زوجتي هل استطيع شراء الم
• صلاحية الفيزا للسفر الى امريكا ،،
• لوسمحتوا افضل سكن في نيويورك لعائله كبيره ؟

اختي الكريمة ..

بالنسبة لحجز الرحلة ليوم عن طريق الطيارة لنياقرا فولز هذا الرابط بيفيدكم :https://www.coachusa.com/newyorksigh...productId=1403

لاكن تحتاجوا فيزا كندية علشان تدخلوا الجزء الكندي !!


هذا عرض فديوا للرحلة : http://www.coachusa.com/CoachUsaAsse...sgrayline.html

10 ايام ممكن توزعوها تاخذوا 3 ليالي في فيقس و7 تاخذوا كروز على Freedom Of The seas تعتبر الى الان اكبر سفينة في العالم.




بالتوفيق ورحلة موفقة ان شاء الله

المشاركة الأصلية كتبت بواسطة talolo2000
http://www.arabtravelersforum.com/tr...4/#post2704875


و بعديين طياره لي اورلاندو بنقعد فيها 21 يوم نخلصها
و بعديين بنروح ميامي 3 ايام

أختي 21 يوم أورلاندو وايد ترا بتملون
بتحفضونة و بتكررون الأماكن الي فيها
أسبوعين حدها حدها
شوفولكم فكرة حاولو تقلصونها بالسفر بالسيارة من نيو يورك الي واشنطن شوفوها يومين ثلاثة
و نزلو علي أورلاندو بالسيارة أذا حاطين في بالكم أورلاندو بس
أستمتعو بالسفر بالسيارة وايد حلو
42 يوم حاولو أستغلالها عدل حرام نيويورك و أورلاندو بس في ال 42 يوم

الاخخ شرقاوي اول واحد يقولي 21 يوم وايد على اورلاندو ؟؟؟ قالولي اصلا ما بتكفييج تخلصينها
لان عيالي يبيلهم تذكره بو اسبوع لديزني بس ... غير البقيه ؟؟
انزين السياره من نيويورك ما بتكون اغلى بوايد ؟

المشاركة الأصلية كتبت بواسطة talolo2000
http://www.arabtravelersforum.com/tr...0/#post2705970

الاخخ شرقاوي اول واحد يقولي 21 يوم وايد على اورلاندو ؟؟؟ قالولي اصلا ما بتكفييج تخلصينها
لان عيالي يبيلهم تذكره بو اسبوع لديزني بس ... غير البقيه ؟؟
انزين السياره من نيويورك ما بتكون اغلى بوايد ؟

أتمنى من الأخوان يعطونج أرائهم و هذا أنا رايي لو عندي نفس الفترة

و السيارة مو أغلاة بالعكس أرخص بوايد

و أصلا أمريكا متعتها بالسفر بالسيارة
حتى لو كنتو شخصين ولا حتى شخص واحد راح يستمتع
ترا السفر بالسيارة مو نفس دولة الخليجية كلها بر علي مد الشوف و تحاتي يطلعلك بعير ولا شي بالخط :109:

لآ أختي مناظر ممتازة طبيعة خضرة مزارع جبال بحيراة
و أذا تبون تريحون ولا تصلون عندكم الجاز ستيشينز و لا الموتيلات

بعدين أختي دزني لاند الي في فلوريدا ما هي كبيرة نفس الي في أنهايم كلفورنيا
هذيج الي في أنهايم كلفورنيا لا صج كبيرة و محد يختلف علي هل شي

المشاركة الأصلية كتبت بواسطة كويتي شرقاوي
http://www.arabtravelersforum.com/tr...7/#post2706277

بعدين أختي دزني لاند الي في فلوريدا ما هي كبيرة نفس الي في أنهايم كلفورنيا
هذيج الي في أنهايم كلفورنيا لا صج كبيرة و محد يختلف علي هل شي



صج ؟؟ انا قريت اهني تعليق للاخ امباكت انه الي باورلاندو احلى و اكبر ؟؟

حتى صديقتي قالت لي ...

انزين اخ شرقاوي .. قولي من نيويورك وين نروح ؟؟يعني اجر سياره من نيويورك استلمها هناك و اطلع الولايات الي دور مدارها و ارجع لها ...

اسلم السياره و اطير على اورلاندو ... انا حجوزات الفنادق ما سويتها فعادي اقلل اورلاندو مافي مشكله
و سالفة البر انا حاطه ببالي جذي و اقعد بموتيلات بالطريج

كل من قالي احلى شي بامريكا السفر بالسياره و اني انزل بالموتيلات بالطريق ...


بس يعني بالاخير بروح اورلاندو ... و بعدين ميامي و ارجع الديره


شرايكم ببنسلفانيا ؟؟ رفيجتي تقول مافيها تاكس على المشتروات و الاكل اروح لها للتسوق جم يوم

و فيقاس اشوفها 3 ايام و واشنطن 3 ايام

يصير اروح لهم من نيويورك و ارجع تالي لنيويورك ؟

من المعروف ان دزني واطيح اللي بفلوريدا اكبر
السفر بالسيارة في امريكا فعلا متعة

لاااا قصدي ااجر سياره من نيويورك و افتر و اسلمها لم بروح اورلاندو .... يعني معاي جم يوم

أعتذر علي المعلومة الغير صحيحه
فعلاا أورلاندو أكبر من الي في كلفورنيا
لأن الصراحه رحنا لها و أحنا شباب مش عوايل و ماطولنا فيها ما كانت تناسبنة
و معة هذا أشوف 43 يوم منهم ثلاث ليالي في نيويورك و الباقي في أورلاندو حرام و الله

المشاركة الأصلية كتبت بواسطة talolo2000
http://www.arabtravelersforum.com/tr...6/#post2706966

لاااا قصدي ااجر سياره من نيويورك و افتر و اسلمها لم بروح اورلاندو .... يعني معاي جم يوم



اي عادي تسلمينها في اي ولاية بس لازم تبلغون مكتب التاجير عشان التأمين
وسعر السيارة راح يفرق اذا التسليم في ولاية ثانية

انا انصح atlantic city المنطقه تبعد ساعتين ونصف عن new york بالسياره


ومثل ما قالت الاخت بنت الصقور انها تعتبر لاس فيجاس الساحل الشرقى



شوفوا تقرير بنت الصقور عنها الصراحه المنطقه حلوه



http://www.arabtravelersforum.com/travel48123/

كويتي شرقاوي .... اشرايك نيويورك 3 ايام واشنطن 3 ايام .. اتلانتا يومين ... وارد و ارح اورلاندو ؟؟؟
انا ابي رحله دور مدار نيويورك لحالها لو سمحتوا

اضم صوتي معا كويتي شرقاوي

اورلاندوا ما تستحق اكثر من اسبوعين

انزين عطوني اقتراحات

حياج الله أختي
أنا لو مكانك راح يكون في بالي مخططين
الأولhttp://maps.google.com/maps?f=d&sour...747,45&t=h&z=5
أخذ 4 ليالي نيويورك
و بالسيارة
ليلتين واشنطن
ومن بعدة اتمشى بالسيارة أنزل علي
North Carolina أقعد يومين
South Carolina يومين
Savannah يومين
Jacksonville يومين
اللين أوصل فلوريدا و أشبع منها أهي و ميامي
أحاول أفكر أن أروح أتلنتا مع أني ما احبة أقعد يومين و خلاص

و المخطط الثاني بالطيارة
أخذ 4 ليالي نيويورك
و بالسيارة
ليلتين واشنطن
و بعدها بالطيارة الي فلوريدى أسبوعين الي أسبوع ونص
و بعدها بالطياره الي لوس أنجلس و أجرلي سيارة و أدور في الولاية و أرجع من لوس أنجلس
و تقدرين أضبطين حجزج مع البرطانية علي الرجعة من لو أنجلس
المخطط الأول أوفر وراح تاخذون فية الأيست كلة مال أمريكا
الثاني أونس بكثير و راح تكون سفرة العمر

المشاركة الأصلية كتبت بواسطة كويتي شرقاوي
http://www.arabtravelersforum.com/tr...7/#post2706277

بعدين أختي دزني لاند الي في فلوريدا ما هي كبيرة نفس الي في أنهايم كلفورنيا

هذيج الي في أنهايم كلفورنيا لا صج كبيرة و محد يختلف علي هل شي

ما شالله شعله من النشاط


اخوي تنصحني ازور دزني فلوريدا او كلفونيا


وايهما افضل من ناحية الجو والاماكن السياحيه للعلم من غير اطفال فقط 2شخصين

المشاركة الأصلية كتبت بواسطة عاشق زلامسي
http://www.arabtravelersforum.com/tr...5/#post2710845

ما شالله شعله من النشاط


اخوي تنصحني ازور دزني فلوريدا او كلفونيا


وايهما افضل من ناحية الجو والاماكن السياحيه للعلم من غير اطفال فقط 2شخصين[/size][/center]



أخوي أنا أعتذرة عن هل معلومة و هي غلط
ألي في فلوريدا أكبر و حجمها 900 هكتار
و الي في كليفورنيا أصغر و حجمها 100 هكتار و علي ما أضن أهي الأولة

سؤالك حلو الثنتين حلوين بس كأماكن سياحية أكثر في المدينا كلفورنيا و أنصح فيا بالتأكيد

كويتي شرقـاوي

من خبرتك الكبيرة ما شاء الله نبيك تسويلنا خطة سير رحلة ل 3 من الشباب رايحين امريكا بهالصيف ..
و نبيها سفرة العمر

اتمنى تفيدنا و اكون شاكرلك يا ولد ديرتنا الغاليه

المشاركة الأصلية كتبت بواسطة عاشق زلامسي
http://www.arabtravelersforum.com/tr...5/#post2710845

ما شالله شعله من النشاط


اخوي تنصحني ازور دزني فلوريدا او كلفونيا


وايهما افضل من ناحية الجو والاماكن السياحيه للعلم من غير اطفال فقط 2شخصين[/size][/center]





عزييزي اذا ما معكم اطفال دزني فلوريدا طبعاً

لان فيها 4 ممالك كبيرة يبغالها يم كامل !!

اما كالفورنيا مع انها الاصل اغلبها للاطفال واغر بكثير من الي في فلوريدا !!


بالتوفيق

مشكوريين و ان شالله بدرس خطط امباكت ... بس الثانيه جنه بتصير يبيلها مصاريف كثير ؟؟؟
تقريبا من غير تذاكر الخطه الثانيه اشكثر يبيلها ( تذاكر داخلي و تغيير الطيران و المصرف الاكل و الفندق من غير مشتروات ( ؟؟؟؟

المشاركة الأصلية كتبت بواسطة Bukhaled`
http://www.arabtravelersforum.com/tr...9/#post2711099

كويتي شرقـاوي

من خبرتك الكبيرة ما شاء الله نبيك تسويلنا خطة سير رحلة ل 3 من الشباب رايحين امريكا بهالصيف ..
و نبيها سفرة العمر

اتمنى تفيدنا و اكون شاكرلك يا ولد ديرتنا الغاليه

أخوي حياك الله
أفتح موضوع ثاني و تدلل فية
و انا و الأخوان محد بقصر أن شاء الله
هل موضوع حق أختنا

من رأيي الشخصي .. وبالنسبه لعددكم .. وكونكم عايلتيين طلعاتكم جماعيه اكيد ..
21 يوم في اورلاندو .. ممتاز .. هذا اذا لحقتو تشوفون كلشي .. اورلاندو يمكن حجمهم مب كبير قياساً مع المدن الامريكيه الاخرى .. لكنها غنيه بالاماكن السياحيه الرائعه .. واهيا المصيف العائلي الاول في امريكا ..

10 ايام الباقيه ممكن تاخذون كروز ديزني .. او تزيدون ايام ميامي الى 5 وباقي الايام في فيجاس .. بس فيجاس ماتناسب الاطفال اغلبها shows فالليل .. واسواق .. وطريجها بالطياره مب سهل .. لكن هذا لايعني انها ماتستحق الزياره بالعكس

المشاركة الأصلية كتبت بواسطة OZYEEE
http://www.arabtravelersforum.com/tr...9/#post2711909

من رأيي الشخصي .. وبالنسبه لعددكم .. وكونكم عايلتيين طلعاتكم جماعيه اكيد ..
21 يوم في اورلاندو .. ممتاز .. هذا اذا لحقتو تشوفون كلشي .. اورلاندو يمكن حجمهم مب كبير قياساً مع المدن الامريكيه الاخرى .. لكنها غنيه بالاماكن السياحيه الرائعه .. واهيا المصيف العائلي الاول في امريكا ..

10 ايام الباقيه ممكن تاخذون كروز ديزني .. او تزيدون ايام ميامي الى 5 وباقي الايام في فيجاس .. بس فيجاس ماتناسب الاطفال اغلبها shows فالليل .. واسواق .. وطريجها بالطياره مب سهل .. لكن هذا لايعني انها ماتستحق الزياره بالعكس



انزين فيجاس من نيويورك مو افلضل ؟؟؟

احنا اخر محطه بتكون اورلاندو و ميامي لان العوده من ميامي ... فبنخليها الاخير بالرحله ..

حاليا الي ببالي نيويورك 3 ايام
نياجرا ليلتيين
واشنطن 3 ايام

في اهني تقريبا 17 يوم فاضيين .... شلون اعبيهم ؟؟
اورلاندو 15 يوم
ميامي يومين

أسعد الله أيامكم جميعا

بداية أحب أن أشكركم على هذا المنتدى

أحب أستفسر عن أهم الأماكن السياحية لهذي المناطق لأني نازلها سياحة لمدة أسبوعين
بالتمور واشنطن نيويورك بوسطن كليفلاند مساشوتس .... وهل مدة أسبوعين كفاية

في إنتظار ردكم وشكرا

اتوقع اسبوعين شويه

ها يا ريت تفيدوني بخطط بعد ... اشرايكم من نيويورك لي كالفورنيا بالسياره

المشاركة الأصلية كتبت بواسطة talolo2000
http://www.arabtravelersforum.com/tr...8/#post2715828

ها يا ريت تفيدوني بخطط بعد ... اشرايكم من نيويورك لي كالفورنيا بالسياره






الطريق بالسياره من نيويورك الي لوس انجيلوس (كاليفورنيا)


بحدود يوم كامل و17 ساعه بسسسسسس


:110: :110: :110:

talolo2000 تبين نصيحة اخوج ؟ خبرة انسان انولد وعاش في امريكا وكل سنه مطيح فيها ؟ انا انصج انج تخلين هالروحه يا للساحل الشرقي فقط او الساحل الغربي فقط وانا اقولج ليش

انتي لو تبين تستانسين انتي وزوجج وعيالج الافضل تبدينا بالساحل الشرقي

الكويت لندن نييورك وتتمون فيها 3 ايام وايد عليها والباقي تخلونها لفلوريدا ....

يبقى عندج 40 يوم بتقضينها كلها كل يوم في مكان ووناسه والله لركبتو الطياره ماودكم تردون منها لان فلوريدا مب بس اورلاندو وميامي , عندكم مناطق ثانيه تروحون لها بالسياره مثل تامبا جانكسفيل عاصمة الولايه كروز دزني للصغار يعني خيارات كثيره لو ترتبينها يبيلج ايام اكثر من 40 يوم , والمره اليايه خليها لساحل الغربي , ولاتنسين انتو عايلتين يعني مب سهله ركبو طياره ونزلو من الطياره وغيرو الفندق ومادري وشو .... خلو ترتيبكم على فلوريدا هالسنه وان الله عطاكم روحو لوس انجلس السنه اللي عقبها ....
وعقب ماتقررين على فلوريدا فقط بنساعدج على الترتيب مايي شهر 4 الا السكاجول مالكم خالص وتحترون رحلتكم

المشاركة الأصلية كتبت بواسطة Smarten
http://www.arabtravelersforum.com/tr...1/#post2716601

talolo2000 تبين نصيحة اخوج ؟ خبرة انسان انولد وعاش في امريكا وكل سنه مطيح فيها ؟ انا انصج انج تخلين هالروحه يا للساحل الشرقي فقط او الساحل الغربي فقط وانا اقولج ليش

انتي لو تبين تستانسين انتي وزوجج وعيالج الافضل تبدينا بالساحل الشرقي

الكويت لندن نييورك وتتمون فيها 3 ايام وايد عليها والباقي تخلونها لفلوريدا ....

يبقى عندج 40 يوم بتقضينها كلها كل يوم في مكان ووناسه والله لركبتو الطياره ماودكم تردون منها لان فلوريدا مب بس اورلاندو وميامي , عندكم مناطق ثانيه تروحون لها بالسياره مثل تامبا جانكسفيل عاصمة الولايه كروز دزني للصغار يعني خيارات كثيره لو ترتبينها يبيلج ايام اكثر من 40 يوم , والمره اليايه خليها لساحل الغربي , ولاتنسين انتو عايلتين يعني مب سهله ركبو طياره ونزلو من الطياره وغيرو الفندق ومادري وشو .... خلو ترتيبكم على فلوريدا هالسنه وان الله عطاكم روحو لوس انجلس السنه اللي عقبها ....
وعقب ماتقررين على فلوريدا فقط بنساعدج على الترتيب مايي شهر 4 الا السكاجول مالكم خالص وتحترون رحلتكم



الصراحه هذي كانت خطتي من البدايه ... بس خفت لان قالولي ان فلوريدا و 21 يوم وايد ؟؟؟


انا بقول الي ببالي و يا ريت اسمع التعلييق .. احنا بالضبط 43 يوم

3 ليالي نيويورك

3 ليالي واشنطن

يوم نياجرا

اورلاندو 21 يوم

ميامي 3 ايام

يبقى 12 يوم ... ابي اعبيهم ؟؟ مادري اشرايكم اروح اتلانتيك سيتي يوم من نيويورك

و لا اروح بنسلفانيا و فيلادلفيا للشوبينج و ارجع نيويورك ؟؟


يعني ودي اخلي هل 12 يوم سياحه حوالين نيويورك:114:

نصيحتي لج تشوفين الاماكن السياحيه في ولاية فلوريدا وماتخلين نظرتج لارلاندو وميامي فقط , راح تشوفين هالولايه يبيها اكثر من 40 يوم يعني تقعدين 3 ايام في نييورك وعقبها على طول فلوريدا وراح تستانسون إن شاء الله

شورتك و هداية الله

5 أيام نيويورك

4 أيام نياغرا

أورلاندو ( و افضل تاخذون طيران من نياغرا إلى واشنطن تجلسون فيها كم يوم و بعدها بالسياره إلى أورلاندو لو ما عندكم مشكله تروحون طيران)

5 أيام ميامي

يعني اورلاندو 21 يوم بس هم يبقى لي وايد ايام لازم امليها
حرام اروح امريكا و يملون من اورلاندو ... ابي اماكن قريبه ..

أنا لو منك دامي قطعت كل هالمسافه و وصلت امريكا ازور كذا ولايه

نيويورك 5 أيام

بالطياره الى

نياغرا 3 أيام

بالطياره الى

لاس فيغاس 3 أيام

بالسياره الى

لوس انجلوس 10 أيام

بالسياره الى

سان دييغو 3 أيام

بالطياره الى

اورلاندو 20 يوم

لكن المشكله ما تبغين طيران داخلي

المشاركة الأصلية كتبت بواسطة كويتي شرقاوي
http://www.arabtravelersforum.com/tr...7/#post2706277

بعدين أختي دزني لاند الي في فلوريدا ما هي كبيرة نفس الي في أنهايم كلفورنيا
هذيج الي في أنهايم كلفورنيا لا صج كبيرة و محد يختلف علي هل شي



شكلك ما شفت اللي بفلوريدا؟؟؟
اكبر من اللي بكالفورنيا باربع مرات

شوفي انا اقترح عليك من نيويورك الى هيرشي (يومين) الى واشنطن (يومين) الى سموكي ماونتن (4 ايام) الى اتلانتا (يومين) الى اورلاندو (اسبوعين) الى تامبا (3 ايام) الى ميامي (4 ايام) وممكن تاخذين كروز من هناك او تطيرين الى فيقس (4 ايام) منها يوم الى القراند كانيون بعدين تروحين لوس انجلوس بالسياره (4 ايام) ومنها الى سانديقوا (3 ايام) وتطيرينن من هناك الى نيويورك

السياره الاولى تأجيرنها بنيويرك وتسلمينها بميامي
السياره الثاني تأجيرنها بفيقس وتسلمينها بسانديقوا

ومن ميامي الى فيقس بطياره

السلام عليكم
شوفي اختي العزيزة نصيحتي لك كالتالي

منن نيويورك استأجروا سيارة مفتوحة المايلات يعني مايحاسبونكم على المايلات الزيادة
وبكذا تدورون الولايات على راحتكم
شوفي تقريري بالاسفل مرينا على اكثر من عشر ولايات ولا أحلى
وبالنسبة لخط سيركم انتو افضل منا لأنكم حترجعون للديرة من ميامي وهذا يسهل الموضوع كثير
وفي النهاية اذا حبيتي اسوي لك خط سير من نيويورك الى اورلاندو
وكل رحلة ماتزيد عن الاربع ساعات او الخمس
وبعدها توقفي في مدينه محترمة يعني فيها اماكن تستاهل الزيارة
والسكن يكون اما في موتيل على احد المخارج في بداية المدينة وليس خارجها (نصيحة مني)
او في فندق جميل وبسيط من فنادق الهوليدي ان ويكون داخل المدينة وهذا أفضل
ويومين او اكثر في كل مدينة صدقيني رحلة لن تنسى
وانتو عندكم 45 يوم يعني شوفو اكثر من ولاية ومدينة ومناظر طبيعية ولا اروع
وبيكون خط رحلتك مرورا بولاية بنسلفانيا الجميلة
ولاتنسي فرجينيا بيتش
تحياتي
انا في خدمتك


اختك بوكاهانتس

مشكوره بوكانهنتس و انا متابغه تقريرج

ما انصحك بزيارة مدن كثيرة

انتو رايحين عشان تشيلون شنط من مكان الى مكان ولا رايحين تتونسون

ليش ؟؟ احنا بنحاول نخلي التسوق اخر شي ؟

اختي التنقل الكثير في السفر متعب بمعنى ان ناخذ راحتنا في كل منطقه

هذا ما حاولت ايضاحه فقط،و اتمنى لكم افضل التوفيق في سفرتكم

ايي قهمت شكرا جزيلا