الموضوع: شـ رايكم

من خبرتك اخوي الكريم impact لو لغيت الموعد حقي بالرياض !!

هل تضمن لي خلال شهر من الان القى موعد قريب في الظهران !!!


طبعا يشرفني ارائكم يا اخوان من سبق وله تجربه في هذا الموضوع !
:8888:

مواضيع عشوائيه ممكن تكون تعجبك اخترناها لك:

• استفسار هام بخصوص الورقة الصفراء
• مبتدئ وارغب السفر الى اميركا فساعدوني باستشارتكم
• افضل منتدى بالعالم شكرا لكل القائمين عليه وكل من ساهم فيه
• من معي يوم ديسمبر
• الى الاخ امباكت و الاعضاء بخصوص اون لاين تكت و الجواز
• سؤال عن رحله من لاس فيقاس الى دنفر كولورادو
• استفسار بخصوص الاجهزه مثل الابتوب و الايباد
• وصلت الفيزا
• ضروري الله يسعدكم ياااارب
• أكبر مبلغ يمكن حمله الى أمريكا
• ضروري الفزعة تكفون استفسار عن امريكا
• افيدوني في بعض نقاط
• ارجوا افادتي بخصوص الشنط على
• الى متى هذا الذل من السفارة الامريكيه
• هلالكرسمس وقت مناسب لزيارة شلالات نياقرا مااهم الاماكن السياحية في نيويورك
• ماهي المناطق القريبة لإرولاندو التي ممكن زيارتها بالسيارة؟
• كيفية الزواج من أمريكية في دولة قبرص
• هل موجود في مطار اوستن تكساس كرتون للتغليف
• طلعت الفيزا السياحيه في يومين بس ناقص حاجه ودي اعرفها ؟؟
• استفسار بخصوص الأجواء في شهر

المواعيد الان على السفاره بالرياض

اهلين moon !!
احتاج مواعيد بالظهران , لان عندي موعد بالرياض في 12 ابريل ومؤكد وكل شي تمام
بس ودي اغير على الظهران ومو قادره القى موعد قريب !!!
اشكر تعاونك معاي

للاسف ما فيه مواعيد قريبه والرياض اقرب شي

الظهران دايم مواعيدها ازحم ..

ومافي شي مضمون ..

اتمنى لك التوفيق

يعني شوركم اني ما اتهور واكنسل موعدي الي بعد شهر من الان ؟!؟!
لان الظهران زحمه ومو مضمونه مواعيدها ؟!؟!

وين موقع السفاره بالرياض بالتحديد !! وشلون تعاملهم عساهم حليلين !!
يارب تساهليك علي و الجميع ان شالله !!

مع الاسف يا اخوان عندي لكم خبر سيئ جدا :110:

لقيت موعد بالظهران بعد 4 ايام ...وتحمست اخذه وع السريع الغيت الاول الي كان ب 12 ابريل بالرياض ورحت لظهران ولقيت الكلندر بس مو على نفس الرقم الي كان موضوح بالبدايه ما لقيت الا بشهر سبعه

والحين ما عندي ولا موعد والسبب التهور
انا الان مره محبطه تعب شهور ومتابعه راح بثانيه :110:!!!!!!!!!!!

ليش الموقع مو مضبوط كيف يحطون ارقام ما تتطابق مع الكلندر مع العلم جلست اتابع الموقع لمده ربع ساعه ورقم 4 ايام موجود ع الواجهه الرئيسيه وبالكلندر مو موجود قبل شهر سبعه :112:



الحمدالله على كل حال !!

المشاركة الأصلية كتبت بواسطة shaaadn
http://www.arabtravelersforum.com/tr...6/#post2738496

مع الاسف يا اخوان عندي لكم خبر سيئ جدا :110:

لقيت موعد بالظهران بعد 4 ايام ...وتحمست اخذه وع السريع الغيت الاول الي كان ب 12 ابريل بالرياض ورحت لظهران ولقيت الكلندر بس مو على نفس الرقم الي كان موضوح بالبدايه ما لقيت الا بشهر سبعه

والحين ما عندي ولا موعد والسبب التهور
انا الان مره محبطه تعب شهور ومتابعه راح بثانيه :110:!!!!!!!!!!!

ليش الموقع مو مضبوط كيف يحطون ارقام ما تتطابق مع الكلندر مع العلم جلست اتابع الموقع لمده ربع ساعه ورقم 4 ايام موجود ع الواجهه الرئيسيه وبالكلندر مو موجود قبل شهر سبعه :112:



الحمدالله على كل حال !!





حاولوا في ساعات الليل المتأخرة او الصباح الباكر بعد الفجر ..

وان شاء الله بتلاقوا مواعيد فاضية اخرى ..

وكلوها لرب العباد ..

اتمنى لكم التوفيق

والله يا اخوي impact انا في حال ما يعلم فيه الا الله !!!!!

مقهوره ع الشهرين الي فاتو من متابعه وتجميع معلومات وغيره والحين كل شي ضاع بدقيقه

موقعهم مو مضبوط يعطي ارقام غير مطابقه ع الكلندر
تتوقع لو ارسلت لهم موعدي الي كنسلته وبغيت استراجعه بحجه اني كنسلت بالغلط يمشي معاهم هالكلام

ما يراعون ضروف المقدمين من اقتراب وقت السفر وا اخطاء زي كذا !!!

يارب تسهل امري وكل مسلم

والله حاسة فيك وبوضعك الصعب الله يعينك وعشان كذا قلت ابي ارفه عنك شوي :biggrin:
الحين انتي يوم تدخلين للمواعيد كل شوي وشولة الحثبرة الزايدة لا يكون بتحللين ال 45 ريال حقت اليوزر لازم تعرفين ان كل شيء يصير مكتوب على الانسان وشوفي وانا اختك ارجعي للسفارة بالرياض وان شاء الله بتلقين موعد اقرب من الي راح وروحي وتوكلي على الله وموظفين السفارة بالرياض حبيبين والله وانا بقصلك الي صار معنا انا وزوجي من الالف الى الياء يوم 9 مارس.
وصلنا لمدخل الحي الدبلوماسي الساعة 7:45 دقيقة صباحا ولقينا المدخل زحمة سيارات لأن كان فية تفتيش على السيارات الي بتدخل ويوم وصل دورنا بالتفتيش قالنا الشرطي ادخلو بدون تفتيش قام زوجي فتح شباكة وقالة وين موقع السفارة الأمريكية ما رد علية الشرطي وقالة افتح شنطة السيارة :tongue: وبعد ما فتشوها دخلنا الحي الدبلوماسي ووصلنا للسفارة وقفنا بالمواقف الخاصة بالسفارة ونزلنا وليما وصلنا للمدخل لقينا العالم صافين تقريبا 50 شخص رجال وحريم وتوهم بدو يدخلون الناس للمبنى فية كراسي عند الطابور وكان جالسين فيها الحريم ورجالهم واقفين بالصف جلست عندهم واخذتنا السوالف الي مبتعثة والي رايحة زيارة والي علاج الله يشفيها وبعد نص ساعة بالظبط وصلنا الدور كان الدخول سريع للمبنى عند المدخل كانت وحدة امريكية تتكلم عربي مكسر جالسة على طاولة وتشيك على الأوراق والي اوراقة كاملة كانت تقولة رح لمدخل المبنى ويوم وقفنا عندها شيكت على اوراقي واوراق زوجي وكان الله يهدية الصورة الي مصورها قديمة شوي لها سنة تقريبا وقالتله هالصورة ماتصلح لازم وحدة جديدة ممكن تصورها من استديو قريب للسفارة اما انا فقالتلي عادة الحريم اوراقهم موب مظبوطة بس انتي ماشاء الله عليكي كل شيء تمام راح زوجي يصور وانا دخلت للمبنى عشان اخذ رقم اول ما دخلنا يسئلونك عن الموبايلات او الاجهزة الالكترونية واذا عندك يعطونك ظرف تحطين كل شيء فية وتاخذين رقم واذا طلعتي تاخذينها منهم بعد ما دخلت كان فية التفتيش الاول لازم اذا مريتي من البوابة الالكترونية مايكون عليكي اي قطعة حديد انا كنت مستعدة مالبست لا خواتم ولا ساعة ولا شيء وقبل تدخلين البوابة الالكترونية تفسخين جزمتك وانتي بكرامة انا دخلت بكل ثقة لأن ماعلي شيء ويوم دخلت صفر الجهاز قلت وش دعوة جهازكم مخرف وكانت فية وحدة عربية للتفتيش الدقيق قالت تذكري لا يكون لابسة شيء فية حديد واتذكر واتذكر واتذكر واخيرا عرفت السبب البنس الي بشعري :baaa2: وبعد ماشلتها اشوى مريت بسلام بعد مادخلنا لساحة السفارة مشينا شوي جانا تفتيش ثاني بس اهون شوي من الاول وبعدها دخلنا مبنى قسم التأشيرات وعند الباب اخذنا رقم وجلسنا بسيب طويل وفية بنغالي يبيع كوفي وسناك خفيف وكانت فية شاشات تبين الارقام وكانت الارقام تمشي بسرعة وبعد ماجا رقمنا دخلنا غرفة فيها 3 شبابيك وبعد فيها شاشة ارقام وبعد ماجا رقمنا رحنا للشباك واخذو اوراقنا وجوازاتنا وشيكو على الطلبات والايميل الي خابرتة كنت موزيتة ابي افشلهم اذا قالو شيء :8888: بس عاد حظهم ماسألوني عن اطفالي المضافين معي وبعدها طلعنا من الغرفة للصالة الكبيرة وبعد فية شاشات للارقام ويوم جا رقمنا رحنا للشباك واخذو بصماتنا وقالو انتظرو المقابلة ويوم جت المقابلة سألتنا الموظفة 3 اسئلة وين بتروحون وكم بتجلسون وتعرفون احد بأورلاندو قالها زوجي اية نعرف ميكي :biggrin: ضحكت وقالت اوكي واعطتنا اوراق صفراء وقالت روحو لكونتر الفيدكس وهو بنفس الصالة ورحنا لهم كل العميلة اخذت مننا بالظبط ساعتين ولليوم ما وصلت جوازاتنا واذا وصلت بعلمك ان شاء الله .
وهذي كل حكايتنا لاني تعبت من الكتابة :smile:

هلا وغلا بك اسيره ...والله انبسطت كثير بمشاركتك التحفه love you sweeti

وبعدين مو انا الي المحورفه ...رجلي الله يهديه ماله خلق روحه الرياض واصر الا يغير ع الظهران "" الله يهديه بس ويهديني "

يالله مقدر ومكتوب ومالنا الا الصبر والسلوان على هالرجاجيل ؛)

بالمناسبه حبيت كل الي صار معاكم ومشالله ما فيه تأخير ابدااااا , بس اي ساعه كان الموعد ؟على كذا لازم نروح قبل الموعد بكم ساعه عشان نتلافى هالاجراءت ؟... وعقبال ما تستلمو الجوازات انشالله بس ضروروي تشوفين كم اخذ معاكم وقت الين ما استلمتو الجوازات

وعقبال ما القى موعد ... ح أبداء من الصفر الله يعيني !!!

هلا اخت shaaadn ولا يهمك بتلقين موعد ان شالله بس جربي الصباح بدري (لوماانتي حقت نووووووم) هههه
بعدين انا من رايي الظهران احسن انا جربت الاثنين _ الرياض معقدين
Good luck

الله يسمع منك يا zara ويسهل علي !!

اتابع اي وقت ما عندي مشكل!! ,, المشكل بالموقع حقهم القى ارقام ومواعيد قريبه ع الـ Home ادخل ع الكلندر ما القهاااا !!!؟؟؟؟
وبعدين معاهم !!

اليوم كله هذا حالتي ما غير اشيك والقى ع الظهران وبالرياض بس الكلندر ما يطابق الرقم الي على الـ Home
يالله نزل علي الصبر وطوله البال

many many thanks 2 your lovely comment,, zara,,

ممكن مثل ما تفضلتوا ترسلولهم على الايميل .. وان شاء الله يردوا عليكم ..

اتمنى لكم التوفيق

:50055:

جوازاتنا وصلت بالسلامة اتصلو الفيدكس ورحنا خذيناها الساعة 8 مساء والتأشيرات مدتها 5 سنوات :8888:

:50055:

موعدنا كان بالسفارة الساعة 10 يوم الاثنين 9 مارس واليوم الثلاثاء 17 مارس يعني خذت ثمان ايام بالظبط عقبال الجميع ان شاء الله .

WOooooooooooooooooooooooooooooOW

WOoooooooooooooooooooooooooOW

WOoooooooooooooooooooooooOW

تستاهلون والله

كفو عليكم

الف مبروك حبيبتي
وعقبال الكل
بس فكري بخطتي لا تضيعيين الاجازة بأرولاندو الحاااااره روحووو فيغاااااااس بلييييييييييييييز

impact
اشكرك يا خبير على المتابعه والاهتمام بكل صغير وكبيره تهم الاعضاء
الله يوفقك دنيا واخره ان شالله

لقيت من شوي في may 17 وشكلي بتوكل على الله وباخذه !!!
الموعيد القريبه قاعد تنحجز كان في 10 و16 may اليوم وكلهم راحو اخاف اصبح الاربعا ما القى ولا موعد بـ may

ادعو لي يا اخوان بالتساهيل

بالمناسبه حبيت اسئل لو ربي يسر علينا وانقبلت اوراقنا ان شالله ,, تتوقعون كم من الوقت ونستلم الجوازات !!!
لان سفرنا ح يكون بأذن الله اول سبعه !!!

المشاركة الأصلية كتبت بواسطة shaaadn
http://www.arabtravelersforum.com/tr...8/#post2740078

impact
اشكرك يا خبير على المتابعه والاهتمام بكل صغير وكبيره تهم الاعضاء
الله يوفقك دنيا واخره ان شالله

لقيت من شوي في may 17 وشكلي بتوكل على الله وباخذه !!!
الموعيد القريبه قاعد تنحجز كان في 10 و16 may اليوم وكلهم راحو اخاف اصبح الاربعا ما القى ولا موعد بـ may

ادعو لي يا اخوان بالتساهيل

بالمناسبه حبيت اسئل لو ربي يسر علينا وانقبلت اوراقنا ان شالله ,, تتوقعون كم من الوقت ونستلم الجوازات !!!
لان سفرنا ح يكون بأذن الله اول سبعه !!!




ممتاز خذوه بسرعة قبل ما يطير ..

ان شاء الله ربنا يسهلها لكم وتاخذون الفيزا وتكون رحلتكم 100%

وبالنسبة للفيزا من المتوقع بعد المقابلة باسبوعين اذا اوراقكم كاملة وما فيها اي نواقص

اتمنى لكم التوفيق