الموضوع: شرايكم في معهد الـ في بريطانيا

اخواني الاعزاء .. معاكم ولد الإمارات



انا لقيت معهد في بوظبي يرسل طلبه في معهد الـ EF في جميع انحاء العالم

انا اريد اسير بريطانيا فكانت الخيارات كالتالي

1- london

2- oxford

3-cambridge

4-bournmouth

5-bristol

6-brighton

7-hastings

8-munchester



اخواني هاي افرعه في بريطانيا .. اريد نصيحه منكم اي مكان اسير واوافق على المنطقة والمعهد كيف نظامهم في هالمنتطقة المختاره

انا قريت عنه .. لكيت احد يذمه واحد يمدحه

وقريت انه كثير الطلبة السعوديين متواجدين فيه .. فحبيت آخذ رايكم فيه ..

لان مثل ما قتلكم احد يقول انه اوكيه واحد يقول مش أوكية .. وذلك حسب الفرع اللي هو فيه



انا صراحه بسير شهرين ونصف .. واريد مكان ما فيه عرب وايد .. عشان اقدر استفيد بسرعه

وباخذ كورس مكثف .. وانا خريج باكلريوس محاسبة من جامعة الإمارات



فشوا رايكم اخواني .. انا حطيت وتوقعت اني بحصل عرب قليل في هالمنطقتين واحترت بينهن

1-bristol

2-hastings

فأتمنى تفيديوني شراكم في اللي اخترتهن .. ويمكن احد مجرب وله نظره احسن او مكان افضل وفرع ممتاز من هالافرع .. عشان اتوكل على الله واعتمده



ارجوا الرد السريع علي .. لاني بتكون رحلتي قريبه جدا

شكرا لكم

مواضيع عشوائيه ممكن تكون تعجبك اخترناها لك:

• وين أدرس عيالي جامعة برونيل
• إستشارة في دراسة اللغة في بريطانيارأيك يهمني
• دراسة ماجستير إدارة في أمريكا
• تائه لابعد الحدود
• رقمي فقط في ثلاثة أيام
• أرجوووووووووووو المساعده والله يجزاكم خير
• طريقة من عندي هل ممكن استفيد منهااا ؟؟؟؟
• مبتعث من ارامكو وبلحق زوجتي بالابتعاثافادتكم تهمني
• الفزعة يا اصحاب الخيرة في معاهد اللغه
• جامعة جاكسون فيل فلوريدا
• ما افضل الجامعات فى كندا لدراسه الطب
• بورمنث هيلب مي
• ما هي شروط الفيزا البريطانية
• اخوكم فيصل في ورطه ،، ارجو المساعده العاجله ، علوم حاسب ،
• سؤاال مـــــهــــم جــــداً جــــــداً قبل تعبئتك لطلب التقديم على البعثات غداً
• فرصة ابتعاث جديدة
• ابي معلومات عن كانسس جامعة ويتشيتا
• استفسار عن اللغة و الالتحاق بالجامعة
• لمن يدرس فى توليدو او يستطيع الأفادة ؟؟؟
• مساعدة لدة جامعات بريطانيا

أخي الكريم

بالنسبة للمعهد ما أنصح فيه لكثرة العرب ولسمعته السيئة حيث أنه معروف لدى الغالبية بأنه تجاري بحت

كذلك أرى انك تختار المعهد اللي تبيه عن طريق الانترنت وتسجل أون لاين أحسن لك
لأن التسجيل عن طريق الشركات فيه مشكلة تكدس الطلاب من جنسية وحدة حيث انهم يجون كمجموعات مما يقلل من الفائدة وثمرة الدراسة

المناطق اللي ذكرتها جيدة بس أفضل شي في رأيي

كامبريدج
ثانيا أوكسفور ، بس لهجتهم تختلف شوي عن كامبريدج ، يعني كامبريدج أحسن لهجة

بقية المناطق حلوة وما فيها مشكلة
هيستنقز صغيرة ومدارسها محدودة مما يعني كثرة العرب في المدرسة

طبعا جميع المدن اللي ذكرتها مليانه عرب

أما لندن فما أنصح في الدراسة فيها مطلقا للغلاء الفاحش ، وصعوبة المعيشة والتنقل نوعا ما مما يضيع الوقت والجهد

وبالتوفيق اخوي

والله يا اخوي انا نفس الشي سمعت ان سمعته تعبانه .. وتجاري بحت

انزين هالمعهد شو رايك فيه سمعت ان قوي جدا ومن المعاهد القوية في بريطانيا

bell center
http://www.bell-centres.com/default.asp

وهذا الثاني ايضا سمعته قوية

http://www.oise.com/



شو رايك اخوي واتمنى تفيدني

أما معهد بيل فسمعته صحيح جيدة ، بس أسعاره ناااااار وعلى غير سنع
كما أن المعهد هذا كانت سنعته هذي أيام زمان بس ترى تغير هالحين يعني ما هو زي أول

الخلاصة ما أنصحك فيه أبد

المعهد الثاني فما أعرف صراحه عنه شي سوى انه مشهور وهم غالي بعد بشكل غير معقول

اخوي نصيحة لا تحرص على المعاهد المشهورة مررة
والسبب تكون مليانة طلاب وسعرها غالي

بالنسبه للعرب ما كو فكهم منهم اخوي
وترى وجودهم ما هو سلبي دايما
يا حلاتهم العرب لما يكونون حولك
بس بشرط ما تحتك فيهم واجد

ترى بورموث فيها مدارس كثيييرة جدا
أكيد راح تحصل مدرسة تناسب احتياجاتك


الله يوفقك اخوي

ef مليان عرب والسعوديين كثير لأن المكاتب هنا ترسله

انصحك تغيره بس انت يهمك السياحه ولاعادي اي مدينه

بالتوفيق اخواني

اي اف معهد تعبان يصلح حق اللعابين و رواعي الحوسات

شكرا اخواني على الرد وانا غير المعهد خلاص وجاني قبول
وهذا هو الموضوع


http://www.arabtravelersforum.com/travel281504/


انتظر مشاركتكم فيه

تمنياتي لك بالتوفيق اخوي

وكل معهد له سلبياته وايجابياته بس اهو شي بالموضوع هو انت اذا ضغطت على نفسك وشديت حيلك اكيد بعد الله حتلاقي نتيجه

سعوديه اصيله

السلام عليكم ورحمه الله وبركاته يا شباب اول شي السفر لبرطانيا اسهل مقارنه بامريكا وبلنسبه لسعوديين مو كثيرين في معاهد ال ef عندي اخوياي بيرينتون يقولوا نفس الشي العرب مو كثيرين بمعاهد ال اي اف بس اليبي يدرس ويستفيد
بيحب المعهد لا نلوم المعاهد على كسلنا وانا اوصي بمعهد ال اي اف نت تجربه شخصيه