الموضوع: تكفون ياجماعة ابي أسم الجامعة بس والباقي علي

السلام عليكم جميعا

تكفون ياخوان وياخوات ابي مساعدتكم
انا تعبت وانا اتصل بالجامعات في امريكا علشان احصل على قبول مشروط لدراسة الماجستير في ادارة الاعمال MBA مع العلم ان معدلي 2.1 / 4 بتقدير جيد
وكلهم يطلبون اما توفل او معدل فوق ال 3 وانا موظف بأحد الوزارات في قطر والوزارة طالبه مني قبول من اي جامعة معترف فيها لدى الدولة وبيعطوني اجازة دراسية براتب ,,,
تكفو ياجماعة الخير انا في امس الحاجة لخدمتكم ,,, ابي اي جامعة ممكن تعطيني قبول مشروط بمعنى اني ادرس في احدى معاهدهم لين احصل على التوفل ومن ثم ابدأ الدراسة..


هل ممكن القى جامعة تقدملي قبول من هذا النوع....؟؟؟؟ في اي مكان في امريكا ...؟؟؟

ابي بس اسم الجامعة وانا بتواصل معهم
وجزاكم الله الف خير



رابط الجامعات المعترف فيها لدى دولة قطر

http://www.education.gov.qa//hei/uni..._2007-2009.pdf

ملاحظة: تذكروا أن من سعى في حاجة لأخيه المسلم كان له أجر عظيم عند الله سبحانه وتعالى ,,

مواضيع عشوائيه ممكن تكون تعجبك اخترناها لك:

• لللأهمية ياشباب مابقى وقت بنت الصقور
• شقة للايجار اسكتلندا في منطقة غرب ادمبرا بالقرب من جامعة
• ماجستير ادارة اعمال أو تسويق ارجو الإفادة
• مساعدة عاجلة بليز
• سسساعدوني بليز
• زيارتي لوزارة التعليم العالي
• ايهم افضل للدراسه ؟؟
• هل يوجد فصل نسائي في بورنمث يااخواني ؟
• يااخواننافيه بعثات لكندا ولا احلام
• سندرلاند و جامعة سندرلاند
• مشكلة مختلفة اتعبتني الله يوفقكم ساعدوووني في حلها
• لسوء الحظ موعدي في السفارة يوم
• ارجو المساعدة انا ابغى اقدم قبل ماينتهي التقديم
• مطلوب قبول للجامعة في كاليفورنيا الفزعة
• استفسار عن فيزا دراسية الى أمريكا
• عاااااجل بخصوص كشف الحساب من الراجحي
• استفسار عند معهد في بورمث
• اجراء الفحص الطبي
• ارجو الرد السريع
• رواتب المبتعثين لشهر ذو القعده وشهر ذو الحجه هام جدا

الله يوفقك اخوي

ابحث عن الجامعات السهله في القبول ..

برشح لك اواهايو .. او شوف لك احد يدرس .. احد المنتديات

وربي يوفقك

مشكور اخوي على الرد والله افرحني انه احد رد علي وانا طبعا اطرق كل السبل ولكن انا ثقتي بهالمنتدى خلتني اجعله احد السبل الرئيسيه الي راح انشالله القى منه الفايده

والف شكر على الرد

^ ^ ^ ^ ^ ^

الله يعافيك ..

وعلى فكره ان شاء الله بتلقى .. اللي هو قبول مشروط تحدد لك الجامعة شروط وبعدين تدخل الجامعه مثل درجة توفل او مستوى معين في المعهد او اختبارات اخرى على حسب الجامعه

وترا سهالات .. بس انت حدد الولاية .. ولو تحصل واحد يخدمك هناك خير وبركه .. او راسلهم انت ..

انت اختار الولايه والمدينه .. يعني رشح لك تكون حلوه ومناسبه لك كأعزب او متزوج

وبعدين حدد قوة الجامعة في التخصص اللي تبيه

وربي يوفقك

وشوف هالرااابط
http://www.qataries.net/vb/forumdisplay.php?f=46

ما اعتقد انك راح تلقى قبول مشروط هذا أولا ... و ثانيا معدلك صعب جدا لأنه الوزارة مختاره الجامعات القوية و كلهم ما يقبلون اقل من 3 ...

فعلا اختي بنت الصقور انا لاحضت اكثر الجامعات مايعطون قبول مشروط نفس خريج الثنويه يقولون اول خلص كل شروطنا بعدين قدم لذلك ابي رايكم وش تشوفون؟.

يعني تنصحوني احول على بريطانيا او استراليا او كندا؟ ابي اي مكان اقدر احصل علي قبول

اخوي اسمحلي ماقريت ردك هذا واللي وضحلي وشهي الدرجة اللي بتدرسها وكم معدلك .. شوف اخوي على حسب علمي ان المجلس الاعلى للتعليم الله يهدي موظفينه مصعبين على العالم م ناحية القبول الغير مشروط وفوق هذا مختارين جامعات قويه !!

اذا انت بالفعل بتقدر تحصل قبول مشروط من دوامك بمعنى انهم بيعطونك إجازة دراسية فـ هذا فوق الزين وياليت يطبقونه للناس اللي ناوية تدرس .. شوف اخوي بالنسبة للجامعات ابشرك فيه وانا في بالي الحين جامعة تعطي قبول مشروط وقوية في تخصص الـ MBA وهي جامعة سان دييغو ستيت وهذي جامعة قوية ومكتوب في موقعهم ان تقدر تستحصل على قبول مشروط (( معترف فيها وبتحصل اسمها في لستة الجامعات الوطنية )) وهذا موقعهم

http://www.sdsu.edu/

وبالنسبة لمعهد اللغة التابع للجامعه يعتبر من اقوى معاهد اللغه في امريكا ومعترف فيه من قبل مجلس USIEP وهذا مايعتمد الا معاهد الجامعات القوية مثل هالجامعة ولازم يكون قوي في دراسته يعني إن شاء الله بتستفيد
وهذا موقع المعهد
http://www.americanlanguage.org/

اخر نقطه اخوي اذا تبي اي مساعده قول ولاتتردد وترا في جامعات ثانية تعطي بس يبيلك تتعب معاهم يعني ايميلات وتيلفونات ولو يقدر الواحد بعد يروح لهم ويقنعهم انه جدي في الموضوع وإن شاء الله يصير القبول ..

سؤال اخير اخوي .. شلون عطوك دوامك قبول مشروط يعني لو توضحلي هالنقطه لان في عالم واجد تبغى تدرس ويتمنون هالقبول المشروط .. هل الواسطه لها دور ولا عادي الموضوع يمشي ؟

اخوك بومحمد النعيمي

ابو محمد انا شيكت على الجامعه الي قلت مكتوب فيها ان المعدل لازم فوق 3 وان معدلي 2.1 تكفى اذا تعرف جامعه تقبل معدلي دلني

مرحبا ابومها .. انا قلتلك عن جامعة سان دييغو انها عندها قبول مشروط يعني انت ترسل لهم ايميل باسمك واسم الجامعة والمعدل والتخصص وعقبها يردون عليك بالقبول او الرفض بناء على معدلك والمواد اللي درستها وخلافة فا قدم عليهم ولاتنتظر !! واذا رفضو عليك بالاتي ..

اولا سلمك الله تسويلك لستة بالجامعات اللي حاب انك تقدم عليها ولنفترض 10 جامعات

ثانيا ترسل للجامعه ايميل انك تبحث عن قبول مشروط بأجتياز اللغه والجيمات (( الجيمات هذا ضروري واغلب الجامعات الامريكية تطلبة وماعتقد جامعة معترف فيها ماتقبلة !! ))

ترسل لهم ايميل وانا بعطيك الصيغة .. عقبها راح يردون عليك انك ترسل صورة من شهادتك عن طريق الفاكس , تقوم وترسل لهم , هنا سلمك الله ادارة الكلية تقرر اذا في امكانية او لا .. اذا ردو عليك بالقبول بشرط تخلص الانجليزي والجيمات هذا زين واذا قالو لك مايصير دور على غيرهم .. وترا في 178 جامعة امريكية معترف فيها منها فوق 150 جامعة فيها نفس التخصص اللي حاب تدرسة ..

طبعا انا اقولك في جامعات تقبل معدلك بس المشكلة ان المجلس الاعلى مايعترف فيها فا الحل لهالمشكلة انك تقدم على جامعات وتجرب حظك خلال هالايام ..

في نقطه اخرى انا مريت فيها بس مادري اعتقد ماتناسبك انك تدرس مواد بكالوريوس لمدة كورس عشان يرتفع المعدل وعقب تلتحق بالماجستير بس هذا كله ترا على حسابك يعني اللغة والجيمات والكورس اللي تدرسه عشان ترفع معدلك يعني حط في بالك حول 100 الف ريال قطري !!

فا انت فالبداية قدم على جامعات وجرب حظك اذا صار كان بها , ماصار حاول بقدر الامكان تاخذ اجازه لمدة سنه ونص بدون راتب تخلص متطلبات القبول ...

بخصوص القبول المشروط اخوي بومها انا رحت المجلس الاعلى للتعليم اسالهم عن القبول المشروط وقالولي ان هالكلام انتهى من زمان من ايام بن شرباك يعني قبل مايطلع المجلس الاعلى للتعليم ,, القانون الجديد يلزمك انت يالطالب بخطوات تسويها وهي

اولا .. تجيب قبول غير مشروط من جامعة معترف فيها من قبل هيئة التعليم العالي ..

ثانيا .. كتاب ترشيح من العمل للانضمام للبعثه

ثالثا .. موافقة لجنة الابتعاث بهيئة التعليم العالي

وبعد ماتجتمع الهيئة ويقررون احقيتك بالبعثة يطلع كتاب الابتعاث ,, هذا سلمك الله انا قاري القرار وعندي صورة منه يعني الكلام اكيد , فا اذا انت تبي تدرس انجليزي وتخلص متطلبات القبول ترا مالك الا انك تاخذ اجازة بدون راتب وتخلص عمرك !!

عن نفسي انا محال للبند المركزي من عام 2006 عشان كذا رتبت اموري الحمدلله ودرست اللغه ورفعت معدلي

يــــتـــــبــــــع

Dear Mrs\Mr



This letter concerns my application to your ...........................................

I want you to know that I graduated from (1)………………..

I am working now as (2) ………………


I would like to know if you can grant me a conditional admission to your master program subject to satisfying the TOEFL requirements before actual enrolment so I can start my English classes on ................. in your University Language Center.

Please note that ................ (3) – the sponsor of .................. – has a policy for scholarships which states that all scholars must receive a conditional admission from a school prior leaving..................

In addition, I will study an intensive English course for a full year at your English language center or any place that you may recommend. During which, I will be able to take the TOEFL / GRE / GMAT tests (which one is applicable) to your satisfaction and start my academic work.

please reply me as soon as you can so I can apply online and send you my application packet.



sincerely,


YOUR MAME

هذي رسالة ترسلها للكليات اللي بتقدم عليها , تحصل الخانات اللي باللون العنابي هذي سلمك الله تحط بياناتك فيها يعني اسمك وتخصصك والمعدل والجامعة اللي درست فيها والمكان اللي تشتغل به الحين

وعقبها سلمك الله ترسله لهم وتنتظر الجواب والعملية تراها سهله بس يبيلها شوي متابعة منك انت شخصيا

واذا واجهت صعوبة في الرسالة عطني خبر وانا اعلمك وابشر بسعدك


ملاحطة : لاتسجل في اي موقع يعني لاتدفع فلوس ولاتعبي الابلكيشن , اول شي ارسل لهم هالايميل واذا ردو عليك بالموافقة ارسل لهم الاوراق وعب الابلكيشن

عز الله انك ماقصرت والله يوفقك يالغالي سويت اكثر من ماكنت اتمنى

اما بخصوص القبول المشروط بالنسبه للمجلس الاعلى انا اعتقد انك تقصد البعثه وانا البعثه مالي شغل فيها انا بدرس على حسابي الخطوات الي قلتلك فوق هذي عشان تحصل على اجازة دراسيه من العمل فقط

يعني مثل مايقولون عندنا تفرغ دراسي اما البعثه ممكن تقدم عليها بعد ماتجتاز كل الامور الاوليه من لغه وغيره وتحصل على القبول الغير مشروط او انك تكون فعلا بديت الدراسه تقدر تشوف امر البعثه في هالحاله وتسمى بعثة موضفين

يعني انا اول شي افكر احصل على تفرغ دراسي اخلص اموري على حسابي من لغه وغيره وبعدين اشوف البعثه مع اني لو حصلت على التفرغ الدراسي البعثه ماتهم الاهم عندي اني اخذ تفرغ

الله يرحم لي والديك يابومها انا ماسويت الا الواجب وياخوي انت تامر امر ان بغيت مساعده ولا شي اكتبها وانا بالشوفه .. اخوي اسمحلي انا احسب انك تبغي تنضم للبعثه ومادريت انك تبي تاخذ اجازة دراسية .. المهم الله يوفقك بمسعاك .. المهم اخوي انت عندك اللسته الحالية للمجلس الاعلى للتعليم اخذلك نظرة عليها واختار 10 جامعات كخطوة اولية وعقبها ابتدي راسلهم بنفس صيغة الايميل اللي عطيتك اياه ووانتظر الجواب ...

نقطه اخرى اخوي الغالي ابومها انك حاول بقدر الامكان ماتقدم على معهد الجامعة كخطوه اولى عشان يعفونك من التوفل لان اذا قدمت على المعهد اول شي بيكون القبول المشروط صعب تحقيقة حتى لو ان الجامعه عندها قبول مشروط راح يردون عليك انك تخلص متطلبات اللغه والجيمات وعقبها يقبلونك .. فا انت قدم عليهم على انك تبي قبول مشروط وان قالولك لازم تخلص متطلبات القبول خل حد لغتة الانجليزية جيده يتصل فيهم تيلفون ويشرح لهم الموضوع انك تخاف تتاخر في الحصول على التوفل ومن هالكلام لعل وعسى تنقبل .. اذا رفضو راسل جامعة ثانية وهكذا , واي خدمة اخوك بومحمد موجود وباقي الاعضاء الكرام ..

نقظة اخيرة اخوي بومها المجلس الاعلى للتعليم المفروض يصدر قائمة بالجامعات من شهر 2 اللي راح وهالقائمة بتكون موسعه شبيهة بقائمة السعودية بحيث انك تلقا جامعات معترف فيها بالكامل وجامعات معترفين ببعض التخصصات وهكذا وعلى ماسمعت من المكتب الارشادي عندهم انها بتكون موسعه اكثر والله اعلم , لكنه مانزلت للحين ومتوقع شهر 6 والله اعلم

اخوك بومحمد