الموضوع: دلوني على افضل فصالين ثياب كويتيه في الكويت

الخياطين بالكويت اغلبيتهم ممتازين عندك

الفحيحيل .. والفروانيه .. وشرق

المشاركة الأصلية كتبت بواسطة aalshass9
http://www.arabtravelersforum.com/tr...8/#post3802930

اخواني الاعضاء دلوني على افضل فصالين ثياب كويتيه في الكويت



الرجاء تحديد نوع الخياط مثل سهرة أو بدلات استقبال أو دراريع لاني كويتية وراح افيدج انشاالله

على العموم راح اعطيج بعض العناوين
اولا : ملابس السهرة
عندج مجموعة من المشاغل الجميلة خلف مجمع النقرة الشمالي والجنوبي وايضا في الفروانية مجمع النمران فوق بس مورخيص يعني من 200 دينار ومافوق
عندج ملابس السهرة الجاهزة في المجمعات مثل المهلب - النقرة الشمالي - جاليريا 2000 في السرداب - ليلى جاليري

ثانيا: البدلات والفساتين الاستقبال
عندج الخياطين خلف مجمع الاوقاف شغلهم نظيف بس يطولون يعني لازم قبل فترة عندج في منطقة السرة فيها مثل مجمعات صغيرة تكونفيها مجموهة من الخياطين وعندج في منطقة السالمية مجمه المبرور في خياطين شاطرين وشغلهم نظيف بس فهميهم الموديل عدل وهذة المجموعة ارخص من اللي قبلها يعني تبدأ السعاار من 30 دينار الي 300 دينار

ثالثا : الدراريع اذا تبين تفصال انصحج في الفروانية مجمع العربيد للخياطة الدراريع
اما الجاهز تلقينة في داخل مجمع الاوقاف وايضا مجمع الدبوس في الفحيحيل
اتمنى اكون ساعدتج واي استفسار عن الكويت انا حاضرة

الاخت مل قلبي اعتقد الاخ يسأل عن تفصيل ثياب الدشاديش للرجال
تحصل افضل الخياطين الباكستانيين ومنهم كثير في شرق بجانب ابراج العوضي
وفي خياط الماسة الجديد في شارع فهد السالم بالسوق مقابل مبنى البلدية على جنب شوي
تحياتي

فعلا اخوي travel star انا اسال عن تفصيل ثياب كويتيه للرجال فشكرا لك على افادتك وشكرا لك اخوي dellar 2000والشكر موصول للاخت مل قلبى وماقصرتي 00000000تحياتي للجميع

عندك خياط محمد شاه في الفروانية . وخياط المقص الذهبي في شارع أحمد الجابر وخيا ط جوهرة الشرق وخياط ضياء الصالحية وخياط كريم . كل هؤلاء هم اشهر خياطين الكويت على حد علمي . بس اهم شئ تأكد من جودة القماش وافضل لك تاخذ القماش ( الخام ) من البلوكات خامات ممتازة واسعار حلوة , مثل محل كاكولي وابو الحسن وسرابيل
واي خدمة تراي مستعد ، ابن دخيل الله /القصيم