الموضوع: المساعده في ترتيب رحلة عرسان

السلام عليكم ورحمة الله وبركاته
كيفكم جميعا اخواني واخواتي
الله لايهينكم انا راح اجي دبي شهر عسل في شهر july وياريت الله عنده خبره يفيدني في ترتيب جدول يكون متنوع ومريح واهم شيء يكون ممتع ( مثل ماانتم عارفين شهر عسل) وراح ابقى في دبي لمدة اسبوع
انا عارف اني راح اطول عليكم لاكن الله لا يخلينا من اصحاب الخبره امثالكم
شو المنتجعات او الفنادق اللي تنصحون العرسان بها ياحبذا لو تكون روابط هذه المنتجعات او الفنادق
ثانيا هل تنصحوني ان استاجر سياره او سيارات الاجرة تقووم بالمقام
المطاعم والاسواق
متى مواعيد الزيارات لبرج خليفه وطريقة الحصول على التذاكر
انا طولت عليكم لاكن الله لايهينكم على الخدمة ولكم مني الدعاء
تحياتي لكم جميعا

مواضيع عشوائيه ممكن تكون تعجبك اخترناها لك:

• افادتكم
• جمال السياحه فى دبى
• مقاهي دبي
• برنامج لست ليال
• مطعم ملوخية بالبرشاء ومطعم جراند ابو شقرة بدبي
• بــيــت الــشــبــاب فـي دبـــي
• اليوم عدت من الإمارات فوائد قد تحتاجونها
• ماهي الشركات اللي تأجر سيارة مع سائق في ابو ظبي
• معرض دبي تاريخ
• سؤااااااال مهم جدا
• وصلت اليوم شقق النورس
• مطلوب شقق في ابو ظبي
• سؤال عن دبي اوتلت مول
• فنادق حول بحيرة برج خليفه ودبي مول
• اهل عجمان وين الاقي عندكم محلات العبايات وخيايطة الجلبيات
• شركات تأجير السيارات في دبي
• رأيكم في راديسون بلو دبي مارينا ؟؟
• طلب غريب عجيب
• السيتي سنتر والبستان بلازا
• ابحث عن عناوين محلات الملابس والفساتين النسائية بالجملة

السلام عليكم ورحمة الله وبركاته
وعليكم السلام
اولا: عسي الله يهنييك بزواجك ويستر عليكم ويوفقكم


شو المنتجعات او الفنادق اللي تنصحون العرسان بها ياحبذا لو
تكون روابط هذه المنتجعات او الفنادق
اخوي الفنادق والمنتجعات كثيره حسب ميزانيتك
وانصحك بزيارة هذه الصفحات... عشان تستفيد من المعلومات اللي فيها
http://www.arabtravelersforum.com/travelarab101/
http://www.arabtravelersforum.com/travel279407/
http://www.arabtravelersforum.com/travel332717/



ثانيا هل تنصحوني ان استاجر سياره او سيارات الاجرة تقووم بالمقام
المطاعم والاسواق
إستجار السيارة يتطلب وجود جهاز للملاحة ومثال
جهاز القارمن او برنامج قارمن نوكيا


متى مواعيد الزيارات لبرج خليفه وطريقة الحصول على التذاكر
للاسف برج خليفة مقفل حاليا لخلل بالمصعد
يمكن علي وقت وصلك يتم الافتتاح يجووز
وهذا موقع حجز التذاكر لكنه مقفل حاليا
http://tickets.atthetop.ae/

بالنهاية ان شالله
استفدت من المعلومات

الله يعينكم على الحر

الفنادق والمنتجعات

في فندق ميناء السلام وفندق القصر اومنتجع رويال ميراج او منتجع دزرت بالم هذا روعه فلل ومسبح خاص

واذا فنادق وتحته مول مثل فندق ذا ادرس او فندق كمبنكسي او فندق كراون بلازا فستفال ستي

والمطاعم وايده وفي مجمع للمطاعم في شارع جميرا فيه عدة مطاعم متنوعة

ممكن تزورون في دبي اتلانتس وذا ووك و فستيفال ستي و الاكواريوم في دبي مول بن بطوطة
برج خليفة

ومبروك مقدما

مرحبا اخوووي الله يهنيك يارب ويسعدك
بنسبه الاماكن
1- زياره منطقه جميرا يوم كامل تشمل (زياره لفندق اتلانتس +ممشي مارينا وركوب السفينة لمده ساعه +زياره مطاعم الممشي او جميرا بشكل عام +زياره برج العرب اذا حبيت +زياره المسابح المائيه ....بس ماانصح فيها ماراح تستفيد لانه الاطفال اكثر شي )

2- يوم كامل في دبي مول تشمل (التسوق +زياره الاكواريوم +زياره الحيوانات المائيه في الدور العلوي +الاستمتاع بالنافوره الراقصه من الساعه 7:30 مساء حتي 11مساء +المطاعم +صاله التزلج..+ زياره برج خليفه تقدر تقسم الفعاليات علي يومين لانه كلها في مكان واحد وقريبه من بعض )

3- زياره مجمع ابن بطوطه والاستمتاع بالجناح الصيني مرره نايس المطاعم +ركوب المنطاد عند الجناح المصري مرره حلووو +الذهاب الي مول الامارات وتشمل التسوق +سكي دبي تقريبا 3-4 ساعات والمطاعم كثيره هناك في شي خاص وشي عام )

4- يوم في الشارقه

5- مجمع الغرير +البستان +سيتي سنتر مجمعات قديمه بس اذا حبيت تزورهم في منطقه ديره تقريبا

طبعا السكن افضل شي جميرا او شارع زايد او منطقه البرشاء

كونكم عرسان افضل استخدام التاكسي في التنقل لانه دبي كبيره وصعبه الوصول الي المكان المطلوب بسهوله

واذا كان بعيد استخدم المترو تجربه مرره حلوووه

وشكرا

الله يعيكم الصحة العاافية جميعا
الف شكر aktd وكذلك لك اختي ام سيف وسلطان على اعطائي هذه المعلومات القيمه
فيونكه حمراء الف شكر جزيل لك فعلا جدول اكثر من رائع وان شاء الله راح ازور جميع المناطق اللي اعطيتني
الف شكر لكم جميعا كنتم متعاونين الى بعد حد
تحياتي لكم

فيونكه حمراء او اي احد لدية الخبرة الله لاييهنكم بصراحه اعجبني الجدول اللي اعطتني ايها فيكونة حمراء ولاكن ابي احد ينصحني في السكن اللي يكون قريب من هذه الاماكن
في انتظاركم وتحياتي لكم جميعا

افا وينك يااهل الخبره وين ربعنا اهل الامارات يعطونا رائيهم
في انتظاركم الله لايهينكم

انا ارشح لك فندق العنوان
مقابل النافورة الراقصة

وهذا تقرير عنه من الاخ ويتشر
http://www.arabtravelersforum.com/travel359502/

للرفع بانتظار اهل الخبره للافادة

اخوي اذا ميزانيتك زينه
فندق العنوان داون تاون جميل جدا للعرسان انا مجربه ( نوع الغرفة بريمير فيها مطلع على النافورة شوي اغلى )
لانك بشهر عسل يلزمك فندق خمس نجوم نظافة وديكور وفخم وخدمات وكلها متوفرة بالفندق طبعا
ولا تفنعني انك من اول يوم ما راح تريح وفي المساء تنزل لمول دبي الملاصق لك وتشاهد النوافير الراقصه وتدخل لمول دبي وبيضيع الوقت داخل وتقطع لك تذكرة تدخل حديقة الحيونات المائية (تسوي جوله) وبعدين تتعشى بالمطاعم التنوعه على ذوقك وبعدها تدخل السوبر ماركت اللي في المول وتشتري احتياجاتك من مشرب واكل خفيف وحلويات
ويوم ثاني تنزل ايضا عند النوافير الراقصه وتشاهد جسر وتمشي للجه الاخري وتكون وصلت لسوق البحار تتمشى فيه محلات كفيهات ومطاعم وجلسات حلو بالمساء حلو ايضا
يعني انت عند فندقك مولات حلوه
بالاضافه انصح في خريطه اخذها من الفندق اول ما تدخل في كاونتر على اليمين لتنظيم الرحلات عنهم خريطة في شخص اصلع اجنبي ممتاز بالتعامل والله وحبوب وخدوم.
تبي مولات انصحك فيها لزوجين عرسان
سجل عندك
مول ميركاتو على الطراز الايطالي والله حلو وجميل للتسوق ومطاعم كذلك
مول الفيستفال ستي ايضا ممتع وتسوق وفي جوله بالخارج تعملها بالقارب مجانا
مو الامارات طبعا خله وقت كافي تدخل عند مدخلا حديقة الثلج وتقطع التذاكر للحديقة وتذاكر منفصله لركوب التلفريك بالداخل راح تقضي وقت مافي احلى منه بدبي كلها وتتمتع بالتجول مع الاهل.
وفي عندك محلات حلوة ومطاعم حلوه بالداخل متنوعه
واطلع منه وروح مول ابن بطوطه قريب منك على مول الامارات مقسم لركن صيني ومصري وتونسي روعه اقضي في وقت ممتع وبعدين اطلع وروع مجمع تايم سكوير(في داخله المقهي الثلجي اشرب لك شي دافئ او عصير بلتقال بكوب ثلجي) يكفي ربع ساعه تستمتع بالاجوال وبعدين روح نام لانه هذا يمو طويل ومتعب وكله اثارة
اذا تبي تزور مول الوافي وبرجمان وستي سنتر تقدر بيوم واحد كلهم جنب بعض تقريبا نسق الوقت بينهم ليوم واحد
وضيف معاهم مول فيستفال ستي اذا لقيت وقت اخر شي
وعندك يوم روح شوف فندق الاتلنتس وبرج العرب وزور سوق المدينة جميرا طراز قديم طبعا بطابع حديث عصري
وبالمساء احجز عشاء مع قارب عن طريق الفندق بيعطيك شي مرتب وفخم مو اي مركب وموجودين بمنطقة الخور بتكون امسية روعه لزوجين.
يوم روح للاوت ليت تسوق فيه في اشياءرخيصه بس دور عدل وروح مول الدرايجن مول الصيني كل شي فيه من اجهزة وملابس واثاث ال مواد البناء خطير بس لازم تفره عدل وبرجعتك قول للسائق روح فندق ديزرت بالم والقي نظره عليه في شالية مع مسبح اذا عجبك اخذ لك ليله حلوة فيه بخصوصية وسباحة على راحتكم.
ملاحظه( الادريس داون تاون بيعطونك 3 ليالي وليله مجانه حسب ما اعرف )
ولا تسكن بفندق عادي بشهر العسل ولا في فنادق رخيصة واقتصادية مثل الايبس والهولدي ان وغيرها بالاضافة للشقق الفندقة لكن بوضعك روح العنوان داون تاون
وادعيلي بالصحه والعافية لي ولاهلي

بيض الله وجهك اخوي red1981man وربي كمال وجمال الله يعطيك الصحة والعافيه لك وللاهلك وكل من يعز عليك
لاهنت اخووي كفيت ووفيت وان شاء الله نبي ناخذ رايك وشورك لان ساعة ماقريت اللي انت كاتب ارتحت له
لاهنت اخوي ولاهانوا اخواني واخواتي اللي شاركوني الراي
دعواتكم لي بالتوفيق
تحياتي لكم