الموضوع: احلى اللحظات في باريس

lreem@
اسمع كثير مايمدحون ديزني في الصيف
وقت روحتنا كان حلو وخفيف وانبسطنا مرررره .. الاحلى متابعتك

يوم حلو ..


ترا سيفورا فاتح طول اليوم ما يقفل

تقرير ولا اروع وماشاء الله عليكم مافوتو شي تعجبيني


ديزني حتى انا وعيالي مااستمتعنا فيها كان زحممممممه وحر فظييييع

والشانز تمنيت اجلس واسهر فيه واشوف الرايح والجاي بس اللي معاه اطفال ايش يسوي وخصوصا اني

ماحبيت يشوفون مناظر مالها داعي

مستمتعين معاك اختي روز ماري .... متابعينك

متابعين الموضوع ومستمتعين معاج ......................روز ماري

ممكن اعرف سعر هوت شوكلت وهل مطعم المشاهي بالزني غالي وبكم الوجبه اذا امكن

mzoon
انا استغربت انه فاتح لوقت متأخر ومادريت انه كل اليوم مفتوح
معلومه جديده وحلوه

miss smsm
الاروع متابعتك وفعلا غطينا اغلب الاماكن وكانت المده كافيه الحمدلله وعشان كذا استمتعتنا
ديزني الجو كان خيالي وقدرنا نلعب اغلب الالعاب ومافي هذيك الزحمه
يلا ان شالله ربي يكتبلك سفره ثانيه وتنبسطين اكثر
خلك متابعه اخر جزء من التسوق في باريس

chwety-_-girl
اتمنى ان التقرير نال اعجابكم والبقيه في الطريق ان شالله

العطره
بصراحه مااذكر السعر بالضبط لكن كان غويلي شوي و يستاهل والله
ماعرفت المطعم اللي تسألين عنه للاسف بس ان شالله غيري يفيدك
تابعي اخر جزء من تقرير باريس واي سؤال حاااضرين

روز ماري تقريرك روعة وحمسني لباريس
رحلتي راح تكون بداية اغسطت بعد النمسا
قلنا نروق في طبيعة النمسا ونخلي مسك الختام باريس

بصراحة من احلى التقارير اللي شفتها
لكِ شكري وتحياتي

مرحبا اختي روزماري ..اهنيك على التقرير الاكثر من رائع والله يجزاك ألف خير ..
بس حبيت استفسر عن بعض الشغلات لأن ناوين نسافر هالصيف ان شاء اله الى باريس..
اب ترشحيلي الفنادق القريبة من الشانز وتكون 4 نجوم ومكيفة يكون احسن واسعارها معقولة واحنا 5 اشخاص انا وزوجتي و3 اولاد يعني لازم غرفتين ؟
هذا اول سؤال والله يعينك على الاسئلة القادمة .. لان احب اعرف كل شي بالضبط

ميسو12
الاروع تواجدك وباريس تستاهل والله
واي سؤال حاااضرين لك

lubo95
مراحب .. الاورع متابعتك وهذا اقل شئ اقدمه لاعضاء المنتدى
حلو التخطيط المبكر للسفره موفق يارب
بالنسبه للفنادق كثيره والاسعار من 800 الى 1000 هذا المتوسط انت حدد ميزانيتك وابشر بالخير
وحط في بالك ان فنادق باريس صغيره مهما كان عدد النجوم .. واي استفسار لايردك شئ

شنو رايك اختي روزماري بالفنادق التالية : شاتو او امارانتي؟؟

lubo95
كلهم اربع نجوم وكلهم خطوتين وانت في الشانز
بس ارشحلك الشاتو لان توه مجدد
واي سؤال حاااضرررين

عزيزتي روزماري

شكرا لك على الجزء الثاني لديزني ،، صور جميلة جدا

في انتظار الباقي

مرحبا روزماري يعطيك العافيه ع المجهود الرائع وبصراحه رحلتكم واضح عليها الترتيب والمتعه الله يسعدك دنيا واخره

ابي منك خدمه ياغاليه ابيك تشرحين لي الاوت لت هو عباره عن وشو وهل يستحق الزياره ومن وين اشتري تذاكره؟؟؟

وابي اسألك ليش مادخلتي الاستديوز رغم ان العابه للكبار اكثر واحلا ؟؟؟ وبانتظارك عزيزتي

يعجبني في تقرير التعليق الحلو اللي يخليك عايش الجو

تهانينا

LREEM@
الاجمل متابعتك وتواصلك .. الباقي بالطريق ان شالله

جاكلين 2010
هلا والله .. الاروع متابعتك
الاوت لت سوق للماركات المخفضه يعني بضاعة الموسم الماضي او بضاعه فيها عيوب بسيطه
والاسعار ارخص طبعا بس بصراحه مااعجبني مره حسيت ان بضاعة الرجال احلى ومتنوعه اكثر
تذاكر مافيه لانه سوق مفتوح عادي بس عشان توصلين له تحتاجين تذكرة RER A
وتنزلين بالمحطه اللي قبل محطة ديزني واي سؤال حاااضرين

qatar1983
يسعدني اطراءك والله .. خلك متابع نهاية الرحله

ما شاء الله تقرير باريسي جميل ومربت بين رحلات الصباح والمساء .....ننتظر الباقي

اولاً : اشكرك / اختي روزماري
على تقريرك الرائع .... وتسلم يديك

ثانياً / احب اشكرك جزيل الشكر على توضيحك لطرقة ركوب المترو (عندما حددتي 3 نقاط مهمة لركوب المترو)
وقد فادتني كثيراً

فجزاك الله الجنة


اخوك / عطر الشمال

ماشالله رحله موفقه وتسلمين على التقرير الرائع

أمتعتينا بتقاريرك في كولون و باريس يا روزماري

صور جميلة شاهدناها و جولات رائعة تابعناها

شكرا لكِ و في انتظار جزء بروكسل

تحياتي و تقديري

ماشاء الله عليكي ياروزماري تقرير حلو ومرتب وممتع وحسيت وانا اقراه كأني معاكي ومكتوب بطريقه مبسطه مذكور فيها أهم النقاط ومافيه ديتيلز كثيره اللي ممكن تسبب الملل
الله يسعدك يارب

شكرا ع التقرير والصور ،،
دمــــــــتي بمحــــــــبه ،

صحيح تقريرمرتب وحلووانسيابي للاماكن ذكرتينا بجالري لافاييت وااااو ما يبيله يوم واحد حلاته تقسمين ادواره على زيارتين او تاخذين راحة بعدين تكملين .....بس انصح كل وحدة لا تصطحب زوجها هناك بيخليج تطلعين وانتي ما استانستي لانه بيمل بسرعة ...ونصيحة اخرى اخذي معاك بوك (جزدان) عامر باليوروات ههههههه

تقرير رائع يعطيك العافية
كني ملاحظة ان مافي طبيعه بس تسوق

ماشاء الله شيء ممتع رائع ...ملف قيم اقل مايمكن ان اقولة عن هذة الرحلة الجميلة

ماشاء الله ابداع وروعه في التصوير والسرد الصراحه واااااااايد استانست من التقرير الروعه تسلم الأيادي والله ذكرتينا باللي مضي عليكم بألف عافية

أجمل تقرير قريته عن باريس
ذكرتيني بسفرتي عام 2007 جايك ياباريس 2010 والله حماااااااااااااس

تقرير رائع

وصور رائعه

مشكوووور اخوي ع التقرير الرااائع ..
وتقبل مروري..

يسلمووووووووووووو

تقرير ولا أروع

سهولة وررررررررررروعة في الطرح

السلام عليكم آنستي ، أحب أسأل إذا عندك فكرة أيهما أرخص من حيث المعيشة ( المطاعم ، السوبرماركت ، الفنادق) ، الأسواق وغيرها باريس أم لندن لأني ولا مرة زرتهم وهل عنده تذاكر عائلية عليها خصم مثل السويس باس الموجودة في سويسرا وكم تتوقعين يكفي دينار كويتي يكفي للشخص الواحد للعيش لمدة اسبوع واحد وشكرا مرة ثانية وايد

تقرير اكثر من رائع

على الرغم من انني زرت باريس عام 2007 م الا انني لم أتمكن من زيارة متحف اللوفر و قصر فرساي و الحي اللاتيني و قد استفدت كثيراً من تفرير التجوال اليومي الرائع هنا الذي جاء في وقته لأن رحلتي القادمه لباريس ستكون في ابريل القادم لمدة خمسة ايام ..

شكرا عظيم و تحية تقدير لك على هذه المعلومات القيمه

مذاق التوت
الاروع متابعتك .. باريس صح فيها حدايق حلوه بس مافيها طبيعه مثل سويسرا لا اغلبها تسوق
فيه مدن في الجنوب طبيعتها احلى اذا انتم تهتمون للطبيعه

qatar2007
الاجمل حضورك واطراءك ويارب يكون التقرير مفيد لكم

seashellq8
الحمدلله ان التقرير اعجبكم وخلاكم تعيشون اجواء باريس ولو اني اشوفها احلى من الصور بواااجد

Easa678
شهاده اعتز فيها واتمنى لكم رحله ممتعه ولاتنسونا من التقرير

لولا لولا
الاروع متابعتك وان شالله تقرير بلجيكا يكون بنفس المستوى

*الاستاد*
العفو ماسويت شئ المنتدى والاعضاء يستاهلون اكثررر

الطائر الوردي
الاروع مرورك والحمدلله ان التقرير كان خفيف عليكم

أم يعقوب
وعليكم السلام والرحمه .. انا مازرت لندن عشان اقدر افيدك لكن اتوقع لندن اغلى بما ان الجنيه الاسترليني اغلى
وفيه مقوله اللي تعجبه لندن ماتناسبه باريس والعكس وبصراحه انا افكر ازور لندن هالصيف واقارن بينهم
ياليت اللي زارهم يفيدنا اكثر .. بالنسبه للسويس باس فيه مثلها بباريس ولكل نوع سعره وطبعا الميزانيه تختلف
من شخص لآخر حسب الميول يعني تسوق ولا مطاعم ومقاهي ولا بس تمشيه ولا ولا ... مدة اسبوع اشوف ان
3000 يورو تكفيك مع السكن والتذاكر بدون تسوق وتبقى المسأله نسبيه و اي سؤال حااااضرين

lawyerstar
اتمنالك رحله موفقه وان شالله تستفيد من التقرير هناك وتدعيلي

هلا بالغلااا روووز
مشكوووره عيوني عالتقرير والتصوير
ممتع جداااا
مووووفقه حبيبتي

تسلم ايدينك تقرير رائع ووافي وومتع وخفيف
بغيت كم سؤال اختي انشاءالله انا جايه لباريس على نهاية 6 بغيت اسال كيف الجو- والاسواق متى تسكر و-ايش الاماكن اللي تفتح بالليل لاني حابه استغل الوقت وازور اكثر من شي في اليوم- وبالنسبه للشانز لحد الساعه كم تكون الناس متواجده فيه-وبخصوص دزني انا معاي ولدي عمره 7 هل فيه العاب تناسبه وخصوصا انو خواف وبالنسبه للكبار هل كل الالعاب صعبه وحركاته قويه لاني اموت بالالعاب لكن ممنوعه منه وخصوصا الي حركات الرقبه فيه قويه قلتلك قصة حياتي بس علشان توضحلك الصوره وبالنسبه للعرض اللي بتقريرك حق الشخصيات باي مكان واي وقت واخيرا دزني متى تقفل
واسفه على الاطاله والف شكر

عليج بالعافيه

بصراحه شاقتني صورة الحلاو الاخيره

خوش تقرير

*؛؛شـمــوخ ؛؛*
العفو ياقلبي والممتع مرورك

الوعد***
الاروع مرورك وبالنسبه لاستفساراتك
اسال كيف الجو
الجو روعه حتى بالصيف بس شمسهم حااااره الصراحه
والاسواق متى تسكر -ايش الاماكن اللي تفتح بالليل
تسكر بدري حول 6 وبالليل مافي شئ مفتوح الا المقاهي بس تقدرين تتمشين بالشانز او تروحين برج ايفل
المنطقه والحديقه اللي حوله حلوه وتقدرين تاخذين جوله في النهر لكن متاحف او ملاهي او اسواق مافيه
وبالنسبه للشانز لحد الساعه كم تكون الناس متواجده فيه
شارع مايهدأ ابدا خصوصا بالصيف والقعده فيه ممتعه بس احنا كنا الى 12 ونص وبعدها نطلع الفندق
وبخصوص دزني
ديزني حلوه للاطفال اكثر والالعاب ممتعه بس مو قويه او خطره لالا وترا العرض احلى شئ يبدأ
الساعه 5 بتوقيت باريس في الشارع الرئيسي داخل ديزني انا لما رحت كانت تسكر الساعه 6 بس مدري
عن شهور الصيف ادخلي موقعهم احسن ..
اتمنالك رحله موفقه واي سؤال حااااضرين

أديــــــــــم
يعافيك حبيبتي .. نورتي

أجمل تقرير قريته عن باريس




تقرير رائع

وصور رائعه

الله يعطيك الف عافيه تقرير روعة

بس بغيت اسال عن اسم الفندق اللي سكنتوا فيه و كم كانت الليلة انا مفكر اروح باريس في سبتمبر و متردد كثير مو عارف وين اسكن لين اللحين

و مشكووووورة

شكرا لك روزماري على هذا الابداع في السرد

يعطيكي العافية اختي روزماري تقرير جداً جميل ومميز ,

سؤالي اختي هل يكفي يوم لزيارة الدزني ؟

دمتي بخير , , ,

((المغامسي))

الاروع مرورك وباريس جميله ولازم اي شئ ينكتب عنها يكون اجمل

jetfly

سوري لو ردي متأخر الفندق اسمه le belmont صغير بس نظيف وموقعه حلووو

bufahad

العفو ماسويت شئ اتمنى فعلا ان التقرير ممتع ومفيد لكم

waleed8818

الله يعافيك ياارب والمميز تواجدك .. ديزني يكفيها يوم واحد من الصبح طبعا
بس لو معكم اطفال اتوقع مايكفي خصوصا انها مقسمه جزئين الاستديو والبارك
وانا رحت البارك بس .. اي سؤال حااضرين

ماشاااااء الله عليك تقرير رااااااااااااااااائع تسلمين على عرض هالسفره الجميله ..

صرااااااااحه ذبت على عرضك لدزني لاند لو اشوفهاا كل يوم ماعندي مانع :$

ننتظر تقارير جديده لك ,,وبنكون لك متابعين لك ,,

وجعلي أايامي وايامك كلهاا ســــــــــــــــــــــــفر مع الصحه والعافيه ,,

مره استمتع بتقريرك ربي يعطيك العافيه كفيتي ووفيتي صحيح انه من سنه بس رهيب

The universal

الاروع مرورك وحياك معنا دااايم


صرئوعة اووي

الله يعافيك حبيبتي باريس حلوه وتستاهل

رحلة موفقة لبايس و ممتازة

violetq8

الحمدلله كانت موفقه بكل المقاييس
اشكر مرورك العطر

الأخت روزماري
رحلة رائعة ماشاء الله
حبيت أسألك على حجز القطار كيف الطريقة ؟
ومن فين حجزتي من باريس ولا من النت ؟
لأني أبغى أحجز من باريس الى فرانكفورت وما لقيت احد يفيدني
في هذا الموضوع
وتقبلي تحياتي
أختك lilas

lilas

الاروع مرورك .. بالنسبه للقطار حجزت من الانترنت
و يكون السعر ارخص كل ماحجزتي بدري
الطريقه سهله جدااا ادخلي هالموقع

http://www.raileurope-gcc.com/book-now/

او هذا الموقع

http://www.bahn.com/i/view/index.shtml

حددي الوجهات والكلاس واكملي البيانات
وغالبا رحلات الصباح تكون ارخص ،،
اتمنى اكون افدتك واي استفسار انا بالخدمه

طيب ابغى اسألك عن فندق Le Belmont
اللي سكنتي فيه المنطقة آمنه يعني لو رجعنا في
الليل مشي مافي مشاكل
بالنسبة لحجز القطار الأخ فيصل ما قصر اعطاني اسعار حلوه من الموقع
بس لما كلمت مكتب سياحي يحجز لي اعطاني اسعار خياليه
فقررت انه احجز من باريس ...... وتسلمي اختي يعطيك العافيه