الموضوع: مساعدة يا اهل الكويت بليز

اول شئ انا فريت على المواضيع بمنتداكم ومواقع ثانية وعرفت شكثر شغلات حلوه ابيها عن الكويت و انا بصراحه بعازتكم
وابيكم تساعدوني انا عندي استفسارات واسئلة وياريت لو تجاوبون عليها

وخذيت افكار حلوه ومعلومات عن الكويت حلوه
انا بطلع انا ومجموعه من الشباب نتمشى بدولة الكويت ونزوح كل الاماكن الترفيهية ونبصم بكل مكان بصمه
مانبي مكان بالكويت ما راح نروح له

انا عندي كذا سؤال بس خلوني ابلش بالشاليهات

اولا منتج هيلتون الساحلي ؟
شكثر الي راحوا يمدحونه بس محد ذكر شئ بخصوص الاقامه ولا الغرفه ولا الاسعار وهل هيه للشباب للعوائل ؟
وهل فيها مطاعم وشنو تنصحونا بهالمنتجع وين نروح وهل نقدر انا ندشه نتمشى فيه ولا لازم تذاكر ولا شلون نظامهم انا محتار والله !!!

الشئ الثاني هم نفس القصه شلون نظام شاليهات الخيران ؟
انا على حسب معلوماتي ان هالمشروع الكويتي تطور وصارت فيه مرافق بس محد تحجى عن المرافق والاسعار وشنو هالمشروع يعني الي يروح يشوف شاليهات وبس ولا اكو خدمات ولا شنو بالضبط هم هالشغله مو فاهمه بس كل الي فهمته انه للعوائل بس ياريت لو تفيدوني فيه حتى لو عوائل احتمال مستقبلا اطلع طلعه عائلية ؟فبليز قولولي عن هالخيران

وما انسى اهم شئ بالكويت ابراج الكويت ؟
هم على حسب معلوماتي ومثل ما شفتها بالصور انها 3 ابراج واحد برج ماي والثاني برج طاقه كهربا يعني والثالث فيه مطاعم ووناسه للترفيه يعني بس لا تضحكون انا ما اعرف افرق بينهم منو فيهم الي فيه ماي ومنو الكهربا ومنو المطاعم
ابو كره ولا كرتين ولا الي مافيه ولا كره ؟؟؟؟

مواضيع عشوائيه ممكن تكون تعجبك اخترناها لك:

• زيارتى الخاطفة الى الكويت ساااااعات
• الدخول لدولة الكويت ؟
• فاكس عاجل للاحبة والغوالي اهل درة الخليج
• فنادق الكويت
• استفسارات منوعة عن الكويت
• بروح ان شاء الله للكويت وابي منكم المساعده ياغالين ضروري الرد الله يرضى عليكم
• افضل ماوجدت من الخرائط للكويت لكن ينقصهالمسات الأخ ضاري
• طمنونا عن صحه اختنا احلى كيميائيه
• استفسار لأهل الكويت عن عروض مسرحيات طارق العلي
• اريد شقق عائلية في الكويت
• استفسار مطعمي
• شووي من وقتكم بس
• مشروع خباري الفحيحيل مدينة داخل مدينة
• مطعم فــريــج عقـــااب
• وش رأيكم في اختياري للفندق
• اسعار الشقق للايجار بدوله الكويت ضروري
• هنا أخبار مشرفتنا القديرة المرام في سفرتها إلى لندن موضوع متجدد
• طريق الملك عبدالعزيز
• تعرفوا على عملتنا العملة الكويتية الجديدة
• حقيبة العنق أو الخصر للمسافرين، من أين أشتريها؟

هههههههههههههههههههه
أنشأ الله تلقى أحد بيرد عليك بعد مايألف كتاب سياحي
عن الكويت وأهل الكويت الطيبين

ايي تكفون
قولولي عن الاكواريوم بجم الدخله وشنو القاعات الي فيها وبجم السينما والاحواض وهالسوالف وعادي يروحون شباب ولا عوائل فقط

وقولولي عن برج الحمام

وقولولي عن مطعم زهره الليمون شنو اطباقهم اللذيذه والسعر ووين مكانه تحديدا بالمجمع 360 ؟

وقولولي عن المطعم الامريكي تذكرت اسمه جوني روكتز

ابو محمد
انا قلت انا بعازتكم

والي انت عارفه قوله
مو بالضروره تقول كل شئ

ساعدني اقل شئ

وعليكم السلام
اولا شي عندك المجمعات الافيوز و مارينا مول وسوق شرق و360
والسينما بكل مجمه موجوده والدخول ب 3 دينانير ويوم الاثنين دينار ونص

اما الاماكن الترفيهية الجزيره الحضراء ابراج الكويت منتزه الشعب المدينه الترفيهه
المطاعم اكلات كويته عندك فريج صويلح و مطعم بن عتيج بحولي
وعندك المطاعم الامريكيه فريدز و شرمبي

وعندك الاكوبارك الدخول 2دينارين ونص والاكواريم ما ادري

بن عتيج بحولي

نفس اللي قلت للك اكوبارك مدينه مائيه والمدينه الترفهيه و الجزيره الخضراء والشعب والابراج
وتقيل مروري وان شاء الله افيدك

منتجع هلتون :
حلو وهادي بس حق اثنين متزوجين .. عايله مو شباب ..
لانه وايد وايد هادي .. بس تقدرون تروحون بدون شاليه تروحون ستار بكس او بيتزا اكسبرس ..
بس ما انصح فيه

انصح بشاليهات الخيران :
فيها استديو عباره عن غرفه فيها سرير حق 2 ويحطون سريرين زياده ينحطون بالصاله وصاله صغيره وحمام واحد ومطبخ وبلكونه اذا كان فوق او تحت قعده تطل على البحر وانا افضل اللي تحت

الشاليه صاله كبيره ومطبخ وقعده بره .. و غرفتين فوق كبار وفي وحده من الغرف فيها بلكونه وهمن في حمام فوق وسطح ..

الشاليهات اليديده حلوه وفخمه بس تكون اغلى انا انصح بالشاليه اذا كان العدد كبير اما اذا صغير الستديو زين لانه ما راح تقعدون وايد

فيه بحر وحمامات سباحه واحد اسمه كبر والثاني الروضتين
فيه صاله العاب ( بلياردو - لولنق - هوكي - العاب فيش و الكهرابئيه ) وفيها مطعم شرمبي
وفيه مكان للالعاب مفتوحه تكون بره
وفي قطار الصبح و المغرب ياخذ جوله بالناس داخل المنتزه
وبعد مطعم بره ومقهى ويبون اليمعه او الخميس مطربين يغنون
وفي مكان اسمه المرينا في مطعم و منه تأجر يخت او طراد بدينار ربع ساعه للشخص
اما اذا طراد حق حداق الساعه ب 15 او عشرين واسمه سلسان
وفوق في قاعه للكمبيوتر
ومكان الحجز بشارع الخليج يم مطعم مركز سلطان ولازم تحجزون امبجر لانه يكون زحمه بالصيف

بالنسبه لأبراج الكويت اللي بالنص اهوا اللي فيه مطاعم وفيه بوفيه .. و فوق تصعدون وتشوفون بالمنظار البحر واكوبارك ..
وفيه محل صغير تشترون منه اغراض اتوقع يبطلون من 10 الصبح او 11 ليما بليل
والتذكره بدينار اخر مره رحت بعطله الربيع ما اتوقع زودوهم والتذكره ما تشمل االوجبه
الا يمكن هاذي تذكره ثانيه ويكون سعرها اكثر
الاكل ماله حلو وكل واحد وذوقه وروحوو الصبح عشان تصورون المناظر من فوق

وعندي استفسار
بخصوص المجمعات الي بالكويت الافينيوز و360 مول والكوت والمارينا ودسكافري ؟
الافنيوز جوني روكتس بره .. مطعم p.f وايد حلو .. فرايديز .. زيت وزعتر .. وفي محل برد فوق حلو يم فرايديز
دسكافري ما انصح فيه لانه حق يهال مو حق شباب كبار ومافيه محلات حق الكبار وهمن الالعاب مالت يهال
المارينا مقسم لقسمين بس !! قسم محلات وكافيهات ومطاعم في مطعم لينوتغ الصراحه وايد حلو مطعمي المفضل
اذا بتطلب اطلب الباستا معه الجكن والمشروم وفوق في العاب حق اليهال ومطاعم وسينما وجسر بعدين قسم ثاني كله مطاعم وتطل على البحر

الاماكن الترفيهية :
المدينه الترفيهيه ما تغيرت وايد يمكن بس لعبتين يدد ! .. وسعرها على 3 دنانير التذكره او 3 ونص
شوبيز مسكر عشان يعدلونه

الشعب اتغيرت ومافي تذاكر كرت يعبونه فلوس وكل لعبه وسعرها في بنص وفي بدينار وفي ب 750 وعالم صدق او لا تصدق بدينارين هذا وايد حلو وهمن قلعه الرعب بدينارين

المركز العلمي : فيه اكواريوم فيه حيوانات وانت بكرامه ويابو الحين بطاريق .. واي ماكس افلام علميه وغيرها ثلاثيه الابعاد .. ومحل هدايا .. وقسم اطفال .. وكافيه كوستا .. ومطعم بيتزا وبرجر كنغ

صاله التزلج كل الايام صبيان وبنات الا الثلاثا بنات .. تذكرتهم دينارين اعتقد وفي مطعم ماكدونالدز و بيتزاهات

حديقه حولي بارك وفي مكتبة جرير

مرح لاند في الصباحيه .. ونظامها نفس الشعب كروت ونعبيها فلوس

سيتي سنتر فوق كوزمو بلياردو وبولنق


الاكوبارك : لبسو شورت السباحه وفوقه تيشيرت .. واخذو هدوم وياكم ما يصير تلفون في كامره .. و في صناديق تحطون فيها اغراضكم لا تقطونهم على الطاولات .. يمكن ينباق او شي وفي مطاعم تاكلون منهم شاورما .. ومطعم فطاير ووجبات
وكل الايام مخصصه للشباب والعوايل الا يوم الثلاثا او الاثنين مو متأكده بس اظن الثلاثا

البينت بول مادري عنها ! بس هذا موقعهم http://www.paintball-kuwait.com/?utm...ign=Real-Thing

في متحف اسمه الهاشمي بفندق راديسون ساس وايد حلو بس يسكر الساعه 5 العصر ولما تروحون اهناك ضروري تاكلون بمطعم رنقولي الهندي او الهاشمي اكلهم لذيذ


ايي في شركه اسمها سلسان موجوده بالخيران وموجوده على شارع الخليج يأجرون يخت و طراد بس انا انصح باليخت اذا كانت الروحه حق احد الجزر وهذا موقعهم وفيه الاسعار والمكان http://www.silsan.net/New/about.php

جزيره فيلجا وايد وايد حلوه دش قوقل وشوف وهذا موضوع من المنتدى
http://www.arabtravelersforum.com/travel267281/


في مطعم اسمه وسابي في ربيان و كراب ( قباقب ) يابانيه وايد حلوه الربيان اسمه roch shrimo w وفي سي فود رايس حلو

مطعم الهاشمي اللي براديسون ساس في زبيدي ومطبق وهالسوالف

وفي مطعم فريج صويلح يم المرينا في اكل كويتي وهمن سمج وهالسوالف

وفيه مطعم امريكي بعد بس نسيت اسمه نفس نظام فرايديز بس حلو ويمدحونه
اسمه فدركرز

بالنسبه لعيد الميلاد اذا تبون تشترون كيكه من المطعم نفسه وتقولونلهم انه عيدميلاده ونبيكم تغنونله
وفرايديز الستيك حلو عندهم والمقبلات والكليب ساندويش

ميس الغانم يمكن البوفيه ب 20 .. واسعاره نفس باجي المطاعم

برج الحمام :
مطعم لبناني .. الصراحه مو مجربه اكله على البحر وقبل فرايديز

وماكي المطعم الياباني
الصراحه ما جربت عندهم الا النودلز وما عجبني بس انا اقول وسابي احلى موجود فالموفمبك

شوكليت بار

مينونه يعطيج ألف ألف ألف ألف ألف عافيه كفيتي ووفيتي
بيت الكويت والله ما قصرت زودتني بمعلومات قيمه
وعندي جم سؤال
السينما ب 3 ونص ؟
مو جنه ب 3 والاي ماكس ب 4 ؟
وبخصوص الشاليهات على جم احجز استديو ؟
وبخصوص المطاعم شنو تطلبون لمن تروحون فرايديز ؟ اسمع عن هالستيك شسم الوجبه بالضبط ومكوناتها وبجم والاهم اكو فرايديز موقعه حلو بالكويت ومميز عالبحر ؟
وقولولي شغلات حلوه يمكن انا ما اعرفها بس قولولي عنها شنو المميز عندكم ساعدوني
لمن تمشون وين تروحون وشنو تحبون وبكون شاكر لكم
والله ما قصرتوا وما انسالكم هالوقفه كفيتوا ووفيتوا

السنما ثلاث دنانير

اي ماكس ثلاث دنانير

الشاليهات للعائلات فقط سعر الاستيديو ثلاث ايام 170 دينار

اسم الاكلة استيك لحم بقر ومع الجبن السلايس والبطاط المهروس سعرها 4.500

احلا مكان لفرايديز على البحر موقع استراتيجى ويوجد ايضا بالافنيوز ومجمع360

اماكن حلو فى البحر والاسواق انا افضل المجمعات لانة برة الجو نار ما ينفع

عاش بيت الكويتى ما قصر ولبى النداااااااااء

المشاركة الأصلية كتبت بواسطة رمز الكويت
http://www.arabtravelersforum.com/tr...2/#post3842712

ابو محمد
انا قلت انا بعازتكم

والي انت عارفه قوله
مو بالضروره تقول كل شئ

ساعدني اقل شئ



عاد أمزح معاك بالعكس أسئلتك جدآ دقيقه بعد الاجابه كثير من الناس بيستفيد

وأنا رحت مره وحده للكويت قبل أسبوع لمدة يوم واحد تعجز الكلامات عن شكرهم

وحسن أستقبالهم لي طبعآ أصدقائي

قواك الله يا بيت الكويتي ويعطيك الف الف عافية والله ما قصرت
كفيتوا ووفيتوا يا شباب
ابو محمد لا عادي حياك وانا لازم اكون دقيق جدا لاني قاعد انظم رحله ومعنى اني انظم ابيها كلها منظمه انا الي مطلع الشباب ولازم ارتبلهم كل شئ وبونسهم اصلن والله دخلة الكويت ترد الروح فما بالك لو تمشينا شوي بأراضيها الحلوه

شاكر لكم وقفتكم ووالله يعلم اني دعيت لكم جميعا
بالتوفيق

اذا تبى اساعدك بفنادق الكويت انا حاضر لى معرفة بمدراء الفنادق الفايف ستار وثلاث نجوم

ما سوينا شي ..
تستاهل كل خير ..
الاستديو سعره على 100 وشي 3 ايام .. احجز من الحين ودش على السايت مالهم من قوقل

احلى موقع حق فرايديز اللي على البحر :
كل انواع الستيك حلوه ..
وفي صور بالمنيو انت تشوف وتختار اللي تبيه ..
http://www.tgifridays.com/menus/menus.aspx

وفي ناتشوز معه هالبينو وصلصه بالنص هذا عجيب لا تطوفه يعتبر مقبلات ( ناتشوز الجبن )
و سمج الهامور مقلي .. لذييييييييذ وفيه نكهه حاره

360 اهم شي اذا رحتله لا تطوف معرض ام كلثوم :

اما بالنسبه للمطاعم

مطعم صبح ومسا وايد حلو
من مقبلات او اطباق رئسية
وفيه طاولات قريبة من شلال وانت قاعد تسمع صوت شلال الماي
مكان المطعم اخر الدور فوق بالزاوية بروحة

مطعم ميم
اكله لبناني بس مطور شوي
السيزر سالاد مع شاورما دياي وايد لذيذة
والساندويتش المسخن دياي وشيش طاووء نكهته وايد حلوة

ماربل سلاب حده حلو الايس كريم ماله

مطعم فلافل ناديه يهبل واطلب فلافل بالطحينه مع السلطه لان عندهم اكثر من صلصه بس احلى هذا احلى شي اطلبها
بالصاج فضيييعه واسعارها عاديه نفس اسعار الوجبات اطلب صمونه وحده لانها دسمه

زهر الليمون احلى شي عندهم وقت الغدا واكلهم خفيف ما تحس بثقل عقب ما تاكل

كافيه life with cacao نفس طقه جوكليت بار حددده اينن

شبستان الايرانى عالغدا حلوو بس غالي شوي


مطعم lets burger حاطين عنه دش هالموضوع
http://www.arabtravelersforum.com/travel367035/

والباجي مطاعم معروفه ( فاست فود ) .. كنتاكي .. روبي تيوزدي وغيرهم

وحبيت اذكر كل الاماكن الموجود بمحافظه الاحمدي
عشان ما انسى شي قلته

في مجمع مطاعم بمنطقه ابو حليفه
المطاعم الموجوده فيه بيتزاهت - برجر كنغ - ابل بيز - مطحنه الرفاعي - كبابجي - الفايز وفي قعده بره نافوره .. و العاب يهال بس ما انصح فيه لانه كل هالمطاعم موجوده بالمجمعات .. بس الفايز اللي مو موجود

واذا رحت انصحك بمطعم كبابجي اكله وايد حلو ونظيف
التبوله عنده وايد حلوه احلى تبوله ذقتها ..
العرايس ..
تكا الدياي ..
وجبات الاطفال كلهم حلوين :P
هذا اللي مجربته بس كل شي حلو وموجود منه بستي سنتر السالميه بره مو داخل المجمع

مجمع كويت مجك للعائلات وما يدخلون الشباب ..
الصراحه ما انصح فيه مافيه شي حق صبيان
وفي العاب فوق اسمه طفل المستقبل
وفي العاب بره عندهم حلوه ..

الكوت حلو المجمع وفيه مطاعم بره ..
وفي مطعم داخل الميجانا وايد حلو اكله
وفي محل برد ناسيه شسمه بس بره لونه اصفر بوردي حلو .. جربه واقعد بره صوب النافوره
والقسم الثاني من الكوت في مركز سلطان وسوق الخضرا

المنشر يم الكوت من جهة مركز سلطان وانت رايح الكوت تقدر تمر عليه في محلات فيها شغلات تراثيه يايبينهم من الهند اعتقد او كشمير
وفي الكترونيات
ومطعم جيليز وفوق ماكدونالدز وغيرها
اذا رحت جيليز اطلب من عندهم ناتشوز الجبن و الشوربه عندهم حلوه
وفي دياي معه منش بوتيتو وذره ويحطونلك توسته اسمه جكن كانتري شي جذي
وفيه بعد جوني روكتس بالمنشر
اطلب من عندهم فرايز جيز ( جبن معه بطاط ) ويسألونك اذا بتحط وياه لحم او لا
وكل السندويشات اللي عندهم حلوه ..

وفي مجابل الكوت برج اسمه برج حمود في سنتر بوينت

والغانم اذا تبون تشترون الكترونيات او شي مجابل المنشر من صوب جوني روكتس

وفي النوخذه موجود بمكانين الشعب . فحيحيل
اللي بفحيحيل صغير فيه وسابي .. مطعم ياباني .. وكافيه .. و روبي تيوزدي

في مجمع اسمه اجيال عندهم بس ما يستاهل الزياره كله زحمه !!

هذي الاماكن اللي تستاهل الزياره بمحافظه الاحمدي .. و ذكرتلك انه في حديقه بالصباحيه اسمها مرح لاند

وحديقه الاحمدي العامه حلوه .. اللي يم النفط حلوه بس حق عوايل مو شباب !!
يعني ياخذون اكلهم ويقعدون هناك ..
والصراحه الجو بالصيف ما يساعد !

والباجي محلات خام .. وستاير واثاث .. و محلات شعبيه قديمه ! .. ما اظن تحتاجهم ..

حديقه مشرف فيها ملعب كبير اذا بتلعبون كره .. وفيها ماكدونالدز

وانتو طالعين تقدرون تروح الجمعيه تشربون قهوه من ستار بكس ..

حديقه الحيوان بمنطقه العمريه .. التذكره وايد رخيصه عندهم و في حيوانات وقطار يدور بالزوار ..

و ورا داور البدع في مطعم اسمه الصنوبر على البحر .. وفي ريز ون بس انا ما انصح ب ريز ون مطعم فاشل !!

واهوا بالسالميه شارع البلاجات .. اسعاره رخيص وقعدته حلوه .. واهوا عباره عن اكل لبناني

مجمع بلازا في محلين تحت اييبنون تيشرات وايد حلوه حق الصبيان ماركات بس تكون قديمه شوي ..
وفيه كافيه عندهم فوق يم محل الساعات كيكه الفانيلا عندهم لذيذه ..

وفي مصور اسمه ارت استديو اذا بتاخذونلكم صوره :P ..

فيلا فيروز وايد حلو مكانه بالشعب .. واكله لبناني تقيمي له 10 -10

كافيه سكند كب الكوكيز مالته لذيذه بمجمع البستان اللي يم الفنار

وفي شارع عندنا اسمه شارع المطاعم في مطعم اسمه كوردو .. الشورما مالته عجيبه اطلبها بالصاج ..

وفي محل اسمه الفارس البوظه عنده لذيذه ..

اذا بتروح جمعيه روح الشاميه جمعيه كبيره .. فيها مول .. وفيها مطاعم زيت وزعتر .. ستار بكس ساب وي
برجر كنغ دومينوز بيتزا .. والبيتزا مالته وايد حلوه وخفيفه هذا بالمول

اما المطاعم في باسكن و هارديز سبارو وتكا ..

وجمعيه ضاحيه عبدالله السالم اذا رحتها محل العصاير لا تطوفه عصايرهم حلوه وتسرسح على القلب :P
في عصير عندهم اسمه عوار قلب لذيذ وبهالجمعيه في مطعم بيتزا اكسبرس

وفي مطعم بالمرينا فوق كله سمبوسه .. حلو

مورليـس
محل برد حلو بالافنيوز فوق يم فرايديز

مطعم قيصر اكله حلو بحولي بارك .. عندهم شوربه الدياي حلوه خبز النان مع الجبن
ستيك ديانا اللي معه الجبن

وكل ما اتذكر شي راح اكتب :P

بيت الكويتي
كفيت ووفيت يا الغالي ما تقصر
بس موضوع السكن مو همنا وانا كنت اسأل عن سكن الشاليها وجذي الشباب يحبونها
ولا موضوع الاقامه والفنادق سهله
واذا احتجت مساعده بدزلك مسج بالمنتدى

مينونه
مادري شقوولج كفيتي ووفيتي ماخليتي صغيره ولا كبيره إلا وحطيتيها
صار عندي فائض من المعلومات عن الكويت لوووووول
الله عاد لمن اطلعهم وافر فيهم كل هالاماكن عبالهم انا كل يوم بالكويت وخبره
لوووولز
والله جد تعبتكم وياي وحيل شادين حيلكم
ما تقصرون والله ولساني يعجز عن الشكر
كلمه مشكوره شويه بحقج والله

انا عندي سؤالين صغار
اولا عصير عوار قلب
هالعصير اشتهر شهره مو طبيعيه حتى بمسرحياتكم تقولون عوار قلب الي بالضاحيه
من كثر ما اشتهر ودي اذوقه وشكلك عجيب رغم اني اعرف مكوناته بس مو متخيل طعمه
يتراوالي الي اذكره مانجو وفراوله وفانيلا مادري عاد خلطتهم السريه
بس سؤالي غير جمعية الضاحيه اكو مكان يبيع هالعصير
بالسالمية مثلا ؟؟
وياريت الموقع بالتحديد والوصف ترا انا ما ادل عدل بالكويت
بس محافظه الاحمدي ادلها زين وخصوصا الفحيحيل لان آخر مره فريت عليها وحفظتها عدل سهله
والسؤال الثاني اعتقد بالكويت كلها بس فيه فرع واحد هارك روك عدل الي اهوه بالسالميه الواجهة البحرية قبل المارينا بشوي ؟
شلونه هالمطعم حلو مو حلو ترا مو مجربه
واذا حلو شنو وجباتهم الحلوه وبس

لوووووووووول مينونه والله ما قصرتي
وايد وايد تعبتج وياي
ولا تخافيه انا بمشي على وصفج وان شاء الله بدل
وانا حملت قوقل ايرث والحين بمشي على وصفج واشوف المنطقه بالضبط والجمعية وان شاء الله بدلها
وبخصوص النوادي لول ما ينفع احنا ما راح نطول انا بس اتطنز على موضوع المطاعم وجذي اقول شكله بيزيد وزني لول
عالعموم ما قصرتي كفيتي ووفيتي
واي شئ تامرين فيه انا حاضر
تحياتي

شدعوه .. ما من قصور ! ..
وان شا الله توصلون الكويت بالسلامه ..

سؤال على هامش الموضع أخوي لو سمحت

عصير عوار قلب وين ينباع فيه بنفس الجمعية و الا بمحل جنبها ؟

ما شاءالله عليك رمز الكويت

حتى عوار قلب وصلت له !

عصير عوار قلب .. بمحل العصاير اللي بجمعيه الضاحيه