الموضوع: ياليت واحد يقولي انا فاهم بأمريكا

ياطويل العمر قررت أنا والعائلة المكونة من الوالده وزوجتي وابني عمره سنه الذهاب للولايات المتحدة الامريكية:24:
يعني زياره وسياحة لرؤية الحلم الامريكي

بصراحه ماأدري وين أروح أمنيتي طبعاً أدور أمريكا شبر شبر هيوستن دنفر أندينا بوليس لوس انجلي سان فرانسسكو سان دييغو كنتكي وامينوغ نيويورك اوستن لاس فيغاس اورلاندو بالعربي كل شئ

1/ مدة رحلتي بحدود 14 أو 15 يوم :113: وش را]كم ؟؟؟

2/ واحد أشار علي بأورلاندو فمارأيكم رايكم وين أروح ... أورلاندو وميامي:x1:

أو منطقة أخرى ؟؟

علماً حاولت أن أرتب لي جدول مثلاً 7 أيام باورلاندو
و4 أيام ميامي
3 أيام رحلة بالكروز للجزر


3/ وأريد رأيكم من ناحية الطيران

في الخطوط البريطانية الرياض لندن اورلاندو
الخطوط الالمانية لوفاهنتزا الرياض فرانكفورت اورلاندو
الخطوط السعودية نيويروك او واشنطن طيران داخلي لورلاندو

4/ سؤال هل آخذ ولدي معي عمره وقت السفره سنه ونصف
5/ سوف أذهب خلال يوم عيد الفطر المبارك بتاريخ 20/9/2009 وش رايكم بالوقت والجو هناك
6/ أخذ شقه والافندق وتقريباً كم تتراوح أسعار الشقق والفنادق 4 نجوم و5نجوم
7/ نلبس صيفي ولاشتوي إختياري حلو وإلا وجهوني بارك الله فيكم

مواضيع عشوائيه ممكن تكون تعجبك اخترناها لك:

• أصحاب التجارب كاليفورنيا أرفاين
• مطار نيويورك افيدونا
• هل العمل مسموح
• شهر العسل واختيار المدن
• لدي فيزا اف وان f 1 لمدة خمس سنوات هل استطيع السفر الي امريكا
• أرجوا منكم مساعدتي في توزيع تواجدي في هذه المناطق بالترتيب
• ايش افضل مدن صغيره في ضواحي نيويورك الي تبعد بالكثييير ساعة عن نيويورك؟
• فزعتكم ياأهل الخبره في كالفيورنيا
• مطلوب فندق في نيويورك
• الجواز انتهى والفيزا باقي لها سنتين لازم فيزا جديده على الجواز الجديد
• ميامي ,, وهل تنصحون بالساوث بيتش
• عاجلالسفر بعد اسابيع
• معلووومات عن دنفر كولورادو
• أخي أرجو المساعدة
• خبراء أورلاندو كيف الحصول على سعرجيد لتذاكر ديزني
• ايه اهم الاثباتات
• اخوي استفسار بسيط
• جواز أمريكي
• عااجلرحله دوليه وسفر امراه لوحدها الخطوط السعوديه
• مكاننا فى أمريكا

يعني 20 واحد داخل ولا رد واحد
اللي عنده علم ياشباب ويابنات لا يقصر أخوكم محتاج المشوره

انا من رايي تخلي وجهتك الى كاليفورينا افضل .. بحكم انكم كبار وما تبون الملاهي كثير.. حتى لو رحت ملاهي انت والمدام يمكن تنبسطون بس الوالده بتجلس تنتظركم .. و اورلاندو يوميا تقريبا ملاهي .. وبكذا الوالده راح تمل .. اورلاندو الاسواق فيها عاديه جدا ومحدوده ..

ياليت تفكر في كاليفورينا الي يميزها .. الجو افضل من اورلاتدو .. مجمعات اكثر و احلى .. في ملاهي مثل سكس فلاجس - لوقو لاند - ديزني لاند و سي وراد.
الشواطئ حلوه ولكن مهيب احلى من ميامي ..

رايي تخلي الرحله تبدا من سان فرانسيكيووو وتنتهي في لاس فيجاس او سان ديقووو

سان فرانسيكيوو تكفيها ٣ ليالي ..
لوس انجلوس ٦ ليالي
لاس فيجاس ٣ ليالي
سان ديقو ٣ ليالي.

طبعا هذا اقتراح

السـلام عليكم .... رأيـي من رأي اخـوي fms .... و اذا بخـاطركم كـــروز اخذوهـا من كاليفورنيـا ... في كروز تطلع من كاليفـورنيـا .... ولدك الله يحفظـه ... يتـروالي عـادي تاخذه ... حال حـال اليهـال أكيـده بيتعسر و بيمـل ... ( مـو كثر عيـالي ) !! ... بالعكس راح تكون السفرة أحلى و أونـس .... أنـا خذيت ولدي لما كـان عمره سنـة و 4 شهـور لما رحت أورلانـدو .... و الثاني الله يحفظـه كان عمره حـول 10 شهـور لما رحت الصين .... صج تعب لأن طـول الرحـلة وهو بحضنـي ... بس إنتـوا حجزوا لـه كرسي لازم ! على الأقل الطيران الطـويل ... أما الطيران الداخلي بدون كرسي .. تقدرون تحملـونـه جـم سـاعـة .. من 3 ألى 5 ساعات


اذا ميزانيتـك زينـه ... خذ الأماراتيـة أريح لكم ... على طـــــــــــول لوس أنجلـوس .. و منهـا بالسيارة تنقلـون المناطق القريبـة


تـره هـم أورلانـدو حلـوة و أمــــــــــــــــوت عليهـا ... مع رطوبتها و حرورتها بس أحبهــــــــا!! اذا وددكم .... خذوا الأماراتيـة أو القطريـة أو الأتحـاد ... بس لازم طيران داخلي إما نيـويورك أو واشنطن و منها داخلـي ... أنـا ما أحبـذ الطيران الأجنبي في الطيران الطويـل ! ما أرتـــاح وياهم ... بس الـرووت مالهم مريـح ... يعنـي بس ترانزيت واحـد بس إما لنـدن أو فرانكفـورت و على طـول أورلانـدو ... هذي ميزتهـا و إنت بعـد معاك الوالدة يمكن ما تعبر على التنقل و المراكض و معاكم البيبي

أبي رأي الأخوان الباقيين امبكت وغيرهم

العفـو .... اخـوي !

اخوي الله يهداك .. هذا رد ترده على الاخوان .. خصوصا Luxury Traveller وردها المطول والمفصل! ..
الله يهداك ان شاءلله ويعطيكم العافيه fms و حبيبتي Luxury مب بعد كلامكم كلام.

يعطيكم ألف عافيه ماكان قصدي والله
وأنتم مارديتوا علي عشان أشكركم رديتوا من طيبتكم وحرصكم على فائدة الأخوان
وأنا أعتذر أخوي fms و أختي Luxury وأتمنى تقبلوا عذري
وألف شكرلكم وأتمنى ماتزعلوا من أخوكم

أختي Ozyeee كيف فلوريدا أبي رأيك خصوصا معي العائلة بيبي وزوجتي والوالده ؟ وش رايك
الجو حر والابرد خصوصا انا بروح بآخر شهر 9 ميلادي والملابس ناخذ شتوي والاصيفي

المشاركة الأصلية كتبت بواسطة mqarawi
http://www.arabtravelersforum.com/tr...3/#post2760593

أختي Ozyeee كيف فلوريدا أبي رأيك خصوصا معي العائلة بيبي وزوجتي والوالده ؟ وش رايك
الجو حر والابرد خصوصا انا بروح بآخر شهر 9 ميلادي والملابس ناخذ شتوي والاصيفي



فلوريدا تينن .. تلقى الطبيعه والاماكن السياحيه فيها ماتخلص فأهيا مدينة عائليه سياحيه من الدرجه الاولى .. وكلهم بإذن الله بيستانسون ..

بالنسبه للجو .. توقيتك رائع .. انا رحت من قبل في شهر اكتوبر كان الجو حلو احياناً فالليل يبرد شوي .. بس ملابسنا كلها صيفيه اللهم جاكيت خفيف جداً لليل .. وعموما خلو التسوق هناك .. لانه بضايعهم حلوه ومتنوعه ورخيصه .. لذا ييبو معاكم صيفي بس ..

واذا لازلت ناوي على الكروز فانا انصحكم وبشده .. وحاول تحجز من اللحين كل ماحجزت قبل طلع لك السعر ارخص ..

الخطوط البريطانيه عن تجربه زين لكن مادام معاكم طفل حاول تحجز الكراسي من وقت او معاملتهم وايد جافه .. مافيهم غير النظافه ودقت المواعيد ..

رحله موفقه

يعطيك ألف ألف ألف عافيه على المعلومات الجميلةوالوافيه
بس برأيك الشخصي أحلى من الساحل الغربي لأمريكا ؟؟
لئني محتار وبنفس الوقت اشوف حلو أنه أول مره أروح أمريكا اروح لأورلاندو
والسنة اللي بعدها ممكن بعد الخبره اروح للي أبي
وفي سؤال التنقلات جوا اورلاندو بباص والاكيف لئنه انا ماحب استأجر سياره

مره ثانيه الف شكر لك وللأخوان اللي ردوا واعذروني

الله يعافيك اخي الكريم ..
انت سألت وانت جاوبت
المقارنه ماتصير بينهم لانه كل منطقه تختلف عن الثانيه اختلاف كلي .. ابتدى بالاقرب او مع الخبره شوف الباقي ..
التنقلات ممكن تكون بالباص وكذلك بالتاكسي.. لكن اعد النظر في موضوع السياقه .. بترتاح واااااااايد وكل شي واضح وسهل ..

عزيزي اتمنى لك التوفيق
الزملاء والزميلات كفوا ووفوا
هناك اماكن جميلة تستحق الزيارة والاسبوعين التي سوف تقضيها بامريكا تعتبر قصيرة ولذلك ركز على ولاية واحده.
اتفق كثيرا مع راي fms في ان فلوريدا لن تكون خيار مناسب لكم لان ولدك صغير على الملاهي ووالدتك كبيرة عليها - ولو حبيت انت وزوجتك تروحوا على خفيف فهي متاحة في كالييفورنيا.
وبحكم وجودي بفلوريدا من عدة سنوات فارى ان ميامي ايضا لاتناسب الا الشباب الذين يحبون الشواطي او يخططون لعمل كروز الى الجزر المقابلة لفلوريدا ولا اعتقد انها مناسبة للعائلات كما ان داون تاون ميامي جميل لكنه فيما ارى صغير وممكن تلفه في كم ساعة مشي ولا يوجد فيه مايستحق العناء لو كنت خارج فلوريدا.
ومن الافضل ان تستاجر سيارة فهي اوفر وارخص من التاكسي لان مشاويره غالية جدا والقيادة هنا امنة جدا ومريحة.

ولعلك قبل ان تخطط للرحلة تحدد ماهي رغباتك وتفضيلاتك -
هل تحب......
الشؤاطي :surf والتي لن تكون مناسبة للعائلات المحافظة
ام الطبيعة كالغابات والجبال
ام المدن الترفيهية والتسوق؟
ولو كنت مكانك لدرست الموضوع من كل الجوانب ولو اردت سياحة فيها راحة بال وهدوء وجمال طبيعة
وتناسب الاسرة بمافيها الوالدة لغيرت الوجهة الى سويسرا.


وفقك الله

انا مع كلام الاخ fms واخذ ولدك خل يستانس.. بالنسبه للجو راح يكون عادي يعني حلو اخذ معاك ملابس ربيعيه
وان شاء الله تستانسون

هـلا اخـوي ... حيـاك الله ... و حصـل خيـر .

4/

أنا عندي جواب على سؤال واحد بس
معليش اعذرني ماعندي فكرة عن الباقي

سؤال هل آخذ ولدي معي عمره وقت السفره سنه ونصف ؟

يرحم والديك
خذ اجر في نفسك وولدك و الركاب الي معاك

ولاتاخذ ولدك

سنة ونص ..؟؟

بتمرمطه في الطيارة وبيتعب من ضغط الطيارة واخرتها ولا هو واعي ايش الي جالس يصير

خله عند اهلك ترتاح ويرتاح والناس ترتاح

من جد صراخ الاطفال بالطيارة كرهني بالسفر

والله أن مو مضيق صدري من هالسفره الا صوت صراخ الاطفال

هم يبكون طول 7 ساعات على الاقل وانا من وجع راسي ابكي معهم

والله يوفقك ورحلة سعيدة مقدماً

لــــــــووووول ما أبي أسافـر .... شكلك بتكـون وياهم على نفس الطيـارة و قاعـد تحاتـي بجـي الولد .... لا تخرع الريـال .... ياهل عن ياهـل يفرق تـرى ... بعضهم الله هاديهم و بعضهم يبجـون شـوي و يسكتـون

لـو صـار عنـدك عيـال .... اشرح تسـوي ؟ ...

المشاركة الأصلية كتبت بواسطة Luxury_Traveller
http://www.arabtravelersforum.com/tr...1/#post2763101

لــــــــووووول ما أبي أسافـر .... شكلك بتكـون وياهم على نفس الطيـارة و قاعـد تحاتـي بجـي الولد .... لا تخرع الريـال .... ياهل عن ياهـل يفرق تـرى ... بعضهم الله هاديهم و بعضهم يبجـون شـوي و يسكتـون

لـو صـار عنـدك عيـال .... اشرح تسـوي ؟ ...





انا فتـــاة .. :106:

انصحك بكليفورنيا جميلة جدا و شواطئها احلى لكن دير بالك من اسماك القرش خخخخخ

آسفـــة آنسـة / ما أبي أسـافـر ...... و الي ما عنـده أحد يحط عيـاله عنـده ؟ ... يعنـي أنـا ما عنـدي أحـد و الوالدة الله يجزاها خيـر ... كافي تحملتنـا و ربتنـا .... بعـد نحط عيالنـا عنـدهـا لـــوووول ... بيحوشهـا إنهيـار عصبي .... عيـل النـاس ينحرمـون من السفـر علشـان عيالهم ؟ ... ما في فكـة !!!! لـــووول اليهـال لاحقينـج لاحقينـج ....

شكلج عنـدج كـره لليهـال ..... إنتـي شنـو حاطـه الصـورة الرمـزيـة مالتـج :114:؟ ... قاعـدة أدقق و كأنـها صـورة يهال ينطـق يعني طايحين فيـه طـق !

عمـوما ً مشكـورة على المـداخلـة الطيبـة و كـل واحـد له وجهـة نظر أكيـد

المشاركة الأصلية كتبت بواسطة Luxury_Traveller
http://www.arabtravelersforum.com/tr...8/#post2763748

آسفـــة آنسـة / ما أبي أسـافـر ...... و الي ما عنـده أحد يحط عيـاله عنـده ؟ ... يعنـي أنـا ما عنـدي أحـد و الوالدة الله يجزاها خيـر ... كافي تحملتنـا و ربتنـا .... بعـد نحط عيالنـا عنـدهـا لـــوووول ... بيحوشهـا إنهيـار عصبي .... عيـل النـاس ينحرمـون من السفـر علشـان عيالهم ؟ ... ما في فكـة !!!! لـــووول اليهـال لاحقينـج لاحقينـج ....

شكلج عنـدج كـره لليهـال ..... إنتـي شنـو حاطـه الصـورة الرمـزيـة مالتـج :114:؟ ... قاعـدة أدقق و كأنـها صـورة يهال ينطـق يعني طايحين فيـه طـق !

عمـوما ً مشكـورة على المـداخلـة الطيبـة و كـل واحـد له وجهـة نظر أكيـد




سوري بس الكلام يطلع من قلبي وغصب عني والله

اخوي اذا بتروح الى اورلاندو من السعودية اختر لوفتانزا لا تختر البريطانية لان البريطانية من السعودية تنزل في مطار هيثرو لكن طيارة اورلاندو من مطار غير تطير من مطار غاتويك

مشكورين على الردود لكن المشكلة المدام تبي ولدها معها ورافضة تسافر الامعه لئن الصيف اللي راح رحنا بدونه ونقطع قلبها عليه وانتي ان شاءالله لاتزوجتي عرفتي وش معنى الضنى انا معك انه إزعاج ورضعات وقلق وصياح بس الشكوى لله بس

بس للحين ودي بأورلاندو أحس انها حلوه كأول سفره لي لأمريكا وانا بدون خبره ولغتي الإنجليزيه وسط والرأي لكم

بالنسبه اخوي نايف لوفتانزا اعتقد انا طريقها الرياض فرانكفورت اورلاندو يعني مافرقت وبعدين فيه سؤال مهم كم السعر الشخص برحلة كروز اللي تمر المكسيك وكوبا وجزيرة الكيميان البريطانيه اوحاجة زي كذا وكم يوم تكفي 3 ايام حلو ..؟؟
وآسف ثقلت عليكم

الامريكان ما يدخلون كوبا ..

العلاقه االسياسيه بين امريكا وكوبا .. تقدر تقول منقطعة ...

اخذوا ولدكم معاكم وبدوووون تردد وانا ارجح فلوريدا مع اني مارحت امريكا وان شاء الله ناويين هالصيف

اجروا لكم فيلا صغنونة في منتجع حتى لو الوالدة الله يحفظها مالها خلق تطلع راح تستانس بالفيلا تقعد بالحديقة

احنا من صغرنا نربط امريكا بديزني لاند فالواحد حلو يشوف اول شي اهم واشهر شي بأمريكا وبعدها يغير السنين اليايه

فنصيحة توكل على الله وروح اورلاندو ولاحق على الولايات الثانية على الاقل تروح مرة ثانية وانت عارف بالضبط شنو تبي

لأنه الحين كل اللي قاعد تخططله انت مو شايفة ولا عارف طبيعة الدولة اللي رايح لها

فاول شي جرب وبعدين حدد ونظم رحلتك في المرة القادمة صح ،،

وانا اضن اغلب اللي بالمنتدى سوو جذي

بالتوفيق