الموضوع: دراسة اللغه في امريكافزعتكم يا اهل الخييير

السلام عليكم جميعا

اول شي اشكركم كل الشكر على المنتدي الاكثر من رائع والمفيد وجزاكم الله خيرا علىالاعضاء والمشرفين القائمين على المنتدي الرائع انا بصراحه اول مره ادش على قسم الدراسة وبصراحه انا عندي جم سؤال واتمنى من الاعضاء والمشرفين والخبراء المشاركه في موضوعي ولكم منى خالص الدعوات لي ولكم وللمسلمين اجمعين...

انا عندي قبول في جامعة ببريطانيا وبصراحه ناوي ادرس للغه والجامعه على حسابي الخاص ولكن انا زرت بريطانيا وامريكا ولكن بصراحه اعجبتني امريكا من كل النواحي وكنت في ولاية كليفورنيا في لوس انجلس وبصراحه اتمنى دراسة اللغه في امريكا لحبي لها ولكن دراسة الجامعه في بريطانيا لان عندي قبول لكن عندي اسأله واتمنى تجاوبوني عليها وماتقصرون معاى واكون شاكرلكم على مشاركتكم معاى....

1- ماهي افضل الولايات للدراسه من ناحية الحياة المعيشيه والسكن والسياحه في الويك اند...؟؟؟:bounce8:

2-ماهي افضل المعاهد من ناحيه الدراسة وارخصها سعرا لكن قوي فيها مستوي التعليم....؟؟؟:24:

3-هل تنصحوني ادرس اللغه في امريكا ولا بريطانيا مع العلم اني زرت بريطانيا سياحه وماعجبتني احس كئيبه مو مثل امريكا...؟؟:114:

وانشالله ناوي ادرس اللغه بعد رمضان اعاده الله علينا وعليكم بالخير والبركه.......:113:


واتمنى من كل الاعضاء والمشرفين الكرام المشاركه في موضوعي

مواضيع عشوائيه ممكن تكون تعجبك اخترناها لك:

• ساعدوني بلعامي الحقوا علي قبل اتوهق
• مساعده انا بروح ل بورمث شهر
• اسف على اعادة كتابة الموضوع مع انه انحذف امس
• تكفوون والله داخ راسي ومليت
• أرجو المساعدة و النصح
• طلب المساعدة للبحث عن منحة دراسية
• ارجو المساعدة ملبورن واصحاب الخبرة
• لخبراء مانشيستر دراسة اللغة
• ارجو المساعده
• موعد عن طريق موقع السفارة؟؟
• دراسة الطيران في أمريكا
• وصلت لمقر دراستي واي سؤال انا حاضر
• لئن شكرتم لأزيدنكم ولئن كفرتم إن عذابي لشديد
• التربية الخاصة
• دراسة لغه في لوس انجلوس ودراسة ماجستير قانون
• باركوووووووولي تم اعتماد قرار ابتعاثي
• ارجو المساعده بخصوص نماذج السفاره الامريكيه
• الوثائق المطلوبه عند القبول؟
• فزعتكم ابي ادرس لغه
• للمبتعثين فقط

اخوي الولايات اللي ودك ماتطلع منها هي كاليفورنيا - فلوريدا - نييورك - (الينويز شيكاغو ) رأي شخصي

طبعا كل هالولايات فيها جامعات قوية ومصنفه بالتوب 100 عالميا وتضم بعضها معاهد لغة تدرسك لغه اكاديمية صحيحه والباقي يكون عليك .. بالنسبة لقوة معاهد اللغة في امريكا فـ ثق تماماً ان افضل معاهد اللغة هي اللي تتبع الجامعات قولي ليش ؟ لان هالمعاهد مشاركة في مجالس وجمعيات امريكية لتقييم المعاهد وهالمجالس تعمل إمتحانات لاعضاء التدريس مرتين في السنه وتسوي ندوات ودورات ومؤتمرات كل فترة عن كيفية تطوير تلك المعاهد فا انصحك نصيحة لوجه الله تعالى انك لاتفكر تدرس لغة الا في معهد تابع لجامعه .. خلصنا من المعاهد نجي الحين للاسعار .. بالنسبة للاسعار تعتمد من معهد لمعهد بمعنى معهد جامعة بوسطن سعره اغلى من جامعة فلوريدا الحكومية ويختلف عن معهد جامعة كليفورنيا في لوس انجليس وهكذا .. فا انت حدد الجامعه اللي تبي تدرس فيها وراسل الجامعه وخذ منها قبول مشروط بإجتياز اللغة وربك يوفق

تحياتي

مشكوووووور ياخوي على هالنصيحه وكلامك على العين والراس بس ياخوي انا ماراح ادرس جامعه في امريكا انا ابي ادرس بس لغه والجامعه في بريطانيا لان عندي قبول فيها بس امريكا حبيتها لاني زرتها من قبل وحبيت ادرس اللغه بس ممكن تعطيني اسامي معاهد قويه واسعارها معقوله لاني تعبت وانا ادور والله محتار وماعرف وين اروح ابي معهد قوي في ولاية حلوه حق الدراسه والوناسه في الويك اند ويكون مستوي المعيشه معقووول ومشكووور مره ثاني على مشاركتك وانتظر منك ومن الاعضاء الكرام الرد على مشاركتي

والله مثل ماذكرتلك اخوي ان احسن المعاهد واللي انصحك فيها هي اللي تتبع الجامعات وبينتلك في ردي السابق عن سبب ترشيحي لتلك المعاهد .. ومثل ماقلتلك ان امريكا كبيرة وفيها مدن وجامعات كثيرة لو برشح لك بتعب من كثرها لان كل ولاية تضم مدن كثيرة وكل مدينة فيها كذا جامعه .. انت رشحلي الولاية المناسبة لك وانا اشوفلك

معهد Wesli يمدحونة هواية في ولاية اتصور اسمهة وينكسون اذا مو غلطان

هلا والله ياخوي ماقصرت ومشكووور على مشاركات في موضوعي بس بالنسبه للولايات والله ماني عارف اى ولايه اروحمع اني زرت لوس انجلوس بس بصراحه غاليه بشي خيالي بس بصراحه ابي ولايه حلوه وجها احلي وغير كئيبه لاني افكر دراسة لغه وبالويك اند سياحه يعني اسبوع دراسة وبالعطله طلعه خفيفه ويكوون والمعيشه رخيصه مع اني افكر اسكن عد عايله لاني مفكر اني راح ادر مدة 4 الى 6 شهووورر


وشاكر لكم تجاوبي معاكم وتقبلوا تحياتي

بالتوفيق للجميع

لو تقارن لندن بلوس انجليس الاولى اغلى بمراحل ولافي وجه مقارنه اساسا فا انا نصيحتي لك لاتشتت عمرك دام جايك قبول في بريطانيا ادرس اللعه بنفس الجامعه واختبر الايلس وتوكل على الله لان اذا على الملل وان بريطانيا ماعجبتك لاتنسا انك بتدرس فيها سنين فا استحمل على هالست شهور للغه ويمكن تحلى في عينك

هلا فيك ياخوي ومشكوووور على النصيحه بس ياخوي تعرف انا عاجبتني امريكا وبصراحه ودي ادرس على الاقل لغه فيها وانا ادري احسن ببريطانيا بس ياخوي غصب راح اتحمل ببريطانيا بس خاطري في امريكا على الاقل الشعب الامريكي تقدر تتكلم معاه لو ماتعرف لغه ويتحملك بس البريطاني العكس وهذي المعلومه من صديق يدرس في بريطانيا واهو يقولي ادرس لغه في امريكا احسن وانا ابي دراسه وسياحه في اخر شي من اللغه بس ممكن تعطيني اسامي معاهد زينه واسعارها معقوووله لان ميزانيتي محدوده ومفكر ادرس لغه واسكن عند عائله بس ابي معاهد قويه واسعارها مناسبه والولايه مو مشكله نحددها بعدين وشاكرلك ياخوي على مشاركتك الحلوه وانتظر منك ومن الاعضاء الكرام الردود

تحياتي لكم وبالتوفيق للجميع انشالله

هلا اخوي .. والله المعاهد اللي اعرفها مب رخيصة يعني تقريبا لمدة 6 شهور تاخذ عليك سكن نفترض 650 دولار سواء روميت او عايلة ومصاريف معهد يمكن ماتقل عن 18 الف دولار الى 20 الف دولار حسب المدينه وهذي بعضها ..

http://www.americanlanguage.org/

هذا ويب سايت معهد اللغة في جامعة سان دييغو الحكومية والمعهد يوفرلك عائلة بس المدينه غالية بعض الشيء

http://www.eli.usf.edu/

وهذا معهد جامعة جنوب فلوريدا في تامبا وحلوه المدينه والمعهد قوي لكن مليان سعوديين بس قوي والمدينه صعب تلقا عوائل تسكن معاها

http://cies.fsu.edu/

وهذا معهد جامعة فلوردا الحكومية في مدينة تالاهاسي هذي عاصمة فلوريدا والمعهد مايوفرلك عوائل لان قليل ماتحصل فالافضل تسكن مع امريكان

http://www.uic.edu/depts/tie/

هذا معهد جامعة الينوي في مدينة شيكاغو هذا درست فيه معهد قوي ومن خلاله الحمدلله جبت 600 في التوفل الف حمد وشكر لك يارب وطبعا في سكن في مدينة شيكاغو بس تلقا في الضواحي يعني بعيد شوي عنها بالقطار 20 الى 25 دقيقة واسعار العوائل تتراوح من 800 الى 1000 دولار وصراحه انا هالمدينة احبها على كثر مايقولون عنها بس عيبها انها بردها موت فالشتا ..

هذي اخوي بعض الجامعات اللي اعرف عنها سواء درست او اعرف ناس شخصيا درسو فيها والله يوفقك

يامرحبا فيك ياخوي وصبحك الله بالخير انت والاعضاء والله يبيض وجهك ويفتحها عليك وين مارحت انت ولجميع اعضاء ومشرفين اللى بالمنتدي وبصراحه حلوه اماكن هالمعاهد بس اللى بسان دييغو انا قعدت اسبوع فيها بصراحه جوها احس غير عن لوس انجليس مع اني قعدت شهرين في لوس انجليس زياره بس ياخوي عندي سؤال بسيط............لو سمحتلي...؟؟؟؟؟

1- تتوقع جم تكلفة الدراسة المعاهد اللى ذكرتهم مع السكن المصروف كل واحد وصرفه مو مشكله ابي دراسة وسكن الله يخليك.....؟؟؟؟

2- تتوقع احصل معاهد مستواها زين في نفس المناطق اللى ذكرتها وسعرها ارخص.......؟؟؟؟

3-لاحظت ان المعاهد اللى ذكرتهم كلها تابعه للجامعه يعني معناتها افضل من المعاهد المنفصله.....؟؟؟

4- بس غريبه ماذكرت اى معهد من ولايه كولورادو او ولايه اورينقن مع انها يقولووون رخيصه بس الاهم عندي المعهد....؟؟؟؟

ومشكووووووووووورررر اخوي على التجاوب معاى لو عندي جان حبيت خشمك.هاهاهاهاها

مع تحياتي لكم بالتوفيق للجميع

مشكور على الكلام الطيب ياخوي الكريم .. بالنسبة للمعهد ومصروفة لوناخذ مثال معهد جامعة ساندييغو الحكومية الفل تايم يعني سمستر كامل يطلع عليك 5210 دولار يعني في الشهر 1100 دولار سعره انا اشوفه حلو واغلب المعاهد نفس سعره .. بالنسبة للسكن ساندييغو وشيكاغو تلقا سكن عوائل يتراوح سعرهم من 675 في ساندييغو وشيكاغو من 800 الى 1000 , بالنسبة للمصروف والله ياخوي يعتمد عليك شبتصرف , والمعاهد انا قايلك من قبل بس الظاهر مانتبهت معاي اني ارشحلك المعاهد التابعة للجامعات لانها قويه اما المنفصلة صراحه مادرست الا في واحد وهو els وماعجبني واغلب الناس يذمون فيه وسعره اغلى من معاهد الجامعات بشوي .. وليش ماذكرت معاهد كلورادو واورغن انا قلتلك ان المعاهد اللي حطيتلك مواقعها درست في واحد منها وهو معهد جامعة الينوي والباقي عندي ربع درسو فيها اما كلورداو والله ماعرف حد فيها يمكن الاخوان يفيدونك اكثر عن كلورادو واورغن وباقي الولايات لان ماعندي خبر عنها ولازرتها وشكرا

مشكوووووووووورررر ياخوي والله انك ماقصرت معاى وبيض الله وجهك وين مارحت انت واللى يقروون مشاركاتي بالنسبه لولايه فلوريدا شنو ترشح تامبا ولا تالاهاسي من ناحية الجو والسكن والحياه المعيشيه يعني شنو المنطقه اللى برايك احسن فيهم لاني مااحب مناطق كئيبه واحب الجو البارد بس مو درجة الصقيع

معلوماتي بسيطه لاني ماعشت فيها .. تامبا تقع في الجنوب وجوها مثل دبي بس مافيها شمس قوية في الصيف لكن الرطوبة عالية وصراحة هي مدينة سياحية على البحر يعني بتستانس اما تالاهاسي هذي عاصمة الولاية في الشمال الغربي جوها ابرد شوي من تامبا لكن المدينه مب سياحية واللي يحبون الوناسه مايقربون صوبها لانها مثل ماقلتلك العاصمه ومافيها سياحه وجامعتها قبولها صعب فا نسبة الطلاب قليلة نوعا ما .. عموما المدينتين رخاص حسب ماقالولي الربع ومافيهم عوائل تسكن معاهم فيه سلمك الله روميت تسكن مع امريكي انت غرفة وهو غرفة وتتشاركون في المطبخ والصاله والاجار رخيص يعني ان كثر كثر تدفع 600 مع الكهرب والستالايت في الشهر