الموضوع: ابي مساعدتكم ؟؟؟

السلام عليكم ..

شخباركم ...

انا حابه اسافر لدولة الكويت واول مرة اسافر لها
ياليت تقولون لي وش افضل الاماكن الموجوده فيهااااا ....
من المولات ... المطاعم ... الشقق ...
اي شيء تعرفونه ياليتكم تزودوني فيه
بحاجه اعرف كل شيء عن دولة الكويت

وبكون شاكره لكم

مواضيع عشوائيه ممكن تكون تعجبك اخترناها لك:

• مساء الخير ياكويت شاهدوو الصور
• استفسار بخصوص فندق ريتز الشرق
• وصف بعض الاماكن
• كم سؤال محتاجين إجابة فزعتكم
• تاريخ جم سيقام معرض ديفا ؟؟
• افضل منفذ لدخول الكويت
• فى الكويت اليوم
• طلب المساعده والافادع عن الافضل
• ممكن تواريج اجازة الربيع واليوم الوطني هل يصادف شهري محرم وصفر
• تكفون يااااااااااابنات الكويت ممكن؟
• من جرب القروبات السياحيه يتفظل
• تشليح الكويت
• مطعم بيانو بيانو
• سؤال للي جرب طيران الجزيرة
• احبائي ابى فزعتكم نازل الكويت الاسبوع القادم
• الفزعه يا اخوووان رايحين للكويت
• بغيت مساعدتكم لا هنتوا
• انتبهوا من حجز وفندق
• استفسار يا أهل الكويت
• زائر من السعودية

لو تشوفين توقيعي ( رحلتي الي الكويت ) راح تعرفين كل شيئ عن الكويت من وجهت نظر violetq8
من مولات و اسواق شعبية و مطاعم و مواقعهم

تسلم اخوي ماقصرت

يعطيك العافيه والله ماقصرت
تسلم اخوووي على المساعدة

اخوووي يعطيك العافيه خوش معلومات والله

ماشاء الله كفيت ووفيت وكل النقص سديت

ماقصرت اخوي..
اذا ما عليك امر ابغى غرفتين ..طبعا مع الصاله
كم بتطلع علي (مستوى متوسط)
وشكرااا

اختي حددي انتي وش الاجواء اللي تبينها هاديئه او صخب شوي عند الاسواق او على البحر عشان نقدر نساعدك انشالله بالتوفيق

اهلا فيج أختي في ديرتج الثانيه الكويت.والخوات والاخوان ماقصرو كفوو ووفو.
بس أنا أبي أقول لج عن المولات من وجهة نظري.
من أفضل المولات الي انصحك بزيارتها هي:
1.محمع الأفنيوز: لان فيه أغلب الماركات العالميه ويعتبر أكبر مجمع بالكويت
2.مجمع 360: حلو وفيه محلات حلوه وماركات عالميه
3. مجمع الأوقاف: كل المحلات فيه هي من محلات الدراريع(الجلابيات) وفي المسلسلات الكويتيه أغلب الفنانات تلبس منهم
4. سوق شرق: حلو وقعدته حلوه عالبحر ومحلاته أسعارها معقووله
5.المرينا مول: فيه مطاعم عالبحر واايد حلوه وممتعه وأنصحك بزيارته

وحياج الله

ماقصرتوا على الرد السريع....
بالنسبة للمكان ياريت يكون هادء وقريب عند كل شي.. انا انصحوني ب بنيد القار يقولون قريبه وكل شي قريب عندها..
حبيت استفسر كمان .. هلايام اختبارات عندكم والا لا؟؟.... وهل فيه مسارح؟...مشكورييين على رحابت صدركم لأسئلتي..

هالايام اختبارات لغاية 23 او 24-6
و مافيه مسارح !


المولات اللي تستحق الزياره :
الافينيوز
مول 360
سوق شرق
مارينا مول
^
كلهم فيهم سينما


اماكن ثانيه
ابراج الكويت
المركز العلمي


المطاعم
سنيور ساسي"ايطالي" - شارع الخليج العربي جنب ابراج الكويت + مول 360
لينوتر"فرنسي" - الافينيوز - شارع الخليج العربي
نينو"ايطالي" - الافينيوز - شارع الخليج العربي
ميس الغانم"لبناني" - شارع الخليج العربي
فريج صويلح"كويتي" - السالميه شارع سالم المبارك جنب ماكس و ماركس سبنسر
تشوكليت بار"حلويات" - الافينيوز و مارينا كريسنت