اولا السلام عليكم ورحمة الله وبركاته مواقف السفر كثيرة جدا منها المضحك ومنها المبكي
وكما يعلم اهل الخبره في منتدانا الرائع ان احلى حكاوي السفر مع الناس اللي يسافرون لأول مرة ويحليهم
اولهم انا :101: موقفي كان عام 1416 كانت اول سفره لي بعد ماتخرجت من الثانويه العامه قدمت على
الجامعه وانقبلت في قسم اللغه الانجليزيه واخوكم متحممممممس بقووووة :11ight:
المهم كانت عندي امنيه وانا صغير مرررة اني اسافر امريكا لو افر فيها فرة متأثر بالافلام :11_horror على بالي رامبو يستقبلني بالمطار ومعه ارنولد برشاشه وجايبين معهم هولك هوقن دليلتهم في مطار جون كنيدي بنيويورك المهم
كانت رحلتي من مطار جده الساعه 7 المغرب الى مطار الرياض وموعد اقلاع الرحلة الساعه 12 من الرياض الى نيويورك ومن الفجر يوم السفر وانا عيوني تقول لمبه كوع مووووولعه واتشرى من اسواق جده ملابس اكتشفت بعد سنتين ان اغلبها شتويه مع ان السفر كان في اغسطس من عرض الملابس كان فيه حاجه اشتريتها لااعرف فيها الا اسمها وهي بيت القصيد في هذه القصه الا وهي (الكرفته)واويلي منها تخيلو يالربع كل ملابسي رسميه وتحتوي على كرفتات واللي يشوفني يقول موظف رسيبشن لبناني ماتاخذ مع الكرفته 5 ثواني الا وهو رابطها ربط حريف يوم جات الساعه 3 العصر لبست ملابسي وابغى اتوجه للمطار واكتشفت ان الكرفته ماهي سهلة الربط ورطت :110: وش اسوي ياناس واحد يجي يربطلي الكرفته رحت لهندي في البقاله تحت البيت قالي مافيه معلوم قلت الشرهه علي اللي ادور عندك علوم الاتكيت يابو هنود المهم فعلا ورطه .......ياربي و ش اسوي :114: خطرت في بالي فكرة :15:
قلت مافيه الا اني اروح اتسرمد في شارع حراء وادور محل فخم من المحلات اللي يشتغلون فيها المصاريه الكشخات وفعلا لقيت محل قزاز فاتح اللي بشارع حراء ونزلت وغصبا عني اشتريت اغراض يعنني جاي اشتري ويوم سويت نفسي امون على المصري قلت له بالله ممكن خدمه قالي تفضل سعادتك قلت ابغاك تربطلي الكرفته لاني مسافر بعد ساعه لامريكا قالي مسافر امريكا ومابتعرفش تربط الكرفته ؟؟؟؟؟ انا تحطمت وابتسمت ابتسامة خجل والرجال رحمني وجلس يخنق يخنق فيني الا ان ربطلي الكرفته والحمدلله
على بالي انتهت السالفه وانحلت لكن مادريت ان الجاي اصعب تخيلو يالربع من الساعه 4 العصر الى الساعه 12 في الليل يوم وصلت الرياض وراسي يبغى ينفجر!!!!! مانمت لي يوم كامل والكرفته مربوطه بقوة وخايف انزلها والا احلها شوي تخرب وانا اصلا متورط فيها لانها كل شوي وهي تلف يسار وارجعها
ياويلي ويلاه والله الورطه يوم ركبت الطياره والا الناس اغلبهم ملابسهم صيفيه نظرا للحر اللي هم فيه لكن انا مشتي وبعضهم بالطياره لابسين ثياب نوم لانهم عارفين ان الرحله طويله جدا واخوكم متحيزم بكرفتته يوم شفت ماشفت والناس تناظرني والعبايات بدأت تتطاير كما تتطاير الالعاب الناريه قلت ياولد خربها وفصخ مثلهم وربك سميع الدعاء وفعلا فصخت الجكيت وفتحت الكرفته مسوي نفسي طفشان اثر اللي وراي يضحكون علي ومدري وش السالفه رحت باخر الطياره اسمع الضحك هناك اثرهم عرابجه يدخنون ووقتها مامنع التدخين في الرحلات الدوليه وخربتها معهم قالي واحد منهم اخوي انت من وين جاي قلت من السعوديه ضحكو كلهم لان كلنا من السعوديه قلت ليش خير قالي الماركه ورا ملصقه على البلوزه شيلها لاتفضحنا يلعن ام الفشيله شلتها وحسيت وقتها ان مالي داعي اسافر ولو ينزلوني عادي انزل
طولت عليكم مرررة اسف وان شاء الله المرة الجايه تعرفون وش سويت في تكساس ووش الموقف اللي صارلي يبكي وكيف اصبحت اكبر حريف في ربط الكرفته بالصور باي
dreamمواضيع عشوائيه ممكن تكون تعجبك اخترناها لك:
- التحقق من المطلوبات يوم المقابلة رجاءً
- سؤال رقم
- السفر قررررب ومحتاجين نصائحكم
- استفسارات لاوتيلات امنه للسكن نخاف من الخوف
- افضل الطرق لحجز الطيران والسياره بكلفورنيا
- ماهو الافضل حمل الكاش خلال الرحلة او ؟
- كيف أقدر اتوصل لهالفندق
- زيارة اورلاندو ونيويورك
- هالمره صج يبيلها خبراء للرد مستعدين للفزعه
- أستفسار من أهل الخبرة
- الله يجزاه خير اللي يجاوبني
- استفسار بخصوص قرب انتهاء الفيزا
- استلام شهادة الميلاد الامريكية
- من عنده خبره يفيدني
- انهيت المقابله قبل يوم والي الان؟؟؟؟؟
- السفر لمدة شهر لأمريكا كاليفورنيافيقاساورلاندونيويورك
- موقع لحجز شقق مفروشه
- س سؤال
- الى المحاربين القدامى في هيوستن تعالوا شوي
- الى خبراء الولايات المتحده
رد مع اقتباس
المهم جلست في نيويورك ساعات قليله ماطولت ومن عندي على مطار واشنطن دي سي في مطار واشنطن دي سي جلست ثلاث ساعات وانا منبهر بالناس طوااااال وشقر (اول سفره طبعا )وانا اتدربى بملابسي اللي لاتبت للذوق بصله ومعي شنطه كبيرة تقول محملها رصاص وجوازي بجيبي وكل ماشفت ناس تناظرني احس انهم يقولون ياحضك انت بأمريكا شوي واقعد اطامر لهم اقول لاداعي لاداعي لاداعي :8888: من مطار واشنطن كانت رحلتي على مطار اتلانتا والمده تقريبا ساعتين عشان اركب طياره من مطار اتلانتا على مطار سان انتونيو في مدينه تكساس تخيول يالربع اني الى الان صاحي مانمت علمي بالنوم بجده قبل السفر ب18 ساعه يعني احسبها تطلع 38 ساعه بالتمام وانا مواصل بس المفاجأه اني ماكنت تعبان لاني وين في (امريكا)واول سفره طبعا .
المفضلات