المشاركة الأصلية كتبت بواسطة مسافره مسافره
http://www.arabtravelersforum.com/tr...5/#post3725153
اول شي احب اشكر كل اللي بالمنتدى الرائع على الجهود الرائعه فشكراً لكم
انا جايه وشاده الظهر فيكم
مسافرين لدبي في اسبوع الاجازه لمدة 4 أو 5 ايام ومهمتي اختار الاماكن السياحيه وترتيب جدول يناسب ال4 ايام حنا 3 انا وزوجي وطفل
اتمنى تفيدوني فين افضل الاماكن اللي تناسب وضعنا
احنا باخر مره زرنا دبي رحنا سيتي سنتر امارات مول ابن بطوطه تايم اسكوير
اتمنى تسعفوني بخطه مرتبه عشان ابهر زوجي فيها
طبعاً اختيار الفنادق عليه والارجح راح ناخذ شقه مفروشه واتمنى تفيدوني بشقق نظيفه وحلوه وسعرها حلو مو شرط تكون 5نجوم لأنه راح تكون محطه راحه فقط بس النظافه مهمه مهمه مهمه وما يكون فيها ديسكو
وشكراً
اولا : بالنسبة للسكن
منطقة البرشاء والقريبه من الامارات مول
كلها شقق فندقية نظيقة ومحترمه وراقية
وبما انك معكم طفل انصحك بشقق فندقية احسن
وارشح لك روز قاردن للشقق الفندقية نظيفة وراقية
ثانيا : الجدول
اختي مو مهم تنسيق الجدول او برنامج قبل السفر
لان ما تدرين عن الظروف وقت وصلكم
لكن الجدول اليومي يتم تنسيقه ببداية اليوم
عشان ما يصير عندكم فراغ او وقت فاضي
عندك مثلا
الامارات مول
المطاعم +سكاي دبي
دبــي مــول
اعتقد يبغي له يومين زيارة لانه فيه اماكن كثيرة مثل:
1- مدنية كيدزانيا واهي مخصص للاطفال وهذه يبغي لها يوم كامل
وهذه تقرير يتكلم عنها
http://www.arabtravelersforum.com/travel346736/
2- الاكواريم + حديقة الكائنات البحرية
3- بــرج خليفة والصعود الي قمة البرج
وهذا يطلب حجز تذاكر من موقع البرج علي الانتر نت
4- النافورة الراقصة
طبعا غير المطاعم والكوفيات والتسوق بدبي مول
ابن بطوطه مول
بجانب بوابة مصر منطاد مسلي صعووده
الممشي او The Walk
فيه مطاعم و كوفيات وجلسات خارجية
سوق الجميرا
تسوق + مطاعم + ركوب قارب والتجول في الممر المائي
فيستفال ستي مول
وفيه مطاعم وجلسات اروبية خارجية علي البحيرة
فندق اتلانتس
زيارة الي اكواريوم فندق اتسلانتس
زيارة الي السوق الصيني
اذا انتم من عشاق المنتجات الصينية
الاسواق الشعبية
سوق نايف
سوق عكاظ
سوق المنال
حديقة الخور
لركوب التلفريك
+
عرض الدولافين
برجمان مول
حمر عين مول
ستي سنتر مول
فيه اماكن سياحة لم تذكر
واعتقد ما يستاهل االمشوار لهم
هذه الاماكن والجدول
تم تنسيقه ببداية اليوم
اول مشوار وين وبعدها الثاني وبعدها الثالث
ونفس الشي اليوم الثاني واليوم الثالث
ويصير عندك جدول مكتمل
وانصحك بزيارة هذه الصفحة
فيها معلومات راح تستفدون منها
http://www.arabtravelersforum.com/travel279407/
بالتوفيق إن شالله لسفرتكم
المفضلات